ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² சதுர்த²ஸ்ஸர்க:³ ।
ஶ்ருத்வா ஹனுமதோ வாக்யம் யதா²வத³னுபூர்வஶ: ।
ததோப்³ரவீன்மஹாதேஜா ராமஸ்ஸத்யபராக்ரம: ॥ 1 ॥
யாம் நிவேத³யஸே லங்காம் புரீம் பீ⁴மஸ்ய ரக்ஷஸ: ।
க்ஷிப்ரமேனாம் மதி²ஷ்யாமி ஸத்யமேதத்³ப்³ரவீமி தே ॥ 2 ॥
அஸ்மின் முஹூர்தே ஸுக்³ரீவ ப்ரயாணமபி⁴ரோசயே ।
யுக்தோ முஹூர்தோ விஜய: ப்ராப்தோ மத்⁴யம் தி³வாகர ॥ 3 ॥
ஸீதாம் ஹ்ருத்வா து மே ஜாது க்வாஸௌ யாஸ்யதி யாஸ்யத: ।
ஸீதா ஶ்ருத்வாபி⁴யானம் மே அஶாமேஷ்யதி ஜீவிதே ।
ஜீவிதாந்தே ம்ருதம் ஸ்ப்ருஷ்டவா பீத்வா விஷமிவாதுர: ॥ 4 ॥
உத்தரா ப²ல்கு³னீ ஹ்யத்³ய ஶ்வஸ்து ஹஸ்தேன யோக்ஷ்யதே ।
அபி⁴ப்ராயாம ஸுக்³ரீவ ஸர்வானீகஸமாவ்ருதா: ॥ 5 ॥
நிமித்தானி ச பஶ்யாமி யானி ப்ராது³ர்ப⁴வந்தி ச ।
நிஹத்ய ராவணம் ஸீதாமானயிஷ்யாமி ஜானகீம் ॥ 6 ॥
உபரிஷ்டாத்³தி⁴ நயனம் ஸ்பு²ரமாணமித³ம் மம ।
விஜயம் ஸமனுப்ராப்தம் ஶம்ஸதீவ மனோரத²ம் ॥ 7 ॥
ததோ வானரராஜேன லக்ஷ்மணேன ஸுபூஜித: ।
உவாச ராமோ த⁴ர்மாத்மா புனரப்யர்த⁴கோவித:³ ॥ 8 ॥
அக்³ரே யாது ப³லஸ்யாஸ்ய நீலோ மார்க³மவேக்ஷிதும் ।
வ்ருதஶ்ஶதஸஹஸ்ரேண வானராணாம் தரஸ்வினாம் ॥ 9 ॥
ப²லமூலவதா நீல ஶீதகானநவாரிணா ।
பதா² மது⁴மதா சாஶு ஸேனாம் ஸேனாபதே நய ॥ 1௦ ॥
தூ³ஷயேயுர்து³ராத்மன: பதி² மூலப²லோத³கம் ।
ராக்ஷஸா: பரிரக்ஷேதா²ஸ்தேப்⁴யஸ்த்வம் நித்யமுத்³யத: ॥ 11 ॥
நிம்னேஷு வனது³ர்கே³ஷு வனேஷு ச வனௌகஸ: ।
அபி⁴ப்லுத்யாபி⁴பஶ்யேயு: பரேஷாம் நிஹிதம் ப³லம் ॥ 12 ॥
யச்ச ப²ல்கு³ ப³லம் கிஞ்சித்த த³த்ரைவோபபத்³யதாம் ।
ஏதத்³தி⁴ க்ருத்யம் கோ⁴ரம் நோ விக்ரமேண ப்ரயுஜ்யதாம் ॥ 13 ॥
ஸாக³ரௌக⁴னிப⁴ம் பீ⁴மமக்³ரானீகம் மஹாப³லா: ।
கபிஸிம்ஹா: ப்ரகர்ஷஸ்து ஶதஶோத² ஸஹஸ்ரஶ: ॥ 14 ॥
கபி ஸிம்ஹா ப்ரகர்ஷந்து ஶதஶோ அத² ஸஹஸ்ரஶ: ।
கஜ³: ச கி³ரி ஸம்காஶோ க³வய: ச மஹாப³ல: ॥ 15 ॥
