ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகோனசத்வாரிம்ஶஸ்ஸர்க:³ ।
ஏவமஸ்மி ததா³ முக்த: கத²ஞ்சித்தேன ஸம்யுகே³ ।
இதா³னீமபி யத்³வ்ருத்தம் தச்ச்²ருணுஷ்வ நிருத்தரம் ॥ 1 ॥
ராக்ஷஸாப்⁴யாமஹம் த்³வாப்⁴யாமனிர்விண்ணஸ்ததா² க்ருத: ।
ஸஹிதோ ம்ருக³ரூபாப்⁴யாம் ப்ரவிஷ்டோ த³ண்ட³காவனம் ॥ 2 ॥
தீ³ப்தஜிஹ்வோ மஹாகாயஸ்தீக்ஷ்ணத³ம்ஷ்ட்ரோ மஹாப³ல: ।
வ்யசரம் த³ண்ட³காரண்யம் மாம்ஸப⁴க்ஷோ மஹாம்ருக:³ ॥ 3 ॥
அக்³னிஹோத்ரேஷு தீர்தே²ஷு சைத்யவ்ருக்ஷேஷு ராவண ।
அத்யந்தகோ⁴ரோ வ்யசரம் தாபஸான்ஸம்ப்ரத⁴ர்ஷயன் ॥ 4 ॥
நிஹத்ய த³ண்ட³காரண்யே தாபஸாந்த⁴ர்மசாரிண: ।
ருதி⁴ராணி பிப³ம்ஸ்தேஷாம் ததா² மாம்ஸானி ப⁴க்ஷயன் ॥ 5 ॥
ருஷிமாம்ஸாஶன: க்ரூரஸ்த்ராஸயன்வனகோ³சரான் ।
ததா² ருதி⁴ரமத்தோஹம் விசரந்த⁴ர்மதூ³ஷக: ॥ 6 ॥
ஆஸாத³யம் ததா³ ராமம் தாபஸம் த⁴ர்மசாரிணம் ।
வைதே³ஹீம் ச மஹாபா⁴கா³ம் லக்ஷ்மணம் ச மஹாரத²ம் ॥ 7 ॥
தாபஸம் நியதாஹாரம் ஸர்வபூ⁴தஹிதே ரதம் ।
ஸோஹம் வனக³தம் ராமம் பரிபூ⁴ய மஹாப³லம் ॥ 8 ॥
தாபஸோயமிதி ஜ்ஞாத்வா பூர்வவைரமனுஸ்மரன் ।
அப்⁴யதா⁴வம் ஹி ஸங்க்ருத்³த⁴ஸ்தீக்ஷ்ண ஶ்ருங்கோ³ ம்ருகா³க்ருதி: ॥ 9 ॥
ஜிகா⁴ம்ஸுரக்ருதப்ரஜ்ஞஸ்தம் ப்ரஹாரமனுஸ்மரன் ।
தேன முக்தாஸ்த்ரயோ பா³ணாஶ்ஶிதாஶ்ஶத்ருனிப³ர்ஹணா: ॥ 1௦ ॥
விக்ருஷ்ய ப³லவச்சாபம் ஸுபர்ணானிலனிஸ்ஸ்வனா: ।
தே பா³ணா வஜ்ரஸங்காஶாஸ்ஸுமுக்தா ரக்தபோ⁴ஜனா: ।
ஆஜக்³முஸ்ஸஹிதாஸ்ஸர்வே த்ரயஸ்ஸன்னதபர்வண: ॥ 11 ॥
பராக்ரமஜ்ஞோ ராமஸ்ய ஶடோ² த்³ருஷ்டப⁴ய: புரா ।
ஸமுத்³பா⁴ந்தஸ்ததோமுக்தஸ்தாவுபௌ⁴ ராக்ஷஸௌ ஹதௌ ॥ 12 ॥
ஶரேண முக்தோ ராமஸ்ய கத²ஞ்சித்ப்ராப்ய ஜீவிதம் ।
இஹ ப்ரவ்ராஜிதோ யுக்தஸ்தாபஸோஹம் ஸமாஹித: ॥ 13 ॥
வ்ருக்ஷே வ்ருக்ஷே ச பஶ்யாமி சீரக்ருஷ்ணாஜினாம்ப³ரம் ।
க்³ருஹீதத⁴னுஷம் ராமம் பாஶஹஸ்தமிவாந்தகம் ॥ 14 ॥
அபி ராமஸஹஸ்ராணி பீ⁴த: பஶ்யாமி ராவண ।
ராமபூ⁴தமித³ம் ஸர்வமரண்யம் ப்ரதிபா⁴தி மே ॥ 15 ॥
ராமமேவ ஹி பஶ்யாமி ரஹிதே ராக்ஷஸாதி⁴ப ।
த்³ருஷ்ட்வா ஸ்வப்னக³தம் ராமமுத்³ப்⁴ரமாமி விசேதன: ॥ 16 ॥
ரகாராதீ³னி நாமானி ராமத்ரஸ்தஸ்ய ராவண ।
ரத்னானி ச ரதா²ஶ்சைவ த்ராஸம் ஸஞ்ஜனயந்தி மே ॥ 17 ॥
அஹம் தஸ்ய ப்ரபா⁴வஜ்ஞோ ந யுத்³த⁴ம் தேன தே க்ஷமம் ।
ப³லிம் வா நமுசிம் வாபி ஹன்யாத்³தி⁴ ரகு⁴னந்த³ன: ॥ 18 ॥
ரணே ராமேண யுத்³த்⁴யஸ்வ க்ஷமாம் வா குரு ராக்ஷஸ ।
ந தே ராமகதா² கார்யா யதி³ மாம் த்³ரஷ்டுமிச்ச²ஸி ॥ 19 ॥
ப³ஹவஸ்ஸாத⁴வோ லோகே யுக்தா த⁴ர்மமனுஷ்டி²தா: ।
பரேஷாமபராதே⁴ன வினஷ்டா²ஸ்ஸபரிச்ச²தா³: ॥ 2௦ ॥
ஸோஹம் தவாபராதே⁴ன வினஶ்யேயம் நிஶாசர ।
குரு யத்தே க்ஷமம் தத்த்வமஹம் த்வா நானுயாமி ஹ ॥ 21 ॥
ராமஶ்ச ஹி மஹாதேஜா மஹாஸத்த்வோ மஹாப³ல: ॥ 22 ॥
அபி ராக்ஷஸலோகஸ்ய ந ப⁴வேத³ந்தகோபி ஸ: ।
யதி³ ஶூர்பணகா²ஹேதோர்ஜனஸ்தா²னக³த: க²ர: ॥ 23 ॥
அதிவ்ருத்தோ ஹத: பூர்வம் ராமேணாக்லிஷ்டகர்மணா ।
அத்ர ப்³ரூஹி யதா²தத்த்வம் கோ ராமஸ்ய வ்யதிக்ரம: ॥ 24 ॥
இத³ம் வசோ ப³ந்து⁴ஹிதார்தி²னாமயா யதோ²ச்யமானம் யதி³ நாபி⁴பத்ஸ்யஸே ।
ஸபா³ந்த⁴வஸ்த்யக்ஷ்யஸி ஜீவிதம் ரணே ஹதோத்³ய ராமேண ஶரைரஜிஹ்மகை³: ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகோனசத்வாரிம்ஶஸ்ஸர்க:³ ॥
