ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² அஷ்டமஸ்ஸர்க:³ ।
பரிதுஷ்டஸ்து ஸுக்³ரீவஸ்தேன வாக்யேன வானர: ।
லக்ஷ்மணஸ்யாக்³ரதோ ராமமித³ம் வசனமப்³ரவீத் ॥ 1 ॥
ஸர்வதா²ஹமனுக்³ராஹ்யோ தே³வதானாம் ந ஸம்ஶய: ।
உபபன்ன கு³ணோபேதஸ்ஸகா² யஸ்ய ப⁴வான்மம ॥ 2 ॥
ஶக்யம் க²லு ப⁴வேத்³ராம ஸஹாயேன த்வயானக⁴ ।
ஸுரராஜ்யமபி ப்ராப்தும் ஸ்வராஜ்யம் கிம் பன: ப்ரபோ⁴ ॥ 3 ॥
ஸோஹம் ஸபா⁴ஜ்யோ ப³ந்தூ⁴னாம் ஸுஹ்ருதா³ம் சைவ ராக⁴வ ।
யஸ்யாக்³னிஸாக்ஷிகம் மித்ரம் லப்³த⁴ம் ராக⁴வவம்ஶஜம் ॥ 4 ॥
அஹமப்யனுரூபஸ்தே வயஸ்யோ ஜ்ஞாஸ்யஸே ஶனை: ।
ந து வக்தும் ஸமர்தோ²ஹம் ஸ்வயமாத்மக³தான்கு³ணான் ॥ 5 ॥
மஹாத்மனாம் து பூ⁴யிஷ்ட²ம் த்வத்³விதா⁴னாம் க்ருதாத்மனாம் ।
நிஶ்சலா ப⁴வதி ப்ரீதிர்தை⁴ர்யமாத்மவதாமிவ ॥ 6 ॥
ரஜதம் வா ஸுவர்ணம் வா வஸ்த்ராண்யாப⁴ரணானி ச ।
அவிப⁴க்தானி ஸாதூ⁴னாமவக³ச்ச²ந்தி ஸாத⁴வ: ॥ 7 ॥
ஆட்⁴யோ வாபி த³ரித்³ரோ வா து³:கி²தஸ்ஸுகி²தோபி வா ।
நிர்தோ³ஷோ வா ஸதோ³ஷோ வா வயஸ்ய: பரமா க³தி: ॥ 8 ॥
த⁴னத்யாக³ஸ்ஸுக²த்யாகோ³ தே³ஹத்யாகோ³பி வா புன: ।
வயஸ்யார்தே² ப்ரவர்தந்தே ஸ்னேஹம் த்³ருஷ்டவா ததா²வித⁴ம் ॥ 9 ॥
தத்ததே²த்யப்³ரவீத்³ராமஸ்ஸுக்³ரீவம் ப்ரியவாதி³னம் ।
லக்ஷ்மணஸ்யாக்³ரதோ லக்ஷ்ம்யா வாஸவஸ்யேவ தீ⁴மத: ॥ 1௦ ॥
ததோ ராமம் ஸ்தி²தம் த்³ருஷ்ட்வா லக்ஷ்மணம் ச மஹாப³லம் ।
ஸுக்³ரீவஸ்ஸர்வதஶ்சக்ஷுர்வனே லோலமபாதயத் ॥ 11 ॥
ஸ த³த³ர்ஶ ததஸ்ஸாலமவிதூ³ரே ஹரீஶ்வர: ।
ஸுபுஷ்பமீஷத்பத்ராட்⁴யம் ப்⁴ரமரைருபஶோபி⁴தம் ॥ 12 ॥
தஸ்யைகாம் பர்ணப³ஹுலாம் ப⁴ங்க்த்வா ஶாகா²ம் ஸுபுஷ்பிதாம் ।
ஸாலஸ்யாஸ்தீர்ய ஸுக்³ரீவோ நிஷஸாத³ ஸராக⁴வ: ॥ 13 ॥
தாவாஸீனௌ ததோ த்³ருஷ்ட்வா ஹனூமானபி லக்ஷ்மணம் ।
ஸாலஶாகா²ம் ஸமுத்பாட்ய வினீதமுபவேஶயத் ॥ 14 ॥
ஸுகோ²பவிஷ்டம் ராமம் து ப்ரஸன்னமுத³தி⁴ம் யதா² ।
ப²லபுஷ்பஸமாகீர்ணே தஸ்மின் கி³ரிவரோத்தமே ॥ 15 ॥
