ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ரயோவிம்ஶஸ்ஸர்க:³ ।
ப்ரபா⁴தாயாம் து ஶர்வர்யாம் விஶ்வாமித்ரோ மஹாமுனி: ।
அப்⁴யபா⁴ஷத காகுத்ஸ்தௌ² ஶயானௌ பர்ணஸம்ஸ்தரே ॥ 1 ॥
கௌஸல்யா ஸுப்ரஜா ராம பூர்வா ஸந்த்⁴யா ப்ரவர்ததே ।
உத்திஷ்ட² நரஶார்தூ³ல கர்தவ்யம் தை³வமாஹ்னிகம் ॥ 2 ॥
தஸ்யர்ஷே: பரமோதா³ரம் வசஶ்ஶ்ருத்வா ந்ருபாத்மஜௌ ।
ஸ்னாத்வா க்ருதோத³கௌ வீரௌ ஜேபது: பரமம் ஜபம் ॥ 3 ॥
க்ருதாஹ்னிகௌ மஹாவீர்யௌ விஶ்வாமித்ரம் தபோத⁴னம் ।
அபி⁴வாத்³யாபி⁴ஸம்ஹ்ருஷ்டௌ க³மனாயாபி⁴தஸ்த²து: ॥ 4 ॥
தௌ ப்ரயாதௌ மஹாவீர்யௌ தி³வ்யாம் த்ரிபத²கா³ம் நதீ³ம் ।
த³த்³ருஶாதே ததஸ்தத்ர ஸரய்வாஸ்ஸங்க³மே ஶுபே⁴ ॥ 5 ॥
தத்ராஶ்ரமபத³ம் புண்யம்ருஷீணாமக்³ய்ரதேஜஸாம் ।
ப³ஹுவர்ஷஸஹஸ்ராணி தப்யதாம் பரமம் தப: ॥ 6 ॥
தம் த்³ருஷ்ட்வா பரமப்ரீதௌ ராக⁴வௌ புண்யமாஶ்ரமம் ।
ஊசதுஸ்தம் மஹாத்மானம் விஶ்வாமித்ரமித³ம் வச: ॥ 7 ॥
கஸ்யாயமாஶ்ரம: புண்ய: கோன்வஸ்மின்வஸதே புமான் ।
ப⁴க³வன் ஶ்ரோதுமிச்சா²வ: பரம் கௌதூஹலம் ஹி நௌ ॥ 8 ॥
தயோஸ்தத்³வசனம் ஶ்ருத்வா ப்ரஹஸ்ய முனிபுங்க³வ: ।
அப்³ரவீச்ச்²ரூயதாம் ராம யஸ்யாயம் பூர்வ ஆஶ்ரம: ॥ 9 ॥
கந்த³ர்போ மூர்திமானாஸீத்காம இத்யுச்யதே பு³தை⁴: ।
தபஸ்யந்தமிஹ ஸ்தா²ணும் நியமேன ஸமாஹிதம் ॥ 1௦ ॥
க்ருதோத்³வாஹம் து தே³வேஶம் க³ச்ச²ந்தம் ஸமருத்³க³க³ணம் ।
த⁴ர்ஷயாமாஸ து³ர்மேதா⁴ ஹுங்க்ருதஶ்ச மஹாத்மனா ॥ 11 ॥
அவத³க்³த⁴ஸ்ய ரௌத்³ரேண சக்ஷுஷா ரகு⁴னந்த³ன ।
வ்யஶீர்யந்த ஶரீராத்ஸ்வாத்ஸர்வகா³த்ராணி து³ர்மதே: ॥ 12 ॥
தஸ்ய கா³த்ரம் ஹதம் தத்ர நிர்த³க்³த²ஸ்ய மஹாத்மனா ।
அஶரீர: க்ருத: காம: க்ரோதா⁴த்³தே³வேஶ்வரேண ஹி ॥ 13 ॥
அனங்க³ இதி விக்²யாதஸ்ததா³ப்ரப்⁴ருதி ராக⁴வ ।
ஸ சாங்க³விஷயஶ்ஶ்ரீமான்யத்ராங்க³ம் ப்ரமுமோச ஹ ॥ 14 ॥
தஸ்யாயமாஶ்ரம: புண்யஸ்தஸ்யேமே முனய: புரா ।
ஶிஷ்யா த⁴ர்மபரா நித்யம் தேஷாம் பாபம் ந வித்³யதே ॥ 15 ॥
இஹாத்³ய ரஜனீம் ராம வஸேம ஶுப⁴த³ர்ஶன ।
புண்யயோஸ்ஸரிதோர்மத்⁴யே ஶ்வஸ்தரிஷ்யாமஹே வயம் ॥ 16 ॥
அபி⁴க³ச்சா²மஹே ஸர்வே ஶுசய: புண்யமாஶ்ரமம் ।
ஸ்னாதாஶ்ச க்ருதஜப்யாஶ்ச ஹுதஹவ்யா நரோத்தம ॥ 17 ॥
தேஷாம் ஸம்வத³தாம் தத்ர தபோதீ³ர்கே⁴ண சக்ஷுஷா ।
விஜ்ஞாய பரமப்ரீதா முனயோ ஹர்ஷமாக³மன் ॥ 18 ॥
அர்க்⁴யம் பாத்³யம் ததா²தித்²யம் நிவேத்³ய குஶிகாத்மஜே ।
ராமலக்ஷ்மணயோ: பஶ்சாத³குர்வன்னதிதி²க்ரியாம் ॥ 19 ॥
ஸத்காரம் ஸமனுப்ராப்ய கதா²பி⁴ரபி⁴ரஞ்ஜயன் ।
யதா²ர்ஹமஜபன் ஸந்த்⁴யாம்ருஷயஸ்தே ஸமாஹிதா: ॥ 2௦ ॥
தத்ர வாஸிபி⁴ரானீதா முனிபி⁴ஸ்ஸுவ்ரதை: ஸஹ ।
ந்யவஸன் ஸுஸுக²ம் தத்ர காமாஶ்ரமபதே³ ததா³ ॥ 21 ॥
கதா²பி⁴ரபி⁴ராமாபி⁴ரபி⁴ராமௌ ந்ருபாத்மஜௌ ।
ரமயாமாஸ த⁴ர்மாத்மா கௌஶிகோ முனிபுங்க³வ: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ரயோவிம்ஶஸ்ஸர்க:³ ॥
