ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகாத³ஶஸ்ஸர்க:³ ।
அக்³ரத: ப்ரயயௌ ராமஸ்ஸீதா மத்⁴யே ஸுமத்⁴யமா ।
ப்ருஷ்ட²தஸ்து த⁴னுஷ்பாணிர்லக்ஷ்மணோனுஜகா³ம ஹ ॥ 1 ॥
தௌ பஶ்யமானௌ விவிதா⁴ன் ஶைலப்ரஸ்தா²ன்வனானி ச ।
நதீ³ஶ்ச விவிதா⁴ ரம்யா ஜக்³மதுஸ்ஸீதயா ஸஹ ॥ 2 ॥
ஸாரஸாம்ஶ்சக்ரவாகாம்ஶ்ச நதீ³புலினசாரிண: ।
ஸராம்ஸி ச ஸபத்³மானி யுக்தானி ஜலஜை: க²கை³: ॥ 3 ॥
யூத²ப³த்³தா⁴ம்ஶ்ச ப்ருஷதான்மதோ³ன்மத்தான் விஷாணின: ।
மஹிஷாம்ஶ்ச வராஹாம்ஶ்ச நாகா³ம்ஶ்ச த்³ருமவைரிண: ॥ 4 ॥
தே க³த்வா தூ³ரமத்⁴வானம் லம்ப³மானே தி³வாகரே ।
த³த்³ருஶுஸ்ஸஹிதா ரம்யம் தடாகம் யோஜனாயதம் ॥ 5 ॥
பத்³மபுஷ்கரஸம்பா³த⁴ம் கஜ³யூதை²ரலங்க்ருதம் ।
ஸாரஸைர்ஹம்ஸகாத³ம்பை³ஸ்ஸங்குலம் ஜலசாரிபி⁴: ॥ 6 ॥
ப்ரஸன்னஸலிலே ரம்யே தஸ்மின்ஸரஸி ஶுஶ்ருவே ।
கீ³தவாதி³த்ரனிர்கோ⁴ஷோ ந து கஶ்சன த்³ருஶ்யதே ॥ 7 ॥
தத: கௌதூஹலாத்³ராமோ லக்ஷ்மணஶ்ச மஹாப³ல: ।
முனிம் த⁴ர்மப்⁴ருதம் நாம ப்ரஷ்டும் ஸமுபசக்ரமே ॥ 8 ॥
இத³மத்யத்³பு⁴தம் ஶ்ருத்வா ஸர்வேஷாம் நோ மஹாமுனே ।
கௌதூஹலம் மஹஜ்ஜாதம் கிமித³ம் ஸாது⁴ கத்²யதாம் ॥ 9 ॥
வக்தவ்யம் யதி³ சேத³விப்ர நாதிகு³ஹ்யமபி ப்ரபோ⁴ ।
தேனைவமுக்தோ த⁴ர்மாத்மா ராக⁴வேண முனிஸ்ததா³ ॥ 1௦ ॥
ப்ரப⁴வம் ஸரஸ: க்ருத்ஸ்னமாக்²யாதுமுபசக்ரமே ।
இத³ம் பஞ்சாப்ஸரோ நாம தடாகம் ஸார்வகாலிகம் ॥ 11 ॥
நிர்மிதம் தபஸா ராம முனினா மாண்ட³கர்ணினா ।
ஸ ஹி தேபே தபஸ்தீவ்ரம் மாண்ட³கர்ணிர்மஹாமுனி: ॥ 12 ॥
த³ஶவர்ஷஸஹஸ்ராணி வாயுப⁴க்ஷோ ஜலாஶ்ரய: ।
தத: ப்ரவ்யதி²தாஸ்ஸர்வே தே³வாஸ்ஸாக்³னிபுரோக³மா: ॥ 13 ॥
அப்³ருவன் வசனம் ஸர்வே பரஸ்பரஸமாக³தா: ।
அஸ்மாகம் கஸ்யசித் ஸ்தா²னமேஷ ப்ரார்த²யதே முனி: ॥ 14 ॥
இதி ஸம்விக்³னமனஸஸ்ஸர்வே தே த்ரிதி³வௌகஸ: ।
தத்ர கர்தும் தபோவிக்⁴னம் தே³வைஸ்ஸர்வைர்னியோஜிதா: ॥ 15 ॥
ப்ரதா⁴னாப்ஸரஸ: பஞ்ச வித்³யுச்சலிதவர்சஸ: ।
