ශ්රීමද්වාල්මීකීය රාමායණේ යුද්ධකාංඩම් ।
අථ චතුර්ථස්සර්ගඃ ।
ශ්රුත්වා හනුමතෝ වාක්යං යථාවදනුපූර්වශඃ ।
තතෝऽබ්රවීන්මහාතේජා රාමස්සත්යපරාක්රමඃ ॥ 1 ॥
යාං නිවේදයසේ ලංකාං පුරීං භීමස්ය රක්ෂසඃ ।
ක්ෂිප්රමේනාං මථිෂ්යාමි සත්යමේතද්බ්රවීමි තේ ॥ 2 ॥
අස්මින් මුහූර්තේ සුග්රීව ප්රයාණමභිරෝචයේ ।
යුක්තෝ මුහූර්තෝ විජයඃ ප්රාප්තෝ මධ්යං දිවාකර ॥ 3 ॥
සීතාං හෘත්වා තු මේ ජාතු ක්වාසෞ යාස්යති යාස්යතඃ ।
සීතා ශ්රුත්වාභියානං මේ අශාමේෂ්යති ජීවිතේ ।
ජීවිතාංතේऽ මෘතං ස්පෘෂ්ටවා පීත්වා විෂමිවාතුරඃ ॥ 4 ॥
උත්තරා ඵල්ගුනී හ්යද්ය ශ්වස්තු හස්තේන යෝක්ෂ්යතේ ।
අභිප්රායාම සුග්රීව සර්වානීකසමාවෘතාඃ ॥ 5 ॥
නිමිත්තානි ච පශ්යාමි යානි ප්රාදුර්භවංති ච ।
නිහත්ය රාවණං සීතාමානයිෂ්යාමි ජානකීම් ॥ 6 ॥
උපරිෂ්ටාද්ධි නයනං ස්ඵුරමාණමිදං මම ।
විජයං සමනුප්රාප්තං ශංසතීව මනෝරථම් ॥ 7 ॥
තතෝ වානරරාජේන ලක්ෂ්මණේන සුපූජිතඃ ।
උවාච රාමෝ ධර්මාත්මා පුනරප්යර්ධකෝවිදඃ ॥ 8 ॥
අග්රේ යාතු බලස්යාස්ය නීලෝ මාර්ගමවේක්ෂිතුම් ।
වෘතශ්ශතසහස්රේණ වානරාණාං තරස්විනාම් ॥ 9 ॥
ඵලමූලවතා නීල ශීතකානනවාරිණා ।
පථා මධුමතා චාශු සේනාං සේනාපතේ නය ॥ 10 ॥
දූෂයේයුර්දුරාත්මනඃ පථි මූලඵලෝදකම් ।
රාක්ෂසාඃ පරිරක්ෂේථාස්තේභ්යස්ත්වං නිත්යමුද්යතඃ ॥ 11 ॥
නිම්නේෂු වනදුර්ගේෂු වනේෂු ච වනෞකසඃ ।
අභිප්ලුත්යාභිපශ්යේයුඃ පරේෂාං නිහිතං බලම් ॥ 12 ॥
යච්ච ඵල්ගු බලං කිංචිත්ත දත්රෛවෝපපද්යතාම් ।
ඒතද්ධි කෘත්යං ඝෝරං නෝ වික්රමේණ ප්රයුජ්යතාම් ॥ 13 ॥
සාගරෞඝනිභං භීමමග්රානීකං මහාබලාඃ ।
කපිසිංහාඃ ප්රකර්ෂස්තු ශතශෝऽථ සහස්රශඃ ॥ 14 ॥
කපි සිම්හා ප්රකර්ෂංතු ශතශෝ අථ සහස්රශඃ ।
ගජඃ ච ගිරි සම්කාශෝ ගවයඃ ච මහාබලඃ ॥ 15 ॥
යාතු වානරවාහින්යා වානරඃ ප්ලවතාං වරඃ ।
පාලයංදක්ෂිණං පාර්ශ්වමෘෂභෝ වානරර්ෂභඃ ॥ 16 ॥
ගංධහස්තීව දුර්ධර්ෂස්තරස්වී ගංධමාදනඃ ।
යාතු වානරවාහින්යා ස්සව්යං පාර්ශ්වමධිෂ්ඨිතඃ ॥ 17 ॥
