ශ්රීමද්වාල්මීකීය රාමායණේ කිෂ්කිංධාකාංඩම් ।
අථ පංචාශස්සර්ගඃ ।
සහ තාරාංගදාභ්යාං තු සංගම්ය හනුමාන්කපිඃ ।
විචිනෝති ස්ම විංධ්යස්ය ගුහාශ්ච ගහනානි ච ॥ 1 ॥
සිංහශාර්දූලජුෂ්ටේෂු ශිලාශ්ච සරිතස්තදා ।
විෂමේෂු නගේංද්රස්ය මහාප්රස්රවණේෂු ච ॥ 2 ॥
ආසේදුස්තස්ය ශෛලස්ය කෝටිං දක්ෂ්ණිපශ්චිමාම් ।
තේෂාං තත්රෛව වසතාං ස කාලෝ ව්යත්යවර්තත ॥ 3 ॥
ස හි දේශෝ දුරන්වේෂෝ ගුහාගහනවාන්මහාන් ।
තත්ර වායුසුතස්සර්වං විචිනෝති ස්ම පර්වතම් ॥ 4 ॥
පරස්පරේණ හනුමා නන්යෝන්යස්යාවිදූරතඃ ।
ගජෝ ගවාක්ෂෝ ගවයශ්ශරභෝ ගංධමාදනඃ ॥ 5 ॥
මෛංදශ්ච ද්විවිදශ්චෛව සුෂේණෝ ජාංබවාන්නලඃ ।
අංගදෝ යුවරාජශ්ච තාරශ්ච වනගෝචරඃ ॥ 6 ॥
ගිරිජාලාවෘතාංදේශාන්මාර්ගිත්වා දක්ෂිණාං දිශම් ।
විචින්වංතස්තතස්තත්ර දදෘශුර්විවෘතං බිලම් ॥ 7 ॥
දුර්ගමෘක්ෂබිලං නාම දානවේනාභිරක්ෂිතම් ।
ක්ෂුත්පිපාසාපරීතාශ්ච ශ්රාංතාශ්ච සලිලාර්ථිනඃ ॥ 8 ॥
අවකීර්ණං ලතාවෘක්ෂෛර්දදෘශුස්තේ මහාබිලම් ।
තත්ර ක්රෞංචාශ්ච හංසාශ්ච සාරසාශ්ච විනිෂ්ක්රමන් ॥ 9 ॥
ජලාර්ද්රාශ්චක්රවාකාශ්ච රක්තාංගාඃ පද්මරේණුභිඃ ।
තතස්තද්බිලමාසාද්ය සුගංධි දුරතික්රමම් ॥ 10 ॥
විස්මයව්යග්රමනසෝ බභූවුර්වානරර්ෂභාඃ ।
සංංජාතපරිශංකාස්තේ තද්බිලං ප්ලවගෝත්තමාඃ ॥ 11 ॥
අභ්යපද්යංත සංහෘෂ්ටාස්තේජෝවංතෝ මහාබලාඃ ।
නානාසත්ත්වසමාකීර්ණං දෛත්යේංද්රනිලයෝපමම් ॥ 12 ॥
දුර්දර්ශමතිඝෝරං ච දුර්විගාහං ච සර්වශඃ ।
තතඃ පර්වතකූටාභෝ හනූමාන්පවනාත්මජඃ ॥ 13 ॥
අබ්රවීද්වානරාන්සර්වාන්කාංතාරවනකෝවිදඃ ।
ගිරිජාලාවෘතාංදේශාන්මාර්ගිත්වා දක්ෂිණාං දිශම් ॥ 14 ॥
වයං සර්වේ පරිශ්රාංතා න ච පශ්යාම මෛථිලීම් ।
අස්මාච්චාපි බිලාද්ධංසාඃ ක්රෞංචාශ්ච සහ සාරසෛඃ ॥ 15 ॥
ජලාර්ද්රාශ්චක්රවාකාශ්ච නිෂ්පතංති ස්ම සර්වශඃ ।
නූනං සලිලවානත්ර කූපෝ වා යදි වා හ්රදඃ ॥ 16 ॥
තථා චේමේ බිලද්වාරි ස්නිග්ධාස්තිෂ්ඨංති පාදපාඃ ।
ඉත්යුක්ත්වා තද්බිලං සර්වේ විවිශුස්තිමිරාවෘතම් ॥ 17 ॥
අචංද්රසූර්යං හරයෝ දදෘශූ රෝමහර්ෂණම් ।
නිශාම්ය තස්මාත් ශිංහාංශ්ච තාංස්තාංශ්ච මෘගපක්ෂ්ණිඃ ॥ 18 ॥
ප්රවිෂ්ටා හරිශාර්දූලා බිලං තිමිරසංවෘතම් ।
න තේෂාං සජ්ජතේ චක්ෂුර්න තේජෝ න පරාක්රමඃ ॥ 19 ॥
වායෝරිව ගතිස්තේෂාං දෘෂ්ටිස්තමසි වර්තතේ ।
තේ ප්රවිෂ්ටාස්තු වේගේන තද්බිලං කපිකුංජරාඃ ॥ 20 ॥
ප්රකාශමභිරාමං ච දදෘශුර්දේශමුත්තමම් ।
තතස්තස්මින්බිලේ දුර්ගේ නානාපාදපසංකුලේ ॥ 21 ॥
