ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்³விசத்வாரிம்ஶஸ்ஸர்க:³ ।
அத² ப்ரஸ்தா²ப்ய ஸுக்³ரீவஸ்தான்ஹரீந்த³க்ஷிணாம் தி³ஶம் ।
அப்³ரவீன்மேக⁴ஸங்காஶம் ஸுஷேணம் நாம யூத²பம் ॥ 1 ॥
தாராயா: பிதரம் ராஜா ஶ்வஶுரம் பீ⁴மவிக்ரமம் ।
அப்³ரவீத்ப்ராஞ்ஜலிர்வாக்யமபி⁴க³ம்ய ப்ரணம்ய ச ॥ 2 ॥
மரீசிபுத்ரம் மாரீசமர்சிஷ்மந்தம் மஹாகபிம் ।
வ்ருதம் கபிவரை ஶ்ஶூரைர்மஹேந்த்³ரஸத்³ருஶத்³யுதிம் ॥ 3 ॥
பு³த்³தி⁴விக்ரமஸம்பன்னம் வைனதேயஸமத்³யுதிம் ।
மரீசிபுத்ரான்மாரீசானர்சிர்மாலான்மஹாப³லான் ॥ 4 ॥
ருஷிபுத்ராம்ஶ்சதாந்த்ஸர்வான்ப்ரதீசீமாதி³ஶத்³தி³ஶம் ।
த்³வாப்⁴யாம் ஶதஸஹஸ்ராப்⁴யாம் கபீனாம் கபிஸத்தமா: ॥ 5 ॥
ஸுஷேணப்ரமுகா² யூயம் வைதே³ஹீம் பரிமார்க³த: ।
ஸுராஷ்ட்ரான்ஸஹபா³ஹ்லீகான் ஶ்சந்த்³ரசித்ராம்ஸ்ததை²வ ச ॥ 6 ॥
ஸ்பீ²தாஞ்ஜனபதா³ன்ரம்யான்விபுலானி புராணி ச ।
புன்னாக³க³ஹனம் குக்ஷிம் வகுலோத்³தா³லகாகுலம் ॥ 7 ॥
ததா² கேதகஷண்டா³ம்ஶ்ச மார்க³த்⁴வம் ஹரியூத²பா: ।
ப்ரத்யக்ஸ்ரோதோக³மாஶ்சைவ நத்³யஶ்ஶீதஜலாஶ்ஶிவா: ॥ 8 ॥
தாபஸானாமரண்யானி காந்தாரா கி³ரயஶ்ச யே ।
தத்ரஸ்த²லீம் மருப்ராயாமத்யுச்சஶிரஸஶ்ஶிலா: ॥ 9 ॥
கி³ரிஜாலாவ்ருதாம் து³ர்கா³ம் மார்கி³த்வா பஶ்சிமாம் தி³ஶம் ।
தத: பஶ்சிமமாஸாத்³ய ஸமுத்³ரம் த்³ரஷ்டுமர்ஹத² ॥ 1௦ ॥
திமினக்ராயுதஜலமக்ஷோப்⁴யமத² வானரா: ।
தத: கேதகஷண்டே³ஷு தமாலக³ஹனேஷு ச ॥ 11 ॥
கபயோ விஹரிஷ்யந்தி நாரிகேலவனேஷு ச ।
தத்ர ஸீதாம் ச மார்க³த்⁴வம் நிலயம் ராவணஸ்ய ச ॥ 12 ॥
வேலாதலனிவிஷ்டேஷு பர்வதேஷு வனேஷு ச ।
முரசீபத்தனம் சைவ ரம்யம் சைவ ஜடீபுரம் ॥ 13 ॥
அவந்தீமங்க³லோபாம் ச ததா² சாலக்ஷிதம் வனம் ।
ராஷ்ட்ராணி ச விஶாலானி பத்தனானி ததஸ்தத: ॥ 14 ॥
ஸிந்து⁴ஸாக³ரயோஶ்சைவ ஸங்க³மே தத்ர பர்வத: ।