යාස්යාමි බලමධ්යේऽහං බලෞඝමභිහර්ෂයන් ।
අධිරුහ්ය හනූමංත මෛරාවත මිවේශ්වරඃ ॥ 18 ॥
අංගදේනෛෂ සංයාතු ලක්ෂ්මණශ්චාංත කෝපමඃ ।
සාර්වභෞමේන භූතේශෝ ද්රවිණාධිපතිර්යථා ॥ 19 ॥
ජාංබවාංශ්ච සුෂේණශ්ච වේගදර්ශී ච වානරඃ ।
ඍක්ෂරාජෝ මහාසත්ත්වඃ කුක්ෂිං රක්ෂංතු තේ ත්රයඃ ॥ 20 ॥
රාඝවස්ය වචශ්ශ්රුත්වා සුග්රීවෝ වාහිනීපතිඃ ।
ව්යාදිදේශ මහාවීර්යෝ වානරාන්වානරර්ෂභ ඃ ॥ 21 ॥
තේ වානරගණාස්සර්වේ සමුත්පත්ය යුයුත්සවඃ ।
ගුහාභ්යශ්ශිඛරේභ්යශ්ච අශු පුප්ලුවිරේ තදා ॥ 22 ॥
තතෝ වානරරාජේන ලක්ෂ්මණේන ච පූජිතඃ ।
ජගාම රාමෝධර්මාත්මා සසෛන්යෝ දක්ෂිණාං දිශම් ॥ 23 ॥
ශතෛඃ ශතසහස්රෛශ්ච කෝටිභිශ්චායුතෛරපි ।
වාරණාභෛශ්ච හරිභිර්යයෞ පරිවෘතස්තදා ॥ 24 ॥
තං යාංතමනුයාංතී සා මහතී හරිවාහිනී ।
දෘප්තාඃ ප්රමුදිතාස්සර්වේ සුග්රීවේණාභිපාලිතාඃ ॥ 25 ॥
හෘෂ්ටාඃ ප්රමුදිතාඃ සර්වේ සුග්රීවේණ අභිපාලිතාඃ ।
ආප්ලවංතඃ ප්ලවංතඃ ච ගර්ජංතඃ ච ප්ලවං ගමාඃ ॥ 26 ॥
භක්ෂ්යංත ස්සුගංධීනි මධූනි ච ඵලානි ච ।
උද්වහංතෝ මහාවෘක්ෂාන් මංජරීපුංජධාරිණඃ ॥ 27 ॥
අන්යෝන්යං සහසා දෘප්තා නිර්වහාංති ක්ෂිපංති ච ।
පතංතශ්පෝත්පත්නත්යන්යේ පාතයංත්යපරේ පරාන් ॥ 28 ॥
රාවණෝ නෝ නිහංතව්යස්සර්වේ ච රජනීචරාඃ ।
ඉති ගර්ජංති හරයෝ රාඝවස්ය සමීපතඃ ॥ 29 ॥
පුරස්තාදෘෂභෝ වීරෝ නීලඃ කුමුද ඒව ච ।
පංථානං ශෝධයංතිස්ම වානරෛර්බහුභි ස්සහ ॥ 30 ॥
මධ්යේ තු රාජා සුග්රීවෝ රාමෝ ලක්ෂ්මණ ඒව ච ।
බලභිර්බහුභි ර්භීමෛර්වෘතාශ්ශත්රුනිබර්හණාඃ ॥ 31 ॥
හරිශ්ශතවලිර්වීරඃ කෝටීභිර්දශභිර්වෘතඃ ।
සර්වාමේකෝ හ්යාවෂ්ටභ්ය රරක්ෂ හරිවාහිනීම් ॥ 32 ॥
කෝටීශතපරීවාරඃ කේසරී පනසෝ ගජඃ ।
අර්කශ්චාතිබලඃ පාර්ශ්වමේකං තස්යාභිරක්ෂති ॥ 33 ॥
සුෂේණෝ ජාංබවාංශ්චෛව ඍක්ෂෛර්බහුභිරාවෘතෞ ।
සුග්රීවං පුරතඃ කෘත්වා ජඝනං සම්රරක්ෂතුඃ ॥ 34 ॥
තේෂාං සේනාපතිර්වීරෝ නීලෝ වානරපුංගවඃ ।
සංපතන්පතතාං ශ්රේෂ්ඨස්තද්බලං පර්යපාලයාත් ॥ 35 ॥
දරීමුඛඃ ප්රජංඝශ්ච රංභෝऽථ රභසඃ කපිඃ ।
