ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்³விசத்வாரிம்ஶஸ்ஸர்க:³ ।
தத: பக்ஷினினாதே³ன வ்ருக்ஷப⁴ங்க³ஸ்வனேன ச ।
ப³பூ⁴வுஸ்த்ராஸஸம்ப்⁴ராந்தாஸ்ஸர்வே லங்கானிவாஸின: ॥ 1 ॥
வித்³ருதாஶ்ச ப⁴யத்ரஸ்தா வினேது³ர்ம்ருக³பக்ஷிண: ।
ரக்ஷஸாம் ச நிமித்தானி க்ரூராணி ப்ரதிபேதி³ரே ॥ 2 ॥
ததோ க³தாயாம் நித்³ராயாம் ராக்ஷஸ்யோ விக்ருதானநா: ।
தத்³வனம் த³த்³ருஶுர்ப⁴க்³னம் தம் ச வீரம் மஹாகபிம் ॥ 3 ॥
ஸ தா த்³ருஷ்ட்வா மஹாபா³ஹுர்மஹாஸத்த்வோ மஹாப³ல: ।
சகார ஸுமஹத்³ரூபம் ராக்ஷஸீனாம் ப⁴யாவஹம் ॥ 4 ॥
ததஸ்தம் கி³ரிஸங்காஶமதிகாயம் மஹாப³லம் ।
ராக்ஷஸ்யோ வானரம் த்³ருஷ்ட்வா பப்ரச்சு²ர்ஜனகாத்மஜாம் ॥ 5 ॥
கோயம் கஸ்ய குதோ வாயம் கிம் நிமித்தமிஹாக³த: ।
கத²ம் த்வயா ஸஹானேன ஸம்வாத:³ க்ருத இத்யுத ॥ 6 ॥
ஆசக்ஷ்வ நோ விஶாலாக்ஷி மா பூ⁴த்தே ஸுப⁴கே³ ப⁴யம் ।
ஸம்வாத³மஸிதாபாங்கே³ த்வயா கிம் க்ருதவானயம் ॥ 7 ॥
அதா²ப்³ரவீன்மஹாஸாத்⁴வீ ஸீதா ஸர்வாங்க³ஸுந்த³ரீ ।
ரக்ஷஸாம் பீ⁴மரூபாணாம் விஜ்ஞானே மம கா க³தி: ॥ 8 ॥
யூயமேவாபி⁴ஜானீத யோயம் யத்³வா கரிஷ்யதி ।
அஹிரேவ ஹ்யஹே: பாதா³ன்விஜானாதி ந ஸம்ஶய: ॥ 9 ॥
அஹமப்யஸ்ய பீ⁴தாஸ்மி நைனம் ஜானாமி கோ ந்வயம் ।
வேத்³மி ராக்ஷஸமேவைனம் காமரூபிணமாக³தம் ॥ 1௦ ॥
வைதே³ஹ்யா வசனம் ஶ்ருத்வா ராக்ஷஸ்யோ வித்³ருதா தி³ஶ: ।
ஸ்தி²தா: காஶ்சித்³க³தா: காஶ்சித்³ராவணாய நிவேதி³தும் ॥ 11 ॥
ராவணஸ்ய ஸமீபே து ராக்ஷஸ்யோ விக்ருதானநா: ।
விரூபம் வானரம் பீ⁴மமாக்²யாதுமுபசக்ரமு: ॥ 12 ॥
அஶோகவனிகாமத்⁴யே ராஜன்பீ⁴மவபு: கபி: ।
ஸீதயா க்ருதஸம்வாத³ஸ்திஷ்ட²த்யமிதவிக்ரம: ॥ 13 ॥
ந ச தம் ஜானகீ ஸீதா ஹரிம் ஹரிணலோசனா ।
அஸ்மாபி⁴ர்ப³ஹுதா⁴ ப்ருஷ்டா நிவேத³யிதுமிச்ச²தி ॥ 14 ॥
வாஸவஸ்ய ப⁴வேத்³தூ³தோ தூ³தோ வைஶ்ரவணஸ்ய வா ।
