ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்ரயஸ்த்ரிம்ஶஸ்ஸர்க:³ ।
ஸோவதீர்ய த்³ருமாத்தஸ்மாத்³வித்³ருமப்ரதிமானந: ।
வினீதவேஷ: க்ருபண: ப்ரணிபத்யோபஸ்ருத்ய ச ॥ 1 ॥
தாமப்³ரவீன்மஹாதேஜா ஹனூமான்மாருதாத்மஜ: ।
ஶிரஸ்யஞ்ஜலிமாதா⁴ய ஸீதாம் மது⁴ரயா கி³ரா ॥ 2 ॥
கா நு பத்³மபலாஶாக்ஷி க்லிஷ்டகௌஶேயவாஸினி ।
த்³ருமஸ்ய ஶாகா²மாலம்ப்³ய திஷ்ட²ஸி த்வமனிந்தி³தே ॥ 3 ॥
கிமர்த²ம் தவ நேத்ராப்⁴யாம் வாரி ஸ்ரவதி ஶோகஜம் ।
புண்ட³ரீகபலாஶாப்⁴யாம் விப்ரகீர்ணமிவோத³கம் ॥ 4 ॥
ஸுராணாமஸுராணாம் வா நாக³க³ந்த⁴ர்வரக்ஷஸாம் ।
யக்ஷாணாம் கின்னராணாம் வா கா த்வம் ப⁴வஸி ஶோப⁴னே ॥ 5 ॥
கா த்வம் ப⁴வஸி ருத்³ராணாம் மருதாம் வா வரானநே ।
வஸூனாம் ஹி வராரோஹே தே³வதா ப்ரதிபா⁴ஸி மே ॥ 6 ॥
கி நு சந்த்³ரமஸா ஹீனா பதிதா விபு³தா⁴லயாத் ।
ரோஹிணீ ஜ்யோதிஷாம் ஶ்ரேஷ்டா² ஶ்ரேஷ்ட²ஸர்வகு³ணான்விதா ॥ 7 ॥
கா த்வம் ப⁴வஸி கல்யாணி த்வமனிந்தி³தலோசனே ।
கோபாத்³வா யதி³ வா மோஹாத்³ப⁴ர்தாரமஸிதேக்ஷணே ॥ 8 ॥
வஸிஷ்ட²ம் கோபயித்வா த்வம் நாஸி கல்யாண்யருந்த⁴தீ ।
கோ நு புத்ர: பிதா ப்⁴ராதா ப⁴ர்தா வா தே ஸுமத்⁴யமே ॥ 9 ॥
அஸ்மால்லோகாத³மும் லோகம் க³தம் த்வமனுஶோசஸி ।
ரோத³னாத³தினிஶ்ஶ்வாஸாத்³பூ⁴மிஸம்ஸ்பர்ஶனாத³பி ॥ 1௦ ॥
ந த்வாம் தே³வீமஹம் மன்யே ராஜ்ஞ ஸ்ஸர்வஜ்ஞாவதா⁴ரணாத் ।
வ்யஞ்ஜனானி ச தே யானி லக்ஷணானி ச லக்ஷயே ॥ 11 ॥
மஹிஷீ பூ⁴மிபாலஸ்ய ராஜகன்யா ச மே மதா ।
ராவணேன ஜனஸ்தா²னாத்³ப³லாத³பத³ஹ்ருதா யதி³ ॥ 12 ॥
ஸீதா த்வமஸி ப⁴த்³ரம் தே தன்மமாசக்ஷ்வ ப்ருச்ச²த: ।
யதா² ஹி தவ வை தை³ன்யம் ரூபம் சாப்யதிமானுஷம் ॥ 13 ॥
தபஸா சான்விதோ வேஷஸ்த்வம் ராமமஹிஷீ த்⁴ருவம் ।
ஸா தஸ்ய வசனம் ஶ்ருத்வா ராமகீர்தனஹர்ஷிதா ॥ 14 ॥
உவாச வாக்யம் வைதே³ஹீ ஹனுமந்தம் த்³ருமாஶ்ரிதம் ।
ப்ருதி²வ்யாம் ராஜஸிம்ஹானாம் முக்²யஸ்ய விதி³தாத்மன: ॥ 15 ॥
ஸ்னுஷா த³ஶரத²ஸ்யாஹம் ஶத்ருஸைன்யப்ரதாபின: ।