සර්වතශ්ච යයුර්වීරාස්ත්වරයංතඃ ප්ලවංගමාන් ॥ 36 ॥
ඒවං තේ හරිශාර්දූලා ගච්ඡංතෝ බලදර්පිතාඃ ।
අපශ්යංස්තේ ගිරිශ්රේෂ්ඨං සහ්යං ද්රුමාලතායුතම් ॥ 37 ॥
සරාංසි ච සුපුල්ලානි තටාකානි වනානි ච ॥ 38 ॥
රාමස්ය ශාසනං ජ්ඤාත්වා භීමකෝපස්ය භීතවත් ।
වර්ජයන්නගරාභ්යාශාං ස්තථා ජනපදානපි ॥ 39 ॥
සාගරෞඝනිභං භීමං තද්වානරබලං මහත් ।
උත්සසර්ප මහාඝෝෂං භීමඝෝෂමිවාර්ණවඃ ॥ 40 ॥
තස්යදාශරථේඃ පාර්ශ්වේ ශූරාස්තේ කපිකුඞජරාඃ ।
තෝර්ණමාපුප්ලුවු ස්සර්වේ සදශ්වා ඉව චෝදිතාඃ ॥ 41 ॥
කපිභ්යාමුහ්යමානෞ තෞ ශුශුභාතේ නරර්ෂභෞ ।
මහාද්භ්යාමිව සම්ස්පෘෂ්ටෞ ග්රහාභ්යාං චංද්රභාස්කරෞ ॥ 42 ॥
තතෝ වානරරාජේන ලක්ෂ්මණේන සුපූජිතඃ ।
ජගාම රාමෝ ධර්මාත්මා සසෛන්යෝ දක්ෂිණාං දිශම් ॥ 43 ॥
තමංගදගතෝ රාමං ලක්ෂ්මණශ්ශුභයා ගිරා ।
උවාච පරිපූර්ණාර්ථඃ ස්මෘතිමාන් ප්රතිභානවාන් ॥ 44 ॥
හෘතාමවාප්ය වෛදේහීං ක්ෂිප්රං හත්වා ච රාවණම් ।
සමෘද්ධාර්ථස්සමෘද්ධාර්ථමයෝධ්යාං ප්රතියාස්යසි ॥ 45 ॥
මහාංති ච නිමිත්තානි දිවි භූමෞ ච රාඝව ।
ශුභානි තව පශ්යාමි සර්වාණ්යේනාර්ථසිද්ධයේ ।
අනුවාති ශිවෝ වායු ස්සේවාං මෘදුහිත ස්සුඛඃ ॥ 46 ॥
පූර්ණවල්ගුස්වරාශ්චේමේ ප්රවදංති මෘගද්විජාඃ ।
ප්රසන්නාශ්ච දිශ ස්සර්වා විමලශ්ච දිවාකරඃ ॥ 47 ॥
උශනා ච ප්රසන්නාර්චිරනු ත්වාං භාර්ගවෝ ගතඃ ॥ 48 ॥
බ්රහ්මරාශිර්විශුද්ධශ්ච ශුද්දාශ්ච පරමර්ෂයඃ ।
අර්චිෂ්මංතඃ ප්රකාශංතේ ධ්රුවං සර්වේ ප්රදක්ෂිණම් ॥ 49 ॥
ත්රිශංකුර්විමලෝ භාති රාජර්ෂිස්සපුරෝහිතඃ ।
පිතාමහාඃ පුරෝऽස්මාකමික්ෂ්වාකූණාං මහාත්මනාම් ॥ 50 ॥
විමලේ ච ප්රකාශේතේ විශාඛේ නිරුපප්ලුවේ ।
නක්ෂත්ර වරමස්මාකමික්ෂ්වාකූණාං මහාත්මනාම් ॥ 51 ॥
නෛරෘතං නෛරෘතානාං ච නක්ෂත්රමභිපීඩ්යතේ ।
මූලෝ මූලවතා ස්පෘෂ්ටෝ ධූප්යතේ ධූමකේතුනා ॥ 52 ॥
සර්වං චෛතද්විනාශාය රාක්ෂසානාමුප ස්ථිතම් ।
කාලේ කාලගෘහීතානාං නක්ෂත්ර ග්රහපීඩිතම් ॥ 53 ॥
ප්රසන්නා ස්සුරසාශ්චාපෝ වනානි ඵලවංති ච ।
