ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்ருதீயஸ்ஸர்க:³ ।
வசோ விஜ்ஞாய ஹனுமான் ஸுக்³ரீவஸ்ய மஹாத்மன: ।
பர்வதாத்³ருஶ்யமூகாத்து புப்லுவே யத்ர ராக⁴வௌ ॥ 1 ॥
கபிரூபம் பரித்யஜ்ய ஹனுமான்மாருதாத்மஜ: ।
பி⁴க்ஷுரூபம் ததோ பே⁴ஜே ஶட²பு³த்³தி⁴தயா கபி: ॥ 2 ॥
ததஸ்ஸ ஹனுமான்வாசா ஶ்லக்ஷ்ணயா ஸுமனோஜ்ஞயா ।
வினீதவது³பாக³ம்ய ராக⁴வௌ ப்ரணிபத்ய ச ॥ 3 ॥
ஆப³பா⁴ஷே ததா³ வீரௌ யதா²வத்ப்ரஶஶம்ஸ ச ।
ஸம்பூஜ்ய விதி⁴வத்³வீரௌ ஹனுமான்மாருதாத்மஜ: ।
உவாச காமதோ வாக்யம் ம்ருது³ ஸத்யபராக்ரமௌ ॥ 4 ॥
ராஜர்ஷிதே³வப்ரதிமௌ தாபஸௌ ஸம்ஶிதவ்ரதௌ ।
தே³ஶம் கத²மிமம் ப்ராப்தௌ ப⁴வந்தௌ வரவர்ணினௌ ॥ 5 ॥
த்ராஸயந்தௌ ம்ருக³க³ணானந்யாம்ஶ்ச வனசாரிண: ॥ 6 ॥
பம்பாதீரருஹான்வ்ருக்ஷான் வீக்ஷமாணௌ ஸமந்தத: ।
இமாம் நதீ³ம் ஶுபஜ⁴லாம் ஶோப⁴யந்தௌ தபஸ்வினௌ ॥ 7 ॥
தை⁴ர்யவந்தௌ ஸுவர்ணாபௌ⁴ கௌ யுவாம் சீரவாஸஸௌ ।
நி:ஶ்வஸந்தௌ வரபு⁴ஜௌ பீட³யந்தாவிமா: ப்ரஜா: ॥ 8 ॥
ஸிம்ஹவிப்ரேக்ஷிதௌ வீரௌ மஹாப³லவிக்ரமௌ ।
ஶக்ரசாபனிபே⁴ சாபே க்³ருஹீத்வா ஶத்ருஸூத³னௌ ॥ 9 ॥
ஶ்ரீமந்தௌ ரூபஸம்பன்னௌ வ்ருஷப⁴ஶ்ரேஷ்ட²விக்ரமௌ ।
ஹஸ்திஹஸ்தோபமபு⁴ஜௌ த்³யுதிமந்தௌ நரர்ஷபௌ⁴ ॥ 1௦ ॥
ப்ரப⁴யா பர்வதேந்த்³ரோயம் யுவயோரவபா⁴ஸித: ।
ராஜ்யார்ஹாவமரப்ரக்²யௌ கத²ம் தே³ஶமிஹாக³தௌ ॥ 11 ॥
பத்³மபத்ரேக்ஷணௌ வீரௌ ஜடாமண்ட³லதா⁴ரிணௌ ।
அன்யோன்யஸத்³ருஶௌ வீரௌ தே³வலோகாதி³வாக³தௌ ॥ 12 ॥
யத்³ருச்ச²யேவ ஸம்ப்ராப்தௌ சந்த்³ரஸூர்யௌ வஸுந்த⁴ராம் ।
விஶாலவக்ஷஸௌ வீரௌ மானுஷௌ தே³வரூபிணௌ ॥ 13 ॥
ஸிம்ஹஸ்கந்தௌ⁴ மஹோத்ஸாஹௌ ஸமதா³விவ கோ³வ்ருஷௌ ।
ஆயதாஶ்ச ஸுவ்ருத்தாஶ்ச பா³ஹவ: பரிகோ⁴பமா: ।
ஸர்வபூ⁴ஷணபூ⁴ஷார்ஹா: கிமர்த²ம் ந விபூ⁴ஷிதா: ॥ 14 ॥
உபௌ⁴ யோக்³யாவஹம் மன்யே ரக்ஷிதும் ப்ருதி²வீமிமாம் ।
ஸஸாக³ரவனாம் க்ருத்ஸ்னாம் விந்த்⁴யமேருவிபூ⁴ஷிதாம் ॥ 15 ॥
இமே ச த⁴னுஷீ சித்ரே ஶ்லஷ்ணே சித்ரானுலேபனே ।
ப்ரகாஶேதே யதே²ந்த்³ரஸ்ய வஜ்ரே ஹேமவிபூ⁴ஷிதே ॥ 16 ॥
ஸம்பூர்ணா நிஶிதைர்பா³ணை ஸ்தூணாஶ்ச ஶுப⁴த³ர்ஶனா: ॥ 17 ॥
ஜீவிதாந்தகரைர்கோ⁴ரை ஶ்ஶ்வஸத்³பி⁴ரிவ பன்னகை³: ।
மஹாப்ரமாணௌ விஸ்தீர்ணௌ தப்தஹாடகபூ⁴ஷிதௌ ॥ 18 ॥
க²ட³கா³வேதௌ விராஜேதே நிர்முக்தாவிவபன்னகௌ³ ।
ஏவம் மாம் பரிபா⁴ஷந்தம் கஸ்மாத்³வை நாபி⁴பா⁴ஷத:² ॥ 19 ॥
ஸுக்³ரீவோ நாம த⁴ர்மாத்மா கஶ்சித்³வானரயூத²ப: ।
வீரோ வினிக்ருதோ ப்⁴ராத்ரா ஜக³த்³ப்⁴ரமதி து³:கி²த: ॥ 2௦ ॥