அப்ஸரோபி⁴ஸ்ததஸ்தாபி⁴ர்முனிர்த்³ருஷ்டபராவர: ॥ 16 ॥
நீதோ மத³னவஶ்யத்வம் ஸுராணாம் கார்யஸித்³த⁴யே ।
தாஶ்சைவாப்ஸரஸ: பஞ்ச முனே: பத்னீத்வமாக³தா: ॥ 17 ॥
தடாகே நிர்மிதம் தாஸாமஸ்மின்னந்தர்ஹிதம் க்³ருஹம் ।
ததை²வாப்ஸரஸ: பஞ்ச நிவஸந்த்யோ யதா²ஸுக²ம் ॥ 18 ॥
ரமயந்தி தபோயோகா³ன்முனிம் யௌவனமாஸ்தி²தம் ।
தாஸாம் ஸங்க்ரீட³மானானாமேஷ வாதி³த்ரனிஸ்ஸ்வன: ॥ 19 ॥
ஶ்ரூயதே பூ⁴ஷணோன்மிஶ்ரோ கீ³தஶப்³தோ³ மனோஹர: ।
ஆஶ்சர்யமிதி தஸ்யைதத்³வசனம் பா⁴விதாத்மன: ॥ 2௦ ॥
ராக⁴வ: ப்ரதிஜக்³ராஹ ஸஹ ப்⁴ராத்ரா மஹாயஶா: ।
ஏவம் கத²யமானஸ்ய த³த³ர்ஶாஶ்ரமமண்ட³லம் ॥ 21 ॥
குஶசீரபரிக்ஷிப்தம் ப்³ராஹ்ம்யா லக்ஷ்ம்யா ஸமாவ்ருதம் ।
ப்ரவிஶ்ய ஸஹ வைதே³ஹ்யா லக்ஷ்மணேன ச ராக⁴வ: ॥ 22 ॥
உவாஸ முனிபி⁴ஸ்ஸர்வை: பூஜ்யமானோ மஹாயஶா: ।
ததா³ தஸ்மின்ஸகாகுத்த்²ஸ: ஶ்ரீமத்யாஶ்ரமமண்ட³லே ॥ 23 ॥
உஷித்வா து ஸுக²ம் தத்ர பூஜ்யமானோ மஹர்ஷிபி⁴: ।
ஜகா³ம சாஶ்ரமாம்ஸ்தேஷாம் பர்யாயேண தபஸ்வினாம் ॥ 24 ॥
யேஷாமுஷிதவான் பூர்வம் ஸகாஶே ஸ மஹாஸ்த்ரவித் ।
க்வசித்பரித³ஶான்மாஸானேகம் ஸம்வத்ஸரம் க்வசித் ॥ 25 ॥
க்வசிச்ச² சதுரோ மாஸான் பஞ்ச ஷட்சாபரான்க்வசித் ।
அபரத்ராதி⁴கம் மாஸாத³ப்யர்த⁴மதி⁴கம் க்வசித் ॥ 26 ॥
த்ரீன்மாஸானஷ்டமாஸாம்ஶ்ச ராக⁴வோ ந்யவஸத்ஸுக²ம் ।
ததா² ஸம்வஸதஸ்தஸ்ய முனீனாமாஶ்ரமேஷு வை ॥ 27 ॥
ரமதஶ்சானுகூல்யேன யயுஸ்ஸம்வத்ஸரா த³ஶ ।
பரிவ்ருத்ய ச த⁴ர்மஜ்ஞோ ராக⁴வஸ்ஸஹ ஸீதயா ॥ 28 ॥
ஸுதீக்ஷ்ணஸ்யாஶ்ரமம் ஶ்ரீமான்புனரேவாஜகா³ம ஹ ।
ஸ தமாஶ்ரமமாஸாத்³ய முனிபி⁴: ப்ரதிபூஜித: ॥ 29 ॥
தத்ராபி ந்யவஸத்³ராம: கஞ்சித்காலமரிந்த³ம: ।
ததா³ஶ்ரமஸ்தோ² வினயாத்கதா³சித்தம் மஹாமுனிம் ॥ 3௦ ॥
உபாஸீனஸ்ஸகாகுத்ஸ்த²ஸ்ஸுதீக்ஷ்ணமித³மப்³ரவீத் ।
அஸ்மின்னரண்யே ப⁴க³வானக³ஸ்த்யோ முனிஸத்தம: ॥ 31 ॥
வஸதீதி மயா நித்யம் கதா²: கத²யதாம் ஶ்ருதம் ।
