শ্রীমদ্বাল্মীকীয় রামাযণে কিষ্কিংধাকাংডম্ ।
অথ পংচাশস্সর্গঃ ।
সহ তারাংগদাভ্য়াং তু সংগম্য় হনুমান্কপিঃ ।
বিচিনোতি স্ম বিংধ্যস্য় গুহাশ্চ গহনানি চ ॥ 1 ॥
সিংহশার্দূলজুষ্টেষু শিলাশ্চ সরিতস্তদা ।
বিষমেষু নগেংদ্রস্য় মহাপ্রস্রবণেষু চ ॥ 2 ॥
আসেদুস্তস্য় শৈলস্য় কোটিং দক্ষ্ণিপশ্চিমাম্ ।
তেষাং তত্রৈব বসতাং স কালো ব্যত্যবর্তত ॥ 3 ॥
স হি দেশো দুরন্বেষো গুহাগহনবান্মহান্ ।
তত্র বায়ুসুতস্সর্বং বিচিনোতি স্ম পর্বতম্ ॥ 4 ॥
পরস্পরেণ হনুমা নন্য়োন্যস্য়াবিদূরতঃ ।
গজো গবাক্ষো গবযশ্শরভো গংধমাদনঃ ॥ 5 ॥
মৈংদশ্চ দ্বিবিদশ্চৈব সুষেণো জাংববান্নলঃ ।
অংগদো যুবরাজশ্চ তারশ্চ বনগোচরঃ ॥ 6 ॥
গিরিজালাবৃতাংদেশান্মার্গিত্বা দক্ষিণাং দিশম্ ।
বিচিন্বংতস্ততস্তত্র দদৃশুর্বিবৃতং বিলম্ ॥ 7 ॥
দুর্গমৃক্ষবিলং নাম দানবেনাভিরক্ষিতম্ ।
ক্ষুত্পিপাসাপরীতাশ্চ শ্রাংতাশ্চ সলিলার্থিনঃ ॥ 8 ॥
অবকীর্ণং লতাবৃক্ষৈর্দদৃশুস্তে মহাবিলম্ ।
তত্র ক্রৌংচাশ্চ হংসাশ্চ সারসাশ্চ বিনিষ্ক্রমন্ ॥ 9 ॥
জলার্দ্রাশ্চক্রবাকাশ্চ রক্তাংগাঃ পদ্মরেণুভিঃ ।
ততস্তদ্বিলমাসাদ্য় সুগংধি দুরতিক্রমম্ ॥ 10 ॥
বিস্মযব্যগ্রমনসো বভূবুর্বানরর্ষভাঃ ।
সংংজাতপরিশংকাস্তে তদ্বিলং প্লবগোত্তমাঃ ॥ 11 ॥
অভ্যপদ্য়ংত সংহৃষ্টাস্তেজোবংতো মহাবলাঃ ।
নানাসত্ত্বসমাকীর্ণং দৈত্য়েংদ্রনিলয়োপমম্ ॥ 12 ॥
দুর্দর্শমতিঘোরং চ দুর্বিগাহং চ সর্বশঃ ।
ততঃ পর্বতকূটাভো হনূমান্পবনাত্মজঃ ॥ 13 ॥
অব্রবীদ্বানরান্সর্বান্কাংতারবনকোবিদঃ ।
গিরিজালাবৃতাংদেশান্মার্গিত্বা দক্ষিণাং দিশম্ ॥ 14 ॥
বয়ং সর্বে পরিশ্রাংতা ন চ পশ্য়াম মৈথিলীম্ ।
অস্মাচ্চাপি বিলাদ্ধংসাঃ ক্রৌংচাশ্চ সহ সারসৈঃ ॥ 15 ॥
জলার্দ্রাশ্চক্রবাকাশ্চ নিষ্পতংতি স্ম সর্বশঃ ।
নূনং সলিলবানত্র কূপো বা যদি বা হ্রদঃ ॥ 16 ॥
তথা চেমে বিলদ্বারি স্নিগ্ধাস্তিষ্ঠংতি পাদপাঃ ।
ইত্য়ুক্ত্বা তদ্বিলং সর্বে বিবিশুস্তিমিরাবৃতম্ ॥ 17 ॥
অচংদ্রসূর্য়ং হরয়ো দদৃশূ রোমহর্ষণম্ ।
নিশাম্য় তস্মাত্ শিংহাংশ্চ তাংস্তাংশ্চ মৃগপক্ষ্ণিঃ ॥ 18 ॥
প্রবিষ্টা হরিশার্দূলা বিলং তিমিরসংবৃতম্ ।
ন তেষাং সজ্জতে চক্ষুর্ন তেজো ন পরাক্রমঃ ॥ 19 ॥
বায়োরিব গতিস্তেষাং দৃষ্টিস্তমসি বর্ততে ।
তে প্রবিষ্টাস্তু বেগেন তদ্বিলং কপিকুংজরাঃ ॥ 20 ॥
প্রকাশমভিরামং চ দদৃশুর্দেশমুত্তমম্ ।
ততস্তস্মিন্বিলে দুর্গে নানাপাদপসংকুলে ॥ 21 ॥
