ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஸப்தபஞ்சாஶஸ்ஸர்க:³ ।
ஸ சந்த்³ரகுமுத³ம் ரம்யம் ஸார்ககாரண்ட³வம் ஶுப⁴ம் ।
திஷ்யஶ்ரவணகாத³ம்ப³மப்⁴ரஶைவாலஶாத்³வலம் ॥ 1 ॥
புனர்வஸுமஹாமீனம் லோஹிதாங்க³மஹாக்³ரஹம் ।
ஐராவதமஹாத்³வீபம் ஸ்வாதிஹம்ஸவிலோலிதம் ॥ 2 ॥
வாதஸங்கா⁴தஜாதோர்மி சந்த்³ராம்ஶுஶிஶிராம்பு³மத் ।
பு⁴ஜங்க³யக்ஷக³ந்த⁴ர்வப்ரபு³த்³த⁴கமலோத்பலம் ॥ 3 ॥
ஹனுமான்மாருதக³திர்மஹானௌரிவ ஸாக³ரம் ।
அபாரமபரிஶ்ராந்த: புப்லுவே க³க³னார்ணவம் ॥ 4 ॥
க்³ரஸமான இவாகாஶம் தாராதி⁴பமிவோல்லிக²ன் ।
ஹரன்னிவ ஸனக்ஷத்ரம் க³க³னம் ஸார்கமண்ட³லம் ॥ 5 ॥
மாருதஸ்யாத்மஜ: ஶ்ரீமான்கபிர்வ்யோமசரோ மஹான் ।
ஹனுமான்மேகஜ⁴ாலானி விகர்ஷன்னிவ க³ச்ச²தி ॥ 6 ॥
பாண்டு³ராருணவர்ணானி நீலமாஞ்ஜிஷ்ட²கானி ச ।
ஹரிதாருணவர்ணானி மஹாப்⁴ராணி சகாஶிரே ॥ 7 ॥
ப்ரவிஶன்னப்⁴ரஜாலானி நிஷ்பதம்ஶ்ச புன: புன: ।
ப்ரச்ச²ன்னஶ்ச ப்ரகாஶஶ்ச சந்த்³ரமா இவ லக்ஷ்யதே ॥ 8 ॥
விவிதா⁴ப்⁴ரக⁴னாபன்னகோ³சரோ த⁴வலாம்ப³ர: ।
த்³ருஶ்யாத்³ருஶ்யதனுர்வீரஸ்ததா³ சந்த்³ராயதேம்ப³ரே ॥ 9 ॥
தார்க்ஷ்யாயமாணோ க³க³னே ப³பா⁴ஸே வாயுனந்த³ன: ।
தா³ரயன்மேக⁴ப்³ருந்தா³னி நிஷ்பதம்ஶ்ச புன: புன: ॥ 1௦ ॥
நத³ன்னாதே³ன மஹதா மேக⁴ஸ்வனமஹாஸ்வன: ।
ப்ரவரான்ராக்ஷஸான் ஹத்வா நாம விஶ்ராவ்ய சாத்மன: ॥ 11 ॥
ஆகுலாம் நக³ரீம் க்ருத்வா வ்யத²யித்வா ச ராவணம் ।
அர்த³யித்வா ப³லம் கோ⁴ரம் வைதே³ஹீமபி⁴வாத்³ய ச ॥ 12 ॥
ஆஜகா³ம மஹாதேஜா: புனர்மத்⁴யேன ஸாக³ரம் ।
பர்வதேந்த்³ரம் ஸுனாப⁴ம் ச ஸமுபஸ்ப்ருஶ்ய வீர்யவான் ॥ 13 ॥
ஜ்யாமுக்த இவ நாராசோ மஹாவேகோ³ப்⁴யுபாக³த: ।
ஸ கிஞ்சித³னுஸம்ப்ராப்த: ஸமாலோக்ய மஹாகி³ரிம் ॥ 14 ॥
மஹேந்த்³ரம் மேக⁴ஸங்காஶம் நனாத³ ஹரிபுங்க³வ: ।
ஸ பூரயாமாஸ கபிர்தி³ஶோ த³ஶ ஸமந்தத: ॥ 15 ॥
நத³ன்னாதே³ன மஹதா மேக⁴ஸ்வனமஹாஸ்வன: ।
ஸ தம் தே³ஶமனுப்ராப்த: ஸுஹ்ருத்³த⁴ர்ஶனலாலஸ: ॥ 16 ॥
நனாத³ ஹரிஶார்தூ³லோ லாங்கூ³லம் சாப்யகம்பயத் ।
தஸ்ய நானத்³யமானஸ்ய ஸுபர்ணசரிதே பதி² ॥ 17 ॥
ப²லதீவாஸ்ய கோ⁴ஷேண க³க³னம் ஸார்கமண்ட³லம் ।
