ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த³ஶமஸ்ஸர்க:³ ।
தத்ர தி³வ்யோபமம் முக்²யம் ஸ்பா²டிகம் ரத்னபூ⁴ஷிதம் ।
அவேக்ஷமாணோ ஹனுமான் த³த³ர்ஶ ஶயனாஸனம் ॥ 1 ॥
தா³ந்தகாஞ்சனசித்ராங்கை³ர்வைடூ³ர்யைஶ்ச வராஸனை: ।
மஹார்ஹாஸ்தரணோபேதைருபபன்னம் மஹாத⁴னை: ॥ 2 ॥
தஸ்ய சைகதமே தே³ஶே ஸோக்³ய்ரமாலாவிபூ⁴ஷிதம் ।
த³த³ர்ஶ பாண்டு³ரம் ச²த்ரம் தாராதி⁴பதிஸன்னிப⁴ம் ॥ 3 ॥
ஜாதரூபபரிக்ஷிப்தம் சித்ரபா⁴னுஸமப்ரப⁴ம் ।
அஶோகமாலாவிததம் த³த³ர்ஶ பரமாஸனம் ॥ 4 ॥
வாலவ்யஜனஹஸ்தாபி⁴ர்வீஜ்யமானம் ஸமந்தத: ।
க³ந்தை⁴ஶ்ச விவிதை⁴ர்ஜுஷ்டம் வரதூ⁴பேன தூ⁴பிதம் ॥ 5 ॥
பரமாஸ்தரணாஸ்தீர்ணமாவிகாஜினஸம்வ்ருதம் ।
தா³மபி⁴ர்வரமால்யானாம் ஸமந்தாது³பஶோபி⁴தம் ॥ 6 ॥
தஸ்மின் ஜீமூதஸங்காஶம் ப்ரதீ³ப்தோத்தமகுண்ட³லம் ।
லோஹிதாக்ஷம் மஹாபா³ஹும் மஹாரஜதவாஸஸம் ॥ 7 ॥
லோஹிதேனானுலிப்தாங்க³ம் சந்த³னேன ஸுக³ந்தி⁴னா ।
ஸந்த்⁴யாரக்தமிவாகாஶே தோயத³ம் ஸதடித்³க³ணம் ॥ 8 ॥
வ்ருதமாப⁴ரணைர்தி³வ்யை: ஸுரூபம் காமரூபிணம் ।
ஸவ்ருக்ஷவனகு³ல்மாட்⁴யம் ப்ரஸுப்தமிவ மந்த³ரம் ॥ 9 ॥
க்ரீடி³த்வோபரதம் ராத்ரௌ வராப⁴ரணபூ⁴ஷிதம் ।
ப்ரியம் ராக்ஷஸகன்யானாம் ராக்ஷஸானாம் ஸுகா²வஹம் ॥ 1௦ ॥
பீத்வாப்யுபரதம் சாபி த³த³ர்ஶ ஸ மஹாகபி: ।
பா⁴ஸ்வரே ஶயனே வீரம் ப்ரஸுப்தம் ராக்ஷஸாதி⁴பம் ॥ 11 ॥
நி:ஶ்வஸந்தம் யதா² நாக³ம் ராவணம் வானரர்ஷப:⁴ ।
ஆஸாத்³ய பரமோத்³விக்³னஸ்ஸோபாஸர்பத்ஸுபீ⁴தவத் ॥ 12 ॥
அதா²ரோஹணமாஸாத்³ய வேதி³காந்தரமாஶ்ரித: ।
ஸுப்தம் ராக்ஷஸஶார்தூ³லம் ப்ரேக்ஷதே ஸ்ம மஹாகபி: ॥ 13 ॥
ஶுஶுபே⁴ ராக்ஷஸேந்த்³ரஸ்ய ஸ்வபத: ஶயனோத்தமம் ।
க³ந்த⁴ஹஸ்தினி ஸம்விஷ்டே யதா² ப்ரஸ்ரவணம் மஹத் ॥ 14 ॥
காஞ்சனாங்க³த³ஸன்னத்⁴தை³ ச த³த³ர்ஶ ஸ மஹாத்மன: ।
விக்ஷிப்தௌ ராக்ஷஸேந்த்³ரஸ்ய பு⁴ஜாவிந்த்³ரத்⁴வஜோபமௌ ॥ 15 ॥
ஐராவதவிஷாணாக்³ரைராபீட³னக்ருதவ்ரணௌ ।
வஜ்ரோல்லிகி²தபீனாம்ஸௌ விஷ்ணுசக்ரபரிக்ஷதௌ ॥ 16 ॥
பீனௌ ஸமஸுஜாதாம்ஸௌ ஸங்க³தௌ ப³லஸம்யுதௌ ।
ஸுலக்ஷணனகா²ங்கு³ஷ்டா² ஸ்வங்கு³லீதலலக்ஷிதௌ ॥ 17 ॥
ஸம்ஹதௌ பரிகா⁴காரௌ வ்ருத்தௌ கரிகரோபமௌ ।
விக்ஷிப்தௌ ஶயனே ஶுப்⁴ரே பஞ்சஶீர்ஷாவிவோரகௌ³ ॥ 18 ॥