অন্য়োন্য়ং সংপরিষ্বজ্য় জগ্মুর্য়োজনমংতরম্ ।
তে নষ্টসংজ্ঞাস্তৃষিতাস্সংভ্রাংতাস্সলিলার্থিনঃ ॥ 22 ॥
পরিপেতুর্বিলে তস্মিন্কংচিত্কালমতংদ্রিতাঃ ।
তে কৃশা দীনবদনাঃ পরিশ্রাংতাঃ প্লবংগমাঃ ॥ 23 ॥
আলোকং দদৃশুর্বীরা নিরাশা জীবিতে যদা ।
ততস্তং দেশমাগম্য় সৌম্য়া বিতিমিরং বনম্ ॥ 24 ॥
দদৃশুঃ কাংচনান্বৃক্ষাংদীপ্তবৈশ্বানরপ্রভান্ ।
সালাং স্তালাংশ্চ পুন্নাগান্ককুভান্বংজুলাংধবান্ ॥ 25 ॥
চংপকান্ নাগবৃক্ষাংশ্চ কর্ণিকারাংশ্চ পুষ্পিতান্ ।
স্তবকৈঃ কাংচনৈশ্চিত্রৈ রক্তৈঃ কিসলয়ৈস্তথা ॥ 26 ॥
আপীডৈশ্চ লতাভিশ্চ হেমাভরণভূষিতান্ ।
তরুণাদিত্যসংকাশান্বৈঢূর্যকৃতবেদিকান্ ॥ 27 ॥
বিভ্রাজমানান্বপুষা পাদপাংশ্চ হিরণ্ময়ান্ ।
নীলবৈঢূর্যবর্ণাশ্চ পদ্মিনীঃ পতগাবৃতাঃ ॥ 28 ॥
মহদ্ভিঃ কাংচনৈঃ পদ্মৈর্বৃতা বালার্কসন্নিভৈঃ ।
জাতরূপময়ৈর্মত্স্য়ৈর্মহদ্ভিশ্চ সকচ্ছপৈঃ ॥ 29 ॥
তপনীয় গবাক্ষাণি মুক্তা জাল আবৃতানি চ ।
হৈম রাজত ভৌমানি বৈদূর্য় মণিমংতি চ ॥ 30 ॥
তপনীযগবাক্ষাণি মুক্তাজালাবৃতানি চ ।
হৈমরাজতভৌমানি বৈদূর্যমণিমংতি চ ॥ 31 ॥
কাংচন ভ্রমরান্ চৈব মধূনি চ সমংততঃ ।
মণি কাংচন চিত্রাণি শযনানি আসনানি চ ॥ 32 ॥
কাংচনভ্রমরাংশ্চৈব মধূনি চ সমংততঃ ।
মণিকাংচনচিত্রাণি শযনান্য়াসনানি চ ॥ 33 ॥
মহার্হাণি চয়ানানি দদৃশুস্তে সমংততঃ ।
হৈমরাজতকাংস্য়ানাং ভাজনানাং চ সংংচয়ান্ ॥ 34 ॥
অগরূণাং চ দিব্য়ানাং চংদনানাং চ সংংচায়ান্ ।
শুচীন্যভ্যবহার্য়াণি মূলানি চ ফলানি চ ॥ 35 ॥
মহার্হাণি চ পানানি মধূনি রসবংতি চ ।
দিব্য়ানামংবরাণাং চ মহার্হাণাং চ সংচয়ান্ ॥ 36 ॥
কংবলানাং চ চিত্রাণামজিনানাং চ সংচয়ান্ ।
তত্র তত্র চ বিন্যস্তাংদীপ্তান্বৈশ্বানরপ্রভান্ ॥ 37 ॥
দদৃশুর্বানরাশ্শুভ্রাংজাতরূপস্য় সংচয়ান্ ।
তত্র তত্র বিচিন্বংতো বিলে তস্মিন্মহাবলাঃ ॥ 38 ॥
দদৃশুর্বানরাশ্শূরাঃ স্ত্রিয়ং কাংচিদদূরতঃ ।
তাং দৃষ্ট্বা ভৃশসংত্রস্তাশ্চীরকৃষ্ণাজিনাংবরাম্ ॥ 39 ॥
তাপসীং নিযতাহারাং জ্বলংতীমিব তেজসা ।
বিস্মিতা হরযস্তত্র ব্যবতিষ্ঠংত সর্বশঃ ॥ 40 ॥
পপ্রচ্ছ হনুমাংস্তত্র কাঽসি ত্বং কস্য় বা বিলম্ ।
ততো হনূমান্গিরিসন্নিকাশঃ কৃতাজ্ঞলিস্তামভিবাদ্য় বৃদ্ধাম্ ।
পপ্রচ্ছ কা ত্বং ভবনং বিলং চ রত্নানি চেমানি বদস্ব কস্য় ॥ 41 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে পংচাশস্সর্গঃ ॥
