ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சஸப்ததிதமஸ்ஸர்க:³ ।
தீ³ர்க⁴காலாத்ஸமுத்தா²ய ஸஞ்ஜ்ஞாம் லப்³த்⁴வா ச வீர்யவான் ।
நேத்ராப்⁴யாமஶ்ருபூர்ணாப்⁴யாம் தீ³னாமுத்³வீக்ஷ்ய மாதரம் ॥ 1 ॥
ஸோமாத்யமத்⁴யே ப⁴ரதோ ஜனநீமப்⁴யகுத்ஸயத் ।
ராஜ்யம் ந காமயே ஜாது மந்த்ரயே நாபி மாதரம் ॥ 2 ॥
அபி⁴ஷேகம் ந ஜானாமி யோபூ⁴த்³ராஜ்ஞா ஸமீக்ஷித: ।
விப்ரக்ருஷ்டேஹ்யஹம் தே³ஶே ஶத்ருக்⁴னஸஹிதோவஸம் ॥ 3 ॥
வனவாஸம் ந ஜானாமி ராமஸ்யாஹம் மஹாத்மன: ।
விவாஸனம் வா ஸௌமித்ரே ஸ்ஸீதாயாஶ்ச யதா²ப⁴வத் ॥ 4 ॥
ததை²வ க்ரோஶதஸ்தஸ்ய ப⁴ரதஸ்ய மஹாத்மன: ।
கௌஸல்யா ஶப்³த³மாஜ்ஞாய ஸுமித்ராமித³மப்³ரவீத் ॥ 5 ॥
ஆக³த: க்ரூரகார்யாயா: கைகேய்யா ப⁴ரதஸ்ஸுத: ।
தமஹம் த்³ரஷ்டுமிச்சா²மி ப⁴ரதம் தீ³ர்க⁴த³ர்ஶினம் ॥ 6 ॥
ஏவமுக்த்வா ஸுமித்ராம் ஸா விவர்ணா மலினா க்ருஶா ।
ப்ரதஸ்தே² ப⁴ரதோ யத்ர வேபமானா விசேதனா ॥ 7 ॥
ஸ து ராமானுஜஶ்சாபி ஶத்ருக்⁴னஸஹிதஸ்ததா³ ।
ப்ரதஸ்தே² ப⁴ரதோ யத்ர கௌஸல்யாயா நிவேஶனம் ॥ 8 ॥
தத ஶ்ஶத்ருக்⁴னப⁴ரதௌ கௌஸல்யாம் ப்ரேக்ஷ்ய து³:கி²தௌ ।
பர்யஷ்வஜேதாம் து³:கா²ர்தாம் பதிதாம் நஷ்டசேதஸாம் ॥ 9 ॥
ருத³ந்தௌ ருத³தீம் து³:கா²த்ஸமேத்யார்யாம் மனஸ்ஸ்வினீம் ।
ப⁴ரதம் ப்ரத்யுவாசேத³ம் கௌஸல்யா ப்⁴ருஶது³:கி²தா ॥ 1௦ ॥
இத³ம் தே ராஜ்யகாமஸ்ய ராஜ்யம் ப்ராப்தமகண்டகம் ।
ஸம்ப்ராப்தம் ப³த கைகேய்யா ஶஶீக்⁴ரம் க்ரூரேண கர்மணா ॥ 11 ॥
ப்ரஸ்தா²ப்ய சீரவஸனம் புத்ரம் மே வனவாஸினம் ।
கைகேயீ கம் கு³ணம் தத்ர பஶ்யதி க்ரூரத³ர்ஶினீ ॥ 12 ॥
க்ஷிப்ரம் மாமபி கைகேயீ ப்ரஸ்தா²பயிதுமர்ஹதி ।
ஹிரண்யனாபோ⁴ யத்ராஸ்தே ஸுதோ மே ஸுமஹாயஶா: ॥ 13 ॥
அத²வா ஸ்வயமேவாஹம் ஸுமித்ரானுசரா ஸுக²ம் ।
அக்³னிஹோத்ரம் புரஸ்க்ருத்ய ப்ரஸ்தா²ஸ்யே யத்ர ராக⁴வ: ॥ 14 ॥
காமம் வா ஸ்வயமேவாத்³ய தத்ர மாம் நேதுமர்ஹஸி ।
யத்ராஸௌ புருஷவ்யாக்⁴ர: புத்ரோ மே தப்யதே தப: ॥ 15 ॥
இத³ம் ஹி தவ விஸ்தீர்ணம் த⁴னதா⁴ன்யஸமாசிதம் ।
ஹஸ்த்வஶ்வரத²ஸம்பூர்ணம் ராஜ்யம் நிர்யாதிதம் தயா ॥ 16 ॥
