শ্রীমদ্বাল্মীকীয় রামাযণে যুদ্ধকাংডম্ ।
অথ চতুর্থস্সর্গঃ ।
শ্রুত্বা হনুমতো বাক্য়ং যথাবদনুপূর্বশঃ ।
ততোঽব্রবীন্মহাতেজা রামস্সত্যপরাক্রমঃ ॥ 1 ॥
যাং নিবেদযসে লংকাং পুরীং ভীমস্য় রক্ষসঃ ।
ক্ষিপ্রমেনাং মথিষ্য়ামি সত্যমেতদ্ব্রবীমি তে ॥ 2 ॥
অস্মিন্ মুহূর্তে সুগ্রীব প্রয়াণমভিরোচয়ে ।
যুক্তো মুহূর্তো বিজয়ঃ প্রাপ্তো মধ্য়ং দিবাকর ॥ 3 ॥
সীতাং হৃত্বা তু মে জাতু ক্বাসৌ যাস্যতি যাস্যতঃ ।
সীতা শ্রুত্বাভিয়ানং মে অশামেষ্যতি জীবিতে ।
জীবিতাংতেঽ মৃতং স্পৃষ্টবা পীত্বা বিষমিবাতুরঃ ॥ 4 ॥
উত্তরা ফল্গুনী হ্যদ্য় শ্বস্তু হস্তেন যোক্ষ্যতে ।
অভিপ্রায়াম সুগ্রীব সর্বানীকসমাবৃতাঃ ॥ 5 ॥
নিমিত্তানি চ পশ্য়ামি যানি প্রাদুর্ভবংতি চ ।
নিহত্য় রাবণং সীতামানয়িষ্য়ামি জানকীম্ ॥ 6 ॥
উপরিষ্টাদ্ধি নযনং স্ফুরমাণমিদং মম ।
বিজয়ং সমনুপ্রাপ্তং শংসতীব মনোরথম্ ॥ 7 ॥
ততো বানররাজেন লক্ষ্মণেন সুপূজিতঃ ।
উবাচ রামো ধর্মাত্মা পুনরপ্যর্ধকোবিদঃ ॥ 8 ॥
অগ্রে যাতু বলস্য়াস্য় নীলো মার্গমবেক্ষিতুম্ ।
বৃতশ্শতসহস্রেণ বানরাণাং তরস্বিনাম্ ॥ 9 ॥
ফলমূলবতা নীল শীতকাননবারিণা ।
পথা মধুমতা চাশু সেনাং সেনাপতে নয় ॥ 10 ॥
দূষয়েয়ুর্দুরাত্মনঃ পথি মূলফলোদকম্ ।
রাক্ষসাঃ পরিরক্ষেথাস্তেভ্যস্ত্বং নিত্যমুদ্যতঃ ॥ 11 ॥
নিম্নেষু বনদুর্গেষু বনেষু চ বনৌকসঃ ।
অভিপ্লুত্য়াভিপশ্য়েয়ুঃ পরেষাং নিহিতং বলম্ ॥ 12 ॥
যচ্চ ফল্গু বলং কিংচিত্ত দত্রৈবোপপদ্যতাম্ ।
এতদ্ধি কৃত্য়ং ঘোরং নো বিক্রমেণ প্রয়ুজ্যতাম্ ॥ 13 ॥
সাগরৌঘনিভং ভীমমগ্রানীকং মহাবলাঃ ।
কপিসিংহাঃ প্রকর্ষস্তু শতশোঽথ সহস্রশঃ ॥ 14 ॥
কপি সিম্হা প্রকর্ষংতু শতশো অথ সহস্রশঃ ।
গজঃ চ গিরি সম্কাশো গবয়ঃ চ মহাবলঃ ॥ 15 ॥
যাতু বানরবাহিন্য়া বানরঃ প্লবতাং বরঃ ।
পালয়ংদক্ষিণং পার্শ্বমৃষভো বানরর্ষভঃ ॥ 16 ॥
গংধহস্তীব দুর্ধর্ষস্তরস্বী গংধমাদনঃ ।
যাতু বানরবাহিন্য়া স্সব্য়ং পার্শ্বমধিষ্ঠিতঃ ॥ 17 ॥