ப்ரேஷிதோ வாபி ராமேண ஸீதான்வேஷணகாங்க்ஷயா ॥ 15 ॥
தேன த்வத்³பு⁴தரூபேண யத்தத்தவ மனோஹரம் ।
நானாம்ருக³க³ணாகீர்ணம் ப்ரம்ருஷ்டம் ப்ரமதா³வனம் ॥ 16 ॥
ந தத்ர கஶ்சிது³த்³தே³ஶோ யஸ்தேன ந வினாஶித: ।
யத்ர ஸா ஜானகீ ஸீதா ஸ தேன ந வினாஶித: ॥ 17 ॥
ஜானகீரக்ஷணார்த²ம் வா ஶ்ரமாத்³வா நோபலப்⁴யதே ।
அத²வா கஶ்ஶ்ரமஸ்தஸ்ய ஸைவ தேனாபி⁴ரக்ஷிதா ॥ 18 ॥
சாருபல்லவபுஷ்பாட்⁴யம் யம் ஸீதா ஸ்வயமாஸ்தி²தா ।
ப்ரவ்ருத்³த⁴ஶ்ஶிம்ஶுபாவ்ருக்ஷ ஸ்ஸ ச தேனாபி⁴ரக்ஷித: ॥ 19 ॥
தஸ்யோக்³ரரூபஸ்யோக்³ர த்வம் த³ண்ட³மாஜ்ஞாதுமர்ஹஸி ।
ஸீதா ஸம்பா⁴ஷிதா யேன தத்³வனம் ச வினாஶிதம் ॥ 2௦ ॥
மன: பரிக்³ருஹீதாம் தாம் தவ ரக்ஷோக³ணேஶ்வர ।
கஸ்ஸீதாமபி⁴பா⁴ஷேத யோ ந ஸ்யாத்த்யக்தஜீவித: ॥ 21 ॥
ராக்ஷஸீனாம் வசஶ்த்ருத்வா ராவணோ ராக்ஷஸேஶ்வர: ।
ஹுதாக்³னிரிவ ஜஜ்வால கோபஸம்வர்திதேக்ஷண: ॥ 22 ॥
தஸ்ய க்ருத்³த⁴ஸ்ய நேத்ராப்⁴யாம் ப்ராபதன்னாஸ்ரபி³ந்த³வ: ।
தீ³ப்தாப்⁴யாமிவ தீ³பாப்⁴யாம் ஸார்சிஷ ஸ்ஸ்னேஹபி³ந்த³வ: ॥ 23 ॥
ஆத்மனஸ்ஸத்³ருஶான்ஶூரான்கிங்கரான்னாம ராக்ஷஸான் ।
வ்யாதி³தே³ஶ மஹாதேஜா நிக்³ரஹார்த²ம் ஹனூமத: ॥ 24 ॥
தேஷாமஶீதிஸாஹஸ்ரம் கிங்கராணாம் தரஸ்வினாம் ।
நிர்யயுர்ப⁴வனாத்தஸ்மாத்கூடமுத்³க³ரபாணய: ॥ 25 ॥
மஹோத³ரா மஹாத³ம்ஷ்ட்ரா கோ⁴ரரூபா மஹாப³லா: ।
யுத்³தா⁴பி⁴மனஸஸ்ஸர்வே ஹனுமத்³க்³ரஹணோத்³யதா: ॥ 26 ॥
தே கபீந்த்³ரம் ஸமாஸாத்³ய தோரணஸ்த²மவஸ்தி²தம் ।
அபி⁴பேதுர்மஹாவேகா³: பதங்கா³ இவ பாவகம் ॥ 27 ॥
தே க³தா³பி⁴ர்விசித்ராபி⁴: பரிகை⁴: காஞ்சனாங்க³தை³: ।
ஆஜக்⁴னுர்வானரஶ்ரேஷ்ட²ம் ஶரைஶ்சாதி³த்யஸன்னிபை⁴: ॥ 28 ॥
முத்³க³ரை: பட்டிஶைஶ்ஶூலை: ப்ராஸதோமரஶக்திபி⁴: ।
பரிவார்ய ஹனூமந்தம் ஸஹஸா தஸ்து²ரக்³ரத: ॥ 29 ॥
ஹனுமானபி தேஜஸ்வீ ஶ்ரீமான்பர்வதஸன்னிப:⁴ ।
