ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்ரயோத³ஶஸ்ஸர்க:³ ।
ராம ப்ரீதோஸ்மி ப⁴த்³ரம் தே பரிதுஷ்டோஸ்மி லக்ஷ்மண ।
அபி⁴வாத³யிதும் யன்மாம் ப்ராப்தௌ ஸ்த² ஸ்ஸஹ ஸீதயா ॥ 1 ॥
அத்⁴வஶ்ரமேண வாம் கே²தோ³ பா³த⁴தே ப்ரசுரஶ்ரம: ।
வ்யக்தமுத்கண்ட²தே வாபி மைதி²லீ ஜனகாத்மஜா ॥ 2 ॥
ஏஷா ஹி ஸுகுமாரீ ச து³:கை²ஶ்ச ந விமானிதா ।
ப்ராஜ்யதோ³ஷம் வனம் ப்ராப்தா ப⁴ர்த்ருஸ்னேஹப்ரசோதி³தா ॥ 3 ॥
யதை²ஷா ரமதே ராம இஹ ஸீதா ததா² குரு ।
து³ஷ்கரம் க்ருதவத்யேஷா வனே த்வாமனுக³ச்ச²தீ ॥ 4 ॥
ஏஷா ஹி ப்ரக்ருதி: ஸ்த்ரீணாமாஸ்ருஷ்டே ரகு⁴னந்த³ன ।
ஸமஸ்த²மனுரஜ்யாந்தி விஷமஸ்த²ம் த்யஜந்தி ச ॥ 5 ॥
ஶதஹ்ரதா³னாம் லோலத்வம் ஶஸ்த்ராணாம் தீக்ஷ்ணதாம் ததா² ।
க³ரூடா³னிலயோஶ்ஶைக்⁴ர்யமனுக³ச்ச²ந்தி யோஷித: ॥ 6 ॥
இயம் து ப⁴வதோ பா⁴ர்யா தோ³ஷைரேதைர்விவர்ஜிதா ।
ஶ்லாக்⁴யா ச வ்யபதே³ஶ்யா ச யதா² தே³வீ ஹ்யருந்த⁴தீ ॥ 7 ॥
அலங்க்ருதோயம் தே³ஶஶ்ச யத்ர ஸௌமித்ரிணா ஸஹ ।
வைதே³ஹ்யா சானயா ராம வத்ஸ்யஸி த்வமரிந்த³ம ॥ 8 ॥
ஏவமுக்தஸ்ஸமுனினா ராக⁴வஸ்ஸம்யதாஞ்ஜலி: ।
உவாச ப்ரஶ்ரிதம் வாக்யம்ருஷிம் தீ³ப்தமிவானலம் ॥ 9 ॥
த⁴ன்யோஸ்ம்யனுக்³ருஹீதோஸ்மி யஸ்ய மே முனிபுங்க³வ: ।
கு³ணைஸ்ஸப்⁴ராத்ருபா⁴ர்யஸ்ய வரத:³ பரிதுஷ்யதி ॥ 1௦ ॥
கிந்து வ்யாதி³ஶ மே தே³ஶம் ஸோத³கம் ப³ஹுகானநம் ।
யத்ராஶ்ரமபத³ம் க்ருத்வா வஸேயம் நிரதஸ்ஸுக²ம் ॥ 11 ॥
ததோப்³ரவீன்முனிஶ்ரேஷ்ட²ஶ்ஶ்ருத்வா ராமஸ்ய தத்³வச: ।
த்⁴யாத்வா முஹூர்தம் த⁴ர்மாத்மா தீ⁴ரோ தீ⁴ரதரம் வச: ॥ 12 ॥
இதோ த்³வியோஜனே தாத ப³ஹுமூலப²லோத³க: ।
தே³ஶோ ப³ஹும்ருக³ஶ்ஶ்ரீமான்பஞ்சவட்யபி⁴விஶ்ருத: ॥ 13 ॥
தத்ர க³த்வாஶ்ரமபத³ம் க்ருத்வா ஸௌமித்ரிணா ஸஹ ।
