ஶ்ரீமத்³வால்மீகீய ராமாயணே பா³லகாண்ட³ம் ।
அத² பஞ்சத³ஶஸ்ஸர்க:³ ।
மேதா²வீ து ததோ த்⁴யாத்வா ஸ கிஞ்சிதி³த³முத்தரம் ।
லப்³த⁴ஸஞ்ஜ்ஞஸ்ததஸ்தம் து வேதஜ³்ஞோ ந்ருபமப்³ரவீத் ॥ 1 ॥
இஷ்டிம் தேஹம் கரிஷ்யாமி புத்ரீயாம் புத்ரகாரணாத் ।
அத²ர்வஶிரஸி ப்ரோக்தைர்மந்த்ரைஸ்ஸித்³தா⁴ம் விதா⁴னத: ॥ 2 ॥
தத: ப்ராக்ரமதி³ஷ்டிம் தாம் புத்ரீயாம் புத்ரகாரணாத் ।
ஜுஹாவ சாக்³னௌ தேஜஸ்வீ மந்த்ரத்³ருஷ்டேன கர்மணா ॥ 3 ॥
ததோ தே³வாஸ்ஸக³ந்த⁴ர்வாஸ்ஸித்³தா⁴ஶ்ச பரமர்ஷய: ।
பா⁴க³ப்ரதிக்³ரஹார்த²ம் வை ஸமவேதா யதா²விதி⁴ ॥ 4 ॥
தாஸ்ஸமேத்ய யதா²ன்யாயம் தஸ்மின்ஸத³ஸி தே³வதா: ।
அப்³ருவன் லோககர்தாரம் ப்³ரஹ்மாணம் வசனம் மஹத் ॥ 5 ॥
ப⁴க³வந்த்வத்ப்ரஸாதே³ன ராவணோ நாம ராக்ஷஸ: ।
ஸர்வான்னோ பா³த⁴தே வீர்யாச்சா²ஸிதும் தம் ந ஶக்னும: ॥ 6 ॥
த்வயா தஸ்மை வரோ த³த்த: ப்ரீதேன ப⁴க³வன்புரா ।
மானயந்தஶ்ச தம் நித்யம் ஸர்வம் தஸ்ய க்ஷமாமஹே ॥ 7 ॥
உத்³வேஜயதி லோகான்ஸ்தீனுச்ச்²ரிதாந்த்³வேஷ்டி து³ர்மதி: ।
ஶக்ரம் த்ரித³ஶராஜானம் ப்ரத⁴ர்ஷயிதுமிச்ச²தி ॥ 8 ॥
ருஷீன்யக்ஷான்ஸக³ந்த⁴ர்வானஸுரான்ப்³ராஹ்மணாம்ஸ்ததா² ।
அதிக்ராமதி து³ர்த⁴ர்ஷோ வரதா³னேன மோஹித: ॥ 9 ॥
நைனம் ஸூர்ய: ப்ரதபதி பார்ஶ்வே வாதி ந மாருத: ।
சலோர்மிமாலீ தம் த்³ருஷ்ட்வா ஸமுத்³ரோபி ந கம்பதே ॥ 1௦ ॥
தன்மஹன்னோ ப⁴யம் தஸ்மாத்³ராக்ஷஸாத்³கோ⁴ரத³ர்ஶனாத் ।
வதா⁴ர்த²ம் தஸ்ய ப⁴க³வன்னுபாயம் கர்துமர்ஹஸி ॥ 11 ॥
ஏவமுக்தஸ்ஸுரைஸ்ஸர்வைஶ்சிந்தயித்வா ததோப்³ரவீத் ।
ஹந்தாயம் விதி³தஸ்தஸ்ய வதோ⁴பாயோ து³ராத்மன: ॥ 12 ॥
தேன க³ந்த⁴ர்வயக்ஷாணாம் தே³வதா³னவரக்ஷஸாம் ।
அவத்⁴யோஸ்மீதி வாகு³க்தா ததே²த்யுக்தம் ச தன்மயா ॥ 13 ॥
நாகீர்தயத³வஜ்ஞானாத்தத்³ரக்ஷோ மானுஷான் ப்ரதி ।
தஸ்மாத்ஸ மானுஷாத்³வத்⁴யோ ம்ருத்யுர்னான்யோஸ்ய வித்³யதே ॥ 14 ॥
ஏதச்ச்²ருத்வா ப்ரியம் வாக்யம் ப்³ரஹ்மணா ஸமுதா³ஹ்ருதம் ।
ஸர்வே மஹர்ஷயோ தே³வா: ப்ரஹ்ருஷ்டாஸ்தேப⁴வம்ஸ்ததா³ ॥ 15 ॥
ஏதஸ்மின்னந்தரே விஷ்ணுருபயாதோ மஹாத்³யுதி: ।
ஶங்க²சக்ரக³தா³பாணி: பீதவாஸா ஜக³த்பதி: ॥ 16 ॥
ப்³ரஹ்மணா ச ஸமாக³ம்ய தத்ர தஸ்தௌ² ஸமாஹித: ।
1 தமப்³ருவன்ஸுராஸ்ஸர்வே ஸமபி⁴ஷ்டூய ஸன்னதா: ॥ 17 ॥