ප්රවාංත්යභ්ය නාධිකං ගංධාන්යථර්තුකුසුමා ද්රුමාඃ ॥ 54 ॥
ව්යූඪානි කපිසෛන්යානි ප්රකාශංතේऽධිකං ප්රභෝ ॥ 55 ॥
දේවානාමිව සෛන්යානි සංග්රාමේ තාරකාමයේ ।
ඒවමාර්ය ।
සමීක්ෂ්යෛතාන්ප්රීතෝ භවිතුමර්හසි ॥ 56 ॥
ඉති භ්රාතරමාශ්වාස්ය හෘෂ්ට ස්සෞමිත්රිරබ්රවීත් ।
අථාවෘත්ය මහීං කෘත්ස්නාං ජගාම මහතී චමූඃ ॥ 57 ॥
ඍක්ෂවානරශර්දූලෛර්න ඛදංෂ්ට්රායුධෛර්වුතා ।
කාරාග්රෛශ්චරණාග්රෛශ්ච වානරෛ රුත්ථිතං රජඃ ।
භීමමංතර්දධේ ලෝකං නිවාර්ය සවිතුඃ ප්රභාම් ॥ 58 ॥
පර්වතවනාකාශාං දක්ෂිණාං හරිවාහිනී ।
ඡාදයංතී යයෞ භීමා ද්යාමිවාංබුදසංතතිඃ ॥ 59 ॥
උත්තරංත්යාං ච සේනායාං ස්සතතං බහුයෝජනම් ।
නදීස්රෝතාංසි සර්වාණි සස්යංදුර්විපරීතවත් ॥ 60 ॥
සරාංසි විමලාංභාංසි ද්රුමාකීර්ණාංශ්ච පර්වතා ।
සමාන් භූමිප්රදේශාංශ්ච වනානි ඵලවංති ච ।
මධ්යේන ච සමංතාච්ච තිර්යක්චාථශ්ච සමාऽවිශත් ॥ 61 ॥
සමාවෘත්ය මහීං කෘත්ස්නාං ජගාම මහතී චමූඃ ।
තේහෘෂ්ටවදනා ස්සර්වේ ජග්මුර්මාරුතරංහසඃ ॥ 62 ॥
හරයෝ රාඝවස්යාර්ථේ සමාරෝපිතවික්රමාඃ ॥ 63 ॥
හර්ෂංවීර්ය බලෝද්රේකාංදර්ශයංතඃ පරස්පරම් ।
යෞවනෝත්සේකජාංදර්පාද්විවිධාංශ්චක්රුරධ්වනි ॥ 64 ॥
තත්ර කේචිද්ද්රුතං ජග්මුරුත්පේතුශ්ච තථාපරේ ।
කේචිත්කිලකිලාං චක්රුර්වානරා වනගෝචරාඃ ॥ 65 ॥
ප්රාස්පෝටයංශ්ච පුච්ඡානි සන්නිජග්මුඃ පදාන්යපි ।
භුජාවනික්ෂිප්ය ශෛලාංශ්ච ද්රුමානන්යේ බභංජිරේ ॥ 66 ॥
ආරෝහංතශ්ච ශෘංගාණි ගිරීණාං ගිරිගෝචරාඃ ।
මහානාදාන් ප්රමුංචංති ක්ෂ්වේඩාමන්යේ ප්රචක්රිතේ ॥ 67 ॥
ඌරුවේගෛශ්ච මමෘදුර්ලතාජාලාන්යනේකශඃ ।
ජෘංභමාණාශ්ච වික්රාංතා විචික්රීඩුශ්ශිලාද්රුමෛ ඃ ॥ 68 ॥
ශතශ්ශතසහස්රෛශ්ච කෝටිභිශ්ච සහස්රශඃ ।
වානරාණාං සුඝෝරාණාං ශ්රීමත්පරිවෘතා මහී ॥ 69 ॥
සා ස්ම යාති දිවාරාත්රං මහතී හරිවාහිනී ।
ප්රහෘෂ්ටමුදිතාස්සේනා සුග්රීවේණාභිපාලිතාඃ ॥ 70 ॥
වානරාස්ත්වරිතං යාංති සර්වේ යුද්ධාභිනංදිනඃ ।
ප්රමෝක්ෂයිෂව ස්සීතාං මුහූර්තං ක්වාපි නාවසන් ॥ 71 ॥