இத்யாதி³ப³ஹுபி⁴ர்வாக்யை: க்ரூரை: ஸம்ப⁴ர்த்ஸிதோனக:⁴ ।
விவ்யதே² ப⁴ரதஸ்தீவ்ரம் வ்ரணே துத்³யேவ ஸூசினா ॥ 17 ॥
பபாத சரணௌ தஸ்யாஸ்ததா³ ஸம்ப்⁴ராந்தசேதன: ।
விலப்ய ப³ஹுதா⁴ஸஞ்ஜ்ஞோ லப்³த⁴ஸஞ்ஜ்ஞஸ்தத: ஸ்தி²த: ॥ 18 ॥
ஏவம் விலபமானாம் தாம் ப⁴ரத: ப்ராஞ்ஜலிஸ்ததா³ ।
கௌஸல்யாம் ப்ரத்யுவாசேத³ம் ஶோகைர்ப³ஹுபி⁴ராவ்ருதாம் ॥ 19 ॥
ஆர்யே கஸ்மாதஜ³ானந்தம் க³ர்ஹஸே மாமகில்பி³ஷம் ।
விபுலாம் ச மம ப்ரீதிம் ஸ்தி²ராம் ஜானாஸி ராக⁴வே ॥ 2௦ ॥
க்ருதா ஶாஸ்த்ரானுகா³ பு³த்³தி⁴ர்மாபூ⁴த்தஸ்ய கதா³சன ।
ஸத்யஸந்த⁴ ஸ்ஸதாம் ஶ்ரேஷ்டோ² யஸ்யார்யோனுமதே க³த: ॥ 21 ॥
ப்ரேஷ்யம் பாபீயஸாம் யாது ஸூர்யஞ்ச ப்ரதிமேஹது ।
ஹந்து பாதே³ன கா³ம் ஸுப்தாம் யஸ்யார்யோனுமதே க³த: ॥ 22 ॥
காரயித்வா மஹத்கர்ம ப⁴ர்தா ப்⁴ருத்யமனர்த²கம் ।
அத⁴ர்மோ யோஸ்ய ஸோஸ்யாஸ்து யஸ்யார்யோனுமதேக³த: ॥ 23 ॥
பரிபாலயமானஸ்ய ராஜ்ஞோ பூ⁴தானி புயத்ரவத் ।
ததஸ்னு து³ஹ்யதாம் பாபம் யஸ்யார்யோனுமதே க³த: ॥ 24 ॥
ப³லிஷட்³பா⁴க³முத்³த்⁴ருத்ய ந்ருபஸ்யாரக்ஷத: ப்ரஜா: ।
அத⁴ர்மோ யோஸ்ய ஸோஸ்யாஸ்து யஸ்யார்தோ²னுமதே க³த: ॥ 25 ॥
ஸம்ஶ்ருத்ய ச தபஸ்விப்⁴யஸ்ஸத்ரே வை யஜ்ஞத³க்ஷிணாம் ।
தாம் விப்ரலபதாம் பாபம் யஸ்யார்யோனுமதே க³த: ॥ 26 ॥
ஹஸ்த்யஶ்வரத²ஸம்பா³தே⁴ யுத்³தே⁴ ஶஸ்த்ரஸமாகுலே ।
மா ஸ்ம கார்ஷீத்ஸதாம் த⁴ர்மம் யஸ்யார்யோனுமதே க³த: ॥ 27 ॥
உபதி³ஷ்டம் ஸுஸூக்ஷ்மார்த²ம் ஶாஸ்த்ரம் யத்னேன தீ⁴மதா ।
ஸ நாஶயது து³ஷ்டாத்மா யஸ்யார்யோனுமதே க³த: ॥ 28 ॥
மா ச தம் வ்யூட⁴பா³ஹ்வம்ஸம் சந்த்³ரார்கஸமதேஜஸம் ।
த்³ராக்ஷீத்³ராஜ்யஸ்த²மாஸீனம் யஸ்யார்யோனுமதேக³த: ॥ 29 ॥
பாயஸம் க்ருஸரம் சா²க³ம் வ்ருதா² ஸோஶ்னாது நிர்க்⁴ருண: ।
கு³ரூம்ஶ்சாப்யவஜானாது யஸ்யார்யோனுமதே க³த: ॥ 3௦ ॥
கா³ஶ்ச ஸ்ப்ருஶது பாதே³ன கு³ரூன்பரிவதே³த்ஸ்வயம் ।
மித்ரே த்³ருஹ்யேத ஸோத்யந்தம் யஸ்யார்யோனுமதே க³த: ॥ 31 ॥
விஶ்வாஸாத்கதி²தம் கிஞ்சித்பரிவாத³ம் மித:² க்வசித் ।
விவ்ருணோது ஸ து³ஷ்டாத்மா யஸ்யார்யோமதே க³த: ॥ 32 ॥
