শ্রীমদ্বাল্মীকীয় রামাযণে সুংদরকাংডম্ ।
অথ চতুশ্চত্বারিংশস্সর্গঃ ।
সংদিষ্টো রাক্ষসেংদ্রেণ প্রহস্তস্য় সুতো বলী ।
জংবুমালী মহাদংষ্ট্রো নির্জগাম ধনুর্ধরঃ ॥ 1 ॥
রক্তমাল্য়াংবরধরস্স্রগ্বী রুচিরকুংডলঃ ।
মহান্বিবৃত্তনযনশ্চংডস্সমরদুর্জয়ঃ ॥ 2 ॥
ধনুশ্শক্রধনুঃ প্রখ্য়ং মহদ্রুচিরসাযকম্ ।
বিষ্ফারয়াণো বেগেন বজ্রাশনিসমস্বনম্ ॥ 3 ॥
তস্য় বিষ্ফারঘোষেণ ধনুষো মহতা দিশঃ ।
প্রদিশশ্চ নভশ্চৈব সহসা সমপূর্যত ॥ 4 ॥
রথেন খরয়ুক্তেন তমাগতমুদীক্ষ্য় সঃ ।
হনুমান্বেগসংপন্নো জহর্ষ চ ননাদ চ ॥ 5 ॥
তং তোরণবিটংকস্থং হনুমংতং মহাকপিম্ ।
জংবুমালী মহাবাহুর্বিব্য়াধ নিশিতৈশ্শরৈঃ ॥ 6 ॥
অর্ধচংদ্রেণ বদনে শিরস্য়েকেন কর্ণিনা ।
বাহ্বোর্বিব্য়াধ নারাচৈর্দশভিস্তং কপীশ্বরম্ ॥ 7 ॥
তস্য় তচ্ছুশুভে তাম্রং শরেণাভিহতং মুখম্ ।
শরদীবাংবুজং ফুল্লং বিদ্ধং ভাস্কররশ্মিনা ॥ 8 ॥
তত্তস্য় রক্তং রক্তেন রংজিতং শুশুভে মুখম্ ।
যথাকাশে মহাপদ্মং সিক্তং চংদনবিংদুভিঃ ॥ 9 ॥
চুকোপ বাণাভিহতো রাক্ষসস্য় মহাকপিঃ ।
ততঃ পার্শ্বেঽতিবিপুলাং দদর্শ মহতীং শিলাম্ ॥ 10 ॥
তরসা তাং সমুত্পাট্য় চিক্ষেপ বলবদ্ভলী ।
তাং শরৈর্দশভিঃ ক্রুদ্ধস্তাডয়ামাস রাক্ষসঃ ॥ 11 ॥
বিপন্নং কর্ম তদ্দৃষ্ট্বা হনুমাংশ্চংডবিক্রমঃ ।
সালং বিপুলমুত্পাট্য় ভ্রাময়ামাস বীর্যবান্ ॥ 12 ॥
ভ্রাময়ংতং কপিং দৃষ্ট্বা সালবৃক্ষং মহাবলম্ ।
চিক্ষেপ সুবহূন্বাণান্জংবুমালী মহাবলঃ ॥ 13 ॥
সালং চতুর্ভিশ্চিচ্ছেদ বানরং পংচভির্ভুজে ।
উরস্য়েকেন বাণেন দশভিস্তু স্তনাংতরে ॥ 14 ॥
স শরৈঃ পূরিততনুঃ ক্রোধেন মহতা বৃতঃ ।
তমেব পরিঘং গৃহ্য় ভ্রাময়ামাস বেগিতঃ ॥ 15 ॥
অতিবেগোঽতিবেগেন ভ্রাময়িত্বা বলোত্কটঃ ।
পরিঘং পাতয়ামাস জংবুমালের্মহোরসি ॥ 16 ॥
তস্য় চৈব শিরো নাস্তি ন বাহূ ন চ জানুনী ।
ন ধনুর্ন রথো নাশ্বাস্তত্রাদৃশ্য়ংত নেষবঃ ॥ 17 ॥
স হতস্সহসা তেন জংবুমালী মহাবলঃ ।
পপাত নিহতো ভূমৌ চূর্ণিতাংগবিভূষণঃ ॥ 18 ॥
জংবুমালিং চ নিহতং কিংকরাংশ্চ মহাবলান্ ।
চুক্রোধ রাবণশ্শুত্বা কোপসংরক্তলোচনঃ ॥ 19 ॥
স রোষসংবর্তিততাম্রলোচনঃ প্রহস্তপুত্ত্রে নিহতে মহাবলে ।
অমাত্যপুত্ত্রানতিবীর্যবিক্রমান্ সমাদিদেশাশু নিশাচরেশ্বরঃ ॥ 20 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে চতুশ্চত্বারিংশস্সর্গঃ ॥
