ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³வாத்ரிம்ஶஸ்ஸர்க:³ ।
ததஶ்ஶாஸன மாஜ்ஞாய ப்⁴ராது ஶ்ஶுப⁴தரம் ப்ரியம் ।
க³த்வா ஸ ப்ரவிவேஶாஶு ஸுயஜ்ஞஸ்ய நிவேஶனம் ॥ 1 ॥
தம் விப்ரமக்³ன்யகா³ரஸ்த²ம் வந்தி³த்வா லக்ஷ்மணோப்³ரவீத் ।
ஸகே²ப்⁴யாக³ச்ச² பஶ்ய த்வம் வேஶ்ம து³ஷ்கரகாரிண: ॥ 2 ॥
ததஸ்ஸந்த்⁴யாமுபாஸ்யாஶு க³த்வா ஸௌமித்ரிணா ஸஹ ।
ஜுஷ்டம் தத்ப்ராவிஶல்லக்ஷ்ம்யா ரம்யம் ராமனிவேஶனம் ॥ 3 ॥
தமாக³தம் வேத³வித³ம் ப்ராஞ்ஜலிஸ்ஸீதயா ஸஹ ।
ஸுயஜ்ஞமபி⁴சக்ராம ராக⁴வோக்³னிமிவார்சிதம் ॥ 4 ॥
ஜாதரூபமயைர்முக்²யைரங்க³தை³: குண்ட³லை: ஶுபை⁴: ।
ஸஹேமஸூத்ரைர்மணிபி⁴: கேயூரைர்வலயைரபி ॥ 5 ॥
அன்யைஶ்ச ரத்னைர்ப³ஹுபி⁴: காகுத்ஸ்த:² ப்ரத்யபூஜயத் ।
ஸுயஜ்ஞம் ஸ ததோ³வாச ராமஸ்ஸீதா ப்ரசோதி³த: ॥ 6 ॥
ஹாரம் ச ஹேமஸூத்ரம் ச பா⁴ர்யாயை ஸௌம்ய ஹாரய ।
ரஶனாம் சாது⁴னா ஸீதா தா³துமிச்ச²தி தே ஸகே² ॥ 7 ॥
அங்க³தா³னி விசித்ராணி கேயூராணி ஶுபா⁴னி ச ।
ப்ரயச்ச²தி ஸகே² துப்⁴யம் பா⁴ர்யாயை க³ச்ச²தீ வனம் ॥ 8 ॥
பர்யங்கமக்³ய்ராஸ்தரணம் நானாரத்னவிபூ⁴ஷிதம் ।
தமபீச்ச²தி வைதே³ஹீ ப்ரதிஷ்டா²பயிதும் த்வயி ॥ 9 ॥
நாக³ ஶ்ஶத்ருஞ்ஜயோ நாம மாதுலோயம் த³தௌ³ மம ।
தம் தே கஜ³ஸஹஸ்ரேண த³தா³மி த்³விஜஸத்தம ॥ 1௦ ॥
இத்யுக்தஸ்ஸ ஹி ராமேண ஸுயஜ்ஞ: ப்ரதிக்³ருஹ்ருயதத் ।
ராமலக்ஷ்மணஸீதானாம் ப்ரயுயோஜாஶிஷ ஶ்ஶுபா⁴: ॥ 11 ॥
அத² ப்⁴ராதரமவ்யக்³ரம் ப்ரியம் ராம: ப்ரியம்வத:³ ।
ஸௌமித்ரிம் தமுவாசேத³ம் ப்³ரஹ்மேவ த்ரித³ஶேஶ்வரம் ॥ 12 ॥
அக³ஸ்த்யம் கௌஶிகம் சைவ தாவுபௌ⁴ ப்³ராஹ்மணோத்தமௌ ।
அர்சயாஹூய ஸௌமித்ரே ரத்னைஸ்ஸஸ்யமிவாம்பு³பி⁴: ॥ 13 ॥
தர்பயஸ்வ மஹாபா³ஹோ கோ³ஸஹஸ்ரைஶ்ச மானத³ ।
ஸுவர்ணை ரஜதைஶ்சைவ மணிபி⁴ஶ்ச மஹாத⁴னை: ॥ 14 ॥
கௌஸல்யாம் ச ய ஆஶீர்பி⁴ர்ப⁴க்த: பர்யுபதிஷ்ட²தி ।
ஆசார்யஸ்தைத்திரீயாணாமபி⁴ரூபஶ்ச வேத³வித் ॥ 15 ॥
தஸ்ய யானம் ச தா³ஸீஶ்ச ஸௌமித்ரே ஸம்ப்ரதா³பய ।
கௌஶேயானி ச வஸ்த்ராணி யாவத்துஷ்யதி ஸ த்³விஜ: ॥ 16 ॥