யாது வானரவாஹின்யா வானர: ப்லவதாம் வர: ।
பாலயந்த³க்ஷிணம் பார்ஶ்வம்ருஷபோ⁴ வானரர்ஷப:⁴ ॥ 16 ॥
க³ந்த⁴ஹஸ்தீவ து³ர்த⁴ர்ஷஸ்தரஸ்வீ க³ந்த⁴மாத³ன: ।
யாது வானரவாஹின்யா ஸ்ஸவ்யம் பார்ஶ்வமதி⁴ஷ்டி²த: ॥ 17 ॥
யாஸ்யாமி ப³லமத்⁴யேஹம் ப³லௌக⁴மபி⁴ஹர்ஷயன் ।
அதி⁴ருஹ்ய ஹனூமந்த மைராவத மிவேஶ்வர: ॥ 18 ॥
அங்க³தே³னைஷ ஸம்யாது லக்ஷ்மணஶ்சாந்த கோபம: ।
ஸார்வபௌ⁴மேன பூ⁴தேஶோ த்³ரவிணாதி⁴பதிர்யதா² ॥ 19 ॥
ஜாம்ப³வாம்ஶ்ச ஸுஷேணஶ்ச வேக³த³ர்ஶீ ச வானர: ।
ருக்ஷராஜோ மஹாஸத்த்வ: குக்ஷிம் ரக்ஷந்து தே த்ரய: ॥ 2௦ ॥
ராக⁴வஸ்ய வசஶ்ஶ்ருத்வா ஸுக்³ரீவோ வாஹினீபதி: ।
வ்யாதி³தே³ஶ மஹாவீர்யோ வானரான்வானரர்ஷப⁴ : ॥ 21 ॥
தே வானரக³ணாஸ்ஸர்வே ஸமுத்பத்ய யுயுத்ஸவ: ।
கு³ஹாப்⁴யஶ்ஶிக²ரேப்⁴யஶ்ச அஶு புப்லுவிரே ததா³ ॥ 22 ॥
ததோ வானரராஜேன லக்ஷ்மணேன ச பூஜித: ।
ஜகா³ம ராமோத⁴ர்மாத்மா ஸஸைன்யோ த³க்ஷிணாம் தி³ஶம் ॥ 23 ॥
ஶதை: ஶதஸஹஸ்ரைஶ்ச கோடிபி⁴ஶ்சாயுதைரபி ।
வாரணாபை⁴ஶ்ச ஹரிபி⁴ர்யயௌ பரிவ்ருதஸ்ததா³ ॥ 24 ॥
தம் யாந்தமனுயாந்தீ ஸா மஹதீ ஹரிவாஹினீ ।
த்³ருப்தா: ப்ரமுதி³தாஸ்ஸர்வே ஸுக்³ரீவேணாபி⁴பாலிதா: ॥ 25 ॥
ஹ்ருஷ்டா: ப்ரமுதி³தா: ஸர்வே ஸுக்³ரீவேண அபி⁴பாலிதா: ।
ஆப்லவந்த: ப்லவந்த: ச க³ர்ஜந்த: ச ப்லவம் க³மா: ॥ 26 ॥
ப⁴க்ஷ்யந்த ஸ்ஸுக³ந்தீ⁴னி மதூ⁴னி ச ப²லானி ச ।
உத்³வஹந்தோ மஹாவ்ருக்ஷான் மஞ்ஜரீபுஞ்ஜதா⁴ரிண: ॥ 27 ॥
அன்யோன்யம் ஸஹஸா த்³ருப்தா நிர்வஹாந்தி க்ஷிபந்தி ச ।
பதந்தஶ்போத்பத்னத்யன்யே பாதயந்த்யபரே பரான் ॥ 28 ॥
ராவணோ நோ நிஹந்தவ்யஸ்ஸர்வே ச ரஜனீசரா: ।
இதி க³ர்ஜந்தி ஹரயோ ராக⁴வஸ்ய ஸமீபத: ॥ 29 ॥
புரஸ்தாத்³ருஷபோ⁴ வீரோ நீல: குமுத³ ஏவ ச ।
பந்தா²னம் ஶோத⁴யந்திஸ்ம வானரைர்ப³ஹுபி⁴ ஸ்ஸஹ ॥ 3௦ ॥
மத்⁴யே து ராஜா ஸுக்³ரீவோ ராமோ லக்ஷ்மண ஏவ ச ।
ப³லபி⁴ர்ப³ஹுபி⁴ ர்பீ⁴மைர்வ்ருதாஶ்ஶத்ருனிப³ர்ஹணா: ॥ 31 ॥