තතඃ පාදපසංභාධං නානාමෘගසමායුතාම ।
සහ්යපර්වතමාසේදුර්මලයංච මහීධරම් ॥ 72 ॥
කානනානි විචිත්රාණි නදීඃ ප්රස්රවණානි ච ।
පශ්යන්නනි යයෞ රාමස්සහ්යස්ය මලයස්ය ච ॥ 73 ॥
චංපකාංස් තිලකාමඃ චූතාන් අශෝකාන් සිංදු වාරකාන් ।
තිනිශාන් කරවීරාමඃ ච තිමිශාන් භන්ජංති ස්ම ප්ලවං ගමාඃ ॥ 74 ॥
අංකෝලාංශ්ච කරංචාංශ්ච ප්ලක්ෂන්යග්රෝධතිංදුකාන් ।
ජංබුකාමලකාන්නාපාන්භජංති ස්ම ප්ලවංගමාඃ ॥ 75 ॥
ප්රස්තරේෂු ච රම්යේෂු විවිධාඃ කානනද්රුමාඃ ।
වායුවේගප්රචලිතාඃ පුෂ්පෛරවකිරංති තාන් ॥ 76 ॥
මාරුතස්සුඛසංස්පර්ශෝ වාති චංදනශීතලඃ ।
ෂටපදෛරනුකූජද්භිර්වනේෂු මධුගංධිෂු ॥ 77 ॥
අධිකං ශෛලරාජස්තු ධාතුභිස්සුවිභූෂිතඃ ।
ධාතුභ්යඃප්රසෘතෝ රේණුර්වායුවේග විඝට්ටිතඃ ।
සුමහද්වානරානීකං ඡාදයාමාස සර්වතඃ ॥ 78 ॥
ගිරිප්රස්ථේෂු රම්යේෂු සර්වත සංප්ර පුෂ්පිතාඃ ।
කේතකස්සිංදුවාරාශ්ච වාසංත්යශ්ච මනෝරමාඃ ॥ 79 ॥
මාධව්යෝ ගංධපූර්ණාශ්ච කුංදගුල්මාශ්ච පුෂ්පිතාඃ ।
චිරිබිල්වා මධූකාශ්ච වංජුලා ප්රියකාස්තථා ॥ 80 ॥
සුඵූර්ජකාස්තිලකාශ්චෛව නාගවෘක්ෂාශ්ච පුෂ්පිතාඃ ।
චූතාඃ පාටලයකාශ්චෛව කෝවිදාරාශ්ච පුෂ්පිතාඃ ॥ 81 ॥
මුචුලිංදාර්ජුනාශ්චෛව ශිංශුපාඃ කුටජාස්තථා ।
ධවා ශ්ශාල්මලයශ්චෛව රක්තාඃ කුරවකාස්තථා ॥ 82 ॥
හිංතාලාස්තිනිශාශ්චෛව චූර්ණකා නීපකාස්තථා ।
නීලාශෝකාශ්ච වරණා අංකෝලාඃ පද්මකාස්තථා ॥ 83 ॥
ප්ලවමානෛඃ ප්ලවංගෛස්තු සර්වේ පර්යාකුලීකෘතාම් ॥ 84 ॥
වාප්යස්තස්මින් ගිරෞ ශිතාඃ පල්වලානි තථෛව ච ।
චක්රවාකානුචරිතාඃ කාරංඩවනිෂේවිතාඃ ॥ 85 ॥
ප්ලවෛඃ ක්රෞංචේශ්ච සංකීර්ණා වරාහමෘග සේවිතාඃ ।
ඍක්ෂෛස්තරක්ෂුභිස්සිම්හෛශ්ශාර්දූලෛශ්ච භයාවහෛඃ ॥ 86 ॥
ව්යාලෛශ්ච බහුභිර්භීමෛ ස්සේව්යමානා ස්සමංතතඃ ।
පද්මෛස්සෞගංදිකෛඃ පුල්ලෛඃ කුමුදෛශ්චෝත්පලෛස්තථා ॥ 87 ॥
වාරිජෛර්විවිධෛඃ පුෂ්පෛ රම්යාස්තත්ර ජලාශයාඃ ।
තස්ය සානුෂු කූජංති නානාද්විජගණාස්තථා ॥ 88 ॥
ස්නාත්වා පීත්වෝදකාන්යත්ර ජලේ ක්රීඩංති වානරාඃ ।