மஹான்ஹேமகி³ரிர்னாம ஶதஶ்ருங்கோ³ மஹாத்³ரும: ॥ 15 ॥
தஸ்ய ப்ரஸ்தே²ஷு ரம்யேஷு ஸிம்ஹா: பக்ஷக³மா: ஸ்தி²தா: ।
திமிமத்ஸ்யகஜ³ாம்ஶ்சைவ நீடா³ன்யாரோபயந்தி தே ॥ 16 ॥
தானி நீடா³னி ஸிம்ஹானாம் கி³ரிஶ்ருங்க³க³தாஶ்ச யே ।
த்³ருப்தாஸ்த்ருப்தாஶ்ச மாதங்கா³ஸ்தோயத³ஸ்வனநிஸ்வனா: ॥ 17 ॥
விசரந்தி விஶாலேஸ்மிம்ஸ்தோயபூர்ணே ஸமந்தத: ।
தஸ்ய ஶ்ருங்க³ம் தி³வஸ்பர்ஶம் காஞ்சனம் சித்ரபாத³பம் ॥ 18 ॥
ஸர்வமாஶு விசேதவ்யம் கபிபி⁴: காமரூபிபி⁴: ।
கோடிம் தத்ர ஸமுத்³ரே து காஞ்சனீம் ஶதயோஜனாம் ॥ 19 ॥
து³ர்த³ர்ஶாம் பாரியாத்ரஸ்ய க³தாம் த்³ரக்ஷ்யத² வானரா: ।
கோட்யஸ்தத்ர சதுர்விம்ஶத்³க³ந்த⁴ர்வாணாம் தபஸ்வினாம் ॥ 2௦ ॥
வஸந்த்யக்³னினிகாஶானாம் கோ⁴ராணாம் காமரூபிணாம் ।
பாவகார்சி: ப்ரதீகாஶாஸ்ஸமவேதாஸ்ஸஹஸ்ரஶ: ॥ 21 ॥
நாத்யாஸாத³யிதவ்யாஸ்தே வானரைர்பீ⁴மவிக்ரமை: ।
நாதே³யம் ச ப²லம் தஸ்மாத்³தே³ஶாத்கிஞ்சித் ப்லவங்க³மை: ॥ 22 ॥
து³ராஸதா³ ஹி தே வீரா ஸ்ஸத்த்வவந்தோ மஹாப³லா: ।
ப²லமூலானி தே தத்ர ரக்ஷந்தே பீ⁴மவிக்ரமா: ॥ 23 ॥
தத்ர யத்னஶ்ச கர்தவ்யோ மார்கி³தவ்யா ச ஜானகீ ।
ந ஹி தேப்⁴யோ ப⁴யம் கிஞ்சித்கபித்வமனுவர்ததாம் ॥ 24 ॥
தத்ர வைடூ⁴ர்யவர்ணாபோ⁴ வஜ்ரஸம்ஸ்தா²னஸம்ஸ்தி²த: ।
நானாத்³ருமலதாகீர்ணோ வஜ்ரோ நாம மஹாகி³ரி: ॥ 25 ॥
ஶ்ரீமான்ஸமுதி³தஸ்தத்ர யோஜனானாம் ஶதம் ஸமம் ।
கு³ஹாஸ்தத்ர விசேதவ்யா ப்ரயத்னேன ப்லவங்க³மா: ॥ 26 ॥
சதுர்பா⁴கே³ ஸமுத்³ரஸ்ய சக்ரவான்னாம பர்வத: ।
தத்ர சக்ரம் ஸஹஸ்ராரம் நிர்மிதம் விஶ்வகர்மணா ॥ 27 ॥
தத்ர பஞ்சஜனம் ஹத்வா ஹயக்³ரீவம் ச தா³னவம் ।
ஆஜஹார ததஶ்சக்ரம் ஶங்க²ம் ச புருஷோத்தம: ॥ 28 ॥
தஸ்ய ஸானுஷு சித்ரேஷு விஶாலாஸு கு³ஹாஸு ச ।
ராவண ஸ்ஸஹ வைதே³ஹ்யா மார்கி³தவ்யஸ்தத ஸ்தத: ॥ 29 ॥
