ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³வாத³ஶாதி⁴கஶததமஸ்ஸர்க:³ ।
தமப்ரதிமதேஜோப்⁴யாம் ப்⁴ராத்ருப்⁴யாம் ரோமஹர்ஷணம் ।
விஸ்மிதா: ஸங்க³மம் ப்ரேக்ஷ்ய ஸமவேதா மஹர்ஷய: ॥ 1 ॥
அந்தர்ஹிதா முனிக³ணாஸ்ஸித்³தா⁴ஶ்ச பரமர்ஷய: ।
தௌ ப்⁴ராதரௌ மஹாத்மானௌ காகுத்ஸ்தௌ² ப்ரஶஶம்ஸிரே ॥ 2 ॥
ஸ த⁴ன்யோ யஸ்ய புத்ரௌ த்³வௌ த⁴ர்மஜ்ஞௌ த⁴ர்மவிக்ரமௌ ।
ஶ்ருத்வா வயம் ஹி ஸம்பா⁴ஷாமுப⁴யோஸ்ஸ்ப்ருஹயாமஹே ॥ 3 ॥
ததஸ்த்வ்ருஷிக³ணா: க்ஷிப்ரம் த³ஶக்³ரீவவதை⁴ஷிண: ।
ப⁴ரதம் ராஜஶார்தூ³லமித்யூசு: ஸங்க³தா வச: ॥ 4 ॥
குலே ஜாத மஹாப்ராஜ்ஞ மஹாவ்ருத்த மஹாயஶ: ।
க்³ராஹ்யம் ராமஸ்ய வாக்யம் தே பிதரம் யத்³யவேக்ஷஸே ॥ 5 ॥
ஸதா³ன்ருணமிமம் ராமம் வயமிச்சா²மஹே பிது: ।
ஆன்ருணத்வாச்ச கைகேய்யா: ஸ்வர்க³ம் த³ஶரதோ² க³த: ॥ 6 ॥
ஏதாவது³க்த்வா வசனம் க³ந்த⁴ர்வா: ஸமஹர்ஷய: ।
ராஜர்ஷயஶ்சைவ ததா³ ஸர்வே ஸ்வாம் ஸ்வாம் க³திம் க³தா: ॥ 7 ॥
ஹ்லாதி³தஸ்தேன வாக்யேன ஶுபே⁴ன ஶுப⁴த³ர்ஶன: ।
ராம ஸ்ஸம்ஹ்ருஷ்டவத³னஸ்தான்ருஷீனப்⁴யபூஜயத் ॥ 8 ॥
த்ரஸ்தகா³த்ரஸ்து ப⁴ரதஸ்ஸ வாசா ஸஜ்ஜமானயா ।
க்ருதாஞ்ஜலிரித³ம் வாக்யம் ராக⁴வம் புனரப்³ரவீத் ॥ 9 ॥
ராஜத⁴ர்மமனுப்ரேக்ஷ்ய குலத⁴ர்மானுஸந்ததிம் ।
கர்துமர்ஹஸி காகுத்ஸ்த² மம மாதுஶ்ச யாசனாம் ॥ 1௦ ॥
ரக்ஷிதும் ஸுமஹத்³ராஜ்யமஹமேகஸ்து நோத்ஸஹே ।
பௌரஜானபதா³ம்ஶ்சாபி ரக்தான்ரஞ்ஜயிதும் ததா² ॥ 11 ॥
ஜ்ஞாதயஶ்ச ஹி யோதா⁴ஶ்ச மித்ராணி ஸுஹ்ருத³ஶ்ச ந: ।
த்வாமேவ ப்ரதிவீக்ஷந்தே பர்ஜன்யமிவ கர்ஷகா: ॥ 12 ॥
இத³ம் ராஜ்யம் மஹாப்ராஜ்ஞ ஸ்தா²பய ப்ரதிபத்³ய ஹி ।
ஶக்திமானஸி காகுத்ஸ்த² லோகஸ்ய பரிபாலனே ॥ 13 ॥
இத்யுக்த்வா ந்யபதத்³ப்⁴ராது: பாத³யோர்ப⁴ரதஸ்ததா³ ।
ப்⁴ருஶம் ஸம்ப்ரார்த²யாமாஸ ராமமேவ ப்ரியம்வத:³ ॥ 14 ॥
தமங்கே ப⁴ரதம் க்ருத்வா ராமோ வசனமப்³ரவீத் ।
ஶ்யாமம் நலினபத்ராக்ஷம் மத்தஹம்ஸஸ்வரம் ஸ்வயம் ॥ 15 ॥
ஆக³தா த்வாமியம் பு³த்³தி⁴ஸ்ஸ்வஜா வைனயிகீ ச யா ।
ப்⁴ருஶமுத்ஸஹஸே தாத ரக்ஷிதும் ப்ருதி²வீமபி ॥ 16 ॥