ஹரிஶ்ஶதவலிர்வீர: கோடீபி⁴ர்த³ஶபி⁴ர்வ்ருத: ।
ஸர்வாமேகோ ஹ்யாவஷ்டப்⁴ய ரரக்ஷ ஹரிவாஹினீம் ॥ 32 ॥
கோடீஶதபரீவார: கேஸரீ பனஸோ கஜ³: ।
அர்கஶ்சாதிப³ல: பார்ஶ்வமேகம் தஸ்யாபி⁴ரக்ஷதி ॥ 33 ॥
ஸுஷேணோ ஜாம்ப³வாம்ஶ்சைவ ருக்ஷைர்ப³ஹுபி⁴ராவ்ருதௌ ।
ஸுக்³ரீவம் புரத: க்ருத்வா ஜக⁴னம் ஸம்ரரக்ஷது: ॥ 34 ॥
தேஷாம் ஸேனாபதிர்வீரோ நீலோ வானரபுங்க³வ: ।
ஸம்பதன்பததாம் ஶ்ரேஷ்ட²ஸ்தத்³ப³லம் பர்யபாலயாத் ॥ 35 ॥
த³ரீமுக:² ப்ரஜங்க⁴ஶ்ச ரம்போ⁴த² ரப⁴ஸ: கபி: ।
ஸர்வதஶ்ச யயுர்வீராஸ்த்வரயந்த: ப்லவங்க³மான் ॥ 36 ॥
ஏவம் தே ஹரிஶார்தூ³லா க³ச்ச²ந்தோ ப³லத³ர்பிதா: ।
அபஶ்யம்ஸ்தே கி³ரிஶ்ரேஷ்ட²ம் ஸஹ்யம் த்³ருமாலதாயுதம் ॥ 37 ॥
ஸராம்ஸி ச ஸுபுல்லானி தடாகானி வனானி ச ॥ 38 ॥
ராமஸ்ய ஶாஸனம் ஜ்ஞாத்வா பீ⁴மகோபஸ்ய பீ⁴தவத் ।
வர்ஜயன்னக³ராப்⁴யாஶாம் ஸ்ததா² ஜனபதா³னபி ॥ 39 ॥
ஸாக³ரௌக⁴னிப⁴ம் பீ⁴மம் தத்³வானரப³லம் மஹத் ।
உத்ஸஸர்ப மஹாகோ⁴ஷம் பீ⁴மகோ⁴ஷமிவார்ணவ: ॥ 4௦ ॥
தஸ்யதா³ஶரதே²: பார்ஶ்வே ஶூராஸ்தே கபிகுஙஜரா: ।
தோர்ணமாபுப்லுவு ஸ்ஸர்வே ஸத³ஶ்வா இவ சோதி³தா: ॥ 41 ॥
கபிப்⁴யாமுஹ்யமானௌ தௌ ஶுஶுபா⁴தே நரர்ஷபௌ⁴ ।
மஹாத்³ப்⁴யாமிவ ஸம்ஸ்ப்ருஷ்டௌ க்³ரஹாப்⁴யாம் சந்த்³ரபா⁴ஸ்கரௌ ॥ 42 ॥
ததோ வானரராஜேன லக்ஷ்மணேன ஸுபூஜித: ।
ஜகா³ம ராமோ த⁴ர்மாத்மா ஸஸைன்யோ த³க்ஷிணாம் தி³ஶம் ॥ 43 ॥
தமங்க³த³க³தோ ராமம் லக்ஷ்மணஶ்ஶுப⁴யா கி³ரா ।
உவாச பரிபூர்ணார்த:² ஸ்ம்ருதிமான் ப்ரதிபா⁴னவான் ॥ 44 ॥
ஹ்ருதாமவாப்ய வைதே³ஹீம் க்ஷிப்ரம் ஹத்வா ச ராவணம் ।
ஸம்ருத்³தா⁴ர்த²ஸ்ஸம்ருத்³தா⁴ர்த²மயோத்⁴யாம் ப்ரதியாஸ்யஸி ॥ 45 ॥
மஹாந்தி ச நிமித்தானி தி³வி பூ⁴மௌ ச ராக⁴வ ।
ஶுபா⁴னி தவ பஶ்யாமி ஸர்வாண்யேனார்த²ஸித்³த⁴யே ।
அனுவாதி ஶிவோ வாயு ஸ்ஸேவாம் ம்ருது³ஹித ஸ்ஸுக:² ॥ 46 ॥
பூர்ணவல்கு³ஸ்வராஶ்சேமே ப்ரவத³ந்தி ம்ருக³த்³விஜா: ।
