শ্রীমদ্বাল্মীকীয় রামাযণে কিষ্কিংধাকাংডম্ ।
অথ তৃতীযস্সর্গঃ ।
বচো বিজ্ঞায় হনুমান্ সুগ্রীবস্য় মহাত্মনঃ ।
পর্বতাদৃশ্যমূকাত্তু পুপ্লুবে যত্র রাঘবৌ ॥ 1 ॥
কপিরূপং পরিত্যজ্য় হনুমান্মারুতাত্মজঃ ।
ভিক্ষুরূপং ততো ভেজে শঠবুদ্ধিতয়া কপিঃ ॥ 2 ॥
ততস্স হনুমান্বাচা শ্লক্ষ্ণয়া সুমনোজ্ঞয়া ।
বিনীতবদুপাগম্য় রাঘবৌ প্রণিপত্য় চ ॥ 3 ॥
আবভাষে তদা বীরৌ যথাবত্প্রশশংস চ ।
সংপূজ্য় বিধিবদ্বীরৌ হনুমান্মারুতাত্মজঃ ।
উবাচ কামতো বাক্য়ং মৃদু সত্যপরাক্রমৌ ॥ 4 ॥
রাজর্ষিদেবপ্রতিমৌ তাপসৌ সংশিতব্রতৌ ।
দেশং কথমিমং প্রাপ্তৌ ভবংতৌ বরবর্ণিনৌ ॥ 5 ॥
ত্রাসয়ংতৌ মৃগগণানন্য়াংশ্চ বনচারিণঃ ॥ 6 ॥
পংপাতীররুহান্বৃক্ষান্ বীক্ষমাণৌ সমংততঃ ।
ইমাং নদীং শুভজলাং শোভয়ংতৌ তপস্বিনৌ ॥ 7 ॥
ধৈর্যবংতৌ সুবর্ণাভৌ কৌ যুবাং চীরবাসসৌ ।
নিঃশ্বসংতৌ বরভুজৌ পীডয়ংতাবিমাঃ প্রজাঃ ॥ 8 ॥
সিংহবিপ্রেক্ষিতৌ বীরৌ মহাবলবিক্রমৌ ।
শক্রচাপনিভে চাপে গৃহীত্বা শত্রুসূদনৌ ॥ 9 ॥
শ্রীমংতৌ রূপসংপন্নৌ বৃষভশ্রেষ্ঠবিক্রমৌ ।
হস্তিহস্তোপমভুজৌ দ্য়ুতিমংতৌ নরর্ষভৌ ॥ 10 ॥
প্রভয়া পর্বতেংদ্রোঽয়ং যুবয়োরবভাসিতঃ ।
রাজ্য়ার্হাবমরপ্রখ্য়ৌ কথং দেশমিহাগতৌ ॥ 11 ॥
পদ্মপত্রেক্ষণৌ বীরৌ জটামংডলধারিণৌ ।
অন্য়োন্যসদৃশৌ বীরৌ দেবলোকাদিবাগতৌ ॥ 12 ॥
যদৃচ্ছয়েব সংপ্রাপ্তৌ চংদ্রসূর্য়ৌ বসুংধরাম্ ।
বিশালবক্ষসৌ বীরৌ মানুষৌ দেবরূপিণৌ ॥ 13 ॥
সিংহস্কংধৌ মহোত্সাহৌ সমদাবিব গোবৃষৌ ।
আযতাশ্চ সুবৃত্তাশ্চ বাহবঃ পরিঘোপমাঃ ।
সর্বভূষণভূষার্হাঃ কিমর্থং ন বিভূষিতাঃ ॥ 14 ॥
উভৌ যোগ্য়াবহং মন্য়ে রক্ষিতুং পৃথিবীমিমাম্ ।
সসাগরবনাং কৃত্স্নাং বিংধ্যমেরুবিভূষিতাম্ ॥ 15 ॥
ইমে চ ধনুষী চিত্রে শ্লষ্ণে চিত্রানুলেপনে ।
প্রকাশেতে যথেংদ্রস্য় বজ্রে হেমবিভূষিতে ॥ 16 ॥
সংপূর্ণা নিশিতৈর্বাণৈ স্তূণাশ্চ শুভদর্শনাঃ ॥ 17 ॥
জীবিতাংতকরৈর্ঘোরৈ শ্শ্বসদ্ভিরিব পন্নগৈঃ ।
মহাপ্রমাণৌ বিস্তীর্ণৌ তপ্তহাটকভূষিতৌ ॥ 18 ॥
খডগাবেতৌ বিরাজেতে নির্মুক্তাবিবপন্নগৌ ।
এবং মাং পরিভাষংতং কস্মাদ্বৈ নাভিভাষথঃ ॥ 19 ॥
সুগ্রীবো নাম ধর্মাত্মা কশ্চিদ্বানরয়ূথপঃ ।
বীরো বিনিকৃতো ভ্রাত্রা জগদ্ভ্রমতি দুঃখিতঃ ॥ 20 ॥
