ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சாஶஸ்ஸர்க:³ ।
ஸஹ தாராங்க³தா³ப்⁴யாம் து ஸங்க³ம்ய ஹனுமான்கபி: ।
விசினோதி ஸ்ம விந்த்⁴யஸ்ய கு³ஹாஶ்ச க³ஹனானி ச ॥ 1 ॥
ஸிம்ஹஶார்தூ³லஜுஷ்டேஷு ஶிலாஶ்ச ஸரிதஸ்ததா³ ।
விஷமேஷு நகே³ந்த்³ரஸ்ய மஹாப்ரஸ்ரவணேஷு ச ॥ 2 ॥
ஆஸேது³ஸ்தஸ்ய ஶைலஸ்ய கோடிம் த³க்ஷ்ணிபஶ்சிமாம் ।
தேஷாம் தத்ரைவ வஸதாம் ஸ காலோ வ்யத்யவர்தத ॥ 3 ॥
ஸ ஹி தே³ஶோ து³ரன்வேஷோ கு³ஹாக³ஹனவான்மஹான் ।
தத்ர வாயுஸுதஸ்ஸர்வம் விசினோதி ஸ்ம பர்வதம் ॥ 4 ॥
பரஸ்பரேண ஹனுமா நன்யோன்யஸ்யாவிதூ³ரத: ।
கஜ³ோ க³வாக்ஷோ க³வயஶ்ஶரபோ⁴ க³ந்த⁴மாத³ன: ॥ 5 ॥
மைந்த³ஶ்ச த்³விவித³ஶ்சைவ ஸுஷேணோ ஜாம்ப³வான்னல: ।
அங்க³தோ³ யுவராஜஶ்ச தாரஶ்ச வனகோ³சர: ॥ 6 ॥
கி³ரிஜாலாவ்ருதாந்தே³ஶான்மார்கி³த்வா த³க்ஷிணாம் தி³ஶம் ।
விசின்வந்தஸ்ததஸ்தத்ர த³த்³ருஶுர்விவ்ருதம் பி³லம் ॥ 7 ॥
து³ர்க³ம்ருக்ஷபி³லம் நாம தா³னவேனாபி⁴ரக்ஷிதம் ।
க்ஷுத்பிபாஸாபரீதாஶ்ச ஶ்ராந்தாஶ்ச ஸலிலார்தி²ன: ॥ 8 ॥
அவகீர்ணம் லதாவ்ருக்ஷைர்த³த்³ருஶுஸ்தே மஹாபி³லம் ।
தத்ர க்ரௌஞ்சாஶ்ச ஹம்ஸாஶ்ச ஸாரஸாஶ்ச வினிஷ்க்ரமன் ॥ 9 ॥
ஜலார்த்³ராஶ்சக்ரவாகாஶ்ச ரக்தாங்கா³: பத்³மரேணுபி⁴: ।
ததஸ்தத்³பி³லமாஸாத்³ய ஸுக³ந்தி⁴ து³ரதிக்ரமம் ॥ 1௦ ॥
விஸ்மயவ்யக்³ரமனஸோ ப³பூ⁴வுர்வானரர்ஷபா⁴: ।
ஸம்ஞ்ஜாதபரிஶங்காஸ்தே தத்³பி³லம் ப்லவகோ³த்தமா: ॥ 11 ॥
அப்⁴யபத்³யந்த ஸம்ஹ்ருஷ்டாஸ்தேஜோவந்தோ மஹாப³லா: ।
நானாஸத்த்வஸமாகீர்ணம் தை³த்யேந்த்³ரனிலயோபமம் ॥ 12 ॥
து³ர்த³ர்ஶமதிகோ⁴ரம் ச து³ர்விகா³ஹம் ச ஸர்வஶ: ।
தத: பர்வதகூடாபோ⁴ ஹனூமான்பவனாத்மஜ: ॥ 13 ॥
அப்³ரவீத்³வானரான்ஸர்வான்காந்தாரவனகோவித:³ ।
கி³ரிஜாலாவ்ருதாந்தே³ஶான்மார்கி³த்வா த³க்ஷிணாம் தி³ஶம் ॥ 14 ॥
