ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சமஸ்ஸர்க:³ ।
ருஶ்யமூகாத்து ஹனுமான்க³த்வா து மலயம் கி³ரிம் ।
ஆசசக்ஷே ததா³ வீரௌ கபிராஜாய ராக⁴வௌ ॥ 1 ॥
அயம் ராமோ மஹாப்ராஜ்ஞ ஸ்ஸம்ப்ராப்தோ த்³ருட⁴விக்ரம: ।
லக்ஷ்மணேன ஸஹ ப்⁴ராத்ரா ராமோயம் ஸத்யவிக்ரம: ॥ 2 ॥
இக்ஷ்வாகூணாம் குலே ஜாதோ ராமோ த³ஶரதா²த்மஜ: ।
த⁴ர்மே நிக³தி³தஶ்சைவ பிதுர்னிர்தே³ஶபாரக:³ ॥ 3 ॥
தஸ்யாஸ்ய வஸதோரண்யே நியதஸ்ய மஹாத்மன: ।
ராவணேன ஹ்ருதா பா⁴ர்யா ஸ த்வாம் ஶரணமாக³த: ॥ 4 ॥
ராஜஸூயாஶ்வமேதை⁴ஶ்ச வஹ்னிர்யேனாபி⁴தர்பித: ।
த³க்ஷிணாஶ்ச ததோ²த்ஸ்ருஷ்டா கா³வஶ்ஶதஸஹஸ்ரஶ: ॥ 5 ॥
தபஸா ஸத்யவாக்யேன வஸுதா⁴ யேன பாலிதா ।
ஸ்த்ரீ ஹேதோஸ்தஸ்ய புத்ரோயம் ராமஸ்த்வாம் ஶரணம் க³த: ॥ 6 ॥
ப⁴வதா ஸக்²யகாமௌ தௌ ப்⁴ராதரௌ ராமலக்ஷ்மணௌ ।
ப்ரதிக்³ருஹ்யார்சயஸ்வைதௌ பூஜனீயதமாவுபௌ⁴ ॥ 7 ॥
ஶ்ருத்வா ஹனுமதோ வாக்யம் ஸுக்³ரீவோ ஹ்ருஷ்டமானஸ: ।
ப⁴யம் சராக⁴வாத்³கோ⁴ரம் ப்ரஜஹௌ விக³தஜ்வர: ॥ 8 ॥
ஸக்ருத்வா மானுஷம் ரூபம் ஸுக்³ரீவ: ப்லவக³ர்ஷப:⁴ ।
த³ர்ஶனீயதமோ பூ⁴த்வா ப்ரீத்யா ப்ரோவாச ராக⁴வம் ॥ 9 ॥
ப⁴வாந்த⁴ர்மவினீதஶ்ச விக்ராந்தஸ்ஸர்வவத்ஸல: ।
ஆக்²யாதா வாயுபுத்ரேண தத்த்வதோ மே ப⁴வத்³கு³ணா: ॥ 1௦ ॥
தன்மமைவைஷ ஸத்காரோ லாப⁴ஶ்சைவோத்தம: ப்ரபோ⁴ ।
யத்த்வமிச்ச²ஸி ஸௌஹார்த³ம் வானரேண மயா ஸஹ ॥ 11 ॥
ரோசதே யதி³ வா ஸக்²யம் பா³ஹுரேஷ ப்ரஸாரித: ।
க்³ருஹ்யதாம் பாணினா பாணிர்மர்யாதா³ ப³த்⁴யதாம் த்⁴ருவா ॥ 12 ॥
ஏதத்து வசனம் ஶ்ருத்வா ஸுக்³ரீவேண ஸுபா⁴ஷிதம் ।
ஸம்ப்ரஹ்ருஷ்டமனா ஹஸ்தம் பீட³யாமாஸ பாணினா ॥ 13 ॥
ஹ்ருத்³யம் ஸௌஹ்ருத³மாலம்ப்³யபர்யஷ்வஜத பீடி³தம் ।
ததோ ஹனூமான்ஸந்த்யஜ்ய பி⁴க்ஷுரூபமரிந்த³ம: ॥ 14 ॥
காஷ்ட²யோஸ்ஸ்வேன ரூபேண ஜனயாமாஸ பாவகம் ।
தீ³ப்யமானம் ததோ வஹ்னிம் ஹ்னிம் புஷ்பைரப்⁴யர்ச்ய ஸத்க்ருதம் ॥ 15 ॥
தயோர்மத்⁴யேத² ஸுப்ரீதோ நித³தே⁴ ஸுஸமாஹித: ।
ததோக்³னிம் தீ³ப்யமானம் தௌ சக்ரதுஶ்ச ப்ரத³க்ஷிணம் ॥ 16 ॥
ஸுக்³ரீவோ ராக⁴வஶ்சைவ வயஸ்யத்வமுபாக³தௌ ।
ததஸ்ஸுப்ரீதமனஸௌ தாவுபௌ⁴ ஹரிராக⁴வௌ ॥ 17 ॥