க்ஷிதாவாவித்⁴ய லாங்கூ³லம் நனாத³ ச மஹாஸ்வனம் ॥ 3௦ ॥
ஸ பூ⁴த்வா ஸுமஹாகாயோ ஹனுமான்மாருதாத்மஜ: ।
த்⁴ருஷ்டமாஸ்போ²டயாமாஸ லங்காம் ஶப்³தே³ன பூரயன் ॥ 31 ॥
தஸ்யாஸ்போ²டிதஶப்³தே³ன மஹதா ஸானுனாதி³னா ।
பேதுர்விஹங்கா³ க³க³னாது³ச்சைஶ்சேத³மகோ⁴ஷயத் ॥ 32 ॥
ஜயத்யதிப³லோ ராமோ லக்ஷ்மணஶ்ச மஹாப³ல: ।
ராஜா ஜயதி ஸுக்³ரீவோ ராக⁴வேணாபி⁴பாலித: ॥ 33 ॥
தா³ஸோஹம் கோஸலேந்த்³ரஸ்ய ராமஸ்யாக்லிஷ்டகர்மண: ।
ஹனுமான்ஶத்ருஸைன்யானாம் நிஹந்தா மாருதாத்மஜ: ॥ 34 ॥
ந ராவணஸஹஸ்ரம் மே யுத்³தே⁴ ப்ரதிப³லம் ப⁴வேத் ।
ஶிலாபி⁴ஸ்து ப்ரஹரத: பாத³பைஶ்ச ஸஹஸ்ரஶ: ॥ 35 ॥
அர்த³யித்வா புரீம் லங்காமபி⁴வாத்³ய ச மைதி²லீம் ।
ஸம்ருத்³தா⁴ர்தோ² க³மிஷ்யாமி மிஷதாம் ஸர்வரக்ஷஸாம் ॥ 36 ॥
தஸ்ய ஸன்னாத³ஶப்³தே³ன தேப⁴வன்ப⁴யஶங்கிதா: ।
த³த்³ருஶுஶ்ச ஹனூமந்தம் ஸந்த்⁴யாமேக⁴மிவோன்னதம் ॥ 37 ॥
ஸ்வாமிஸந்தே³ஶனிஶ்ஶங்காஸ்ததஸ்தே ராக்ஷஸா: கபிம் ।
சித்ரை: ப்ரஹரணைர்பீ⁴மைரபி⁴பேதுஸ்ததஸ்தத: ॥ 38 ॥
ஸ தை: பரிவ்ருதஶ்ஶூரைஸ்ஸர்வதஸ்ஸுமஹாப³ல: ।
ஆஸஸாதா³யஸம் பீ⁴மம் பரிக⁴ம் தோரணாஶ்ரிதம் ॥ 39 ॥
ஸ தம் பரிக⁴மாதா³ய ஜகா⁴ன ரஜனீசரான் ।
ஸ பன்னக³மிவாதா³ய ஸ்பு²ரந்தம் வினதாஸுத: ॥ 4௦ ॥
விசசாராம்ப³ரே வீர: பரிக்³ருஹ்ய ச மாருதி: ।
ஸ ஹத்வா ராக்ஷஸான்வீரான்கிங்கரான்மாருதாத்மஜ: ॥ 41 ॥
யுத்³தா⁴காங்க்ஷீ புனர்வீரஸ்தோரணம் ஸமுபாஶ்ரித: ।
ததஸ்தஸ்மாத்³ப⁴யான்முக்தா: கதிசித்தத்ர ராக்ஷஸா: ॥ 42 ॥
நிஹதான்கிங்கரான்ஸர்வான்ராவணாயன்யவேத³யன் ।
ஸ ராக்ஷஸானாம் நிஹதம் மஹத்³ப³லம் நிஶம்ய ராஜா பரிவ்ருத்தலோசன: ।
ஸமாதி³தே³ஶாப்ரதிமம் பராக்ரமே ப்ரஹஸ்தபுத்ரம் ஸமரே ஸுது³ர்ஜயம் ॥ 43 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்³விசத்வாரிம்ஶஸ்ஸர்க:³ ॥
