ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரிபஞ்சாஶஸ்ஸர்க:³ ।
ஸ தம் வ்ருக்ஷம் ஸமாஸாத்³ய ஸந்த்⁴யாமன்வாஸ்யபஶ்சிமாம் ।
ராமோ ரமயதாம் ஶ்ரேஷ்ட² இதி ஹோவாச லக்ஷ்மணம் ॥ 1 ॥
அத்³யேயம் ப்ரத²மா ராத்ரிர்யாதா ஜனபதா³த்³ப³ஹி: ।
யா ஸுமந்த்ரேண ரஹிதா தாம் நோத்கண்டி²துமர்ஹஸி ॥ 2 ॥
ஜாக³ர்தவ்யமதந்த்³ரிப்⁴யாமத்³யப்ரப்⁴ருதி ராத்ரிஷு ।
யோக³க்ஷேமௌ ஹி ஸீதாயா வர்தேதே லக்ஷ்மணாவயோ: ॥ 3 ॥
ராத்ரிம் கத²ஞ்சிதே³வேமாம் ஸௌமித்ரே வர்தயாமஹே ।
அபாவர்தாமஹே பூ⁴மாவாஸ்தீர்ய ஸ்வயமார்ஜிதை: ॥ 4 ॥
ஸ து ஸம்விஶ்ய மேதி³ன்யாம் மஹார்ஹஶயனோசித: ।
இமா: ஸௌமித்ரயே ராமோ வ்யாஜஹார கதா²: ஶுபா⁴: ॥ 5 ॥
த்⁴ருவமத்³ய மஹாராஜோ து³:க²ம் ஸ்வபிதி லக்ஷ்மண ।
க்ருதகாமா து கைகேயீ துஷ்டா ப⁴விதுமர்ஹதி ॥ 6 ॥
ஸா ஹி தே³வீ மஹாராஜம் கைகேயீ ராஜ்யகாரணாத் ।
அபி ந ச்யாவயேத்ப்ராணான் த்³ருஷ்ட்வா ப⁴ரதமாக³தம் ॥ 7 ॥
அனாத²ஶ்ச ஹி வ்ருத்³த⁴ஶ்ச மயா சைவ வினாக்ருத: ।
கிம் கரிஷ்யதி காமாத்மா கைகேயீ வஶமாக³த: ॥ 8 ॥
இத³ம் வ்யஸனமாலோக்ய ராஜ்ஞஶ்ச மதிவிப்⁴ரமம் ।
காம ஏவார்த²த⁴ர்மாப்⁴யாம் க³ரீயானிதி மே மதி: ॥ 9 ॥
கோ ஹ்யவித்³வானபி புமான் ப்ரமதா³யா: க்ருதே த்யஜேத் ।
ச²ந்தா³னுவர்தினம் புத்ரம் தாதோ மாமிவ லக்ஷ்மண ॥ 1௦ ॥
ஸுகீ² ப³த ஸபா⁴ர்யஶ்ச ப⁴ரத: கேகயீஸுத: ।
முதி³தான் கோஸலானேகோ யோ போ⁴க்ஷ்யத்யதி⁴ராஜவத் ॥ 11 ॥
ஸ ஹி ஸர்வஸ்ய ராஜ்யஸ்ய முக²மேகம் ப⁴விஷ்யதி ।
தாதே ச வயஸாதீதே மயி சாரண்யமாஸ்தி²தே ॥ 12 ॥
அர்த²த⁴ர்மௌ பரித்யஜ்ய ய காமமனுவர்ததே ।
ஏவமாபத்³யதே க்ஷிப்ரம் ராஜா த³ஶரதோ² யதா² ॥ 13 ॥
மன்யே த³ஶரதா²ந்தாய மம ப்ரவ்ராஜனாய ச ।
கைகேயீ ஸௌம்ய ஸம்ப்ராப்தா ராஜ்யாய ப⁴ரதஸ்ய ச ॥ 14 ॥
அபீதா³னீம் து கைகேயீ ஸௌபா⁴க்³யமத³மோஹிதா ।
கௌஸல்யாம் ச ஸுமித்ராம் ச ஸம்ப்ரபா³தே⁴த மத்க்ருதே ॥ 15 ॥
மா ஸ்ம மத்காரணாத்³தே³வீ ஸுமித்ரா து³:க²மாவஸேத் ।
அயோத்⁴யாமித ஏவ த்வம் கால்யே ப்ரவிஶ லக்ஷ்மண ॥ 16 ॥
அஹமேகோ க³மிஷ்யாமி ஸீதயா ஸஹ த³ண்ட³கான் ।
அனாதா²யா ஹி நாத²ஸ்த்வம் கௌஶல்யாயா ப⁴விஷ்யஸி ॥ 17 ॥
க்ஷுத்³ரகர்மா ஹி கைகேயீ த்³வேஷ்யமன்யாய்யமாசரேத் ।