අන්යෝන්යං සංපරිෂ්වජ්ය ජග්මුර්යෝජනමංතරම් ।
තේ නෂ්ටසංජ්ඤාස්තෘෂිතාස්සංභ්රාංතාස්සලිලාර්ථිනඃ ॥ 22 ॥
පරිපේතුර්බිලේ තස්මින්කංචිත්කාලමතංද්රිතාඃ ।
තේ කෘශා දීනවදනාඃ පරිශ්රාංතාඃ ප්ලවංගමාඃ ॥ 23 ॥
ආලෝකං දදෘශුර්වීරා නිරාශා ජීවිතේ යදා ।
තතස්තං දේශමාගම්ය සෞම්යා විතිමිරං වනම් ॥ 24 ॥
දදෘශුඃ කාංචනාන්වෘක්ෂාංදීප්තවෛශ්වානරප්රභාන් ।
සාලාං ස්තාලාංශ්ච පුන්නාගාන්කකුභාන්වංජුලාංධවාන් ॥ 25 ॥
චංපකාන් නාගවෘක්ෂාංශ්ච කර්ණිකාරාංශ්ච පුෂ්පිතාන් ।
ස්තබකෛඃ කාංචනෛශ්චිත්රෛ රක්තෛඃ කිසලයෛස්තථා ॥ 26 ॥
ආපීඩෛශ්ච ලතාභිශ්ච හේමාභරණභූෂිතාන් ।
තරුණාදිත්යසංකාශාන්වෛඪූර්යකෘතවේදිකාන් ॥ 27 ॥
විභ්රාජමානාන්වපුෂා පාදපාංශ්ච හිරණ්මයාන් ।
නීලවෛඪූර්යවර්ණාශ්ච පද්මිනීඃ පතගාවෘතාඃ ॥ 28 ॥
මහද්භිඃ කාංචනෛඃ පද්මෛර්වෘතා බාලාර්කසන්නිභෛඃ ।
ජාතරූපමයෛර්මත්ස්යෛර්මහද්භිශ්ච සකච්ඡපෛඃ ॥ 29 ॥
තපනීය ගවාක්ෂාණි මුක්තා ජාල ආවෘතානි ච ।
හෛම රාජත භෞමානි වෛදූර්ය මණිමංති ච ॥ 30 ॥
තපනීයගවාක්ෂාණි මුක්තාජාලාවෘතානි ච ।
හෛමරාජතභෞමානි වෛදූර්යමණිමංති ච ॥ 31 ॥
කාංචන භ්රමරාන් චෛව මධූනි ච සමංතතඃ ।
මණි කාංචන චිත්රාණි ශයනානි ආසනානි ච ॥ 32 ॥
කාංචනභ්රමරාංශ්චෛව මධූනි ච සමංතතඃ ।
මණිකාංචනචිත්රාණි ශයනාන්යාසනානි ච ॥ 33 ॥
මහාර්හාණි චයානානි දදෘශුස්තේ සමංතතඃ ।
හෛමරාජතකාංස්යානාං භාජනානාං ච සංංචයාන් ॥ 34 ॥
අගරූණාං ච දිව්යානාං චංදනානාං ච සංංචායාන් ।
ශුචීන්යභ්යවහාර්යාණි මූලානි ච ඵලානි ච ॥ 35 ॥
මහාර්හාණි ච පානානි මධූනි රසවංති ච ।
දිව්යානාමංබරාණාං ච මහාර්හාණාං ච සංචයාන් ॥ 36 ॥
කංබලානාං ච චිත්රාණාමජිනානාං ච සංචයාන් ।
තත්ර තත්ර ච වින්යස්තාංදීප්තාන්වෛශ්වානරප්රභාන් ॥ 37 ॥
දදෘශුර්වානරාශ්ශුභ්රාංජාතරූපස්ය සංචයාන් ।
තත්ර තත්ර විචින්වංතෝ බිලේ තස්මින්මහාබලාඃ ॥ 38 ॥
දදෘශුර්වානරාශ්ශූරාඃ ස්ත්රියං කාංචිදදූරතඃ ।
තාං දෘෂ්ට්වා භෘශසංත්රස්තාශ්චීරකෘෂ්ණාජිනාංබරාම් ॥ 39 ॥
තාපසීං නියතාහාරාං ජ්වලංතීමිව තේජසා ।
විස්මිතා හරයස්තත්ර ව්යවතිෂ්ඨංත සර්වශඃ ॥ 40 ॥
පප්රච්ඡ හනුමාංස්තත්ර කාऽසි ත්වං කස්ය වා බිලම් ।
තතෝ හනූමාන්ගිරිසන්නිකාශඃ කෘතාජ්ඤලිස්තාමභිවාද්ය වෘද්ධාම් ।
පප්රච්ඡ කා ත්වං භවනං බිලං ච රත්නානි චේමානි වදස්ව කස්ය ॥ 41 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ කිෂ්කිංධාකාංඩේ පංචාශස්සර්ගඃ ॥
