শ্রীমদ্বাল্মীকীয় রামাযণে অয়োধ্য়াকাংডম্ ।
অথ ষট্সপ্ততিতমস্সর্গঃ ।
তমেবং শোকসংতপ্তং ভরতং কৈকয়ী সুতম্ ।
উবাচ বদতাং শ্রেষ্ঠো বসিষ্ঠ শ্শ্রেষ্ঠবাগৃষিঃ ॥ 1 ॥
অলং শোকেন ভদ্রং তে রাজপুত্র মহাযশঃ ।
প্রাপ্তকালং নরপতেঃ কুরু সংয়ানমুত্তমম্ ॥ 2 ॥
বসিষ্ঠস্য় বচ শ্শৃত্বা ভরতো ধারণাং গতঃ ।
প্রেতকার্য়াণি সর্বাণি কারয়ামাস ধর্মবিত্ ॥ 3 ॥
উদ্ধৃতং তৈলসংরোধাত্সতু ভূমৌ নিবেশিতম্ ।
আপীতবর্ণবদনং প্রসুপ্তমিব ভূমিপম্ ॥ 4 ॥
সংবেশ্য় শযনে চাগ্য়্রে নানারত্নপরিষ্কৃতে ।
ততো দশরথং পুত্রো বিললাপ সুদুঃখিতঃ ॥ 5 ॥
কিং তে ব্যবসিতং রাজন্ প্রোষিতে ময়্যনাগতে ।
বিবাস্য় রামং ধর্মজ্ঞং লক্ষ্মণং চ মহাবলম্ ॥ 6 ॥
ক্ব যাস্যসি মহারাজ হিত্বেমং দুঃখিতং জনম্ ।
হীনং পুরুষসিংহেন রামেণাক্লিষ্টকর্মণা ॥ 7 ॥
যোগক্ষেমং তু তে রাজন্ কোঽস্মিন্কল্পয়িতা পুরে ত্বয়ি প্রয়াতে স্বস্তাত রামে চ বনমাশ্রিতে ॥ 8 ॥
বিধবা পৃথিবী রাজন্ স্ত্বয়া হীনা ন রাজতে ।
হীনচংদ্রেব রজনী নগরী প্রতিভাতি মা ॥ 9 ॥
এবং বিলপমানং তং ভরতং দীনমানসম্ ।
অব্রবীদ্বচনং ভূয়ো বসিষ্ঠস্তু মহামুনিঃ ॥ 10 ॥
প্রেতকার্য়াণি যান্যস্য় কর্তব্য়ানি বিশাং পতেঃ ।
তান্যব্যগ্রং মহাবাহো ক্রিয়াংতামবিচারিতম্ ॥ 11 ॥
তথেতি ভরতো বাক্য়ং বসিষ্ঠস্য়াভিপূজ্য় তত্ ।
ঋত্বিক্পুরোহিতাচার্য়ান্ স্ত্বরয়ামাস সর্বশঃ ॥ 12 ॥
যে ত্বগ্নয়ো নরেংদ্রেস্য় চাগ্ন্যগারাদ্বহিষ্কৃতাঃ ।
ঋত্বিগ্ভির্য়াজকৈশ্চৈব তে আহ্রিয়ংত যথাবিধি ॥ 13 ॥
শিবিকায়ামথাঽরোপ্য় রাজানং গতচেতসম্ ।
বাষ্পকংঠা বিমনসস্তমূহুঃ পরিচারকাঃ ॥ 14 ॥
হিরণ্য়ং চ সুবর্ণং চ বাসাংসি বিবিধানি চ ।
প্রকিরংতো জনা মার্গং নৃপতেরগ্রতো যয়ুঃ ॥ 15 ॥
চংদনাগরুনির্য়াসান্ সরলং পদ্মকং তথা ।
দেবদারূণি চাহৃত্য় ক্ষেপয়ংতি তথাপরে ॥ 16 ॥
গংধানুচ্চাবচাংশ্চান্য়াং স্তত্র গত্বাথ ভূমিপম্ ।
তত্র সংবেশয়ামাসুশ্চিতামধ্য়ে তমৃত্বিজঃ ॥ 17 ॥
তদা হুতাশনং হুত্বা জেপুস্তস্য় তদৃত্বিজঃ ।
জগুশ্চ তে যথাশাস্ত্র তত্র সামানি সামগাঃ ॥ 18 ॥
শিবিকাভিশ্চ যানৈশ্চ যথার্হং তস্য় যোষিতঃ ।
নগরা ন্নির্যয়ুস্তত্র বৃদ্ধৈঃ পরিবৃতা স্তদা ॥ 19 ॥
প্রসব্য়ং চাপি তং চকুঃ ঋত্বিজোঽগ্নিচিতং নৃপম্ ।
স্ত্রিযশ্চ শোকসংতপ্তাঃ কৌসল্য়াপ্রমুখাস্তদা ॥ 20 ॥
ক্রৌংচীনামিব নারীণাং নিনাদস্তত্র শুশ্রুবে ।
আর্তানাং করুণং কালে ক্রোশংতীনাং সহস্রশঃ ॥ 21 ॥
ততো রুদংত্য়ো বিবশাবিলপ্য় চ পুনঃ পুনঃ ।
যানেভ্যস্সরয়ূতীরমবতেরুর্বরাংগনাঃ ॥ 22 ॥
কৃত্বোদকং তে ভরতেন সার্ধং নৃপাংগনা মংত্রিপুরোহিতা শ্চ ।
পুরংপ্রবিশ্য়াশ্রুপরীতনেত্রাঃ ভূমৌ দশাহং ব্যনয়ংত দুঃখম্ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ষট্সপ্ততিতমস্সর্গঃ ॥