பரித³த்³யாஹி த⁴ர்மஜ்ஞே ப⁴ரதே மம மாதரம் ॥ 18 ॥
நூனம் ஜாத்யந்தரே கஸ்மின் ஸ்த்ரிய: புத்ரைர்வியோஜிதா: ।
ஜனந்யா மம ஸௌமித்ரே தஸ்மாதே³தது³பஸ்தி²தம் ॥ 19 ॥
மயா ஹி சிரபுஷ்டேன து³க²ஸம்வர்தி⁴தேன ச ।
விப்ரயுஜ்யத கௌஶல்யா ப²லகாலே தி⁴க³ஸ்து மாம் ॥ 2௦ ॥
மா ஸ்ம ஸீமந்தினீ காசிஜ்ஜனயேத்புத்ரமீத்³ருஶம் ।
ஸௌமித்ரே யோஹமம்பா³யா த³த்³மி ஶோகமனந்தகம் ॥ 21 ॥
மன்யே ப்ரீதிவிஶிஷ்டா ஸா மத்தோ லக்ஷ்மண ஶாரிகா ।
யஸ்யாஸ்தச்ச்²ரூயதே வாக்யம் ஶுக பாத³மரேர்த³ஶ ॥ 22 ॥
ஶோசந்த்யா அல்பபா⁴க்³யாயா ந கிஞ்சிது³பகுர்வதா ।
புத்ரேண கிமபுத்ராயா மயா கார்யமரிந்த³ம ॥ 23 ॥
அல்பபா⁴க்³யா ஹி மே மாதா கௌஶல்யா ரஹிதா மயா ।
ஶேதே பரமது³:கா²ர்தா பதிதா ஶோகஸாக³ரே ॥ 24 ॥
ஏகோ ஹ்யஹமயோத்⁴யாம் ச ப்ருதி²வீம் சாபி லக்ஷ்மண ।
தரேயமிஷுபி⁴: க்ருத்³தோ⁴ நனு வீர்யமகாரணம் ॥ 25 ॥
அத⁴ர்மப⁴யபீ⁴தஶ்ச பரலோகஸ்ய சானக⁴ ।
தேன லக்ஷ்மண நாத்³யாஹ மாத்மானமபி⁴ஷேசயே ॥ 26 ॥
ஏதத³ன்யஶ்ச கருணம் விலப்ய விஜனே வனே ।
அஶ்ருபூர்ணமுகோ² ராமோ நிஶி தூஷ்ணீமுபாவிஶத் ॥ 27 ॥
விலப்யோபரதம் ராமம் க³தார்சிஷமிவானலம் ।
ஸமுத்³ரமிவ நிர்வேக³மாஶ்வாஸயத லக்ஷ்மண: ॥ 28 ॥
த்⁴ருவமத்³ய புரீ ராஜன்னயோத்⁴யாயுதி⁴னாம் வர ।
நிஷ்ப்ரபா⁴ த்வயி நிஷ்க்ராந்தே க³தசந்த்³ரேவ ஶர்வரீ ॥ 29 ॥
நைததௌ³பயிகம் ராம யதி³த³ம் பரிதப்யதே ।
விஷாத³யஸி ஸீதாம் ச மாம் சைவ புருஷர்ஷப⁴ ॥ 3௦ ॥
ந ச ஸீதா த்வயா ஹீனா ந சாஹமபி ராக⁴வ ।
முஹூர்தமபி ஜீவாவோ ஜலான்மத்ஸ்யாவினோத்³த்⁴ருதௌ ॥ 31 ॥
நஹி தாதம் ந ஶத்ருக்⁴னம் ந ஸுமித்ராம் பரந்தப ।
த்³ரஷ்டுமிச்சே²யமத்³யாஹம் ஸ்வர்க³ம் சாபி த்வயா வினா ॥ 32 ॥
ததஸ்தத்ர ஸுகா²ஸீனௌ நாதிதூ³ரே நிரீக்ஷ்ய தாம் ।
ந்யக்³ரோதே⁴ ஸுக்ருதாம் ஶய்யாம் பே⁴ஜாதே த⁴ர்மவத்ஸலௌ ॥ 33 ॥
ஸ லக்ஷ்மணஸ்யோத்தமபுஷ்கலம் வசோ நிஶம்ய சைவம் வனவாஸமாத³ராத் ।
ஸமா: ஸமஸ்தா வித³தே⁴ பரந்தப: ப்ரபத்³ய த⁴ர்மம் ஸுசிராய ராக⁴வ: ॥ 34 ॥
ததஸ்து தஸ்மின் விஜனே வனே ததா³ மஹாப³லௌ ராக⁴வவம்ஶவர்த⁴னௌ ।
ந தௌ ப⁴யம் ஸம்ப்⁴ரமமப்⁴யுபேயது ர்யதை²வ ஸிம்ஹௌ கி³ரிஸானுகோ³சரௌ ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரிபஞ்சாஶஸ்ஸர்க:³ ॥