ப்ரஸன்னாஶ்ச தி³ஶ ஸ்ஸர்வா விமலஶ்ச தி³வாகர: ॥ 47 ॥
உஶனா ச ப்ரஸன்னார்சிரனு த்வாம் பா⁴ர்க³வோ க³த: ॥ 48 ॥
ப்³ரஹ்மராஶிர்விஶுத்³த⁴ஶ்ச ஶுத்³தா³ஶ்ச பரமர்ஷய: ।
அர்சிஷ்மந்த: ப்ரகாஶந்தே த்⁴ருவம் ஸர்வே ப்ரத³க்ஷிணம் ॥ 49 ॥
த்ரிஶங்குர்விமலோ பா⁴தி ராஜர்ஷிஸ்ஸபுரோஹித: ।
பிதாமஹா: புரோஸ்மாகமிக்ஷ்வாகூணாம் மஹாத்மனாம் ॥ 5௦ ॥
விமலே ச ப்ரகாஶேதே விஶாகே² நிருபப்லுவே ।
நக்ஷத்ர வரமஸ்மாகமிக்ஷ்வாகூணாம் மஹாத்மனாம் ॥ 51 ॥
நைர்ருதம் நைர்ருதானாம் ச நக்ஷத்ரமபி⁴பீட்³யதே ।
மூலோ மூலவதா ஸ்ப்ருஷ்டோ தூ⁴ப்யதே தூ⁴மகேதுனா ॥ 52 ॥
ஸர்வம் சைதத்³வினாஶாய ராக்ஷஸானாமுப ஸ்தி²தம் ।
காலே காலக்³ருஹீதானாம் நக்ஷத்ர க்³ரஹபீடி³தம் ॥ 53 ॥
ப்ரஸன்னா ஸ்ஸுரஸாஶ்சாபோ வனானி ப²லவந்தி ச ।
ப்ரவாந்த்யப்⁴ய நாதி⁴கம் க³ந்தா⁴ன்யத²ர்துகுஸுமா த்³ருமா: ॥ 54 ॥
வ்யூடா⁴னி கபிஸைன்யானி ப்ரகாஶந்தேதி⁴கம் ப்ரபோ⁴ ॥ 55 ॥
தே³வானாமிவ ஸைன்யானி ஸங்க்³ராமே தாரகாமயே ।
ஏவமார்ய ।
ஸமீக்ஷ்யைதான்ப்ரீதோ ப⁴விதுமர்ஹஸி ॥ 56 ॥
இதி ப்⁴ராதரமாஶ்வாஸ்ய ஹ்ருஷ்ட ஸ்ஸௌமித்ரிரப்³ரவீத் ।
அதா²வ்ருத்ய மஹீம் க்ருத்ஸ்னாம் ஜகா³ம மஹதீ சமூ: ॥ 57 ॥
ருக்ஷவானரஶர்தூ³லைர்ன க²த³ம்ஷ்ட்ராயுதை⁴ர்வுதா ।
காராக்³ரைஶ்சரணாக்³ரைஶ்ச வானரை ருத்தி²தம் ரஜ: ।
பீ⁴மமந்தர்த³தே⁴ லோகம் நிவார்ய ஸவிது: ப்ரபா⁴ம் ॥ 58 ॥
பர்வதவனாகாஶாம் த³க்ஷிணாம் ஹரிவாஹினீ ।
சா²த³யந்தீ யயௌ பீ⁴மா த்³யாமிவாம்பு³த³ஸந்ததி: ॥ 59 ॥
உத்தரந்த்யாம் ச ஸேனாயாம் ஸ்ஸததம் ப³ஹுயோஜனம் ।
நதீ³ஸ்ரோதாம்ஸி ஸர்வாணி ஸஸ்யந்து³ர்விபரீதவத் ॥ 6௦ ॥
ஸராம்ஸி விமலாம்பா⁴ம்ஸி த்³ருமாகீர்ணாம்ஶ்ச பர்வதா ।
ஸமான் பூ⁴மிப்ரதே³ஶாம்ஶ்ச வனானி ப²லவந்தி ச ।
மத்⁴யேன ச ஸமந்தாச்ச திர்யக்சாத²ஶ்ச ஸமாவிஶத் ॥ 61 ॥
ஸமாவ்ருத்ய மஹீம் க்ருத்ஸ்னாம் ஜகா³ம மஹதீ சமூ: ।
தேஹ்ருஷ்டவத³னா ஸ்ஸர்வே ஜக்³முர்மாருதரம்ஹஸ: ॥ 62 ॥