யோஜனானாம் சதுஷ்ஷஷ்டிர்வராஹோ நாம பர்வத: ।
ஸுவர்ணஶ்ருங்க³ஸ்ஸுஶ்ரீமா நகா³தே⁴ வருணாலயே ॥ 3௦ ॥
தத்ர ப்ராக்³ஜ்யோதிஷம் நாம ஜாதரூபமயம் புரம் ।
யஸ்மின்வஸதி து³ஷ்டாத்மா நரகோ நாம தா³னவ: ॥ 31 ॥
தத்ர ஸானுஷு சித்ரேஷு விஶாலாஸு கு³ஹாஸு ச ।
ராவணஸ்ஸஹ வைதே³ஹ்யா மார்கி³தவ்யஸ்ததஸ்தத: ॥ 32 ॥
தமதிக்ரம்ய ஶைலேந்த்³ரம் காஞ்சனாந்தரனிர்த³ர: ।
பர்வத ஸ்ஸர்வஸௌவர்ணோ தா⁴ராப்ரஸ்ரவணாயுத: ॥ 33 ॥
தம் கஜ³ாஶ்ச வராஹாஶ்ச ஸிம்ஹ வ்யாக்⁴ராஶ்ச ஸர்வத: ।
அபி⁴க³ர்ஜந்தி ஸததம் தேன ஶப்³தே³ன த³ர்பிதா: ॥ 34 ॥
யஸ்மின்ஹரிஹய்ஶீமான்மஹேந்த்³ர: பாகஶாஸன: ।
அபி⁴ஷிக்த: ஸுரை ராஜா மேக⁴வான்னாம பர்வத: ॥ 35 ॥
தமதிக்ரம்ய ஶைலேந்த்³ரம் மஹேந்த்³ரபரிபாலிதம் ।
ஷஷ்டி ர்கி³ரிஸஹஸ்ராணி காஞ்சனானி க³மிஷ்யத² ॥ 36 ॥
தருணாதி³த்யவர்ணானி ப்⁴ராஜமானானி ஸர்வத: ।
ஜாதரூபமயைர்வ்ருக்ஷை ஶோபி⁴தானி ஸுபுஷ்பிதை: ॥ 37 ॥
தேஷாம் மத்⁴யே ஸ்தி²தோ ராஜா மேருருத்தரபர்வத: ।
ஆதி³த்யேன ப்ரஸன்னேன ஶைலோ த³த்தவர: புரா ॥ 38 ॥
தேனைவ முக்தஶ்ஶைலேந்த்³ரஸ்ஸர்வ ஏவ த்வதா³ஶ்ரயா: ।
மத்ப்ரஸாதா³த்³ப⁴விஷ்யந்தி தி³வா ராத்ரம் ச காஞ்சனா: ॥ 39 ॥
த்வயி யே சாபி வத்ஸ்யந்தி தே³வக³ந்த⁴ர்வதா³னவா: ।
தே ப⁴விஷ்யந்தி ரக்தாஶ்ச ப்ரப⁴யா காஞ்சனப்ரபா⁴: ॥ 4௦ ॥
விஶ்வே தே³வாஶ்ச மரூதோ வஸவஶ்ச தி³வௌகஸ: ।
ஆக³ம்ய பஶ்சிமாம் ஸந்த்⁴யாம் மேருமுத்தமபர்வதம் ॥ 41 ॥
ஆதி³த்யமுபதிஷ்ட²ந்தி தைஶ்ச ஸூர்யோபி⁴பூஜித: ।
அத்³ருஶ்யஸ்ஸர்வபூ⁴தானாமஸ்தம் க³ச்ச²திபர்வதம் ॥ 42 ॥
யோஜனானாம் ஸஹஸ்ராணி த³ஶ தானி தி³வாகர: ।
முஹூர்தார்தே⁴ன தம் ஶீக்⁴ரமபி⁴யாதி ஶிலோச்சயம் ॥ 43 ॥
ஶ்ருங்கே³ தஸ்ய மஹத்³தி³வ்யம் ப⁴வனம் ஸூர்யஸன்னிப⁴ம் ।
ப்ராஸாத³க³ணஸம்பா³த⁴ம் விஹிதம் விஶ்வகர்மணா ॥ 44 ॥
ஶோபி⁴தம் தருபி⁴ஶ்சித்ரைர்னானாபக்ஷிஸமாகுலை: ।