த்வான்னியோக்ஷ்யாமஹே விஷ்ணோ லோகானாம் ஹிதகாம்யயா ।
1 ராஜ்ஞோ த³ஶரத²ஸ்ய த்வமயோத்⁴யாதி⁴பதே: ப்ரபோ⁴: ॥ 18 ॥
த⁴ர்மஜ்ஞஸ்ய வதா³ன்யஸ்ய மஹர்ஷிஸமதேஜஸ: ।
18 தஸ்ய பா⁴ர்யாஸு திஸ்ருஷு ஹ்ரீஶ்ரீகீர்த்யுபமாஸு ச ॥ 19 ॥
விஷ்ணோ புத்ரத்வமாக³ச்ச² க்ருத்வாத்மானம் சதுர்வித⁴ம் ।
1 தத்ர த்வம் மானுஷோ பூ⁴த்வா ப்ரவ்ருத்³த⁴ம் லோககண்டகம் ।
அவத்⁴யம் தை³வதைர்விஷ்ணோ ஸமரே ஜஹி ராவணம் ॥ 2௦ ॥
ஸ ஹி தே³வாம்ஶ்ச க³ந்த⁴ர்வான்ஸித்³தா⁴ம்ஶ்ச முனிஸத்தமான் ।
ராக்ஷஸோ ராவணோ மூர்கோ² வீர்யோத்ஸேகேன பா³த⁴தே ॥ 21 ॥
ருஷயஶ்ச ததஸ்தேன க³ந்த⁴ர்வாப்ஸரஸஸ்ததா² ।
க்ரீட³ந்தோ நந்த³னவனே க்ரூரேண கில ஹிம்ஸிதா: ॥ 22 ॥
வதா⁴ர்த²ம் வயமாயாதாஸ்தஸ்ய வை முனிபி⁴ஸ்ஸஹ ।
ஸித்³த⁴க³ந்த⁴ர்வயக்ஷாஶ்ச ததஸ்த்வாம் ஶரணம் க³தா: ॥ 23 ॥
த்வம் க³தி: பரமா தே³வ ஸர்வேஷாம் ந: பரந்தப: ।
வதா⁴ய தே³வஶத்ரூணாம் ந்ருணாம் லோகே மன: குரு ॥ 24 ॥
ஏவமுக்தஸ்து தே³வேஶோ விஷ்ணுஸ்த்ரித³ஶபுங்க³வ: ।
பிதாமஹபுரோகா³ம்ஸ்தான்ஸர்வலோகனமஸ்க்ருத: ॥ 25 ॥
அப்³ரவீத்த்ரித³ஶான்ஸர்வான்ஸமேதாந்த⁴ர்மஸம்ஹிதான் ॥ 26 ॥
ப⁴யம் த்யஜத ப⁴த்³ரம் வோ ஹிதார்த²ம் யுதி⁴ ராவணம் ।
ஸபுத்ரபௌத்ரம் ஸாமாத்யம் ஸமித்ரஜ்ஞாதிபா³ந்த⁴வம் ॥ 27 ॥
ஹத்வா க்ரூரம் து³ராத்மானம் தே³வர்ஷீணாம் ப⁴யாவஹம் ।
த³ஶவர்ஷஸஹஸ்ராணி த³ஶவர்ஷஶதானி ச ।
வத்ஸ்யாமி மானுஷே லோகே பாலயன்ப்ருதி²வீமிமாம் ॥ 28 ॥
ஏவம் த³த்வா வரம் தே³வோ தே³வானாம் விஷ்ணுராத்மவான் ।
மானுஷே சிந்தயாமாஸ ஜன்மபூ⁴மிமதா²த்மன: ॥ 29 ॥
தத: பத்³மபலாஶாக்ஷ: க்ருத்வாத்மானம் சதுர்வித⁴ம் ।
பிதரம் ரோசயாமாஸ ததா² த³ஶரத²ன்ன்ருபம் ॥ 3௦ ॥
ததா³ தே³வர்ஷி க³ந்த⁴ர்வாஸ்ஸருத்³ராஸ்ஸாப்ஸரோக³ணா: ।
ஸ்துதிபி⁴ர்தி³வ்யரூபாபி⁴ஸ்துஷ்டுவுர்மது⁴ஸூத³னம் ॥ 31 ॥
தமுத்³த⁴தம் ராவணமுக்³ரதேஜஸம் ப்ரவ்ருத்³த⁴த³ர்பம் த்ரித³ஶேஶ்வரத்³விஷம் ।
விராவணம் ஸாது⁴தபஸ்விகண்டகம் தபஸ்வினாமுத்³த⁴ர தம் ப⁴யாவஹம் ॥ 32 ॥
தமேவ ஹத்வா ஸப³லம் ஸபா³ந்த⁴வம் விராவணம் ராவணமக்³ய்ரபௌருஷம் ।
ஸ்வர்லோகமாக³ச்ச² க³தஜ்வரஶ்சிரம் ஸுரேந்த்³ரகு³ப்தம் க³ததோ³ஷகல்மஷம் ॥ 33 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ பஞ்சத³ஶஸ்ஸர்க:³ ॥