ந து ஜானாமி தம் தே³ஶம் வனஸ்யாஸ்ய மஹத்தயா ॥ 32 ॥
குத்ராஶ்ரமபத³ம் ரம்யம் மஹர்ஷேஸ்தஸ்ய தீ⁴மத: ।
ப்ரஸாதா³த்தத்ர ப⁴வதஸ்ஸானுஜஸ்ஸஹ ஸீதயா ॥ 33 ॥
அக³ஸ்த்யமபி⁴க³ச்சே²யமபி⁴வாத³யிதும் முனிம் ।
மனோரதோ² மஹானேஷ ஹ்ருதி³ மே பரிவர்ததே ॥ 34 ॥
யத்³யஹம் தம் முனிவரம் ஶுஶ்ரூஷேயமபி ஸ்வயம் ।
இதி ராமஸ்ய ஸ முனிஶ்ஶ்ருத்வா த⁴ர்மாத்மனோ வச: ॥ 35 ॥
ஸுதீக்ஷ்ண: ப்ரத்யுவாசேத³ம் ப்ரீதோ த³ஶரதா²த்மஜம் ।
அஹமப்யேததே³வ த்வாம் வக்துகாமஸ்ஸலக்ஷ்மணம் ॥ 36 ॥
அக³ஸ்த்யமபி⁴க³ச்சே²தி ஸீதயா ஸஹ ராக⁴வ ।
தி³ஷ்ட்யா த்விதா³னீமர்தே²ஸ்மின் ஸ்வயமேவ ப்³ரவீஷி மாம் ॥ 37 ॥
அஹமாக்²யாமி தே வத்ஸ யத்ராக³ஸ்த்யோ மஹாமுனி: ।
யோஜனான்யாஶ்ரமாத்தாத யாஹி சத்வாரி வை தத: ॥ 38 ॥
த³க்ஷிணேன மஹான் ஶ்ரீமானக³ஸ்த்யப்⁴ராதுராஶ்ரம: ।
ஸ்த²லப்ராயே வனோத்³தே³ஶே பிப்பலீவனஶோபி⁴தே ॥ 39 ॥
ப³ஹுபுஷ்பப²லே ரம்யே நானாஶகுனினாதி³தே ।
பத்³மின்யோ விவிதா⁴ஸ்தத்ர ப்ரஸன்னஸலிலாஶ்ஶிவா: ॥ 4௦ ॥
ஹம்ஸகாரண்ட³வாகீர்ணாஶ்சக்ரவாகோபஶோபி⁴தா: ।
தத்ரைகாம் ரஜனீம் வ்யுஷ்ய ப்ரபா⁴தே ராம க³ம்யதாம் ॥ 41 ॥
த³க்ஷிணாம் தி³ஶமாஸ்தா²ய வனஷண்ட³ஸ்ய பார்ஶ்வத: ।
தத்ராக³ஸ்த்யாஶ்ரமபத³ம் க³த்வா யோஜனமந்தரா ॥ 42 ॥
ரமணீயே வனோத்³தே⁴ஶே ப³ஹுபாத³பஸம்வ்ருதே ।
ரம்ஸ்யதே தத்ர வைதே³ஹீ லக்ஷ்மணஶ்ச ஸஹ த்வயா ॥ 43 ॥
ஸ ஹி ரம்யோ வனோத்³தே³ஶோ ப³ஹுபாத³பஸங்குல: ।
யதி³ பு³த்³தி⁴: க்ருதா த்³ரஷ்டுமக³ஸ்த்யம் தம் மஹாமுனிம் ॥ 44 ॥
அத்³யைவ க³மனே பு³த்³தி⁴ம் ரோசயஸ்வ மஹாயஶ: ।
இதி ராமோ முனேஶ்ஶ்ருத்வா ஸஹ ப்⁴ராத்ராபி⁴வாத்³ய ச ॥ 45 ॥
ப்ரதஸ்தே²முத்³தி³ஶ்ய ஸானுஜஸ்ஸீதயா ஸஹ ।
பஶ்யன்வனானி ரம்யாணி பர்வதாம்ஶ்சாப்⁴ரஸன்னிபா⁴ன் ॥ 46 ॥
ஸராம்ஸி ஸரிதஶ்சைவ பதி² மார்க³வஶானுகா³: ।
ஸுதீக்ஷ்ணேனோபதி³ஷ்டேன க³த்வா தேன பதா² ஸுக²ம் ॥ 47 ॥
இத³ம் பரமஸம்ஹ்ருஷ்டோ வாக்யம் லக்ஷ்மணமப்³ரவீத் ।