ஹரயோ ராக⁴வஸ்யார்தே² ஸமாரோபிதவிக்ரமா: ॥ 63 ॥
ஹர்ஷம்வீர்ய ப³லோத்³ரேகாந்த³ர்ஶயந்த: பரஸ்பரம் ।
யௌவனோத்ஸேகஜாந்த³ர்பாத்³விவிதா⁴ம்ஶ்சக்ருரத்⁴வனி ॥ 64 ॥
தத்ர கேசித்³த்³ருதம் ஜக்³முருத்பேதுஶ்ச ததா²பரே ।
கேசித்கிலகிலாம் சக்ருர்வானரா வனகோ³சரா: ॥ 65 ॥
ப்ராஸ்போடயம்ஶ்ச புச்சா²னி ஸன்னிஜக்³மு: பதா³ன்யபி ।
பு⁴ஜாவனிக்ஷிப்ய ஶைலாம்ஶ்ச த்³ருமானந்யே ப³ப⁴ஞ்ஜிரே ॥ 66 ॥
ஆரோஹந்தஶ்ச ஶ்ருங்கா³ணி கி³ரீணாம் கி³ரிகோ³சரா: ।
மஹானாதா³ன் ப்ரமுஞ்சந்தி க்ஷ்வேடா³மன்யே ப்ரசக்ரிதே ॥ 67 ॥
ஊருவேகை³ஶ்ச மம்ருது³ர்லதாஜாலான்யனேகஶ: ।
ஜ்ரும்ப⁴மாணாஶ்ச விக்ராந்தா விசிக்ரீடு³ஶ்ஶிலாத்³ருமை : ॥ 68 ॥
ஶதஶ்ஶதஸஹஸ்ரைஶ்ச கோடிபி⁴ஶ்ச ஸஹஸ்ரஶ: ।
வானராணாம் ஸுகோ⁴ராணாம் ஶ்ரீமத்பரிவ்ருதா மஹீ ॥ 69 ॥
ஸா ஸ்ம யாதி தி³வாராத்ரம் மஹதீ ஹரிவாஹினீ ।
ப்ரஹ்ருஷ்டமுதி³தாஸ்ஸேனா ஸுக்³ரீவேணாபி⁴பாலிதா: ॥ 7௦ ॥
வானராஸ்த்வரிதம் யாந்தி ஸர்வே யுத்³தா⁴பி⁴னந்தி³ன: ।
ப்ரமோக்ஷயிஷவ ஸ்ஸீதாம் முஹூர்தம் க்வாபி நாவஸன் ॥ 71 ॥
தத: பாத³பஸம்பா⁴த⁴ம் நானாம்ருக³ஸமாயுதாம ।
ஸஹ்யபர்வதமாஸேது³ர்மலயஞ்ச மஹீத⁴ரம் ॥ 72 ॥
கானநானி விசித்ராணி நதீ³: ப்ரஸ்ரவணானி ச ।
பஶ்யன்னநி யயௌ ராமஸ்ஸஹ்யஸ்ய மலயஸ்ய ச ॥ 73 ॥
சம்பகாம்ஸ் திலகாம: சூதான் அஶோகான் ஸிந்து³ வாரகான் ।
தினிஶான் கரவீராம: ச திமிஶான் ப⁴ன்ஜந்தி ஸ்ம ப்லவம் க³மா: ॥ 74 ॥
அங்கோலாம்ஶ்ச கரஞ்சாம்ஶ்ச ப்லக்ஷன்யக்³ரோத⁴திந்து³கான் ।
ஜம்பு³காமலகான்னாபான்பஜ⁴ந்தி ஸ்ம ப்லவங்க³மா: ॥ 75 ॥
ப்ரஸ்தரேஷு ச ரம்யேஷு விவிதா⁴: கானநத்³ருமா: ।
வாயுவேக³ப்ரசலிதா: புஷ்பைரவகிரந்தி தான் ॥ 76 ॥
மாருதஸ்ஸுக²ஸம்ஸ்பர்ஶோ வாதி சந்த³னஶீதல: ।
ஷடபதை³ரனுகூஜத்³பி⁴ர்வனேஷு மது⁴க³ந்தி⁴ஷு ॥ 77 ॥
அதி⁴கம் ஶைலராஜஸ்து தா⁴துபி⁴ஸ்ஸுவிபூ⁴ஷித: ।
தா⁴துப்⁴ய:ப்ரஸ்ருதோ ரேணுர்வாயுவேக³ விக⁴ட்டித: ।