வயம் ஸர்வே பரிஶ்ராந்தா ந ச பஶ்யாம மைதி²லீம் ।
அஸ்மாச்சாபி பி³லாத்³த⁴ம்ஸா: க்ரௌஞ்சாஶ்ச ஸஹ ஸாரஸை: ॥ 15 ॥
ஜலார்த்³ராஶ்சக்ரவாகாஶ்ச நிஷ்பதந்தி ஸ்ம ஸர்வஶ: ।
நூனம் ஸலிலவானத்ர கூபோ வா யதி³ வா ஹ்ரத:³ ॥ 16 ॥
ததா² சேமே பி³லத்³வாரி ஸ்னிக்³தா⁴ஸ்திஷ்ட²ந்தி பாத³பா: ।
இத்யுக்த்வா தத்³பி³லம் ஸர்வே விவிஶுஸ்திமிராவ்ருதம் ॥ 17 ॥
அசந்த்³ரஸூர்யம் ஹரயோ த³த்³ருஶூ ரோமஹர்ஷணம் ।
நிஶாம்ய தஸ்மாத் ஶிம்ஹாம்ஶ்ச தாம்ஸ்தாம்ஶ்ச ம்ருக³பக்ஷ்ணி: ॥ 18 ॥
ப்ரவிஷ்டா ஹரிஶார்தூ³லா பி³லம் திமிரஸம்வ்ருதம் ।
ந தேஷாம் ஸஜ்ஜதே சக்ஷுர்ன தேஜோ ந பராக்ரம: ॥ 19 ॥
வாயோரிவ க³திஸ்தேஷாம் த்³ருஷ்டிஸ்தமஸி வர்ததே ।
தே ப்ரவிஷ்டாஸ்து வேகே³ன தத்³பி³லம் கபிகுஞ்ஜரா: ॥ 2௦ ॥
ப்ரகாஶமபி⁴ராமம் ச த³த்³ருஶுர்தே³ஶமுத்தமம் ।
ததஸ்தஸ்மின்பி³லே து³ர்கே³ நானாபாத³பஸங்குலே ॥ 21 ॥
அன்யோன்யம் ஸம்பரிஷ்வஜ்ய ஜக்³முர்யோஜனமந்தரம் ।
தே நஷ்டஸஞ்ஜ்ஞாஸ்த்ருஷிதாஸ்ஸம்ப்⁴ராந்தாஸ்ஸலிலார்தி²ன: ॥ 22 ॥
பரிபேதுர்பி³லே தஸ்மின்கஞ்சித்காலமதந்த்³ரிதா: ।
தே க்ருஶா தீ³னவத³னா: பரிஶ்ராந்தா: ப்லவங்க³மா: ॥ 23 ॥
ஆலோகம் த³த்³ருஶுர்வீரா நிராஶா ஜீவிதே யதா³ ।
ததஸ்தம் தே³ஶமாக³ம்ய ஸௌம்யா விதிமிரம் வனம் ॥ 24 ॥
த³த்³ருஶு: காஞ்சனான்வ்ருக்ஷாந்தீ³ப்தவைஶ்வானரப்ரபா⁴ன் ।
ஸாலாம் ஸ்தாலாம்ஶ்ச புன்னாகா³ன்ககுபா⁴ன்வஞ்ஜுலாந்த⁴வான் ॥ 25 ॥
சம்பகான் நாக³வ்ருக்ஷாம்ஶ்ச கர்ணிகாராம்ஶ்ச புஷ்பிதான் ।
ஸ்தப³கை: காஞ்சனைஶ்சித்ரை ரக்தை: கிஸலயைஸ்ததா² ॥ 26 ॥
ஆபீடை³ஶ்ச லதாபி⁴ஶ்ச ஹேமாப⁴ரணபூ⁴ஷிதான் ।
தருணாதி³த்யஸங்காஶான்வைடூ⁴ர்யக்ருதவேதி³கான் ॥ 27 ॥
விப்⁴ராஜமானான்வபுஷா பாத³பாம்ஶ்ச ஹிரண்மயான் ।