যাস্য়ামি বলমধ্য়েঽহং বলৌঘমভিহর্ষযন্ ।
অধিরুহ্য় হনূমংত মৈরাবত মিবেশ্বরঃ ॥ 18 ॥
অংগদেনৈষ সংয়াতু লক্ষ্মণশ্চাংত কোপমঃ ।
সার্বভৌমেন ভূতেশো দ্রবিণাধিপতির্যথা ॥ 19 ॥
জাংববাংশ্চ সুষেণশ্চ বেগদর্শী চ বানরঃ ।
ঋক্ষরাজো মহাসত্ত্বঃ কুক্ষিং রক্ষংতু তে ত্রয়ঃ ॥ 20 ॥
রাঘবস্য় বচশ্শ্রুত্বা সুগ্রীবো বাহিনীপতিঃ ।
ব্য়াদিদেশ মহাবীর্য়ো বানরান্বানরর্ষভ ঃ ॥ 21 ॥
তে বানরগণাস্সর্বে সমুত্পত্য় যুয়ুত্সবঃ ।
গুহাভ্যশ্শিখরেভ্যশ্চ অশু পুপ্লুবিরে তদা ॥ 22 ॥
ততো বানররাজেন লক্ষ্মণেন চ পূজিতঃ ।
জগাম রামোধর্মাত্মা সসৈন্য়ো দক্ষিণাং দিশম্ ॥ 23 ॥
শতৈঃ শতসহস্রৈশ্চ কোটিভিশ্চায়ুতৈরপি ।
বারণাভৈশ্চ হরিভির্যয়ৌ পরিবৃতস্তদা ॥ 24 ॥
তং যাংতমনুয়াংতী সা মহতী হরিবাহিনী ।
দৃপ্তাঃ প্রমুদিতাস্সর্বে সুগ্রীবেণাভিপালিতাঃ ॥ 25 ॥
হৃষ্টাঃ প্রমুদিতাঃ সর্বে সুগ্রীবেণ অভিপালিতাঃ ।
আপ্লবংতঃ প্লবংতঃ চ গর্জংতঃ চ প্লবং গমাঃ ॥ 26 ॥
ভক্ষ্য়ংত স্সুগংধীনি মধূনি চ ফলানি চ ।
উদ্বহংতো মহাবৃক্ষান্ মংজরীপুংজধারিণঃ ॥ 27 ॥
অন্য়োন্য়ং সহসা দৃপ্তা নির্বহাংতি ক্ষিপংতি চ ।
পতংতশ্পোত্পত্নত্যন্য়ে পাতয়ংত্যপরে পরান্ ॥ 28 ॥
রাবণো নো নিহংতব্যস্সর্বে চ রজনীচরাঃ ।
ইতি গর্জংতি হরয়ো রাঘবস্য় সমীপতঃ ॥ 29 ॥
পুরস্তাদৃষভো বীরো নীলঃ কুমুদ এব চ ।
পংথানং শোধয়ংতিস্ম বানরৈর্বহুভি স্সহ ॥ 30 ॥
মধ্য়ে তু রাজা সুগ্রীবো রামো লক্ষ্মণ এব চ ।
বলভির্বহুভি র্ভীমৈর্বৃতাশ্শত্রুনিবর্হণাঃ ॥ 31 ॥
হরিশ্শতবলির্বীরঃ কোটীভির্দশভির্বৃতঃ ।
সর্বামেকো হ্য়াবষ্টভ্য় ররক্ষ হরিবাহিনীম্ ॥ 32 ॥
কোটীশতপরীবারঃ কেসরী পনসো গজঃ ।
অর্কশ্চাতিবলঃ পার্শ্বমেকং তস্য়াভিরক্ষতি ॥ 33 ॥
সুষেণো জাংববাংশ্চৈব ঋক্ষৈর্বহুভিরাবৃতৌ ।
সুগ্রীবং পুরতঃ কৃত্বা জঘনং সম্ররক্ষতুঃ ॥ 34 ॥
তেষাং সেনাপতির্বীরো নীলো বানরপুংগবঃ ।
সংপতন্পততাং শ্রেষ্ঠস্তদ্বলং পর্যপালয়াত্ ॥ 35 ॥
দরীমুখঃ প্রজংঘশ্চ রংভোঽথ রভসঃ কপিঃ ।