தத: ப்ரஹ்ருஷ்டஸ்ஸுக்³ரீவஶ்லக்ஷ்ணம் மது⁴ரயா கி³ரா ।
உவாச ப்ரணயாத்³ராமம் ஹர்ஷவ்யாகுலிதாக்ஷரம் ॥ 16 ॥
அஹம் வினிக்ருதோ ப்⁴ராத்ரா சராம்யேஷ ப⁴யார்தி³த: ।
ருஷ்யமூகம் கி³ரிவரம் ஹ்ருதபா⁴ர்யஸ்ஸுது³:கி²த: ॥ 17 ॥
ஸோஹம் த்ரஸ்தோ ப⁴யே மக்³னோ வஸாம்யுத்³ப்⁴ராந்தசேதன: ।
வாலினா நிக்ருதோ ப்⁴ராத்ரா க்ருதவைரஶ்ச ராக⁴வ ॥ 18 ॥
வாலினோ மே ப⁴யார்தஸ்ய ஸர்வலோகாப⁴யங்கர ।
மமாபி த்வமனாத²ஸ்ய ப்ரஸாத³ம் கர்துமர்ஹஸி ॥ 19 ॥
ஏவமுக்தஸ்து தேஜஸ்வீ த⁴ர்மஜ்ஞோ த⁴ர்மவத்ஸல: ।
ப்ரத்யுவாச ஸ காகுத்ஸ்த²ஸ்ஸுக்³ரீவம் ப்ரஹஸன்னிவ ॥ 2௦ ॥
உபகாரப²லம் மித்ரமபகாரோரிலக்ஷணம் ।
அத்³யைவ தம் ஹனிஷ்யாமி தவ பா⁴ர்யாபஹாரிணம் ॥ 21 ॥
இமே ஹி மே மஹாவேகா³ பத்ரிணஸ்திக்³மதேஜஸ: ।
கார்திகேயவனோத்³பூ⁴தாஶ்ஶரா ஹேமவிபூ⁴ஷிதா: ॥ 22 ॥
கங்கபத்ரபரிச்ச²ன்னா மஹேந்த்³ராஶனிஸன்னிபா⁴: ।
ஸுபர்வாணஸ்ஸுதீக்ஷ்ணாக்³ராஸ்ஸரோஷா பு⁴ஜகா³ இவ ॥ 23 ॥
ப்⁴ராத்ருஸஞ்ஜ்ஞமமித்ரம் தே வாலினம் க்ருதகில்பி³ஷம் ।
ஶரைர்வினிஹதம் பஶ்ய விகீர்ணமிவ பர்வதம் ॥ 24 ॥
ராக⁴வஸ்ய வசஶ்ஶ்ருத்வா ஸுக்³ரீவோ வாஹினீபதி: ।
ப்ரஹர்ஷமதுலம் லேபே⁴ ஸாது⁴ ஸாத்⁴விதி சாப்³ரவீத் ॥ 25 ॥
ராம ஶோகாபி⁴பூ⁴தோஹம் ஶோகார்தானாம் ப⁴வான்க³தி: ।
வயஸ்ய இதி க்ருத்வா ஹி த்வய்யஹம் பரிதே³வயே ॥ 26 ॥
த்வம் ஹி பாணிப்ரதா³னேன வயஸ்யோ மேக்³னிஸாக்ஷிகம் ।
க்ருத: ப்ராணைர்ப³ஹுமதஸ்ஸத்யேனாபி ஶபாமி தே ॥ 27 ॥
வயஸ்ய இதி க்ருத்வா ச விஸ்ரப்³த:⁴ ப்ரவதா³ம்யஹம் ।
து³:க²மந்தர்க³தம் யன்மே மனோ ஹரதி நித்யஶ: ॥ 28 ॥
ஏதாவது³க்த்வா வசனம் பா³ஷ்பதூ³ஷிதலோசன: ।
பா³ஷ்போபஹதயா வாசா நோச்சைஶ்ஶக்னோதி பா⁴ஷிதும் ॥ 29 ॥
பா³ஷ்பவேக³ம் து ஸஹஸா நதீ³வேக³மிவாக³தம் ।
தா⁴ரயாமாஸ தை⁴ர்யேண ஸுக்³ரீவோ ராமஸன்னிதௌ⁴ ॥ 3௦ ॥
ஸன்னிக்³ருஹ்ய து தம் பா³ஷ்பம் ப்ரம்ருஜ்ய நயனே ஶுபே⁴ ।
வினிஶ்ஶ்வஸ்ய ச தேஜஸ்வீ ராக⁴வம் வாக்யமப்³ரவீத் ॥ 31 ॥