ஶஶக்ஷதஜகல்பேன ஸுஶீதேன ஸுக³ந்தி⁴னா ।
சந்த³னேன பரார்த்⁴யேன ஸ்வனுலிப்தௌ ஸ்வலங்க்ருதௌ ॥ 19 ॥
உத்தமஸ்த்ரீவிம்ருதி³தௌ க³ந்தோ⁴த்தமனிஷேவிதௌ ।
யக்ஷபன்னக³க³ந்த⁴ர்வதே³வதா³னவராவிணௌ ॥ 2௦ ॥
த³த³ர்ஶ ஸ கபிஸ்தத்ர பா³ஹூ ஶயனஸம்ஸ்தி²தௌ ।
மந்த³ரஸ்யாந்தரே ஸுப்தௌ மஹாஹீ ருஷிதாவிவ ॥ 21 ॥
தாப்⁴யாம் ஸ பரிபூர்ணாப்⁴யாம் பு⁴ஜாப்⁴யாம் ராக்ஷஸேஶ்வர: ।
ஶுஶுபே⁴சலஸங்காஶ: ஶ்ருங்கா³ப்⁴யாமிவ மந்த³ர: ॥ 22 ॥
சூதபுன்னாக³ஸுரபி⁴ர்வகுலோத்தமஸம்யுத: ।
ம்ருஷ்டான்னரஸஸம்யுக்த: பானக³ந்த⁴புரஸ்க்ருத: ॥ 23 ॥
தஸ்ய ராக்ஷஸஸிம்ஹஸ்ய நிஶ்சக்ராம மஹாமுகா²த் ।
ஶயானஸ்ய வினி:ஶ்வாஸ: பூரயன்னிவ தத்³ க்³ருஹம் ॥ 24 ॥
முக்தாமணிவிசித்ரேண காஞ்சனேன விராஜிதம் ।
மகுடேனாபவ்ருத்தேன குண்ட³லோஜ்வலிதானநம் ॥ 25 ॥
ரக்தசந்த³னதி³க்³தே⁴ன ததா² ஹாரேண ஶோபி⁴னா ।
பீனாயதவிஶாலேன வக்ஷஸாபி⁴விராஜிதம் ॥ 26 ॥
பாண்ட³ரேணாபவித்³தே⁴ன க்ஷௌமேண க்ஷதஜேக்ஷணம் ।
மஹார்ஹேண ஸுஸம்வீதம் பீதேனோத்தமவாஸஸா ॥ 27 ॥
மாஷராஶிப்ரதீகாஶம் நிஶ்ஶ்வஸந்தம் பு⁴ஜங்க³வத் ।
கா³ங்கே³ மஹதி தோயாந்தே ப்ரஸுப்தமிவ குஞ்ஜரம் ॥ 28 ॥
சதுர்பி⁴: காஞ்சனைர்தீ³பைத்³தீ⁴ப்யமானசதுர்தி³ஶம் ।
ப்ரகாஶீக்ருதஸர்வாங்க³ம் மேக⁴ம் வித்³யுத்³க³ணைரிவ ॥ 29 ॥
பாத³மூலக³தாஶ்சாபி த³த³ர்ஶ ஸுமஹாத்மன: ।
பத்னீ: ஸ ப்ரியபா⁴ர்யஸ்ய தஸ்ய ரக்ஷ:பதேர்க்³ருஹே ॥ 3௦ ॥
ஶஶிப்ரகாஶவத³னாஶ்சாருகுண்ட³லபூ⁴ஷிதா: ।
அம்லானமால்யாப⁴ரணா த³த³ர்ஶ ஹரியூத²ப: ॥ 31 ॥
ந்ருத்தவாதி³த்ரகுஶலா ராக்ஷஸேந்த்³ரபு⁴ஜாங்ககா³: ।
வராப⁴ரணதா⁴ரிண்யோ நிஷண்ணா த³த்³ருஶே ஹரி: ॥ 32 ॥
வஜ்ரவைடூ³ர்யக³ர்பா⁴ணி ஶ்ரவணாந்தேஷு யோஷிதாம் ।
த³த³ர்ஶ தாபனீயானி குண்ட³லான்யங்க³தா³னி ச ॥ 33 ॥
தாஸாம் சந்த்³ரோபமைர்வக்த்ரைஶ்ஶுபை⁴ர்லலிதகுண்ட³லை: ।
விரராஜ விமானம் தன்னப⁴ஸ்தாராக³ணைரிவ ॥ 34 ॥
மத³வ்யாயாமகி²ன்னாஸ்தா ராக்ஷஸேந்த்³ரஸ்ய யோஷித: ।
தேஷு தேஷ்வவகாஶேஷு ப்ரஸுப்தாஸ்தனுமத்⁴யமா: ॥ 35 ॥
அங்க³ஹாரைஸ்ததை²வான்யா கோமலைர்ன்ருத்தஶாலினீ ।
வின்யஸ்தஶுப⁴ஸர்வாங்கீ³ ப்ரஸுப்தா வரவர்ணினீ ॥ 36 ॥
காசித்³வீணாம் பரிஷ்வஜ்ய ப்ரஸுப்தா ஸம்ப்ரகாஶதே ।
மஹானதீ³ப்ரகீர்ணேவ நலினீ போதமாஶ்ரிதா ॥ 37 ॥