সর্বতশ্চ যয়ুর্বীরাস্ত্বরয়ংতঃ প্লবংগমান্ ॥ 36 ॥
এবং তে হরিশার্দূলা গচ্ছংতো বলদর্পিতাঃ ।
অপশ্য়ংস্তে গিরিশ্রেষ্ঠং সহ্য়ং দ্রুমালতায়ুতম্ ॥ 37 ॥
সরাংসি চ সুপুল্লানি তটাকানি বনানি চ ॥ 38 ॥
রামস্য় শাসনং জ্ঞাত্বা ভীমকোপস্য় ভীতবত্ ।
বর্জযন্নগরাভ্য়াশাং স্তথা জনপদানপি ॥ 39 ॥
সাগরৌঘনিভং ভীমং তদ্বানরবলং মহত্ ।
উত্সসর্প মহাঘোষং ভীমঘোষমিবার্ণবঃ ॥ 40 ॥
তস্যদাশরথেঃ পার্শ্বে শূরাস্তে কপিকুঙজরাঃ ।
তোর্ণমাপুপ্লুবু স্সর্বে সদশ্বা ইব চোদিতাঃ ॥ 41 ॥
কপিভ্য়ামুহ্যমানৌ তৌ শুশুভাতে নরর্ষভৌ ।
মহাদ্ভ্য়ামিব সম্স্পৃষ্টৌ গ্রহাভ্য়াং চংদ্রভাস্করৌ ॥ 42 ॥
ততো বানররাজেন লক্ষ্মণেন সুপূজিতঃ ।
জগাম রামো ধর্মাত্মা সসৈন্য়ো দক্ষিণাং দিশম্ ॥ 43 ॥
তমংগদগতো রামং লক্ষ্মণশ্শুভয়া গিরা ।
উবাচ পরিপূর্ণার্থঃ স্মৃতিমান্ প্রতিভানবান্ ॥ 44 ॥
হৃতামবাপ্য় বৈদেহীং ক্ষিপ্রং হত্বা চ রাবণম্ ।
সমৃদ্ধার্থস্সমৃদ্ধার্থময়োধ্য়াং প্রতিয়াস্যসি ॥ 45 ॥
মহাংতি চ নিমিত্তানি দিবি ভূমৌ চ রাঘব ।
শুভানি তব পশ্য়ামি সর্বাণ্য়েনার্থসিদ্ধয়ে ।
অনুবাতি শিবো বায়ু স্সেবাং মৃদুহিত স্সুখঃ ॥ 46 ॥
পূর্ণবল্গুস্বরাশ্চেমে প্রবদংতি মৃগদ্বিজাঃ ।
প্রসন্নাশ্চ দিশ স্সর্বা বিমলশ্চ দিবাকরঃ ॥ 47 ॥
উশনা চ প্রসন্নার্চিরনু ত্বাং ভার্গবো গতঃ ॥ 48 ॥
ব্রহ্মরাশির্বিশুদ্ধশ্চ শুদ্দাশ্চ পরমর্ষয়ঃ ।
অর্চিষ্মংতঃ প্রকাশংতে ধ্রুবং সর্বে প্রদক্ষিণম্ ॥ 49 ॥
ত্রিশংকুর্বিমলো ভাতি রাজর্ষিস্সপুরোহিতঃ ।
পিতামহাঃ পুরোঽস্মাকমিক্ষ্বাকূণাং মহাত্মনাম্ ॥ 50 ॥
বিমলে চ প্রকাশেতে বিশাখে নিরুপপ্লুবে ।
নক্ষত্র বরমস্মাকমিক্ষ্বাকূণাং মহাত্মনাম্ ॥ 51 ॥
নৈরৃতং নৈরৃতানাং চ নক্ষত্রমভিপীড্যতে ।
মূলো মূলবতা স্পৃষ্টো ধূপ্যতে ধূমকেতুনা ॥ 52 ॥
সর্বং চৈতদ্বিনাশায় রাক্ষসানামুপ স্থিতম্ ।
কালে কালগৃহীতানাং নক্ষত্র গ্রহপীডিতম্ ॥ 53 ॥
প্রসন্না স্সুরসাশ্চাপো বনানি ফলবংতি চ ।