யே து தத்ரோத்தரே தீரே ஸமுத்³ரஸ்ய மஹாப³லா: ॥ 18 ॥
பூர்வம் ஸம்விஷ்டி²தாஶ்ஶூரா வாயுபுத்ரதி³த்³ருக்ஷவ: ।
மஹதோ வாதனுன்னஸ்ய தோயத³ஸ்யேவ க³ர்ஜிதம் ॥ 19 ॥
ஶுஶ்ருவுஸ்தே ததா³ கோ⁴ஷமூருவேக³ம் ஹனூமத: ।
தே தீ³னமனஸஸ்ஸர்வே ஶுஶ்ருவு: கானநௌகஸ: ॥ 2௦ ॥
வானரேந்த்³ரஸ்ய நிர்கோ⁴ஷம் பர்ஜன்யனினதோ³பமம் ।
நிஶம்ய நத³தோ நாத³ம் வானராஸ்தே ஸமந்தத: ॥ 21 ॥
ப³பூ⁴வுருத்ஸுகாஸ்ஸர்வே ஸுஹ்ருத்³த⁴ர்ஶனகாங்க்ஷிண: ।
ஜாம்ப³வான் ஸ ஹரிஶ்ரேஷ்ட:² ப்ரீதிஸம்ஹ்ருஷ்டமானஸ: ॥ 22 ॥
உபாமந்த்ர்ய ஹரீன் ஸர்வானித³ம் வசனமப்³ரவீத் ।
ஸர்வதா² க்ருதகார்யோஸௌ ஹனுமான்னாத்ர ஸம்ஶய: ॥ 23 ॥
ந ஹ்யஸ்யாக்ருதகார்யஸ்ய நாத³ ஏவம்விதோ⁴ ப⁴வேத் ।
தஸ்ய பா³ஹூருவேக³ம் ச நினாத³ம் ச மஹாத்மன: ॥ 24 ॥
நிஶம்ய ஹரயோ ஹ்ருஷ்டா: ஸமுத்பேதுஸ்ததஸ்தத: ।
தே நகா³க்³ரான்னகா³க்³ராணி ஶிக²ராச்சி²க²ராணி ச ॥ 25 ॥
ப்ரஹ்ருஷ்டா: ஸமபத்³யந்த ஹனூமந்தம் தி³த்³ருக்ஷவ: ।
தே ப்ரீதா: பாத³பாக்³ரேஷு க்³ருஹ்ய ஶாகா²: ஸுவிஷ்டி²தா: ॥ 26 ॥
வாஸாம்ஸீவ ப்ரஶாகா²ஶ்ச ஸமாவித்⁴யந்த வானரா: ।
கி³ரிக³ஹ்வரஸம்லீனோ யதா² க³ர்ஜதி மாருத: ॥ 27 ॥
ஏவம் ஜக³ர்ஜ ப³லவான் ஹனுமான்மாருதாத்மஜ: ।
தமப்⁴ரக⁴னஸங்காஶமாபதந்தம் மஹாகபிம் ॥ 28 ॥
த்³ருஷ்ட்வா தே வானராஸ்ஸர்வே தஸ்து²: ப்ராஞ்ஜலயஸ்ததா³ ।
ததஸ்து வேக³வாம்ஸ்தஸ்ய கி³ரேர்கி³ரினிப:⁴ கபி: ॥ 29 ॥
நிபபாத மஹேந்த்³ரஸ்ய ஶிக²ரே பாத³பாகுலே ।
ஹர்ஷேணாபூர்யமாணோஸௌ ரம்யே பர்வதனிர்ஜ²ரே ॥ 3௦ ॥
சி²ன்னபக்ஷ இவாகாஶாத்பபாத த⁴ரணீத⁴ர: ।
ததஸ்தே ப்ரீதமனஸஸ்ஸர்வே வானரபுங்க³வா: ॥ 31 ॥
ஹனுமந்தம் மஹாத்மானம் பரிவார்யோபதஸ்தி²ரே ।
பரிவார்ய ச தே ஸர்வே பராம் ப்ரீதிமுபாக³தா: ॥ 32 ॥
ப்ரஹ்ருஷ்டவத³னா ஸ்ஸர்வே தமரோக³முபாக³தம் ।
உபாயனானி சாதா³ய மூலானி ச ப²லானி ச ॥ 33 ॥
ப்ரத்யர்சயன் ஹரிஶ்ரேஷ்ட²ம் ஹரயோ மாருதாத்மஜம் ।
ஹனுமாம்ஸ்து கு³ரூன் வ்ருத்³தா⁴ஞ்ஜாம்ப³வத்ப்ரமுகா²ம்ஸ்ததா³ ॥ 34 ॥
குமாரமங்க³த³ம் சைவ ஸோவந்த³த மஹாகபி: ।
ஸ தாப்⁴யாம் பூஜித: பூஜ்ய: கபிபி⁴ஶ்ச ப்ரஸாதி³த: ॥ 35 ॥