து³ஹிதா ஜனகஸ்யாஹம் வைதே³ஹஸ்ய மஹாத்மன: ॥ 16 ॥
ஸீதேதி நாம நாம்னாஹம் பா⁴ர்யா ராமஸ்ய தீ⁴மத: ।
ஸமா த்³வாத³ஶ தத்ராஹம் ராக⁴வஸ்ய நிவேஶனே ॥ 17 ॥
பு⁴ஞ்ஜானா மானுஷான்போ⁴கா³ன்ஸர்வகாமஸம்ருத்³தி⁴னீ ।
தத்ர த்ரயோத³ஶே வர்ஷே ராஜ்யேனேக்ஷ்வாகுனந்த³னம் ॥ 18 ॥
அபி⁴ஷேசயிதும் ராஜா ஸோபாத்⁴யாய: ப்ரசக்ரமே ।
தஸ்மின்ஸம்ப்⁴ரியமாணே து ராக⁴வஸ்யாபி⁴ஷேசனே ॥ 19 ॥
கைகயீ நாம ப⁴ர்தாரம் தே³வீ வசனமப்³ரவீத் ।
ந பிபே³யம் ந கா²தே³யம் ப்ரத்யஹம் மம போ⁴ஜனம் ॥ 2௦ ॥
ஏஷ மே ஜீவிதஸ்யாந்தோ ராமோ யத்³யபி⁴ஷிச்யதே ।
யத்தது³க்தம் த்வயா வாக்யம் ப்ரீத்யா ந்ருபதிஸத்தம ॥ 21 ॥
தச்சே²ன்ன விதத²ம் கார்யம் வனம் க³ச்ச²து ராக⁴வ: ।
ஸ ராஜா ஸத்யவாக்³தே³வ்யா வரதா³னமனுஸ்மரன் ॥ 22 ॥
முமோஹ வசனம் ஶ்ருத்வா கைகேய்யா: க்ரூரமப்ரியம் ।
ததஸ்து ஸ்த²விரோ ராஜா ஸத்யே த⁴ர்மே வ்யவஸ்தி²த: ॥ 23 ॥
ஜ்யேஷ்ட²ம் யஶஸ்வினம் புத்ரம் ருத³ன்ராஜ்யமயாசத ।
ஸ பிதுர்வசனம் ஶ்ரீமானபி⁴ஷேகாத்பரம் ப்ரியம் ॥ 24 ॥
மனஸா பூர்வமாஸாத்³ய வாசா ப்ரதிக்³ருஹீதவான் ।
த³த்³யான்ன ப்ரதிக்³ருஹ்ணீயான்ன ப்³ரூயாத்கிஞ்சித³ப்ரியம் ॥ 25 ॥
அபி ஜீவிதஹேதோர்வா ராமஸ்ஸத்யபராக்ரம: ।
ஸ விஹாயோத்தரீயாணி மஹார்ஹாணி மஹாயஶா: ॥ 26 ॥
விஸ்ருஜ்ய மனஸா ராஜ்யம் ஜனந்யை மாம் ஸமாதி³ஶத் ।
ஸாஹம் தஸ்யாக்³ரதஸ்தூர்ணம் ப்ரஸ்தி²தா வனசாரிணீ ॥ 27 ॥
ந ஹி மே தேன ஹீனாயா வாஸஸ்ஸ்வர்கே³பி ரோசதே ।
ப்ராகே³வ து மஹாபா⁴க³ஸ்ஸௌமித்ரிர்மித்ரனந்த³ன: ॥ 28 ॥
பூர்வஜஸ்யானுயாத்ரார்தே² த்³ருமசீரைரலங்க்ருத: ।
தே வயம் ப⁴ர்துராதே³ஶம் ப³ஹுமான்ய த்³ருட⁴வ்ரதா: ॥ 29 ॥
ப்ரவிஷ்டாஸ்ஸ்ம புராத்³ருஷ்டம் வனம் க³ம்பீ⁴ரத³ர்ஶனம் ।
வஸதோ த³ண்ட³காரண்யே தஸ்யாஹமமிதௌஜஸ: ॥ 3௦ ॥
ரக்ஷஸாபஹ்ருதா பா⁴ர்யா ராவணேன து³ராத்மனா ।
த்³வௌ மாஸௌ தேன மே காலோ ஜீவிதானுக்³ரஹ: க்ருத: ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்ரயஸ்த்ரிம்ஶஸ்ஸர்க:³ ॥