ஸூதஶ்சித்ரரத²ஶ்சார்ய ஸசிவஸ்ஸுசிரோஷித: ।
தோஷயைனம் மஹார்ஹைஶ்ச ரத்னைர்வஸ்த்ரைர்த⁴னைஸ்ததா² ॥ 17 ॥
பஶுகாபி⁴ஶ்ச ஸர்வாபி⁴ர்க³வாம் த³ஶஶதேன ச ।
யே சேமே கட²காலாபா ப³ஹவோ த³ண்ட³மாணவா: ॥ 18 ॥
நித்யஸ்வாத்⁴யாயஶீலத்வான்னான்யத்குர்வந்தி கிஞ்சன ।
அலஸா ஸ்வாது³காமாஶ்ச மஹதாம் சாபி ஸம்மதா: ॥ 19 ॥
தேஷாமஶீதியானானி ரத்னபூர்ணானி தா³பய ।
ஶாலிவாஹஸஹஸ்ரம் ச த்³வே ஶதே ப⁴த்³ரகாம் ஸ்ததா² ॥ 2௦ ॥
வ்யஞ்ஜனார்த²ம் ச ஸௌமித்ரே கோ³ஸஹஸ்ரமுபாகுரு ।
மேக²லீனாம் மஹாஸங்க:⁴ கௌஸல்யாம் ஸமுபஸ்தி²த: ॥ 21 ॥
தேஷாம் ஸஹஸ்ரம் ஸௌமித்ரே ப்ரத்யேகம் ஸம்ப்ரதா³பய ।
அம்பா³ யதா² ச ஸா நந்தே³த்கௌஸல்யா மம த³க்ஷிணாம் ॥ 22 ॥
ததா² த்³விஜாதீஸ்தா ந்ஸர்வான் லக்ஷ்மணார்சய ஸர்வஶ: ।
தத ஸ்ஸபுருஷவ்யாக்⁴ரஸ்தத்³த⁴னம் லக்ஷ்மண: ஸ்வயம் ॥ 23 ॥
யதோ²க்தம் ப்³ராஹ்மணேந்த்³ராணாம்மத³தா³த்³த⁴னதோ³ யதா² ।
அதா²ப்³ரவீத்³பா³ஷ்பகலாம்ஸ்திஷ்ட²தஶ்சோபஜீவின: ॥ 24 ॥
ஸம்ப்ரதா³யப³ஹுத்³ரவ்யமேகைகஸ்யோபஜீவனம் ।
லக்ஷ்மணஸ்ய ச யத்³வேஶ்ம க்³ருஹம் ச யதி³த³ம் மம ॥ 25 ॥
அஶூன்யம் கார்யமேகைகம் யாவதா³க³மனம் மம ।
இத்யுக்த்வா து³:கி²தம் ஸர்வம் ஜனம் தமுபஜீவினம் ॥ 26 ॥
உவாசேத³ம் த⁴னாத்⁴யக்ஷம் த⁴னமானீயதாமிதி ।
ததோஸ்ய த⁴னமாஜஹ்ருஸ்ஸர்வமேவோபஜீவின: ॥ 27 ॥
ஸ ராஶிஸ்ஸுமஹாம்ஸ்தத்ர த³ர்ஶனீயோ ஹ்யத்³ருஶ்யத ।
ததஸ்ஸபுருஷவ்யாக்⁴ர ஸ்தத்³த⁴னம் ஸஹலக்ஷ்மண: ॥ 28 ॥
த்³விஜேப்⁴யோ பா³லவ்ருத்³தே⁴ப்⁴ய: க்ருபணேப்⁴யோஹ்யதா³பயத் ।
தத்ராஸீத்பிங்க³லோ கா³ர்க்³யஸ்த்ரிஜடோ நாம வை த்³விஜ: ॥ 29 ॥
க்ஷதவ்ருத்திர்வனே நித்யம் பா²லகுத்³தா³லலாங்க³லீ ।
தம் வ்ருத்³த⁴ம் தருணீ பா⁴ர்யா பா³லானாதா³ய தா³ரகான் ॥ 3௦ ॥
அப்³ரவீத்³பா³ஹ்மணம் வாக்யம் தா³ரித்³ர்யேணாபி⁴பீடி³தா ।
அபாஸ்ய பா²லம் குத்³தா³லம் குருஷ்வ வசனம் மம ॥ 31 ॥
ராமம் த³ர்ஶய த⁴ர்மஜ்ஞம் யதி³ கிஞ்சித³வாப்ஸ்யஸி ।
ஸ பா⁴ர்யாவசனம் ஶ்ருத்வா ஶாடீமாச்சா²த்³ய து³ஶ்ச²தா³ம் ॥ 32 ॥