අන්යෝන්යං ප්ලාවයංති ස්ම ශෛලමාරුහ්ය වානරාඃ ॥ 89 ॥
ඵලාන්ය මෘතගංධීනි මූලානි කුසුමානි ච ।
බභංජුර්වාස්තත්ර පාදපානං මදෝත්කටාඃ ॥ 90 ॥
ද්රෝණමාත්රප්රමාණානි ලංබමානානි වානරාඃ ।
යයුඃ පිබංත හෘෂ්ටාස්තේ මධූනි මධුපිංගලාඃ ॥ 91 ॥
පාදපානවභංජංතෝ විකර්ෂංත ස්තථා ලතාඃ ।
විධමංතෝ ගිරිවරාන්ප්රයයුඃ ප්ලවගර්ෂභාඃ ॥ 92 ॥
වෘක්ෂේභ්යෝऽන්යේ තු කපයෝ නදංතෝ මධුදර්පිතාඃ ।
අන්යේ වෘක්ෂාන්ප්රපද්යංතේ ප්රපිබංත්යපි චාපරේ ॥ 93 ॥
බභූව වසුධා තෛස්තු සංපූර්ණා හරියූථපෛඃ ।
යථා කලමකේදාරෛඃ පක්වෛරිව වසුංදරා ॥ 94 ॥
මහේංද්රමථ සංප්රාප්ය රාමෝ රාජීවලෝචනඃ ।
අධ්යාරෝහන්මහාබාහුශ්ශිඛරං ද්රුමභූෂිතම් ॥ 95 ॥
තතශ්ශිඛරමාරුහ්ය රාමෝ දශරථාත්මජඃ ।
කූර්මමීනසමාකීර්ණමපශ්යත්සලිලාකුලම් ॥ 96 ॥
තේ සහ්යං සමතික්රම්ය මලයං ච මහාගිරිම් ।
ආසේදුරානුපූර්ව්යේණ සමුද්රං භමනිස්ස්වනම් ॥ 97 ॥
අවරුහ්ය ජගාමාශු වේලාවනමනුත්තමම් ।
රාමෝ රමයතාං ශ්රේෂ්ට ස්සසුග්රීව ස්සලක්ෂ්මණඃ ॥ 98 ॥
අථ ධෞතෝපලතලාං තෝයෞඝෛ ස්සහසෝත්ථිතෛඃ ।
වේලාමාසාද්ය විපුලාන්රාමෝ වචනමබ්රවීත් ॥ 99 ॥
ඒතේ වයමනුප්රාප්තා ස්සුග්රීව වරුණාලයම් ।
ඉහේදානීං විචිංතා සායා නඃ පූර්වසමුත්ථිතා ॥ 100 ॥
අතඃ පරමතීරෝऽයං සාගර ස්සරිතාං පතිඃ ।
න චායමනුපායේන ශක්යස්තරිතුමර්ණවඃ ॥ 101 ॥
තදිහෛව නිවේශෝऽස්තු මංත්රඃ ප්රස්තූයතාමිහ ।
යථේදං වානරබලං පරං පාරමවාප්නුයාත් ॥ 102 ॥
ඉතීව ස මහාබාහුස්සීතාහරණකර්ශිතඃ ।
රාමස්සාගරමාසාද්ය වාසමාජ්ඤාපයත්තදා ॥ 103 ॥
සර්වා ස්සේනා නිවේශ්යංතාං වේලායාං හරිපුංගව ।
සංප්රාප්තෝ මංත්රකාලෝ නස්සාගරස්යේහ ලංඝනේ ॥ 104 ॥
ස්වාං ස්වාං සේනාං සමුත්සෘජ්ය මා ච කශ්චිත්කුතෝ ව්රජේත් ।
ගච්ඡංතු වානරාශ්ශූරාජ්ඤේයං ඡන්නං භයං ච නඃ ॥ 105 ॥
රාමස්ය වචනං ශ්රුත්වා සුග්රීව ස්සහලක්ෂ්මණඃ ।
සේනාං නිවේශයතතීරේ සාගරස්ය ද්රුමායුතේ ॥ 106 ॥
විරරාජ සමීපස්ථං සාගරස්ය තු තද්බලම් ।
මධුපාංඩුජල ශ්රශීමාන් ද්විතීය ඉව සාගරඃ ॥ 107 ॥