ஏததே³வாஶ்ரமபத³ம் நூனம் தஸ்ய மஹாத்மன: ॥ 48 ॥
அக³ஸ்த்யஸ்ய முனேர்ப்⁴ராதுர்த்³ருஶ்யதே புண்யகர்மண: ।
யதா² ஹி மே வனஸ்யாஸ்ய ஜ்ஞாதா: பதி² ஸஹஸ்ரஶ: ॥ 49 ॥
ஸன்னதா: ப²லபா⁴ரேண புஷ்பபா⁴ரேண ச த்³ருமா: ।
பிப்பலீனாம் ச பக்வானாம் வனாத³ஸ்மாது³பாக³த: ॥ 5௦ ॥
க³ந்தோ⁴யம் பவனோக்ஷிப்தஸ்ஸஹஸா கடுகோத³ய: ।
தத்ர தத்ர ச த்³ருஶ்யந்தே ஸங்க்ஷிப்தா: காஷ்ட²ஸஞ்சயா: ॥ 51 ॥
லூனாஶ்ச பதி² த்³ருஶ்யந்தே த³ர்பா⁴ வைடூ³ர்யவர்சஸ: ।
ஏதச்ச வனமத்⁴யஸ்த²ம் க்ருஷ்ணாப்⁴ரஶிக²ரோபமம் ॥ 52 ॥
பாவகஸ்யாஶ்ரமஸ்த²ஸ்ய தூ⁴மாக்³ரம் ஸம்ப்ரத்³ருஶ்யதே ।
விவிக்தேஷு ச தீர்தே²ஷு க்ருதஸ்னானா த்³விஜாதய: ॥ 53 ॥
புஷ்போபஹாரம் குர்வந்தி குஸுமைஸ்ஸ்வயமர்ஜிதை ।
தத்ஸுதீக்ஷ்ணஸ்ய வசனம் யதா² ஸௌம்ய மயா ஶ்ருதம் ॥ 54 ॥
அக³ஸ்த்யஸ்யாஶ்ரமோ ப்⁴ராதுர்னூனமேஷ ப⁴விஷ்யதி ।
நிக்³ருஹ்ய தபஸா ம்ருத்யும் லோகானாம் ஹிதகாம்யயா ॥ 55 ॥
யஸ்ய ப்⁴ராத்ரா க்ருதேயம் தி³க்ச²ரண்யா புண்யகர்மணா ।
தா⁴ரயன் ப்³ராஹ்மணம் ரூபமில்வலஸ்ஸம்ஸ்க்ருதம் வத³ன் ॥ 56 ॥
ஆமந்த்ரயதி விப்ரான்ஸ்மஶ்ராத்³த⁴முத்³தி³ஶ்ய நிர்க்⁴ருண: ।
ப்⁴ராதரம் ஸம்ஸ்க்ருதம் க்ருத்வா ததஸ்தம் மேஷரூபிணம் ॥ 57 ॥
தான் த்³விஜான்போ⁴ஜயாமாஸ ஶ்ராத்³த⁴த்³ருஷ்டேன கர்மணா ।
ததோ பு⁴க்தவதாம் தேஷாம் விப்ராணாமில்வலோப்³ரவீத் ॥ 58 ॥
வாதாபே நிஷ்க்ரமன்வேதி ஸ்வரேண மஹதா வத³ன் ।
ததோ ப்⁴ராதுர்வசஶ்ஶ்ருத்வா வாதாபிர்மேஷவன்னத³ன் ॥ 59 ॥
பி⁴த்த்வா பி⁴த்த்வா ஶரீராணி ப்³ராஹ்மணானாம் வினிஷ்பதத் ।
ப்³ராஹ்மாணானாம் ஸஹஸ்ராணி தைரேவம் காமரூபிபி⁴: ॥ 6௦ ॥
வினாஶிதானி ஸம்ஹத்ய நித்யஶ: பிஶிதாஶனை: ।
அக³ஸ்த்யேன ததா³ தே³வை: ப்ரார்தி²தேன மஹர்ஷிணா ॥ 61 ॥
அனுபூ⁴ய கில ஶ்ராத்³தே⁴ ப⁴க்ஷிதஸ்ஸமஹாஸுர: ।
ததஸ்ஸம்பன்னமித்யுக்த்வா த³த்த்வா ஹஸ்தோத³கம் தத: ॥ 62 ॥
ப்⁴ராதரம் நிஷ்க்ரமஸ்வேதி சேல்வலஸ்ஸோப்⁴யபா⁴ஷத ।