அகர்தா ஹ்யக்ருதஜ்ஞஶ்ச த்யக்தாசாத்மா நிரபத்ரப: ।
லோகே ப⁴வது வித்³விஷ்டோ யஸ்யார்யோனுமதே க³த: ॥ 33 ॥
புத்ரைர்தா³ரைஶ்ச ப்⁴ருத்யைஶ்ச ஸ்வக்³ருஹே பரிவாரித: ।
ஸ ஏகோ ம்ருஷ்டமஶ்னாது யஸ்யார்யோனுமதே க³த: ॥ 34 ॥
அப்ராப்ய ஸத்³ருஶான் தா³ரானநபத்ய: ப்ரமீயதாம் ।
அனவாப்ய க்ரியாம் த⁴ர்ம்யாம் யஸ்யார்யோனுமதே க³த: ॥ 35 ॥
மாத்மனஸ்ஸந்ததிம் த்³ராக்ஷீத்ஸ்வேஷு தா³ரேஷு து³:கி²த: ।
ஆயுஸ்ஸமக்³ரமப்ராப்ய யஸ்யார்யோனுமதே க³த: ॥ 36 ॥
ராஜஸ்த்ரீபா³லவ்ருத்³தா⁴னாம் வதே⁴ யத்பாபமுச்யதே ।
ப்⁴ருத்யத்யாகே³ ச யத்பாபம் தத்பாபம் ப்ரதிபத்³யதாம் ॥ 37 ॥
லாக்ஷயா மது⁴மாம்ஸேன லோஹேன ச விஷேண ச ।
ஸதை³வ பி³ப்⁴ருயாத்³ப்⁴ருத்யான்யஸ்யார்யோனுமதே க³த: ॥ 38 ॥
ஸங்க்³ரமே ஸமுபோடே⁴ ஸ்ம ஶத்ருபக்ஷப⁴யங்கரே ।
பலாயாமானோ வத்⁴யேத யஸ்யார்யோனுமதே க³த: ॥ 39 ॥
கபாலபாணி: ப்ருதி²வீமடதாம் சீரஸம்வ்ருத: ।
பி⁴க்ஷமாணோ யதோ²ன்மத்தோ யஸ்யார்யோனுமதே க³த: ॥ 4௦ ॥
மத்³யே ப்ரஸக்தோ ப⁴வது ஸ்த்ரீஷ்வக்ஷேஷு ச நித்யஶ: ।
காமக்ரோதா⁴பி⁴பூ⁴தஸ்து யஸ்யார்யோனுமதே க³த: ॥ 41 ॥
மாஸ்ம த⁴ர்மே மனோ பூ⁴யாத³த⁴ர்மம் ஸ நிஷேவதாம் ।
அபாத்ரவர்ஷீ ப⁴வது யஸ்யார்யோனுமதே க³த: ॥ 42 ॥
ஸஞ்சிதான்யஸ்ய வித்தனி விவிதா⁴னி ஸஹஸ்ரஶ: ।
த³ஸ்யுபி⁴ர்விப்ரலுப்யந்தாம் யஸ்யார்யோனுமதே க³த: ॥ 43 ॥
உபே⁴ ஸந்த்⁴யே ஶயானஸ்ய யத்பாபம் பரிகல்ப்யதே ।
தச்சபாபம் ப⁴வேத்தஸ்ய யஸ்யார்யோனுமதே க³த: ॥ 44 ॥
யத³க்³னிதா³யகே பாபம் யத்பாபம் கு³ரதல்பகே³ ।
மித்ரத்³ரோஹே ச யத்பாபம் தத்பாபம் ப்ரதிபத்³யதாம் ॥ 45 ॥
தே³வதானாம் பித்ரூணாம் ச மாதாபித்ரோஸ்ததை²வ ச ।
மா ஸ்ம கார்ஷீத்ஸ ஶுஶ்ரூஷாம் யஸ்யார்யோனுமதே க³த: ॥ 46 ॥
ஸதாம் லோகாத்ஸதாம் கீர்த்யா ஸ்ஸஞ்ஜுஷ்டாத்கர்மணஸ்ததா² ।
ப்⁴ரஶ்யது க்ஷிப்ரமத்³யைவ யஸ்யார்யோனுமதே க³த: ॥ 47 ॥
அபாஸ்ய மாத்ருஶுஶ்ரூஷாமனர்தே² ஸோவதிஷ்ட²தாம் ।
தீ³ர்க⁴பா³ஹுர்மஹாவக்ஷா: யஸ்யார்யோனுமதே க³த: ॥ 48 ॥
ப³ஹுபுத்ரோ த³ரித்³ரஶ்ச ஜ்வரரோக³ஸமன்வித: ।
ஸ பூ⁴யாத்ஸதத க்லேஶீ யஸ்யார்யோனுமதே க³த: ॥ 49 ॥