புராஹம் வாலினா ராம ராஜ்யாத்ஸ்வாத³வரோபித: ।
பருஷாணி ச ஸம்ஶ்ராவ்ய நிர்தூ⁴தோஸ்மி ப³லீயஸா ॥ 32 ॥
ஹ்ருதா பா⁴ர்யா ச மே தேன ப்ராணேப்⁴யோபி க³ரீயஸீ ।
ஸுஹ்ருத³ஶ்ச மதீ³யா யே ஸம்யதா ப³ந்த⁴னேஷு தே ॥ 33 ॥
யத்னவாம்ஶ்ச ஸுது³ஷ்டாத்மா மத்³வினாஶாய ராக⁴வ ।
ப³ஹுஶஸ்தத்ப்ரயுக்தாஶ்ச வானரா நிஹதா மயா ॥ 34 ॥
ஶங்கயா த்வேதயா சேஹ த்³ருஷ்ட்வா த்வாமபி ராக⁴வ ।
நோபஸர்பாம்யஹம் பீ⁴தோ ப⁴யே ஸர்வே ஹி பி³ப்⁴யதி ॥ 35 ॥
கேவலம் ஹி ஸஹாயா மே ஹனுமத்ப்ரமுகா²ஸ்த்விமே ।
அதோஹம் தா⁴ரயாம்யத்³ய ப்ராணான் க்ருச்ச்²ரக³தோபி ஸன் ॥ 36 ॥
ஏதே ஹி கபயஸ்ஸ்னிக்³தா⁴ மாம் ரக்ஷந்தி ஸமந்தத: ।
ஸஹ க³ச்ச²ந்தி க³ந்தவ்யே நித்யம் திஷ்ட²ந்தி ச ஸ்தி²தே ॥ 37 ॥
ஸங்க்ஷேபஸ்த்வேஷ மே ராம கிமுக்த்வா விஸ்தரம் ஹி தே ।
ஸ மே ஜ்யேஷ்டோ² ரிபுர்ப்⁴ராதா வாலீ விஶ்ருதபௌருஷ: ॥ 38 ॥
தத்³வினாஶாத்³தி⁴ மே து³:க²ம் ப்ரணஷ்டம் ஸ்யாத³னந்தரம் ।
ஸுக²ம் மே ஜீவிதம் சைவ தத்³வினாஶனிப³ந்த⁴னம் ॥ 39 ॥
ஏஷ மே ராம ஶோகாந்தஶ்ஶோகார்தேன நிவேதி³த: ।
து³:கி²தஸ்ஸுகி²தோ வாபி ஸக்²யுர்னித்யம் ஸகா² க³தி: ॥ 4௦ ॥
ஶ்ருத்வைதத்³வசனம் ராமஸ்ஸுக்³ரீவமித³மப்³ரவீத் ।
கிம் நிமித்தமபூ⁴த்³வைரம் ஶ்ரோதுமிச்சா²மி தத்த்வத: ॥ 41 ॥
ஸுக²ம் ஹி காரணம் ஶ்ருத்வா வைரஸ்ய தவ வானர ।
அனந்தரம் விதா⁴ஸ்யாமி ஸம்ப்ரதா⁴ர்ய ப³லாப³லம் ॥ 42 ॥
ப³லவான் ஹி மமாமர்ஷஶ்ஶ்ருத்வா த்வாமவமானிதம் ।
வர்ததே ஹ்ருத³யோத்கம்பீ ப்ராவ்ருட்³வேக³ இவாம்ப⁴ஸ: ॥ 43 ॥
ஹ்ருஷ்ட: கத²ய விஸ்ரப்³தோ⁴ யாவதா³ரோப்யதே த⁴னு: ।
ஸ்ருஷ்டஶ்ச ஹி மயா பா³ணோ நிரஸ்தஶ்ச ரிபுஸ்தவ ॥ 44 ॥
ஏவமுக்தஸ்து ஸுக்³ரீவ: காகுத்ஸ்தே²ன மஹாத்மனா ।
ப்ரஹர்ஷமதுலம் லேபே⁴ சதுர்பி⁴ஸ்ஸஹ வானரை: ॥ 45 ॥
தத: ப்ரஹ்ருஷ்டவத³னஸ்ஸுக்³ரீவோ லக்ஷ்மணாக்³ரஜே ।
வைரஸ்ய காரணம் தத்த்வமாக்²யாதுமுபசக்ரமே ॥ 46 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ அஷ்டமஸ்ஸர்க:³ ॥