ஸ தம் ததா² பா⁴ஷமாணம் ப்⁴ராதரம் விப்ரகா⁴தினம் ॥ 63 ॥
அப்³ரவீத்ப்ரஹஸந்தீ⁴மானக³ஸ்த்யோ முனிஸத்தம: ।
குதோ நிஷ்க்ரமிதும் ஶக்திர்மயா ஜீர்ணஸ்ய ரக்ஷஸ: ॥ 64 ॥
ப்⁴ராதுஸ்தே மேஷரூபஸ்ய க³தஸ்ய யமஸாத³னம் ।
அத² தஸ்ய வசஶ்ஶ்ருத்வா ப்⁴ராதுர்னித⁴னஸம்ஶ்ரயம் ॥ 65 ॥
ப்ரத⁴ர்ஷயிதுமாரேபே⁴ முனிம் க்ரோதா⁴ன்னிஶாசர: ।
ஸோபி⁴த்³ரவன்முனிஶ்ரேஷ்ட²ம் முனினா தீ³ப்ததேஜஸா ॥ 66 ॥
சக்ஷுஷானலகல்பேன நிர்த³க்³தோ⁴ நித⁴னம் க³த: ।
தஸ்யாயமாஶ்ரமோ ப்⁴ராதுஸ்தடாகவனஶோபி⁴த: ॥ 67 ॥
விப்ரானுகம்பயா யேன கர்மேத³ம் து³ஷ்கரம் க்ருதம் ।
ஏவம் கத²யமானஸ்ய தஸ்ய ஸௌமித்ரிணா ஸஹ ।
ராமஸ்யாஸ்தம் க³தஸ்ஸூர்யஸ்ஸந்த்⁴யாகாலோப்⁴யவர்தத: ॥ 68 ॥
உபாஸ்ய பஶ்சிமாம் ஸந்த்⁴யாம் ஸஹ ப்⁴ராத்ரா யதா²விதி⁴ ।
ப்ரவிவேஶாஶ்ரமபத³ம் தம்ருஷிம் ஸோப்⁴யவாத³யத் ॥ 69 ॥
ஸம்யக் ப்ரதிக்³ருஹீதஶ்ச முனினா தேன ராக⁴வ: ।
ந்யவஸத்தாம் நிஶாமேகாம் ப்ராஶ்ய மூலப²லானி ச ॥ 7௦ ॥
தஸ்யாம் ராத்ய்ராம் வ்யதீதாயாம் விமலே ஸூர்யமண்ட³லே ।
ப்⁴ராதரம் தமக³ஸ்த்யஸ்ய ஹ்யாமந்த்ரயத ராக⁴வ: ॥ 71 ॥
அபி⁴வாத³யே த்வாம் ப⁴க³வன் ஸுக²மத்⁴யுஷிதோ நிஶாம் ।
ஆமந்த்ரயே த்வாம் க³ச்சா²மி கு³ரும் தே த்³ரஷ்டுமக்³ரஜம் ॥ 72 ॥
க³ம்யதாமிதி தேனோக்தோ ஜகா³ம ரகு⁴னந்த³ன: ।
யதோ²த்³தி³ஷ்டேன மார்கே³ண வனம் தச்சாவலோகயன் ॥ 73 ॥
நீவாரான்பனஸாம்ஸ்தாலாம்ஸ்திமிஶான்வஞ்சுலாந்த⁴வான் ।
சிரிபி³ல்வான்மதூ⁴காம்ஶ்ச பி³ல்வானபி ச திந்து³கான் ॥ 74 ॥
புஷ்பிதான்புஷ்பிதாக்³ராபி⁴ர்லதாபி⁴ரனுவேஷ்டிதான் ।
த³த³ர்ஶ ராமஶ்ஶதஶஸ்தத்ர காந்தாரபாத³பான் ॥ 75 ॥
ஹஸ்திஹஸ்தைர்விம்ருதி³தான்வானரைருபஶோபி⁴தான் ।
மத்தைஶ்ஶகுனிஸங்கை⁴ஶ்ச ஶதஶஶ்ச ப்ரணாதி³தான் ॥ 76 ॥
ததோப்³ரவீத்ஸமீபஸ்த²ம் ராமோ ராஜீவலோசன: ।
ப்ருஷ்ட²தோனுக³தம் வீரம் லக்ஷ்மணம் லக்ஷ்மிவர்த⁴னம் ॥ 77 ॥