প্রবাংত্যভ্য় নাধিকং গংধান্যথর্তুকুসুমা দ্রুমাঃ ॥ 54 ॥
ব্য়ূঢানি কপিসৈন্য়ানি প্রকাশংতেঽধিকং প্রভো ॥ 55 ॥
দেবানামিব সৈন্য়ানি সংগ্রামে তারকাময়ে ।
এবমার্য় ।
সমীক্ষ্য়ৈতান্প্রীতো ভবিতুমর্হসি ॥ 56 ॥
ইতি ভ্রাতরমাশ্বাস্য় হৃষ্ট স্সৌমিত্রিরব্রবীত্ ।
অথাবৃত্য় মহীং কৃত্স্নাং জগাম মহতী চমূঃ ॥ 57 ॥
ঋক্ষবানরশর্দূলৈর্ন খদংষ্ট্রায়ুধৈর্বুতা ।
কারাগ্রৈশ্চরণাগ্রৈশ্চ বানরৈ রুত্থিতং রজঃ ।
ভীমমংতর্দধে লোকং নিবার্য় সবিতুঃ প্রভাম্ ॥ 58 ॥
পর্বতবনাকাশাং দক্ষিণাং হরিবাহিনী ।
ছাদয়ংতী যয়ৌ ভীমা দ্য়ামিবাংবুদসংততিঃ ॥ 59 ॥
উত্তরংত্য়াং চ সেনায়াং স্সততং বহুয়োজনম্ ।
নদীস্রোতাংসি সর্বাণি সস্য়ংদুর্বিপরীতবত্ ॥ 60 ॥
সরাংসি বিমলাংভাংসি দ্রুমাকীর্ণাংশ্চ পর্বতা ।
সমান্ ভূমিপ্রদেশাংশ্চ বনানি ফলবংতি চ ।
মধ্য়েন চ সমংতাচ্চ তির্যক্চাথশ্চ সমাঽবিশত্ ॥ 61 ॥
সমাবৃত্য় মহীং কৃত্স্নাং জগাম মহতী চমূঃ ।
তেহৃষ্টবদনা স্সর্বে জগ্মুর্মারুতরংহসঃ ॥ 62 ॥
হরয়ো রাঘবস্য়ার্থে সমারোপিতবিক্রমাঃ ॥ 63 ॥
হর্ষংবীর্য় বলোদ্রেকাংদর্শয়ংতঃ পরস্পরম্ ।
যৌবনোত্সেকজাংদর্পাদ্বিবিধাংশ্চক্রুরধ্বনি ॥ 64 ॥
তত্র কেচিদ্দ্রুতং জগ্মুরুত্পেতুশ্চ তথাপরে ।
কেচিত্কিলকিলাং চক্রুর্বানরা বনগোচরাঃ ॥ 65 ॥
প্রাস্পোটয়ংশ্চ পুচ্ছানি সন্নিজগ্মুঃ পদান্যপি ।
ভুজাবনিক্ষিপ্য় শৈলাংশ্চ দ্রুমানন্য়ে বভংজিরে ॥ 66 ॥
আরোহংতশ্চ শৃংগাণি গিরীণাং গিরিগোচরাঃ ।
মহানাদান্ প্রমুংচংতি ক্ষ্বেডামন্য়ে প্রচক্রিতে ॥ 67 ॥
ঊরুবেগৈশ্চ মমৃদুর্লতাজালান্যনেকশঃ ।
জৃংভমাণাশ্চ বিক্রাংতা বিচিক্রীডুশ্শিলাদ্রুমৈ ঃ ॥ 68 ॥
শতশ্শতসহস্রৈশ্চ কোটিভিশ্চ সহস্রশঃ ।
বানরাণাং সুঘোরাণাং শ্রীমত্পরিবৃতা মহী ॥ 69 ॥
সা স্ম যাতি দিবারাত্রং মহতী হরিবাহিনী ।
প্রহৃষ্টমুদিতাস্সেনা সুগ্রীবেণাভিপালিতাঃ ॥ 70 ॥
বানরাস্ত্বরিতং যাংতি সর্বে যুদ্ধাভিনংদিনঃ ।
প্রমোক্ষয়িষব স্সীতাং মুহূর্তং ক্বাপি নাবসন্ ॥ 71 ॥
