ශ්රීමද්වාල්මීකීය රාමායණේ සුංදරකාංඩම් ।
අථ චතුශ්චත්වාරිංශස්සර්ගඃ ।
සංදිෂ්ටෝ රාක්ෂසේංද්රේණ ප්රහස්තස්ය සුතෝ බලී ।
ජංබුමාලී මහාදංෂ්ට්රෝ නිර්ජගාම ධනුර්ධරඃ ॥ 1 ॥
රක්තමාල්යාංබරධරස්ස්රග්වී රුචිරකුංඩලඃ ।
මහාන්විවෘත්තනයනශ්චංඩස්සමරදුර්ජයඃ ॥ 2 ॥
ධනුශ්ශක්රධනුඃ ප්රඛ්යං මහද්රුචිරසායකම් ।
විෂ්ඵාරයාණෝ වේගේන වජ්රාශනිසමස්වනම් ॥ 3 ॥
තස්ය විෂ්ඵාරඝෝෂේණ ධනුෂෝ මහතා දිශඃ ।
ප්රදිශශ්ච නභශ්චෛව සහසා සමපූර්යත ॥ 4 ॥
රථේන ඛරයුක්තේන තමාගතමුදීක්ෂ්ය සඃ ।
හනුමාන්වේගසංපන්නෝ ජහර්ෂ ච නනාද ච ॥ 5 ॥
තං තෝරණවිටංකස්ථං හනුමංතං මහාකපිම් ।
ජංබුමාලී මහාබාහුර්විව්යාධ නිශිතෛශ්ශරෛඃ ॥ 6 ॥
අර්ධචංද්රේණ වදනේ ශිරස්යේකේන කර්ණිනා ।
බාහ්වෝර්විව්යාධ නාරාචෛර්දශභිස්තං කපීශ්වරම් ॥ 7 ॥
තස්ය තච්ඡුශුභේ තාම්රං ශරේණාභිහතං මුඛම් ।
ශරදීවාංබුජං ඵුල්ලං විද්ධං භාස්කරරශ්මිනා ॥ 8 ॥
තත්තස්ය රක්තං රක්තේන රංජිතං ශුශුභේ මුඛම් ।
යථාකාශේ මහාපද්මං සික්තං චංදනබිංදුභිඃ ॥ 9 ॥
චුකෝප බාණාභිහතෝ රාක්ෂසස්ය මහාකපිඃ ।
තතඃ පාර්ශ්වේऽතිවිපුලාං දදර්ශ මහතීං ශිලාම් ॥ 10 ॥
තරසා තාං සමුත්පාට්ය චික්ෂේප බලවද්භලී ।
තාං ශරෛර්දශභිඃ ක්රුද්ධස්තාඩයාමාස රාක්ෂසඃ ॥ 11 ॥
විපන්නං කර්ම තද්දෘෂ්ට්වා හනුමාංශ්චංඩවික්රමඃ ।
සාලං විපුලමුත්පාට්ය භ්රාමයාමාස වීර්යවාන් ॥ 12 ॥
භ්රාමයංතං කපිං දෘෂ්ට්වා සාලවෘක්ෂං මහාබලම් ।
චික්ෂේප සුබහූන්බාණාන්ජංබුමාලී මහාබලඃ ॥ 13 ॥
සාලං චතුර්භිශ්චිච්ඡේද වානරං පංචභිර්භුජේ ।
උරස්යේකේන බාණේන දශභිස්තු ස්තනාංතරේ ॥ 14 ॥
ස ශරෛඃ පූරිතතනුඃ ක්රෝධේන මහතා වෘතඃ ।
තමේව පරිඝං ගෘහ්ය භ්රාමයාමාස වේගිතඃ ॥ 15 ॥
අතිවේගෝऽතිවේගේන භ්රාමයිත්වා බලෝත්කටඃ ।
පරිඝං පාතයාමාස ජංබුමාලේර්මහෝරසි ॥ 16 ॥
තස්ය චෛව ශිරෝ නාස්ති න බාහූ න ච ජානුනී ।
න ධනුර්න රථෝ නාශ්වාස්තත්රාදෘශ්යංත නේෂවඃ ॥ 17 ॥
ස හතස්සහසා තේන ජංබුමාලී මහාබලඃ ।
පපාත නිහතෝ භූමෞ චූර්ණිතාංගවිභූෂණඃ ॥ 18 ॥
ජංබුමාලිං ච නිහතං කිංකරාංශ්ච මහාබලාන් ।
චුක්රෝධ රාවණශ්ශුත්වා කෝපසංරක්තලෝචනඃ ॥ 19 ॥
ස රෝෂසංවර්තිතතාම්රලෝචනඃ ප්රහස්තපුත්ත්රේ නිහතේ මහාබලේ ।
අමාත්යපුත්ත්රානතිවීර්යවික්රමාන් සමාදිදේශාශු නිශාචරේශ්වරඃ ॥ 20 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ චතුශ්චත්වාරිංශස්සර්ගඃ ॥