ஸ ப்ராதிஷ்ட²த பந்தா²னம் யத்ர ராமனிவேஶனம் ।
ப்⁴ருக்³வங்கி³ரஸமம் தீ³ப்த்யா த்ரிஜடம் ஜனஸம்ஸதி³ ॥ 33 ॥
ஆபஞ்சமாயா: கக்ஷ்யாயா: நைனம் கஶ்சித³வாரயத் ।
ஸ ராஜபுத்ரமாஸாத்³ய த்ரிஜடோ வாக்யமப்³ரவீத் ॥ 34 ॥
நிர்த⁴னோ ப³ஹுபுத்ரோஸ்மி ராஜபுத்ர மஹாயஶ: ।
உஞ்ச²வ்ருத்திர்வனே நித்யம் ப்ரத்யவேக்ஷஸ்வ மாமிதி ॥ 35 ॥
தமுவாச ததோ ராம: பரிஹாஸ ஸமன்விதம் ।
க³வாம் ஸஹஸ்ரமப்யேகம் ந நு விஶ்ராணிதம் மயா ॥ 36 ॥
பரிக்ஷிபஸி த³ண்டே³ன யாவத்தாவத³வாப்ஸ்யஸி ।
ஸ ஶாடீம் த்வரித: கட்யாம் ஸம்ப்⁴ராந்த: பரிவேஷ்ட்ய தாம் ॥ 37 ॥
ஆவித்³த்⁴ய த³ண்ட³ம் சிக்ஷேப ஸர்வப்ராணேன வேகி³த: ।
ஸ தீர்த்வா ஸரயூபாரம் த³ண்ட³ஸ்தஸ்ய கராச்ச்யுத: ॥ 38 ॥
கோ³வ்ரஜே ப³ஹுஸாஹஸ்ரே பபாதோக்ஷணஸன்னிதௌ⁴ ।
தம் பரிஷ்வஜ்ய த⁴ர்மாத்மா ஆதஸ்மாத்ஸரயூதடாத் ॥ 39 ॥
ஆனயாமாஸ தா கோ³பை ஸ்த்ரிஜடாயாஶ்ரமம் ப்ரதி ।
உவாச ஸ ததோ ராமஸ்தம் கா³ர்க்³யமபி⁴ஸாந்த்வயன் ।
மன்யுர்ன க²லு கர்தவ்ய: பரிஹாஸோ ஹ்யயம் மம ॥ 4௦ ॥
இத³ம் ஹி தேஜஸ்தவ யத்³து³ரத்யயம் ததே³வ ஜிஜ்ஞாஸிதுமிச்ச²தா மயா ।
இமம் ப⁴வானர்த²மபி⁴ ப்ரசோதி³தோ வ்ருணீஷ்வ கிம் சேத³பரம் வ்யவஸ்யதி ॥ 41 ॥
ப்³ரவீமி ஸத்யேன நதேஸ்தி யந்த்ரணா த⁴னம் ஹி யத்³யன்மம விப்ரகாரணாத் ।
ப⁴வத்ஸு ஸம்யக்ப்ரதிபாத³னேன த ந்மயார்ஜிதம் ப்ரீதியஶஸ்கரம் ப⁴வேத் ॥ 42 ॥
தத ஸ்ஸபா⁴ர்ய ஸ்த்ரிஜடோ மஹாமுனி ர்க³வாமனீகம் ப்ரதிக்³ருஹ்ய மோதி³த: ।
யஶோப³லப்ரீதிஸுகோ²பப்³ரும்ஹணீ ஸ்ததா³ஶிஷ: ப்ரத்யவத³ன்மஹாத்மன: ॥ 43 ॥
ஸ சாபி ராம: ப்ரதிபூர்ணமானஸோ மஹத்³த⁴னம் த⁴ர்மப³லைருபார்ஜிதம் ।
நியோஜயாமாஸ ஸுஹ்ருஜ்ஜனேசிரா த்³யதா²ர்ஹஸம்மானவச: ப்ரசோதி³த: ॥ 44 ॥
த்³விஜ ஸ்ஸுஹ்ருத்³ப்⁴ருத்யஜனோத²வா ததா³ த³ரித்³ரபி⁴க்ஷாசரணஶ்ச யோப⁴வத் ।
ந தத்ர கஶ்சின்ன ப³பூ⁴வ தர்பிதோ யதா²ர்ஹஸம்மானந தா³ன ஸம்ப்⁴ரமை: ॥ 45 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³வாத்ரிம்ஶஸ்ஸர்க:³ ॥