அன்யோன்யமபி⁴வீக்ஷந்தௌ ந த்ருப்திமுபஜக்³மது: ।
த்வம் வயஸ்யோஸி மே ஹ்ருத்³யோ ஹ்யேகம் து³:க²ம் ஸுக²ம் ச நௌ ॥ 18 ॥
ஸுக்³ரீவோ ராக⁴வம் வாக்யமித்யுவாச ப்ரஹ்ருஷ்டவத் ।
ததஸ்ஸுபர்ணப³ஹுலாம் சி²த்வா ஶாகா²ம் ஸுபுஷ்பிதாம் ॥ 19 ॥
ஸாலஸ்யாஸ்தீர்ய ஸுக்³ரீவோ நிஷஸாத³ ஸராக⁴வ: ।
லக்ஷ்மணாயாத² ஸம்ஹ்ருஷ்டோ ஹனூமான் ப்லவக³ர்ஷப:⁴ ॥ 2௦ ॥
ஶாகா²ம் சந்த³னவ்ருக்ஷஸ்ய த³தௌ³ பரமபுஷ்பிதாம் ।
தத: ப்ரஹ்ருஷ்டஸ்ஸுக்³ரீவ: ஶ்லக்ஷ்ணம் மது⁴ரயா கி³ரா ॥ 21 ॥
ப்ரத்யுவாச ததா³ ராமம் ஹர்ஷவ்யாகுலலோசன: ।
அஹம் வினிக்ருதோ ராம சராமீஹ ப⁴யார்தி³த: ॥ 22 ॥
ஹ்ருதபா⁴ர்யோ வனே த்ரஸ்தோ து³ர்க³மேதது³பாஶ்ரித: ।
ஸோஹம் த்ரஸ்தோ வனே பீ⁴தோ வஸாம்யுத்³ப்⁴ராந்தசேதன: ॥ 23 ॥
வாலினா நிக்ருதோ ப்⁴ராத்ரா க்ருதவைரஶ்ச ராக⁴வ ।
வாலினோ மே மஹாபா⁴க³ ப⁴யார்தஸ்யாப⁴யம் குரு ॥ 24 ॥
கர்துமர்ஹஸி காகுத்ஸ்த² ப⁴யம் மே ந ப⁴வேத்³யதா² ।
ஏவமுக்தஸ்து தேஜஸ்வீ த⁴ர்மஜ்ஞோ த⁴ர்மவத்ஸல: ॥ 25 ॥
ப்ரத்யபா⁴ஷத காகுத்ஸ்த:² ஸுக்³ரீவம் ப்ரஹஸன்னிவ ।
உபகாரப²லம் மித்ரம் விதி³தம் மே மஹாகபே ॥ 26 ॥
வாலினம் தம் வதி⁴ஷ்யாமி தவ பா⁴ர்யாபஹாரிணம் ।
அமோகா⁴ஸ்ஸூர்யஸங்காஶா மமைதே நிஶிதாஶ்ஶரா: ॥ 27 ॥
தஸ்மின்வாலினி து³ர்வ்ருத்தே நிபதிஷ்யந்தி வேகி³தா: ।
கங்கபத்ரப்ரதிச்ச²ன்னா மஹேந்த்³ராஶனிஸன்னிபா⁴: ॥ 28 ॥
தீக்ஷ்ணாக்³ரா ருஜுபர்வாணஸ்ஸரோஷா பு⁴ஜகா³ இவ ।
தமத்³ய வாலினம் பஶ்ய தீக்ஷ்ணைராஶீவிஷோபமை: ॥ 29 ॥
ஶரைர்வினிஹதம் பூ⁴மௌ விகீர்ணமிவ பர்வதம் ।
ஸ து தத்³வசனம் ஶ்ருத்வா ராக⁴வஸ்யாத்மனோ ஹிதம் ॥ 3௦ ॥
ஸுக்³ரீவ: பரமப்ரீதஸ்ஸுமஹத்³வாக்யமப்³ரவீத் ।
தவ ப்ரஸாதே³ன ந்ருஸிம்ஹ ராக⁴வ ப்ரியாம் ச ராஜ்யம் ச ஸமாப்னுயாமஹம் ।
ததா² குரு த்வம் நரதே³வ வைரிணம் யதா² நிஹம்ஸ்யத்³ய ரிபும்மமாக்³ரஜம் ॥ 31 ॥
ஸீதா கபீந்த்³ரக்ஷணதா³சராணாம் ராஜீவஹேமஜ்வலனோபமானி ।
ஸுக்³ரீவராமப்ரணயப்ரஸங்கே³ வாமானி நேத்ராணி ஸமம் ஸ்பு²ரந்தி ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சமஸ்ஸர்க:³ ॥
