ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² சதுஶ்சத்வாரிம்ஶஸ்ஸர்க:³ ।
ஸந்தி³ஷ்டோ ராக்ஷஸேந்த்³ரேண ப்ரஹஸ்தஸ்ய ஸுதோ ப³லீ ।
ஜம்பு³மாலீ மஹாத³ம்ஷ்ட்ரோ நிர்ஜகா³ம த⁴னுர்த⁴ர: ॥ 1 ॥
ரக்தமால்யாம்ப³ரத⁴ரஸ்ஸ்ரக்³வீ ருசிரகுண்ட³ல: ।
மஹான்விவ்ருத்தனயனஶ்சண்ட³ஸ்ஸமரது³ர்ஜய: ॥ 2 ॥
த⁴னுஶ்ஶக்ரத⁴னு: ப்ரக்²யம் மஹத்³ருசிரஸாயகம் ।
விஷ்பா²ரயாணோ வேகே³ன வஜ்ராஶனிஸமஸ்வனம் ॥ 3 ॥
தஸ்ய விஷ்பா²ரகோ⁴ஷேண த⁴னுஷோ மஹதா தி³ஶ: ।
ப்ரதி³ஶஶ்ச நப⁴ஶ்சைவ ஸஹஸா ஸமபூர்யத ॥ 4 ॥
ரதே²ன க²ரயுக்தேன தமாக³தமுதீ³க்ஷ்ய ஸ: ।
ஹனுமான்வேக³ஸம்பன்னோ ஜஹர்ஷ ச நனாத³ ச ॥ 5 ॥
தம் தோரணவிடங்கஸ்த²ம் ஹனுமந்தம் மஹாகபிம் ।
ஜம்பு³மாலீ மஹாபா³ஹுர்விவ்யாத⁴ நிஶிதைஶ்ஶரை: ॥ 6 ॥
அர்த⁴சந்த்³ரேண வத³னே ஶிரஸ்யேகேன கர்ணினா ।
பா³ஹ்வோர்விவ்யாத⁴ நாராசைர்த³ஶபி⁴ஸ்தம் கபீஶ்வரம் ॥ 7 ॥
தஸ்ய தச்சு²ஶுபே⁴ தாம்ரம் ஶரேணாபி⁴ஹதம் முக²ம் ।
ஶரதீ³வாம்பு³ஜம் பு²ல்லம் வித்³த⁴ம் பா⁴ஸ்கரரஶ்மினா ॥ 8 ॥
தத்தஸ்ய ரக்தம் ரக்தேன ரஞ்ஜிதம் ஶுஶுபே⁴ முக²ம் ।
யதா²காஶே மஹாபத்³மம் ஸிக்தம் சந்த³னபி³ந்து³பி⁴: ॥ 9 ॥
சுகோப பா³ணாபி⁴ஹதோ ராக்ஷஸஸ்ய மஹாகபி: ।
தத: பார்ஶ்வேதிவிபுலாம் த³த³ர்ஶ மஹதீம் ஶிலாம் ॥ 1௦ ॥
தரஸா தாம் ஸமுத்பாட்ய சிக்ஷேப ப³லவத்³ப⁴லீ ।
தாம் ஶரைர்த³ஶபி⁴: க்ருத்³த⁴ஸ்தாட³யாமாஸ ராக்ஷஸ: ॥ 11 ॥
விபன்னம் கர்ம தத்³த்³ருஷ்ட்வா ஹனுமாம்ஶ்சண்ட³விக்ரம: ।
ஸாலம் விபுலமுத்பாட்ய ப்⁴ராமயாமாஸ வீர்யவான் ॥ 12 ॥
ப்⁴ராமயந்தம் கபிம் த்³ருஷ்ட்வா ஸாலவ்ருக்ஷம் மஹாப³லம் ।
சிக்ஷேப ஸுப³ஹூன்பா³ணான்ஜம்பு³மாலீ மஹாப³ல: ॥ 13 ॥
ஸாலம் சதுர்பி⁴ஶ்சிச்சே²த³ வானரம் பஞ்சபி⁴ர்பு⁴ஜே ।
உரஸ்யேகேன பா³ணேன த³ஶபி⁴ஸ்து ஸ்தனாந்தரே ॥ 14 ॥
ஸ ஶரை: பூரிததனு: க்ரோதே⁴ன மஹதா வ்ருத: ।
தமேவ பரிக⁴ம் க்³ருஹ்ய ப்⁴ராமயாமாஸ வேகி³த: ॥ 15 ॥
அதிவேகோ³திவேகே³ன ப்⁴ராமயித்வா ப³லோத்கட: ।
பரிக⁴ம் பாதயாமாஸ ஜம்பு³மாலேர்மஹோரஸி ॥ 16 ॥
தஸ்ய சைவ ஶிரோ நாஸ்தி ந பா³ஹூ ந ச ஜானுனீ ।
ந த⁴னுர்ன ரதோ² நாஶ்வாஸ்தத்ராத்³ருஶ்யந்த நேஷவ: ॥ 17 ॥
ஸ ஹதஸ்ஸஹஸா தேன ஜம்பு³மாலீ மஹாப³ல: ।
பபாத நிஹதோ பூ⁴மௌ சூர்ணிதாங்க³விபூ⁴ஷண: ॥ 18 ॥
ஜம்பு³மாலிம் ச நிஹதம் கிங்கராம்ஶ்ச மஹாப³லான் ।
சுக்ரோத⁴ ராவணஶ்ஶுத்வா கோபஸம்ரக்தலோசன: ॥ 19 ॥
ஸ ரோஷஸம்வர்திததாம்ரலோசன: ப்ரஹஸ்தபுத்த்ரே நிஹதே மஹாப³லே ।
அமாத்யபுத்த்ரானதிவீர்யவிக்ரமான் ஸமாதி³தே³ஶாஶு நிஶாசரேஶ்வர: ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ சதுஶ்சத்வாரிம்ஶஸ்ஸர்க:³ ॥