நீலவைடூ⁴ர்யவர்ணாஶ்ச பத்³மினீ: பதகா³வ்ருதா: ॥ 28 ॥
மஹத்³பி⁴: காஞ்சனை: பத்³மைர்வ்ருதா பா³லார்கஸன்னிபை⁴: ।
ஜாதரூபமயைர்மத்ஸ்யைர்மஹத்³பி⁴ஶ்ச ஸகச்ச²பை: ॥ 29 ॥
தபனீய க³வாக்ஷாணி முக்தா ஜால ஆவ்ருதானி ச ।
ஹைம ராஜத பௌ⁴மானி வைதூ³ர்ய மணிமந்தி ச ॥ 3௦ ॥
தபனீயக³வாக்ஷாணி முக்தாஜாலாவ்ருதானி ச ।
ஹைமராஜதபௌ⁴மானி வைதூ³ர்யமணிமந்தி ச ॥ 31 ॥
காஞ்சன ப்⁴ரமரான் சைவ மதூ⁴னி ச ஸமந்தத: ।
மணி காஞ்சன சித்ராணி ஶயனானி ஆஸனானி ச ॥ 32 ॥
காஞ்சனப்⁴ரமராம்ஶ்சைவ மதூ⁴னி ச ஸமந்தத: ।
மணிகாஞ்சனசித்ராணி ஶயனான்யாஸனானி ச ॥ 33 ॥
மஹார்ஹாணி சயானானி த³த்³ருஶுஸ்தே ஸமந்தத: ।
ஹைமராஜதகாம்ஸ்யானாம் பா⁴ஜனானாம் ச ஸம்ஞ்சயான் ॥ 34 ॥
அக³ரூணாம் ச தி³வ்யானாம் சந்த³னானாம் ச ஸம்ஞ்சாயான் ।
ஶுசீன்யப்⁴யவஹார்யாணி மூலானி ச ப²லானி ச ॥ 35 ॥
மஹார்ஹாணி ச பானானி மதூ⁴னி ரஸவந்தி ச ।
தி³வ்யானாமம்ப³ராணாம் ச மஹார்ஹாணாம் ச ஸஞ்சயான் ॥ 36 ॥
கம்ப³லானாம் ச சித்ராணாமஜினானாம் ச ஸஞ்சயான் ।
தத்ர தத்ர ச வின்யஸ்தாந்தீ³ப்தான்வைஶ்வானரப்ரபா⁴ன் ॥ 37 ॥
த³த்³ருஶுர்வானராஶ்ஶுப்⁴ராஞ்ஜாதரூபஸ்ய ஸஞ்சயான் ।
தத்ர தத்ர விசின்வந்தோ பி³லே தஸ்மின்மஹாப³லா: ॥ 38 ॥
த³த்³ருஶுர்வானராஶ்ஶூரா: ஸ்த்ரியம் காஞ்சித³தூ³ரத: ।
தாம் த்³ருஷ்ட்வா ப்⁴ருஶஸந்த்ரஸ்தாஶ்சீரக்ருஷ்ணாஜினாம்ப³ராம் ॥ 39 ॥
தாபஸீம் நியதாஹாராம் ஜ்வலந்தீமிவ தேஜஸா ।
விஸ்மிதா ஹரயஸ்தத்ர வ்யவதிஷ்ட²ந்த ஸர்வஶ: ॥ 4௦ ॥
பப்ரச்ச² ஹனுமாம்ஸ்தத்ர காஸி த்வம் கஸ்ய வா பி³லம் ।
ததோ ஹனூமான்கி³ரிஸன்னிகாஶ: க்ருதாஜ்ஞலிஸ்தாமபி⁴வாத்³ய வ்ருத்³தா⁴ம் ।
பப்ரச்ச² கா த்வம் ப⁴வனம் பி³லம் ச ரத்னானி சேமானி வத³ஸ்வ கஸ்ய ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சாஶஸ்ஸர்க:³ ॥