ஸுமஹத்³வானரானீகம் சா²த³யாமாஸ ஸர்வத: ॥ 78 ॥
கி³ரிப்ரஸ்தே²ஷு ரம்யேஷு ஸர்வத ஸம்ப்ர புஷ்பிதா: ।
கேதகஸ்ஸிந்து³வாராஶ்ச வாஸந்த்யஶ்ச மனோரமா: ॥ 79 ॥
மாத⁴வ்யோ க³ந்த⁴பூர்ணாஶ்ச குந்த³கு³ல்மாஶ்ச புஷ்பிதா: ।
சிரிபி³ல்வா மதூ⁴காஶ்ச வஞ்ஜுலா ப்ரியகாஸ்ததா² ॥ 8௦ ॥
ஸுபூ²ர்ஜகாஸ்திலகாஶ்சைவ நாக³வ்ருக்ஷாஶ்ச புஷ்பிதா: ।
சூதா: பாடலயகாஶ்சைவ கோவிதா³ராஶ்ச புஷ்பிதா: ॥ 81 ॥
முசுலிந்தா³ர்ஜுனாஶ்சைவ ஶிம்ஶுபா: குடஜாஸ்ததா² ।
த⁴வா ஶ்ஶால்மலயஶ்சைவ ரக்தா: குரவகாஸ்ததா² ॥ 82 ॥
ஹிந்தாலாஸ்தினிஶாஶ்சைவ சூர்ணகா நீபகாஸ்ததா² ।
நீலாஶோகாஶ்ச வரணா அங்கோலா: பத்³மகாஸ்ததா² ॥ 83 ॥
ப்லவமானை: ப்லவங்கை³ஸ்து ஸர்வே பர்யாகுலீக்ருதாம் ॥ 84 ॥
வாப்யஸ்தஸ்மின் கி³ரௌ ஶிதா: பல்வலானி ததை²வ ச ।
சக்ரவாகானுசரிதா: காரண்ட³வனிஷேவிதா: ॥ 85 ॥
ப்லவை: க்ரௌஞ்சேஶ்ச ஸங்கீர்ணா வராஹம்ருக³ ஸேவிதா: ।
ருக்ஷைஸ்தரக்ஷுபி⁴ஸ்ஸிம்ஹைஶ்ஶார்தூ³லைஶ்ச ப⁴யாவஹை: ॥ 86 ॥
வ்யாலைஶ்ச ப³ஹுபி⁴ர்பீ⁴மை ஸ்ஸேவ்யமானா ஸ்ஸமந்தத: ।
பத்³மைஸ்ஸௌக³ந்தி³கை: புல்லை: குமுதை³ஶ்சோத்பலைஸ்ததா² ॥ 87 ॥
வாரிஜைர்விவிதை⁴: புஷ்பை ரம்யாஸ்தத்ர ஜலாஶயா: ।
தஸ்ய ஸானுஷு கூஜந்தி நானாத்³விஜக³ணாஸ்ததா² ॥ 88 ॥
ஸ்னாத்வா பீத்வோத³கான்யத்ர ஜலே க்ரீட³ந்தி வானரா: ।
அன்யோன்யம் ப்லாவயந்தி ஸ்ம ஶைலமாருஹ்ய வானரா: ॥ 89 ॥
ப²லான்ய ம்ருதக³ந்தீ⁴னி மூலானி குஸுமானி ச ।
ப³ப⁴ஞ்ஜுர்வாஸ்தத்ர பாத³பானம் மதோ³த்கடா: ॥ 9௦ ॥
த்³ரோணமாத்ரப்ரமாணானி லம்ப³மானானி வானரா: ।
யயு: பிப³ந்த ஹ்ருஷ்டாஸ்தே மதூ⁴னி மது⁴பிங்க³லா: ॥ 91 ॥
பாத³பானவப⁴ஞ்ஜந்தோ விகர்ஷந்த ஸ்ததா² லதா: ।
வித⁴மந்தோ கி³ரிவரான்ப்ரயயு: ப்லவக³ர்ஷபா⁴: ॥ 92 ॥
வ்ருக்ஷேப்⁴யோன்யே து கபயோ நத³ந்தோ மது⁴த³ர்பிதா: ।
அன்யே வ்ருக்ஷான்ப்ரபத்³யந்தே ப்ரபிப³ந்த்யபி சாபரே ॥ 93 ॥