ততঃ পাদপসংভাধং নানামৃগসমায়ুতাম ।
সহ্যপর্বতমাসেদুর্মলয়ংচ মহীধরম্ ॥ 72 ॥
কাননানি বিচিত্রাণি নদীঃ প্রস্রবণানি চ ।
পশ্যন্ননি যয়ৌ রামস্সহ্যস্য় মলযস্য় চ ॥ 73 ॥
চংপকাংস্ তিলকামঃ চূতান্ অশোকান্ সিংদু বারকান্ ।
তিনিশান্ করবীরামঃ চ তিমিশান্ ভন্জংতি স্ম প্লবং গমাঃ ॥ 74 ॥
অংকোলাংশ্চ করংচাংশ্চ প্লক্ষন্যগ্রোধতিংদুকান্ ।
জংবুকামলকান্নাপান্ভজংতি স্ম প্লবংগমাঃ ॥ 75 ॥
প্রস্তরেষু চ রম্য়েষু বিবিধাঃ কাননদ্রুমাঃ ।
বায়ুবেগপ্রচলিতাঃ পুষ্পৈরবকিরংতি তান্ ॥ 76 ॥
মারুতস্সুখসংস্পর্শো বাতি চংদনশীতলঃ ।
ষটপদৈরনুকূজদ্ভির্বনেষু মধুগংধিষু ॥ 77 ॥
অধিকং শৈলরাজস্তু ধাতুভিস্সুবিভূষিতঃ ।
ধাতুভ্য়ঃপ্রসৃতো রেণুর্বায়ুবেগ বিঘট্টিতঃ ।
সুমহদ্বানরানীকং ছাদয়ামাস সর্বতঃ ॥ 78 ॥
গিরিপ্রস্থেষু রম্য়েষু সর্বত সংপ্র পুষ্পিতাঃ ।
কেতকস্সিংদুবারাশ্চ বাসংত্যশ্চ মনোরমাঃ ॥ 79 ॥
মাধব্য়ো গংধপূর্ণাশ্চ কুংদগুল্মাশ্চ পুষ্পিতাঃ ।
চিরিবিল্বা মধূকাশ্চ বংজুলা প্রিযকাস্তথা ॥ 80 ॥
সুফূর্জকাস্তিলকাশ্চৈব নাগবৃক্ষাশ্চ পুষ্পিতাঃ ।
চূতাঃ পাটলযকাশ্চৈব কোবিদারাশ্চ পুষ্পিতাঃ ॥ 81 ॥
মুচুলিংদার্জুনাশ্চৈব শিংশুপাঃ কুটজাস্তথা ।
ধবা শ্শাল্মলযশ্চৈব রক্তাঃ কুরবকাস্তথা ॥ 82 ॥
হিংতালাস্তিনিশাশ্চৈব চূর্ণকা নীপকাস্তথা ।
নীলাশোকাশ্চ বরণা অংকোলাঃ পদ্মকাস্তথা ॥ 83 ॥
প্লবমানৈঃ প্লবংগৈস্তু সর্বে পর্য়াকুলীকৃতাম্ ॥ 84 ॥
বাপ্যস্তস্মিন্ গিরৌ শিতাঃ পল্বলানি তথৈব চ ।
চক্রবাকানুচরিতাঃ কারংডবনিষেবিতাঃ ॥ 85 ॥
প্লবৈঃ ক্রৌংচেশ্চ সংকীর্ণা বরাহমৃগ সেবিতাঃ ।
ঋক্ষৈস্তরক্ষুভিস্সিম্হৈশ্শার্দূলৈশ্চ ভয়াবহৈঃ ॥ 86 ॥
ব্য়ালৈশ্চ বহুভির্ভীমৈ স্সেব্যমানা স্সমংততঃ ।
পদ্মৈস্সৌগংদিকৈঃ পুল্লৈঃ কুমুদৈশ্চোত্পলৈস্তথা ॥ 87 ॥
বারিজৈর্বিবিধৈঃ পুষ্পৈ রম্য়াস্তত্র জলাশয়াঃ ।
তস্য় সানুষু কূজংতি নানাদ্বিজগণাস্তথা ॥ 88 ॥
স্নাত্বা পীত্বোদকান্যত্র জলে ক্রীডংতি বানরাঃ ।