அமாத்யைஶ்ச ஸுஹ்ருத்³பி⁴ஶ்ச பு³த்³தி⁴மத்³பி⁴ஶ்ச மந்த்ரிபி⁴: ।
ஸர்வகார்யாணி ஸம்மந்த்ர்ய ஸுமஹந்த்யபி காரய ॥ 17 ॥
லக்ஷ்மீஶ்சந்த்³ராத³பேயாத்³வா ஹிமவான்வா ஹிமம் த்யஜேத் ।
அதீயாத்ஸாக³ரோ வேலாம் ந ப்ரதிஜ்ஞாமஹம் பிது: ॥ 18 ॥
காமாத்³வா தாத லோபா⁴த்³வா மாத்ராதுப்⁴யமித³ம் க்ருதம் ।
ந தன்மனஸி கர்தவ்யம் வர்திதவ்யம் ச மாத்ருவத் ॥ 19 ॥
ஏவம் ப்³ருவாணம் ப⁴ரத: கௌஸல்யாஸுதமப்³ரவீத் ।
தேஜஸாதி³த்யஸங்காஶம் ப்ரதிபச்சந்த்³ரத³ர்ஶனம் ॥ 2௦ ॥
ஆதி⁴ரோஹார்ய பாதா³ப்⁴யாம் பாது³கே ஹேமபூ⁴ஷிதே ।
ஏதேஹி ஸர்வலோகஸ்ய யோக³க்ஷேமம் விதா⁴ஸ்யத: ॥ 21 ॥
ஸோதி⁴ருஹ்ய நரவ்யாக்⁴ர: பாது³கே ஹ்யவருஹ்ய ச ।
ப்ராயச்ச²த்ஸுமஹாதேஜா ப⁴ரதாய மஹாத்மனே ॥ 22 ॥
ஸ பாது³கே ஸம்ப்ரணம்ய ராமம் வசனமப்³ரவீத் சதுர்த³ஶ ஹி வர்ஷாணி ஜடாசீரத⁴ரோ ஹ்யாஹம் ॥ 23 ॥
ப²லமூலாஶனோ வீர ப⁴வேயம் ரகு⁴னந்த³ன ।
தவாக³மனமாகாங்க்ஷான்வஸன்வை நக³ராத்³ப³ஹி: ॥ 24 ॥
தவ பாது³கயோர்ன்யஸ்தராஜ்யதந்த்ர: பரந்தப ।
சதுர்த³ஶே து ஸம்பூர்ணே வர்ஷேஹனி ரகூ⁴த்தம ॥ 25 ॥
ந த்³ரக்ஷ்யாமி யதி³ த்வாம் து ப்ரவேக்ஷ்யாமி ஹுதாஶனம் ।
ததே²தி ச ப்ரதிஜ்ஞாய தம் பரிஷ்வஜ்ய ஸாத³ரம் ॥ 26 ॥
ஶத்ருக்⁴னம் ச பரிஷ்வஜ்ய ப⁴ரதம் சேத³மப்³ரவீத் ।
மாதரம் ரக்ஷ கைகேயீம் மா ரோஷம் குரு தாம் ப்ரதி ॥ 27 ॥
மயா ச ஸீதயா சைவ ஶப்தோஸி ரகு⁴ஸத்தம ।
இத்யுக்த்வாஶ்ருபரீதாக்ஷோ ப்⁴ராதரம் விஸஸர்ஜ ஹ ॥ 28 ॥
ஸ பாது³கே தே ப⁴ரத: ப்ரதாபவான் ஸ்வலங்க்ருதே ஸம்பரிபூஜ்ய த⁴ர்மவித் ।
ப்ரத³க்ஷிணம் சைவ சகார ராக⁴வம் சகார தே சோத்தமனாக³மூர்த⁴னி ॥ 29 ॥
அதா²னுபூர்வ்யாத்ப்ரதினந்த்³ய தம் ஜனம் கு³ரூம்ஶ்ச மந்த்ரிப்ரக்ருதீஸ்ததா²னுஜௌ ।
வ்யஸர்ஜயத்³ராக⁴வவம்ஶவர்த⁴னஸ்தி²ர: ஸ்வத⁴ர்மே ஹிமவானிவாசல: ॥ 3௦ ॥
தம் மாதரோ பா³ஷ்பக்³ருஹீதகண்ட்²யோ து³:கே²ன நாமந்த்ரயிதும் ஹி ஶேகு: ।
ஸ த்வேவ மாத்ர்ருரபி⁴வாத்³ய ஸர்வாருத³ன்குடீம் ஸ்வாம் ப்ரவிவேஶ ராக⁴வ: ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³வாத³ஶாதி⁴கஶததமஸ்ஸர்க:³ ॥