ரமஸ்வ த்வம் பிதுர்வாக்யம் ததோ²க்தமனுபாலயன் ॥ 14 ॥
காலோயம் க³தபூ⁴யிஷ்டோ² ய: கால ஸ்தவ ராக⁴வ ।
ஸமயோ யோ நரேந்த்³ரேண க்ருதோ த³ஶரதே²ன தே ॥ 15 ॥
தீர்ணப்ரதிஜ்ஞ: காகுத்ஸ்த² ஸுக²ம் ராஜ்யே நிவத்ஸ்யஸி ।
த⁴ன்யஸ்தே ஜனகோ ராம ஸ ராஜா ரகு⁴னந்த³ன ॥ 16 ॥
யஸ்த்வயா ஜ்யேஷ்ட²புத்ரேண யயாதிரிவ தாரித: ।
விதி³தோ ஹ்யேஷ வ்ருத்தாந்தோ மம ஸர்வஸ்தவானக⁴ ॥ 17 ॥
தபஸஶ்ச ப்ரபா⁴வேண ஸ்னேஹாத்³த³ஶரத²ஸ்ய ச ।
ஹ்ருத³யஸ்த²ஶ்ச தே ச²ந்தோ³ விஜ்ஞாதஸ்தபஸா மயா ॥ 18 ॥
இஹாவாஸம் ப்ரதிஜ்ஞாய மயா ஸஹ தபோவனே ।
அதஶ்ச த்வாமஹம் ப்³ரூமி க³ச்ச² பஞ்சவடீமிதி ॥ 19 ॥
ஸ ஹி ரம்யோ வனோத்³தே³ஶோ மைதி²லீ தத்ர ரம்ஸ்யதே ।
ஸ தே³ஶஶ்ஶ்லாக⁴னீயஶ்ச நாதிதூ³ரே ச ராக⁴வ ॥ 2௦ ॥
கோ³தா³வர்யாஸ்ஸமீபே ச மைதி²லீ தத்ர ரம்ஸ்யதே ।
ப்ராஜ்யமூலப²லஶ்சைவ நானாத்³விஜக³ணாயுத: ॥ 21 ॥
விவிக்தஶ்ச மஹாபா³ஹோ புண்யோரம்யஸ்ததை²வ ச ।
ப⁴வானபி ஸதா³ரஶ்ச ஶக்தஶ்ச பரிரக்ஷணே ।
அபி சாத்ர வஸன்ராம தாபஸான்பாலயிஷ்யஸி ॥ 22 ॥
ஏததா³லக்ஷ்யதே வீர மதூ⁴கானாம் மஹத்³வனம் ।
உத்தரேணாஸ்ய க³ந்தவ்யம் ந்யக்³ரோத⁴மபி⁴க³ச்ச²தா ॥ 23 ॥
தத: ஸ்த²லமுபாருஹ்ய பர்வதஸ்யாவிதூ³ரத: ।
க்²யாத: பஞ்சவடீத்யேவ நித்யபுஷ்பிதகானந: ॥ 24 ॥
அக³ஸ்த்யேனைவமுக்தஸ்து ராமஸ்ஸௌமித்ரிணா ஸஹ ।
ஸத்க்ருத்யாமந்த்ரயாமாஸ தம்ருஷிம் ஸத்யவாதி³னம் ॥ 25 ॥
தௌ து தேனாப்⁴யனுஜ்ஞாதௌ க்ருதபாதா³பி⁴வந்த³னௌ ।
ததா³ஶ்ரமாத்பஞ்சவடீம் ஜக்³மதுஸ்ஸீதயா ஸஹ ॥ 26 ॥
க்³ருஹீதசாபௌ து நராதி⁴பாத்மஜௌ விஷக்ததூணௌ ஸமரேஷ்வகாதரௌ ।
யதோ²பதி³ஷ்டேன பதா² மஹர்ஷிணா ப்ரஜக்³மது: பஞ்சவடீம் ஸமாஹிதௌ ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்ரயோத³ஶஸ்ஸர்க:³ ॥