த்³ருஷ்டா ஸீதேதி விக்ராந்த ஸ்ஸங்க்ஷேபேண ந்யவேத³யத் ।
நிஷஸாத³ ச ஹஸ்தேன க்³ருஹீத்வா வாலினஸ்ஸுதம் ॥ 36 ॥
ரமணீயே வனோத்³தே³ஶே மஹேந்த்³ரஸ்ய கி³ரேஸ்ததா³ ।
ஹனுமானப்³ரவீத்³த்⁴ருஷ்டஸ்ததா³ தான்வானரர்ஷபா⁴ன் ॥ 37 ॥
அஶோகவனிகாஸம்ஸ்தா² த்³ருஷ்டா ஸா ஜனகாத்மஜா ।
ரக்ஷமாணா ஸுகோ⁴ராபீ⁴ ராக்ஷஸீபி⁴ரனிந்தி³தா ॥ 38 ॥
ஏகவேணீத⁴ரா பா³லா ராமத³ர்ஶனலாலஸா ।
உபவாஸபரிஶ்ராந்தா ஜடிலா மலினா க்ருஶா ॥ 39 ॥
ததோ த்³ருஷ்டேதி வசனம் மஹார்த²மம்ருதோபமம் ।
நிஶம்ய மாருதேஸ்ஸர்வே முதி³தா வானராப⁴வன் ॥ 4௦ ॥
க்ஷ்வேலந்த்யன்யே நத³ந்த்யன்யே க³ர்ஜந்த்யன்யே மஹாப³லா: ।
சக்ரு: கிலகிலாமன்யே ப்ரதிக³ர்ஜந்தி சாபரே ॥ 41 ॥
கேசிது³ச்ச்²ரிதலாங்கூ³லா: ப்ரஹ்ருஷ்டா: கபிகுஞ்ஜரா: ।
ஆயதாஞ்சிததீ³ர்கா⁴ணி லாங்கூ³லானி ப்ரவிவ்யது⁴: ॥ 42 ॥
அபரே ச ஹனூமந்தம் வானரா வாரணோபமம் ।
ஆப்லுத்ய கி³ரிஶ்ருங்கே³ப்⁴யஸ்ஸம்ஸ்ப்ருஶந்தி ஸ்ம ஹர்ஷிதா: ॥ 43 ॥
உக்தவாக்யம் ஹனூமந்தமங்க³த³ஸ்தமதா²ப்³ரவீத் ।
ஸர்வேஷாம் ஹரிவீராணாம் மத்⁴யே வசனமுத்தமம் ॥ 44 ॥
ஸத்த்வே வீர்யே ந தே கஶ்சித்ஸமோ வானர வித்³யதே ।
யத³வப்லுத்ய விஸ்தீர்ணம் ஸாக³ரம் புனராக³த: ॥ 45 ॥
அஹோ ஸ்வாமினி தே ப⁴க்திரஹோ வீர்யமஹோ த்⁴ருதி: ।
தி³ஷ்ட்யா த்³ருஷ்டா த்வயா தே³வீ ராமபத்னீ யஶஸ்வினீ ॥ 46 ॥
தி³ஷ்ட்யா த்யக்ஷ்யதி காகுத்ஸ்த² ஶ்ஶோகம் ஸீதாவியோகஜ³ம் ।
ததோங்க³த³ம் ஹனூமந்தம் ஜாம்ப³வந்தம் ச வானரா: ॥ 47 ॥
பரிவார்ய ப்ரமுதி³தா பே⁴ஜிரே விபுலாஶ்ஶிலா: ।
ஶ்ரோதுகாமாஸ்ஸமுத்³ரஸ்ய லங்க⁴னம் வானரோத்தமா: ॥ 48 ॥
த³ர்ஶனம் சாபி லங்காயாஸ்ஸீதாயா ராவணஸ்ய ச ।
தஸ்து²: ப்ராஞ்ஜலயஸ்ஸர்வே ஹனுமத்³வசனோன்முகா²: ॥ 49 ॥
தஸ்தௌ² தத்ராங்க³த:³ ஶ்ரீமான் வானரைர்ப³ஹுபி⁴ர்வ்ருத: ।
உபாஸ்யமானோ விபு³தை⁴ர்தி³வி தே³வபதிர்யதா² ॥ 5௦ ॥
ஹனூமதா கீர்திமதா யஶஸ்வினா ததா²ங்க³தே³னாங்க³த³ப³த்³த⁴பா³ஹுனா ।
முதா³ ததா³த்⁴யாஸிதமுன்னதம் மஹன்மஹீத⁴ராக்³ரம் ஜ்வலிதம் ஶ்ரியாப⁴வத் ॥ 51 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஸப்தபஞ்சாஶஸ்ஸர்க:³ ॥