ப³பூ⁴வ வஸுதா⁴ தைஸ்து ஸம்பூர்ணா ஹரியூத²பை: ।
யதா² கலமகேதா³ரை: பக்வைரிவ வஸுந்த³ரா ॥ 94 ॥
மஹேந்த்³ரமத² ஸம்ப்ராப்ய ராமோ ராஜீவலோசன: ।
அத்⁴யாரோஹன்மஹாபா³ஹுஶ்ஶிக²ரம் த்³ருமபூ⁴ஷிதம் ॥ 95 ॥
ததஶ்ஶிக²ரமாருஹ்ய ராமோ த³ஶரதா²த்மஜ: ।
கூர்மமீனஸமாகீர்ணமபஶ்யத்ஸலிலாகுலம் ॥ 96 ॥
தே ஸஹ்யம் ஸமதிக்ரம்ய மலயம் ச மஹாகி³ரிம் ।
ஆஸேது³ரானுபூர்வ்யேண ஸமுத்³ரம் ப⁴மனிஸ்ஸ்வனம் ॥ 97 ॥
அவருஹ்ய ஜகா³மாஶு வேலாவனமனுத்தமம் ।
ராமோ ரமயதாம் ஶ்ரேஷ்ட ஸ்ஸஸுக்³ரீவ ஸ்ஸலக்ஷ்மண: ॥ 98 ॥
அத² தௌ⁴தோபலதலாம் தோயௌகை⁴ ஸ்ஸஹஸோத்தி²தை: ।
வேலாமாஸாத்³ய விபுலான்ராமோ வசனமப்³ரவீத் ॥ 99 ॥
ஏதே வயமனுப்ராப்தா ஸ்ஸுக்³ரீவ வருணாலயம் ।
இஹேதா³னீம் விசிந்தா ஸாயா ந: பூர்வஸமுத்தி²தா ॥ 1௦௦ ॥
அத: பரமதீரோயம் ஸாக³ர ஸ்ஸரிதாம் பதி: ।
ந சாயமனுபாயேன ஶக்யஸ்தரிதுமர்ணவ: ॥ 1௦1 ॥
ததி³ஹைவ நிவேஶோஸ்து மந்த்ர: ப்ரஸ்தூயதாமிஹ ।
யதே²த³ம் வானரப³லம் பரம் பாரமவாப்னுயாத் ॥ 1௦2 ॥
இதீவ ஸ மஹாபா³ஹுஸ்ஸீதாஹரணகர்ஶித: ।
ராமஸ்ஸாக³ரமாஸாத்³ய வாஸமாஜ்ஞாபயத்ததா³ ॥ 1௦3 ॥
ஸர்வா ஸ்ஸேனா நிவேஶ்யந்தாம் வேலாயாம் ஹரிபுங்க³வ ।
ஸம்ப்ராப்தோ மந்த்ரகாலோ நஸ்ஸாக³ரஸ்யேஹ லங்க⁴னே ॥ 1௦4 ॥
ஸ்வாம் ஸ்வாம் ஸேனாம் ஸமுத்ஸ்ருஜ்ய மா ச கஶ்சித்குதோ வ்ரஜேத் ।
க³ச்ச²ந்து வானராஶ்ஶூராஜ்ஞேயம் ச²ன்னம் ப⁴யம் ச ந: ॥ 1௦5 ॥
ராமஸ்ய வசனம் ஶ்ருத்வா ஸுக்³ரீவ ஸ்ஸஹலக்ஷ்மண: ।
ஸேனாம் நிவேஶயததீரே ஸாக³ரஸ்ய த்³ருமாயுதே ॥ 1௦6 ॥
விரராஜ ஸமீபஸ்த²ம் ஸாக³ரஸ்ய து தத்³ப³லம் ।
மது⁴பாண்டு³ஜல ஶ்ரஶீமான் த்³விதீய இவ ஸாக³ர: ॥ 1௦7 ॥
வேலாவனமுபாக³ம்ய ததஸ்தே ஹரிபுங்க³வா: ।
நிவிஷ்டாஶ்ச பரம் பாரம் காங்க்ஷமாணா மஹோத³தே⁴: ॥ 1௦8 ॥
தேஷாம் நிவிஶமானானாம் ஸைன்யஸன்னாஹனிஸ்ஸ்வன: ।
அந்தர்தா⁴ய மஹானாத³மர்ணவஸ்ய ப்ரஶுஶ்ருவே ॥ 1௦9 ॥
ஸா வானராணாம் த்⁴வஜினீ ஸுக்³ரீவேணாபி⁴பாலிதா ।