நிகேதம் பாஶஹஸ்தஸ்ய வருணஸ்ய மஹாத்மன: ॥ 45 ॥
அந்தரா மேருமஸ்தம் ச தாலோ த³ஶஶிரா மஹான் ।
ஜாதரூபமய்ஶீமான்ப்⁴ராஜதே சித்ரவேதி³க: ॥ 46 ॥
தேஷு ஸர்வேஷு து³ர்கே³ஷு ஸரஸ்ஸு ச ஸரித்ஸு ச ।
ராவணஸ்ஸஹ வைதே³ஹ்யா மார்கி³தவ்யஸ்தத ஸ்தத: ॥ 47 ॥
யத்ர திஷ்ட²தி த⁴ர்மஜ்ஞஸ்தபஸா ஸ்வேன பா⁴வித: ।
மேருஸாவர்ணிரித்யேவ க்²யாதோ வை ப்³ரஹ்மணா ஸம: ॥ 48 ॥
ப்ரஷ்டவ்யோ மேருஸாவர்ணிர்மஹர்ஷி: ஸூர்யஸன்னிப:⁴ ।
ப்ரணம்ய ஶிரஸா பூ⁴மௌ ப்ரவ்ருத்திம் மைதி²லீம் ப்ரதி ॥ 49 ॥
ஏதாவ ஜ்ஜீவலோகஸ்ய பா⁴ஸ்கரோ ரஜனீக்ஷ்யே ।
க்ருத்வா விதிமிரம் ஸர்வமஸ்தம் க³ச்ச²தி பர்வதம் ॥ 5௦ ॥
ஏதாவத்³வானரைஶ்ஶக்யம் க³ந்தும் வானரபுங்க³வா: ।
அபா⁴ஸ்கரமமர்யாத³ம் ந ஜானீமஸ்தத: பரம் ॥ 51 ॥
அதி⁴க³ம்ய து வைதே³ஹீம் நிலயம் ராவணஸ்ய ச ।
அஸ்த பர்வதமாஸாத்³ய பூர்ணே மாஸே நிவர்தத ॥ 52 ॥
ஊர்த்⁴வம் மாஸான்ன வஸ்தவ்யம் வஸன் வத்⁴யோ ப⁴வேன்மம ।
ஸஹைவ ஶூரோ யுஷ்மாபி⁴ஶ்ஶ்வஶுரோ மே க³மிஷ்யதி ॥ 53 ॥
ஶ்ரோதவ்யம் ஸர்வமேதஸ்ய ப⁴வத்³பி⁴ர்தி³ஷ்டகாரிபி⁴: ।
கு³ருரேஷ மஹாபா³ஹுஶ்ஶ்வஶுரோ மே மஹாப³ல: ॥ 54 ॥
ப⁴வந்தஶ்சாபி விக்ராந்தா: ப்ரமாணம் ஸர்வ கர்மஸு ।
ப்ரமாணமேனம் ஸம்ஸ்தா²ப்ய பஶ்யத்⁴வம் பஶ்சிமாம் தி³ஶம் ॥ 55 ॥
த்³ருஷ்டாயாம் து நரேந்த்³ரஸ்ய பத்ன்யாமமிததேஜஸ: ।
க்ருதக்ருத்யா ப⁴விஷ்யாம: க்ருதஸ்ய ப்ரதிகர்மணா ॥ 56 ॥
அதோன்யத³பி யத்கார்யம் கார்யஸ்யாஸ்ய ஹிதம் ப⁴வேத் ।
ஸம்ப்ரதா⁴ர்ய ப⁴வத்³பி⁴ஶ்ச தே³ஶகாலார்த²ஸம்ஹிதம் ॥ 57 ॥
தத: ஸுஷேணப்ரமுகா²: ப்லவங்கா³மா: ஸ்ஸுக்³ரீவ வாக்யம் நிபுணம் நிஶம்ய ।
ஆமந்த்ய்ர ஸர்வே ப்லவகா³தி⁴பம் தே ஜக்³முர்தி³ஶம் தாம் வருணாபி⁴கு³ப்தாம் ॥ 58 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்³விசத்வாரிம்ஶஸ்ஸர்க:³ ॥