ஸ்னிக்³த⁴பத்ரா யதா² வ்ருக்ஷா யதா² க்ஷாந்தா ம்ருக³த்³விஜா: ।
ஆஶ்ரமோ நாதிதூ³ரஸ்தோ² மஹர்ஷேர்பா⁴விதாத்மன: ॥ 78 ॥
அக³ஸ்த்ய இதி விக்²யாதோ லோகே ஸ்வேனைவ கர்மணா ।
ஆஶ்ரமோ த்³ருஶ்யதே தஸ்ய பரிஶ்ராந்தஶ்ரமாபஹ: ॥ 79 ॥
ப்ராஜ்யதூ⁴மாகுலவனஶ்சீரமாலாபரிஷ்க்ருத: ।
ப்ரஶாந்தம்ருக³யூத²ஶ்ச நானாஶகுனினாதி³த: ॥ 8௦ ॥
தஸ்யேத³மாஶ்ரமபத³ம் ப்ரபா⁴வாத்³யஸ்ய ராக்ஷஸை: ।
தி³கி³யம் த³க்ஷிணா த்ராஸாத்³த்³ருஶ்யதே நோபபு⁴ஜ்யதே ॥ 81 ॥
யதா³ ப்ரப்⁴ருதி சாக்ராந்தா தி³கி³யம் புண்யகர்மணா ।
ததா³ ப்ரப்⁴ருதி நிர்வைரா: ப்ரஶாந்தா ரஜனீசரா: ॥ 82 ॥
நாம்னா சேயம் ப⁴க³வதோ த³க்ஷிணா தி³க்ப்ரத³க்ஷிணா ।
ப்ரதி²தா த்ரிஷு லோகேஷு து³ர்த⁴ர்ஷா க்ரூரகர்மபி⁴: ॥ 83 ॥
மார்க³ம் நிரோத்³து⁴ம் நிரதோ பா⁴ஸ்கரஸ்யாசலோத்தம: ।
நிதே³ஶம் பாலயன்யஸ்ய விந்த்⁴யஶைலா ந வர்த⁴தே ॥ 84 ॥
அயம் தீ³ர்கா⁴யுஷஸ்தஸ்ய லோகே விஶ்ருதகர்மண: ।
அக³ஸ்த்யஸ்யாஶ்ரம ஶ்ரீமான்வினீதஜனஸேவித: ॥ 85 ॥
ஏஷ லோகார்சிதஸ்ஸாது⁴ர்ஹிதே நித்யரதஸ்ஸதாம் ।
அஸ்மானபி⁴க³தானேஷ ஶ்ரேயஸா யோஜயிஷ்யதி ॥ 86 ॥
ஆராத⁴யிஷ்யாம்யத்ராஹமக³ஸ்த்யம் தம் மஹாமுனிம் ।
ஶேஷம் ச வனவாஸஸ்ய ஸௌம்ய வத்ஸ்யாம்யஹம் ப்ரபோ⁴ ॥ 87 ॥
அத்ர தே³வாஸ்ஸக³ந்த⁴ர்வாஸ்ஸித்³தா⁴ஶ்ச பரமர்ஷய: ।
அக³ஸ்த்யம் நியதாஹாரம் ஸததம் பர்யுபாஸதே ॥ 88 ॥
நாத்ர ஜீவேன்ம்ருஷாவாதீ³ க்ரூரோ வா யதி³ வா ஶட:² ।
ந்ருஶம்ஸ: காமவ்ருத்தோ வா முனிரேஷ ததா²வித:⁴ ॥ 89 ॥
அத்ர தே³வாஶ்ச யக்ஷாஶ்ச நாகா³ஶ்ச பதகை³ஸ்ஸஹ ।
வஸந்தி நியதாஹாரா த⁴ர்மமாராத⁴யிஷ்ணவ: ॥ 9௦ ॥
அத்ர ஸித்³தா⁴ மஹாத்மானோ விமானைஜஸ்ஸூர்யஸன்னிபை⁴: ।
த்யக்ததே³ஹா நவைர்தே³ஹை: ஸ்வர்யாதா: பரமர்ஷய: ॥ 91 ॥
யக்ஷத்வமமரத்வம் ச ராஜ்யானி விவிதா⁴னி ச ।
அத்ர தே³வா: ப்ரயச்ச²ந்தி பூ⁴தைராராதி⁴தாஶ்ஶுபை⁴: ॥ 92 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகாத³ஶஸ்ஸர்க:³ ॥