ப்ராப்தோஹம் ப்ரேஷிதஸ்தேன ஸுக்³ரீவேண மஹாத்மனா ।
ராஜ்ஞா வானரமுக்²யானாம் ஹனுமான்னாம வானர: ॥ 21 ॥
யுவாப்⁴யாம் ஸஹ த⁴ர்மாத்மா ஸுக்³ரீவஸ்ஸக்²யமிச்ச²தி ।
தஸ்ய மாம் ஸசிவம் வித்தம் வானரம் பவனாத்மஜம் ॥ 22 ॥
பி⁴க்ஷுரூபப்ரதிச்ச²ன்னம் ஸுக்³ரீவப்ரியகாம்யயா ।
ருஷ்யமூகாதி³ஹ ப்ராப்தம் காமக³ம் காமரூபிணம் ॥ 23 ॥
ஏவமுக்த்வா து ஹனுமாம்ஸ்தௌ வீரௌ ராமலக்ஷ்மணௌ ।
வாக்யஜ்ஞௌ வாக்யகுஶல: புனர்னோவாச கிஞ்சன ॥ 24 ॥
ஏதச்ச்²ருத்வா வசந்தஸ்ய ராமோ லக்ஷ்மணமப்³ரவீத் ।
ப்ரஹ்ருஷ்டவத³னஶ்ஶ்ரீமான்ப்⁴ராதரம் பார்ஶ்வத: ஸ்தி²தம் ॥ 25 ॥
ஸசிவோயம் கபீந்த்³ரஸ்ய ஸுக்³ரீவஸ்ய மஹாத்மன: ।
தமேவ காங்க்ஷமாணஸ்ய மமாந்திகமுபாக³த: ॥ 26 ॥
தமப்⁴யபா⁴ஷ ஸௌமித்ரே ஸுக்³ரீவஸசிவம் கபிம் ।
வாக்யஜ்ஞம் மது⁴ரைர்வாக்யைஸ்ஸ்னேஹயுக்தமரிந்த³ம ॥ 27 ॥
நான்ருக்³வேத³வினீதஸ்ய நாயஜுர்வேத்³தா⁴ரிண: ।
நாஸாமவேத³விது³ஷஶ்ஶக்யமேவம் விபா⁴ஷிதும் ॥ 28 ॥
நூனம் வ்யாகரணம் க்ருத்ஸ்னமனேன ப³ஹுதா⁴ ஶ்ருதம் ।
ப³ஹு வ்யாஹரதானேன ந கிஞ்சித³பஶப்³தி³தம் ॥ 29 ॥
ந முகே² நேத்ரயோர்வாபி லலாடே ச ப்⁴ருவோஸ்ததா² ।
அன்யேஷ்வபி ச கா³த்ரேஷு தோ³ஷஸ்ஸம்விதி³த: க்வசித் ॥ 3௦ ॥
அவிஸ்தரமஸந்தி³க்³த⁴மவிலம்பி³தமத்³ருதம் ।
உரஸ்த²ம் கண்ட²க³ம் வாக்யம் வர்ததே மத்⁴யமே ஸ்வரே ॥ 31 ॥
ஸம்ஸ்காரக்ரமஸம்பன்னாமத்³ருதாமவிலம்பி³தாம் ।
உச்சாரயதி கல்யாணீம் வாசம் ஹ்ருத³யஹாரிணீம் ॥ 32 ॥
அனயா சித்ரயா வாசா த்ரிஸ்தா²னவ்யஞ்ஜனஸ்த²யா ।
கஸ்ய நாராத்⁴யதே சித்தமுத்³யதாஸேரரேரபி ॥ 33 ॥
ஏவம் விதோ⁴ யஸ்ய தூ³தோ ந ப⁴வேத்பார்தி²வஸ்ய து ।
ஸித்³த்⁴யந்தி ஹி கத²ம் தஸ்ய கார்யாணாம் க³தியோனக⁴ ॥ 34 ॥
ஏவம் கு³ணக³ணைர்யுக்தா யஸ்ய ஸ்யு: கார்யஸாத⁴கா: ।
தஸ்ய ஸித்⁴யந்தி ஸர்வார்தா² தூ³தவாக்யப்ரசோதி³தா: ॥ 35 ॥
ஏவமுக்தஸ்து ஸௌமித்ரிஸ்ஸுக்³ரீவஸசிவம் கபிம் ।
அப்⁴யபா⁴ஷத வாக்யஜ்ஞோ வாக்யஜ்ஞம் பவனாத்மஜம் ॥ 36 ॥
விதி³தௌ நௌ கு³ணா வித்³வந்த்ஸுக்³ரீவஸ்ய மஹாத்மன: ।
தமேவ சாவாம் மார்கா³வஸ்ஸுக்³ரீவம் ப்லவகே³ஶ்வரம் ॥ 37 ॥
யதா² ப்³ரவீஷி ஹனுமான்ஸுக்³ரீவவசனாதி³ஹ ।
தத்ததா² ஹி கரிஷ்யாவோ வசனாத்தவ ஸத்தம ॥ 38 ॥
தத்தஸ்ய வாக்யம் நிபுணம் நிஶம்ய ப்ரஹ்ருஷ்டரூப: பவனாத்மஜ: கபி: ।
மனஸ்ஸமாதா⁴ய ஜயோபபத்தௌ ஸக்²யம் ததா³ கர்துமியேஷ தாப்⁴யாம் ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்ருதீயஸ்ஸர்க:³ ॥