অন্য়োন্য়ং প্লাবয়ংতি স্ম শৈলমারুহ্য় বানরাঃ ॥ 89 ॥
ফলান্য় মৃতগংধীনি মূলানি কুসুমানি চ ।
বভংজুর্বাস্তত্র পাদপানং মদোত্কটাঃ ॥ 90 ॥
দ্রোণমাত্রপ্রমাণানি লংবমানানি বানরাঃ ।
যয়ুঃ পিবংত হৃষ্টাস্তে মধূনি মধুপিংগলাঃ ॥ 91 ॥
পাদপানবভংজংতো বিকর্ষংত স্তথা লতাঃ ।
বিধমংতো গিরিবরান্প্রযয়ুঃ প্লবগর্ষভাঃ ॥ 92 ॥
বৃক্ষেভ্য়োঽন্য়ে তু কপয়ো নদংতো মধুদর্পিতাঃ ।
অন্য়ে বৃক্ষান্প্রপদ্য়ংতে প্রপিবংত্যপি চাপরে ॥ 93 ॥
বভূব বসুধা তৈস্তু সংপূর্ণা হরিয়ূথপৈঃ ।
যথা কলমকেদারৈঃ পক্বৈরিব বসুংদরা ॥ 94 ॥
মহেংদ্রমথ সংপ্রাপ্য় রামো রাজীবলোচনঃ ।
অধ্য়ারোহন্মহাবাহুশ্শিখরং দ্রুমভূষিতম্ ॥ 95 ॥
ততশ্শিখরমারুহ্য় রামো দশরথাত্মজঃ ।
কূর্মমীনসমাকীর্ণমপশ্যত্সলিলাকুলম্ ॥ 96 ॥
তে সহ্য়ং সমতিক্রম্য় মলয়ং চ মহাগিরিম্ ।
আসেদুরানুপূর্ব্য়েণ সমুদ্রং ভমনিস্স্বনম্ ॥ 97 ॥
অবরুহ্য় জগামাশু বেলাবনমনুত্তমম্ ।
রামো রমযতাং শ্রেষ্ট স্সসুগ্রীব স্সলক্ষ্মণঃ ॥ 98 ॥
অথ ধৌতোপলতলাং তোয়ৌঘৈ স্সহসোত্থিতৈঃ ।
বেলামাসাদ্য় বিপুলান্রামো বচনমব্রবীত্ ॥ 99 ॥
এতে বযমনুপ্রাপ্তা স্সুগ্রীব বরুণালযম্ ।
ইহেদানীং বিচিংতা সায়া নঃ পূর্বসমুত্থিতা ॥ 100 ॥
অতঃ পরমতীরোঽয়ং সাগর স্সরিতাং পতিঃ ।
ন চাযমনুপায়েন শক্যস্তরিতুমর্ণবঃ ॥ 101 ॥
তদিহৈব নিবেশোঽস্তু মংত্রঃ প্রস্তূযতামিহ ।
যথেদং বানরবলং পরং পারমবাপ্নুয়াত্ ॥ 102 ॥
ইতীব স মহাবাহুস্সীতাহরণকর্শিতঃ ।
রামস্সাগরমাসাদ্য় বাসমাজ্ঞাপযত্তদা ॥ 103 ॥
সর্বা স্সেনা নিবেশ্য়ংতাং বেলায়াং হরিপুংগব ।
সংপ্রাপ্তো মংত্রকালো নস্সাগরস্য়েহ লংঘনে ॥ 104 ॥
স্বাং স্বাং সেনাং সমুত্সৃজ্য় মা চ কশ্চিত্কুতো ব্রজেত্ ।
গচ্ছংতু বানরাশ্শূরাজ্ঞেয়ং ছন্নং ভয়ং চ নঃ ॥ 105 ॥
রামস্য় বচনং শ্রুত্বা সুগ্রীব স্সহলক্ষ্মণঃ ।
সেনাং নিবেশযততীরে সাগরস্য় দ্রুমায়ুতে ॥ 106 ॥
বিররাজ সমীপস্থং সাগরস্য় তু তদ্বলম্ ।
মধুপাংডুজল শ্রশীমান্ দ্বিতীয় ইব সাগরঃ ॥ 107 ॥