அன்யா கக்ஷக³தேனைவ மட்³டு³கேனாஸிதேக்ஷணா ।
ப்ரஸுப்தா பா⁴மினீ பா⁴தி பா³லபுத்ரேவ வத்ஸலா ॥ 38 ॥
படஹம் சாருஸர்வாங்கீ³ பீட்³ய ஶேதே ஶுப⁴ஸ்தனீ ।
சிரஸ்ய ரமணம் லப்³த்⁴வா பரிஷ்வஜ்யேவ பா⁴மினீ ॥ 39 ॥
காசித்³வம்ஶம் பரிஷ்வஜ்ய ஸுப்தா கமலலோசனா ।
ரஹ: ப்ரியதமம் க்³ருஹ்ய ஸகாமேவ ச காமினீ ॥ 4௦ ॥
விபஞ்சீம் பரிக்³ருஹ்யான்யா நியதா ந்ருத்தஶாலினீ ।
நித்³ராவஶமனுப்ராப்தா ஸஹ காந்தேவ பா⁴மினீ ॥ 41 ॥
அன்யா கனகஸங்காஶைர்ம்ருது³பீனைர்மனோரமை: ।
ம்ருத³ங்க³ம் பரிபீட்³யாங்கை³: ப்ரஸுப்தா மத்தலோசனா ॥ 42 ॥
பு⁴ஜபார்ஶ்வாந்தரஸ்தே²ன கக்ஷகே³ன க்ருஶோத³ரீ ।
பணவேவ ஸஹானிந்த்³யா ஸுப்தா மத³க்ருதஶ்ரமா ॥ 43 ॥
டி³ண்டி³மம் பரிக்³ருஹ்யான்யா ததை²வாஸக்தடி³ண்டி³மா ।
ப்ரஸுப்தா தருணம் வத்ஸமுபகூ³ஹ்யேவ பா⁴மினீ ॥ 44 ॥
காசிதா³ட³ம்ப³ரம் நாரீ பு⁴ஜஸம்யோக³பீடி³தம் ।
க்ருத்வா கமலபத்ராக்ஷீ ப்ரஸுப்தா மத³மோஹிதா ॥ 45 ॥
கலஶீமபவித்⁴யான்யா ப்ரஸுப்தா பா⁴தி பா⁴மினீ ।
வஸந்தே புஷ்பஶப³லா மாலேவ பரிமார்ஜிதா ॥ 46 ॥
பாணிப்⁴யாம் ச குசௌ காசித்ஸுவர்ணகலஶோபமௌ ।
உபகூ³ஹ்யாப³லா ஸுப்தா நித்³ராப³லபராஜிதா ॥ 47 ॥
அன்யா கமலபத்ராக்ஷீ பூர்ணேந்து³ஸத்³ருஶானநா ।
அன்யாமாலிங்க்³ய ஸுஶ்ரோணீம் ப்ரஸுப்தா மத³விஹ்வலா ॥ 48 ॥
ஆதோத்³யானி விசித்ராணி பரிஷ்வஜ்ய வரஸ்த்ரிய: ।
நிபீட்³ய ச குசைஸ்ஸுப்தா காமின்ய: காமுகானிவ ॥ 49 ॥
தாஸாமேகாந்தவின்யஸ்தே ஶயானாம் ஶயனே ஶுபே⁴ ।
த³த³ர்ஶ ரூபஸம்பன்னாமபராம் ஸ கபி: ஸ்த்ரியம் ॥ 5௦ ॥
முக்தாமணிஸமாயுக்தைர்பூ⁴ஷணை: ஸுவிபூ⁴ஷிதாம் ।
விபூ⁴ஷயந்தீமிவ தத்ஸ்வஶ்ரியா ப⁴வனோத்தமம் ॥ 51 ॥
கௌ³ரீம் கனகவர்ணாபா⁴மிஷ்டாமந்த: புரேஶ்வரீம் ।
கபிர்மந்தோ³த³ரீம் தத்ர ஶயானாம் சாருரூபிணீம் ॥ 52 ॥
ஸ தாம் த்³ருஷ்ட்வா மஹாபா³ஹுர்பூ⁴ஷிதாம் மாருதாத்மஜ: ।
தர்கயாமாஸ ஸீதேதி ரூபயௌவனஸம்பதா³ ॥ 53 ॥
ஹர்ஷேண மஹதா யுக்தோ நனந்த³ ஹரியூத²ப: ।
ஆஸ்போ²டயாமாஸ சுசும்ப³ புச்ச²ம் நனந்த³ சிக்ரீட³ ஜகௌ³ ஜகா³ம ।
ஸ்தம்பா⁴னரோஹன்னிபபாத பூ⁴மௌ நித³ர்ஶயன் ஸ்வாம் ப்ரக்ருதிம் கபீனாம் ॥ 54 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த³ஶமஸ்ஸர்க:³ ॥