ஆஶாமாஶம்ஸமானானாம் தீ³னானாமூர்த்⁴வசக்ஷுஷாம் ।
அர்தி²னாம் விததா²ம் குர்யாத்³யஸ்யார்யோனுமதே க³த: ॥ 5௦ ॥
மாயயா ரமதாம் நித்யம் பருஷ: பிஶுனோஶுசி: ।
ராஜ்ஞோ பீ⁴தஸ்த்வத⁴ர்மாத்மா யஸ்யார்யோனுமதே க³த: ॥ 51 ॥
ருதுஸ்னாதாம் ஸதீம் பா⁴ர்யாம்ருதுகாலானுரோதி⁴னீம் ।
அதிவர்தேத து³ஷ்டாத்மா யஸ்யார்யோனுமதே க³த: ॥ 52 ॥
ஸத⁴ர்மதா³ரான்பரித்யஜ்ய பரதா³ரான்னிஷேவதாம் ।
த்யக்தத⁴ர்மரதிர்மூடோ⁴ யஸ்யார்யோனுமதே க³த: ॥ 53 ॥
விப்ரலுப்தப்ரஜாதஸ்ய து³ஷ்க்ருதம் ப்³ராஹ்மணஸ்ய யத் ।
ததே³வ ப்ரதிபத்³யேத யஸ்யார்யோனுமதே க³த: ॥ 54 ॥
பானீயதூ³ஷகே பாபம் ததை²வ விஷதா³யகே ।
யத்ததே³கஸ்ஸ லப⁴தாம் யஸ்யார்யோனுமதே க³த: ॥ 55 ॥
ப்³ராஹ்மணாயோத்³யதாம் பூஜாம் விஹந்து கலுஷேந்த்³ரிய: ।
பா³லவத்ஸாம் ச கா³ம் தோ³க்³து⁴ யஸ்யார்யோ நுமதே க³த: ॥ 56 ॥
துர்ஷ்ணார்தம் ஸதி பானீயே விப்ரலம்பே⁴ன யோஜயேத் ।
லபே⁴த தஸ்ய யத்பாபம் யஸ்யார்யோனுமதே க³த: ॥ 57 ॥
ப⁴க்த்யா விவத³மானேஷு மார்க³மாஶ்ரித்ய பஶ்யத: ।
தஸ்ய பாபேன யுஜ்யேத யஸ்யார்யோனுமதே க³த: ॥ 58 ॥
விஹீனாம் பதிபுத்ராப்⁴யாம் கௌஸல்யாம் பார்தி²வாத்மஜ: ।
ஏவமாஶ்வாஸயன்னேவ து³:கா²ர்தோ நிபபாத ஹ ॥ 59 ॥
ததா² து ஶபதை²: கஷ்டை ஶ்ஶபமானமசேதனம் ।
ப⁴ரதம் ஶோகஸந்தப்தம் கௌஸல்யா வாக்யமப்³ரவீத் ॥ 6௦ ॥
மம து³:க²மித³ம் புத்ர பூ⁴யஸ்ஸமுபஜாயதே ।
ஶபதை² ஶ்ஶபமானோ ஹி ப்ராணானுபருணத்ஸி மே ॥ 61 ॥
தி³ஷ்ட்யா ந சலிதோ த⁴ர்மாதா³த்மா தே ஸஹலக்ஷ்மண: ।
வத்ஸ ஸத்யப்ரதிஜ்ஞோ தே ஸதாம் லோகமவாப்ஸ்யஸி ॥ 62 ॥
இத்யுக்த்வா சாங்கமானீய ப⁴ரதம் ப்⁴ராத்ருவத்ஸலம் ।
பரிஷ்வஜ்ய மஹாபா³ஹும் ருரோத³ ப்⁴ருஶது³:கி²தா ॥ 63 ॥
ஏவம் விலபமானஸ்ய து³:கா²ர்தஸ்ய மஹாத்மன: ।
மோஹாச்ச ஶோகஸம்ரோதா⁴த்³ப³பூ⁴வ லுலிதம் மன: ॥ 64 ॥
லாலப்யமானஸ்ய விசேதனஸ்ய ப்ரணஷ்டபு³த்³தே⁴: பதிதஸ்ய பூ⁴மௌ ।
முஹுர்முஹுர்னிஶ்ஶ்வஸதஶ்ச க⁴ர்மம் ஸா தஸ்ய ஶோகேன ஜகா³ம ராத்ரி: ॥ 65 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சஸப்ததிதமஸ்ஸர்க:³ ॥