த்ரிதா⁴ நிவிஷ்டா மஹதீ ராமஸ்யார்த²பராப⁴வத் ॥ 11௦ ॥
ஸா மஹார்ணவமாஸாத்³ய ஹ்ருஷ்டா வானரவாஹினீ ।
வாயுவேக³ஸமாதூ⁴தம் பஶ்யமானா மஹார்ணவம் ॥ 111 ॥
தூ³ரபாரமஸம்பா³த⁴ம் ரக்ஷோக³ணனிஷேவிதம் ।
பஶ்யந்தோ வருணாவாஸம் நிஷேது³ர்ஹரியூத²பா: ॥ 112 ॥
சண்ட³னக்ரக்³ராஹம் கோ⁴ரம் க்ஷபாதௌ³ தி³வஸக்ஷ்யே ।
ஹஸந்தமிவ பே²னௌகை⁴ர்ன்ருத்யந்தமிவ சோர்மிபி⁴: ॥ 113 ॥
சந்த்³ரோத³யே ஸமுத்³பூ⁴தம் ப்ரதிசந்த்³ரஸமாகுலம் ।
சண்டா³னிலமஹாக்³ராஹை: கீர்ணம் திமிதிமிங்கி³லை: ॥ 114 ॥
தீ³ப்தபோ⁴கை³ரிவாகீர்ணம் பு⁴ஜங்கை³ர்வருணாலயம் ।
அவகா³ட⁴ம் மஹாஸத்த்வைர்னானாஶைலஸமாகுலம் ।
ஸுது³ர்க³ம் து³ர்க³மார்க³ம் தமகா³த⁴ மஸுராலயம் ॥ 115 ॥
மகரைர்னாக³போ⁴கை³ஶ்ச விகா³டா⁴ வாதலோலிதா: ।
உத்பேதுஶ்ச நிபேதுஶ்ச ப்ரவ்ருத்³தா⁴ ஜலராஶய: ॥ 116 ॥
உத்பேது: ச நிபேது: ச ப்ரவ்ருத்³தா⁴ ஜல ராஶய: ।
அக்³னி சூர்ணம் இவ ஆவித்³த⁴ம் பா⁴ஸ்கர அம்பு³ மனோ ரக³ம் ॥ 117 ॥
ஸாக³ரம் சாம்ப³ரப்ரக்²யமம்ப³ரம் ஸாக³ரோபமம் ।
ஸாக³ரம் சாம்ப³ரம் சேதி நிர்விஶேஷ மத்³ருஶ்யத ॥ 118 ॥
ஸம்ப்ருக்தம் நப⁴ஸாப்யம்ப⁴ஸ்ஸம்ப்ருக்தம் ச நபோ⁴ம்ப⁴ஸா ।
தாத்³ருக்³ரூபேச த்³ருஶ்யதே தாராரத்னஸமாகுலே ॥ 119 ॥
ஸமுத்பதிதமேக⁴ஸ்ய வீசிமாலாகுலஸ்ய ச ।
விஶேஷோ ந த்³வயோராஸீத்ஸாக³ரஸ்யாம்ப³ரஸ்ய ச ॥ 12௦ ॥
அன்யோன்யைராஹதா ஸ்ஸக்தா ஸ்ஸஸ்வனுர்பீ⁴மனிஸ்ஸ்வனா: ।
ஊர்மயஸ்ஸிந்து⁴ராஜஸ்ய மஹாபே⁴ர்ய இவாஹவே ॥ 121 ॥
ரத்னௌக⁴ ஜலஸன்னாத³ம் விஷக்தமிவ வாயுனா ।
உத்பதந்தமிவ க்ருத்³த⁴ம் யாதோ³க³ணஸமாகுலம் ॥ 122 ॥
த³த்³ருஶுஸ்தே மஹோத்ஸாஹ வாதாஹதஜலாஶயம் ।
அனிலோத்³தூ⁴தமாகாஶே ப்ரவல்க³ந்த மமிவோர்மிபி⁴: ॥ 123 ॥
ததோ விஸ்மயமாபன்னா ஹரயோ த³த்³ருஶுர்ஹரயஸ்ததா³ ।
ப்⁴ராந்தோர்மிஜாலஸன்னாத³ம் ப்ரலோலமிவ ஸாக³ரம் ॥ 124 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ சதுர்த²ஸ்ஸர்க:³ ॥