প্রাপ্তোঽহং প্রেষিতস্তেন সুগ্রীবেণ মহাত্মনা ।
রাজ্ঞা বানরমুখ্য়ানাং হনুমান্নাম বানরঃ ॥ 21 ॥
যুবাভ্য়াং সহ ধর্মাত্মা সুগ্রীবস্সখ্যমিচ্ছতি ।
তস্য় মাং সচিবং বিত্তং বানরং পবনাত্মজম্ ॥ 22 ॥
ভিক্ষুরূপপ্রতিচ্ছন্নং সুগ্রীবপ্রিযকাম্যয়া ।
ঋষ্যমূকাদিহ প্রাপ্তং কামগং কামরূপিণম্ ॥ 23 ॥
এবমুক্ত্বা তু হনুমাংস্তৌ বীরৌ রামলক্ষ্মণৌ ।
বাক্যজ্ঞৌ বাক্যকুশলঃ পুনর্নোবাচ কিংচন ॥ 24 ॥
এতচ্ছ্রুত্বা বচংতস্য় রামো লক্ষ্মণমব্রবীত্ ।
প্রহৃষ্টবদনশ্শ্রীমান্ভ্রাতরং পার্শ্বতঃ স্থিতম্ ॥ 25 ॥
সচিবোঽয়ং কপীংদ্রস্য় সুগ্রীবস্য় মহাত্মনঃ ।
তমেব কাংক্ষমাণস্য় মমাংতিকমুপাগতঃ ॥ 26 ॥
তমভ্যভাষ সৌমিত্রে সুগ্রীবসচিবং কপিম্ ।
বাক্যজ্ঞং মধুরৈর্বাক্য়ৈস্স্নেহয়ুক্তমরিংদম ॥ 27 ॥
নানৃগ্বেদবিনীতস্য় নাযজুর্বেদ্ধারিণঃ ।
নাসামবেদবিদুষশ্শক্যমেবং বিভাষিতুম্ ॥ 28 ॥
নূনং ব্য়াকরণং কৃত্স্নমনেন বহুধা শ্রুতম্ ।
বহু ব্য়াহরতাঽনেন ন কিংচিদপশব্দিতম্ ॥ 29 ॥
ন মুখে নেত্রয়োর্বাপি ললাটে চ ভ্রুবোস্তথা ।
অন্য়েষ্বপি চ গাত্রেষু দোষস্সংবিদিতঃ ক্বচিত্ ॥ 30 ॥
অবিস্তরমসংদিগ্ধমবিলংবিতমদ্রুতম্ ।
উরস্থং কংঠগং বাক্য়ং বর্ততে মধ্যমে স্বরে ॥ 31 ॥
সংস্কারক্রমসংপন্নামদ্রুতামবিলংবিতাম্ ।
উচ্চারযতি কল্য়াণীং বাচং হৃদযহারিণীম্ ॥ 32 ॥
অনয়া চিত্রয়া বাচা ত্রিস্থানব্য়ংজনস্থয়া ।
কস্য় নারাধ্যতে চিত্তমুদ্যতাসেররেরপি ॥ 33 ॥
এবং বিধো যস্য় দূতো ন ভবেত্পার্থিবস্য় তু ।
সিদ্ধ্য়ংতি হি কথং তস্য় কার্য়াণাং গতিয়োঽনঘ ॥ 34 ॥
এবং গুণগণৈর্য়ুক্তা যস্য় স্য়ুঃ কার্যসাধকাঃ ।
তস্য় সিধ্য়ংতি সর্বাঽর্থা দূতবাক্যপ্রচোদিতাঃ ॥ 35 ॥
এবমুক্তস্তু সৌমিত্রিস্সুগ্রীবসচিবং কপিম্ ।
অভ্যভাষত বাক্যজ্ঞো বাক্যজ্ঞং পবনাত্মজম্ ॥ 36 ॥
বিদিতৌ নৌ গুণা বিদ্বংত্সুগ্রীবস্য় মহাত্মনঃ ।
তমেব চাঽবাং মার্গাবস্সুগ্রীবং প্লবগেশ্বরম্ ॥ 37 ॥
যথা ব্রবীষি হনুমান্সুগ্রীববচনাদিহ ।
তত্তথা হি করিষ্য়াবো বচনাত্তব সত্তম ॥ 38 ॥
তত্তস্য় বাক্য়ং নিপুণং নিশম্য় প্রহৃষ্টরূপঃ পবনাত্মজঃ কপিঃ ।
মনস্সমাধায় জয়োপপত্তৌ সখ্য়ং তদা কর্তুমিয়েষ তাভ্য়াম্ ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে তৃতীযস্সর্গঃ ॥
