ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகோனவிம்ஶஸ்ஸர்க:³ ।
தச்ச்²ருத்வா ராஜஸிம்ஹஸ்ய வாக்யமத்³பு⁴தவிஸ்தரம் ।
ஹ்ருஷ்டரோமா மஹாதேஜா விஶ்வாமித்ரோப்⁴யபா⁴ஷத ॥ 1 ॥
ஸத்³ருஶம் ராஜஶார்தூ³ல தவைதத்³பு⁴வி நான்யதா² ।
மஹாவம்ஶப்ரஸூதஸ்ய வஸிஷ்ட²வ்யபதே³ஶின: ॥ 2 ॥
யத்து மே ஹ்ருத்³க³தம் வாக்யம் தஸ்ய கார்யஸ்ய நிஶ்சயம் ।
குரூஷ்வ ராஜஶார்தூ³ல ப⁴வ ஸத்யப்ரதிஶ்ரவ: ॥ 3 ॥
அஹம்னியமமாதிஷ்டே² ஸித்⁴யர்த²ம் புருஷர்ஷப⁴ ।
தஸ்ய விக்⁴னகரௌ த்³வௌ து ராக்ஷஸௌ காமரூபிணௌ ॥ 4 ॥
வ்ரதே மே ப³ஹுஶஶ்சீர்ணே ஸமாப்த்யாம் ராக்ஷஸாவிமௌ ।
மாரீசஶ்ச ஸுபா³ஹுஶ்ச வீர்யவந்தௌ ஸுஶிக்ஷிதௌ ॥ 5 ॥
ஸமாம்ஸருதி⁴ரௌகே⁴ண வேதி³ம் தாமப்⁴யவர்ஷதாம் ।
அவதூ⁴தே ததா²பூ⁴தே தஸ்மின்னியமனிஶ்சயே ॥ 6 ॥
க்ருதஶ்ரமோ நிருத்ஸாஹஸ்தஸ்மாத்³தே³ஶாத³பாக்ரமே ।
ந ச மே க்ரோத⁴முத்ஸ்ரஷ்டும் பு³த்³தி⁴ர்ப⁴வதி பார்தி²வ ॥ 7 ॥
ததா² பூ⁴தா ஹி ஸா சர்யா ந ஶாபஸ்தத்ர முச்யதே ।
ஸ்வபுத்ரம் ராஜஶார்தூ³ல ராமம் ஸத்யபராக்ரமம் ॥ 8 ॥
காகபக்ஷத⁴ரம் ஶூரம் ஜ்யேஷ்ட²ம் மே தா³துமர்ஹஸி ।
ஶக்தோ ஹ்யேஷ மயா கு³ப்தோ தி³வ்யேன ஸ்வேன தேஜஸா ॥ 9 ॥
ராக்ஷஸா யே விகர்தாரஸ்தேஷாமபி வினாஶனே ।
ஶ்ரேயஶ்சாஸ்மை ப்ரதா³ஸ்யாமி ப³ஹுரூபம் ந ஸம்ஶய: ॥ 1௦ ॥
த்ரயாணாமபி லோகானாம் யேன க்²யாதிம் க³மிஷ்யதி ।
ந ச தௌ ராமமாஸாத்³ய ஶக்தௌ ஸ்தா²தும் கத²ஞ்சன ॥ 11 ॥
ந ச தௌ ராக⁴வாத³ன்யோ ஹந்துமுத்ஸஹதே புமான் ।
வீர்யோத்ஸிக்தௌ ஹி தௌ பாபௌ காலபாஶவஶம் க³தௌ ॥ 12 ॥
ராமஸ்ய ராஜஶார்தூ³ல ந பர்யாப்தௌ மஹாத்மன: ।
ந ச புத்ரக்ருதஸ்னேஹம் கர்துமர்ஹஸி பார்தி²வ ॥ 13 ॥
அஹம் தே ப்ரதிஜானாமி ஹதௌ தௌ வித்³தி⁴ ராக்ஷஸௌ ।
அஹம் வேத்³மி மஹாத்மானம் ராமம் ஸத்யபராக்ரமம் ॥ 14 ॥
வஸிஷ்டோ²பி மஹாதேஜா யே சேமே தபஸி ஸ்தி²தா: ।
யதி³ தே த⁴ர்மலாப⁴ம் ச யஶஶ்ச பரமம் பு⁴வி ॥ 15 ॥
ஸ்தி²தமிச்ச²ஸி ராஜேந்த்³ர ராமம் மே தா³துமர்ஹஸி ।
யதி³ஹ்யனுஜ்ஞாம் காகுத்ஸ்த² த³த³தே தவ மந்த்ரிண: ॥ 16 ॥
வஸிஷ்ட²ப்ரமுகா²: ஸர்வே ததோ ராமம் விஸர்ஜய ।
அபி⁴ப்ரேதமஸம்ஸக்தமாத்மஜம் தா³துமர்ஹஸி ॥ 17 ॥
த³ஶராத்ரம் ஹி யஜ்ஞஸ்ய ராமம் ராஜீவலோசனம் ।
நாத்யேதி காலோ யஜ்ஞஸ்ய யதா²யம் மம ராக⁴வ ॥ 18 ॥
ததா² குருஷ்வ ப⁴த்³ரம் தே மா ச ஶோகே மன: க்ருதா²: ।
இத்யேவமுக்த்வா த⁴ர்மாத்மா த⁴ர்மார்த²ஸஹிதம் வச: ॥ 19 ॥
விரராம மஹாதேஜா விஶ்வாமித்ரோ மஹாமுனி: ।
ஸ தன்னிஶம்ய ராஜேந்த்³ரோ விஶ்வாமித்ரவசஶ்ஶுப⁴ம் ॥ 2௦ ॥
ஶோகமப்⁴யக³மத்தீவ்ரம் வ்யஷீத³த ப⁴யான்வித: ।
இதி ஹ்ருத³யமனோவிதா³ரணம் முனிவசனம் தத³தீவ ஶுஶ்ருவான் ।
நரபதிரப⁴வன்மஹாம்ஸ்ததா³ வ்யதி²தமனா: ப்ரசசால சாஸனாத் ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகோனவிம்ஶஸ்ஸர்க:³ ॥