වේලාවනමුපාගම්ය තතස්තේ හරිපුංගවාඃ ।
නිවිෂ්ටාශ්ච පරං පාරං කාංක්ෂමාණා මහෝදධේඃ ॥ 108 ॥
තේෂාං නිවිශමානානාං සෛන්යසන්නාහනිස්ස්වනඃ ।
අංතර්ධාය මහානාදමර්ණවස්ය ප්රශුශ්රුවේ ॥ 109 ॥
සා වානරාණාං ධ්වජිනී සුග්රීවේණාභිපාලිතා ।
ත්රිධා නිවිෂ්ටා මහතී රාමස්යාර්ථපරාऽභවත් ॥ 110 ॥
සා මහාර්ණවමාසාද්ය හෘෂ්ටා වානරවාහිනී ।
වායුවේගසමාධූතං පශ්යමානා මහාර්ණවම් ॥ 111 ॥
දූරපාරමසංබාධං රක්ෂෝගණනිෂේවිතම් ।
පශ්යංතෝ වරුණාවාසං නිෂේදුර්හරියූථපාඃ ॥ 112 ॥
චංඩනක්රග්රාහං ඝෝරං ක්ෂපාදෞ දිවසක්ෂ්යේ ।
හසංතමිව ඵේනෞඝෛර්නෘත්යංතමිව චෝර්මිභිඃ ॥ 113 ॥
චංද්රෝදයේ සමුද්භූතං ප්රතිචංද්රසමාකුලම් ।
චංඩානිලමහාග්රාහෛඃ කීර්ණං තිමිතිමිංගිලෛඃ ॥ 114 ॥
දීප්තභෝගෛරිවාකීර්ණං භුජංගෛර්වරුණාලයම් ।
අවගාඪං මහාසත්ත්වෛර්නානාශෛලසමාකුලම් ।
සුදුර්ගං දුර්ගමාර්ගං තමගාධ මසුරාලයම් ॥ 115 ॥
මකරෛර්නාගභෝගෛශ්ච විගාඪා වාතලෝලිතාඃ ।
උත්පේතුශ්ච නිපේතුශ්ච ප්රවෘද්ධා ජලරාශයඃ ॥ 116 ॥
උත්පේතුඃ ච නිපේතුඃ ච ප්රවෘද්ධා ජල රාශයඃ ।
අග්නි චූර්ණං ඉව ආවිද්ධං භාස්කර අංබු මනෝ රගම් ॥ 117 ॥
සාගරං චාංබරප්රඛ්යමංබරං සාගරෝපමම් ।
සාගරං චාංබරං චේති නිර්විශේෂ මදෘශ්යත ॥ 118 ॥
සංපෘක්තං නභසාප්යංභස්සංපෘක්තං ච නභෝऽංභසා ।
තාදෘග්රූපේච දෘශ්යතේ තාරාරත්නසමාකුලේ ॥ 119 ॥
සමුත්පතිතමේඝස්ය වීචිමාලාකුලස්ය ච ।
විශේෂෝ න ද්වයෝරාසීත්සාගරස්යාංබරස්ය ච ॥ 120 ॥
අන්යෝන්යෛරාහතා ස්සක්තා ස්සස්වනුර්භීමනිස්ස්වනාඃ ।
ඌර්මයස්සිංධුරාජස්ය මහාභේර්ය ඉවාහවේ ॥ 121 ॥
රත්නෞඝ ජලසන්නාදං විෂක්තමිව වායුනා ।
උත්පතංතමිව ක්රුද්ධං යාදෝගණසමාකුලම් ॥ 122 ॥
දදෘශුස්තේ මහෝත්සාහ වාතාහතජලාශයම් ।
අනිලෝද්ධූතමාකාශේ ප්රවල්ගංත මමිවෝර්මිභිඃ ॥ 123 ॥
තතෝ විස්මයමාපන්නා හරයෝ දදෘශුර්හරයස්තදා ।
භ්රාංතෝර්මිජාලසන්නාදං ප්රලෝලමිව සාගරම් ॥ 124 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ චතුර්ථස්සර්ගඃ ॥