বেলাবনমুপাগম্য় ততস্তে হরিপুংগবাঃ ।
নিবিষ্টাশ্চ পরং পারং কাংক্ষমাণা মহোদধেঃ ॥ 108 ॥
তেষাং নিবিশমানানাং সৈন্যসন্নাহনিস্স্বনঃ ।
অংতর্ধায় মহানাদমর্ণবস্য় প্রশুশ্রুবে ॥ 109 ॥
সা বানরাণাং ধ্বজিনী সুগ্রীবেণাভিপালিতা ।
ত্রিধা নিবিষ্টা মহতী রামস্য়ার্থপরাঽভবত্ ॥ 110 ॥
সা মহার্ণবমাসাদ্য় হৃষ্টা বানরবাহিনী ।
বায়ুবেগসমাধূতং পশ্যমানা মহার্ণবম্ ॥ 111 ॥
দূরপারমসংবাধং রক্ষোগণনিষেবিতম্ ।
পশ্য়ংতো বরুণাবাসং নিষেদুর্হরিয়ূথপাঃ ॥ 112 ॥
চংডনক্রগ্রাহং ঘোরং ক্ষপাদৌ দিবসক্ষ্য়ে ।
হসংতমিব ফেনৌঘৈর্নৃত্য়ংতমিব চোর্মিভিঃ ॥ 113 ॥
চংদ্রোদয়ে সমুদ্ভূতং প্রতিচংদ্রসমাকুলম্ ।
চংডানিলমহাগ্রাহৈঃ কীর্ণং তিমিতিমিংগিলৈঃ ॥ 114 ॥
দীপ্তভোগৈরিবাকীর্ণং ভুজংগৈর্বরুণালযম্ ।
অবগাঢং মহাসত্ত্বৈর্নানাশৈলসমাকুলম্ ।
সুদুর্গং দুর্গমার্গং তমগাধ মসুরালযম্ ॥ 115 ॥
মকরৈর্নাগভোগৈশ্চ বিগাঢা বাতলোলিতাঃ ।
উত্পেতুশ্চ নিপেতুশ্চ প্রবৃদ্ধা জলরাশয়ঃ ॥ 116 ॥
উত্পেতুঃ চ নিপেতুঃ চ প্রবৃদ্ধা জল রাশয়ঃ ।
অগ্নি চূর্ণং ইব আবিদ্ধং ভাস্কর অংবু মনো রগম্ ॥ 117 ॥
সাগরং চাংবরপ্রখ্যমংবরং সাগরোপমম্ ।
সাগরং চাংবরং চেতি নির্বিশেষ মদৃশ্যত ॥ 118 ॥
সংপৃক্তং নভসাপ্য়ংভস্সংপৃক্তং চ নভোঽংভসা ।
তাদৃগ্রূপেচ দৃশ্যতে তারারত্নসমাকুলে ॥ 119 ॥
সমুত্পতিতমেঘস্য় বীচিমালাকুলস্য় চ ।
বিশেষো ন দ্বয়োরাসীত্সাগরস্য়াংবরস্য় চ ॥ 120 ॥
অন্য়োন্য়ৈরাহতা স্সক্তা স্সস্বনুর্ভীমনিস্স্বনাঃ ।
ঊর্মযস্সিংধুরাজস্য় মহাভের্য় ইবাহবে ॥ 121 ॥
রত্নৌঘ জলসন্নাদং বিষক্তমিব বায়ুনা ।
উত্পতংতমিব ক্রুদ্ধং যাদোগণসমাকুলম্ ॥ 122 ॥
দদৃশুস্তে মহোত্সাহ বাতাহতজলাশযম্ ।
অনিলোদ্ধূতমাকাশে প্রবল্গংত মমিবোর্মিভিঃ ॥ 123 ॥
ততো বিস্মযমাপন্না হরয়ো দদৃশুর্হরযস্তদা ।
ভ্রাংতোর্মিজালসন্নাদং প্রলোলমিব সাগরম্ ॥ 124 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে চতুর্থস্সর্গঃ ॥
