ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்ததிதமஸ்ஸர்க:³ ।
தத: ப்ரபா⁴தே ஜனக: க்ருதகர்மா மஹர்ஷிபி⁴: ।
உவாச வாக்யம் வாக்யஜ்ஞ ஶ்ஶதானந்த³ம் புரோஹிதம் ॥ 1 ॥
ப்⁴ராதா மம மஹாதேஜா யவீயானதிதா⁴ர்மிக: ।
குஶத்⁴வஜ இதி க்²யாத: புரீமத்⁴யவஸச்சு²பா⁴ம் ॥ 2 ॥
வார்யாப²லகபர்யந்தாம் பிப³ன்னிக்ஷுமதீம் நதீ³ம் ।
ஸாங்காஶ்யாம் புண்யஸங்காஶாம் விமானமிவ புஷ்பகம் ॥ 3 ॥
தமஹம் த்³ரஷ்டுமிச்சா²மி யஜ்ஞகோ³ப்தா ஸ மே மத: ।
ப்ரீதிம் ஸோபி மஹாதேஜா இமாம் போ⁴க்தா மயா ஸஹ ॥ 4 ॥
ஏவமுக்தே து வசனே ஶதானந்த³ஸ்ய ஸன்னிதௌ⁴ ।
ஆக³தா: கேசித³வ்யக்³ரா ஜனகஸ்தான் ஸமாதி³ஶத் ॥ 5 ॥
ஶாஸனாத்து நரேந்த்³ரஸ்ய ப்ரயயுஶ்ஶீக்⁴ரவாஜிபி⁴: ।
ஸமானேதும் நரவ்யாக்⁴ரம் விஷ்ணுமிந்த்³ராஜ்ஞயா யதா² ॥ 6 ॥
ஸாங்காஶ்யாம் தே ஸமாக³த்ய த³த்³ருஶுஶ்ச குஶத்⁴வஜம் ।
ந்யவேத³யன்யதா²வ்ருத்தம் ஜனகஸ்ய ச சிந்திதம் ॥ 7 ॥
தத்³வ்ருத்தம் ந்ருபதி ஶ்ஶ்ருத்வா தூ³தஶ்ரேஷ்டை²ர்மஹாப³லை: ।
அஜ்ஞாயாத² நரேந்த்³ரஸ்ய ஆஜகா³ம குஶத்⁴வஜ: ॥ 8 ॥
ஸ த³த³ர்ஶ மஹாத்மானம் ஜனகம் த⁴ர்மவத்ஸலம் ।
ஸோபி⁴வாத்³ய ஶதானந்த³ம் ராஜானம் சாபி தா⁴ர்மிகம் ॥ 9 ॥
ராஜார்ஹம் பரமம் தி³வ்யமாஸனம் சாத்⁴யரோஹத ।
உபவிஷ்டாவுபௌ⁴ தௌ து ப்⁴ராதராவதிதேஜஸௌ ॥ 1௦ ॥
ப்ரேஷயாமாஸதுர்வீரௌ மந்த்ரிஶ்ரேஷ்ட²ம் ஸுதா³மனம் ।
க³ச்ச² மந்த்ரிபதே ஶீக்⁴ரமைக்ஷ்வாகுமமிதப்ரப⁴ம் ॥ 11 ॥
ஆத்மஜைஸ்ஸஹ து³ர்த⁴ர்ஷமானயஸ்வ ஸமந்த்ரிணம் ।
ஔபகார்யாம் ஸ க³த்வா து ரகூ⁴ணாம் குலவர்த⁴னம் ॥ 12 ॥
த³த³ர்ஶ ஶிரஸா சைனமபி⁴வாத்³யேத³மப்³ரவீத் ।
அயோத்⁴யாதி⁴பதே வீர வைதே³ஹோ மிதி²லாதி⁴ப: ॥ 13 ॥
ஸ த்வாம் த்³ரஷ்டும் வ்யவஸிதஸ்ஸோபாத்⁴யாயபுரோஹிதம் ।
மந்த்ரிஶ்ரேஷ்ட²வச ஶ்ஶ்ருத்வா ராஜா ஸர்ஷிக³ணஸ்ததா³ ॥ 14 ॥
ஸப³ந்து⁴ரக³மத்தத்ர ஜனகோ யத்ர வர்ததே ।
ஸ ராஜா மந்த்ரிஸஹித ஸ்ஸோபாத்⁴யாய: ஸபா³ந்த⁴வ: ॥ 15 ॥
வாக்யம் வாக்யவிதா³ம் ஶ்ரேஷ்டோ² வைதே³ஹமித³மப்³ரவீத் ।
விதி³தம் தே மஹாராஜ இக்ஷ்வாகுகுலதை³வதம் ॥ 16 ॥
வக்தா ஸர்வேஷு க்ருத்யேஷு வஸிஷ்டோ² ப⁴க³வான்ருஷி: ।
விஶ்வாமித்ராப்⁴யனுஜ்ஞாதஸ்ஸஹ ஸர்வைர்மஹர்ஷிபி⁴: ॥ 17 ॥
ஏஷ வக்ஷ்யதி த⁴ர்மாத்மா வஸிஷ்டோ² மே யதா²க்ரமம் ।
ஏவமுக்த்வா நரஶ்ரேஷ்டே² ராஜ்ஞாம் மத்⁴யே மஹாத்மனாம் ॥ 18 ॥
தூஷ்ணீம்பூ⁴தே த³ஶரதே² வஸிஷ்டோ² ப⁴க³வான்ருஷி: ।
உவாச வாக்யம் வாக்யஜ்ஞோ வைதே³ஹம் ஸபுரோத⁴ஸம் ॥ 19 ॥
அவ்யக்தப்ரப⁴வோ ப்³ரஹ்மா ஶாஶ்வதோ நித்ய அவ்யய: ।
தஸ்மான்மரீசி ஸ்ஸஞ்ஜஜ்ஞே மரீசே: காஶ்யப: ஸுத: ॥ 2௦ ॥
விவஸ்வான் காஶ்யபாஜ்ஜஜ்ஞே மனுர்வைவஸ்வத ஸ்ஸ்ம்ருத: ।
மனு: ப்ரஜாபதி: பூர்வமிக்ஷ்வாகுஸ்து மனோஸ்ஸுத: ॥ 21 ॥
தமிக்ஷ்வாகுமயோத்⁴யாயாம் ராஜானம் வித்³தி⁴ பூர்வகம் ।
இக்ஷ்வாகோஸ்து ஸுதஶ்ஶ்ரீமான் குக்ஷிரித்யேவ விஶ்ருத: ॥ 22 ॥
குக்ஷேரதா²த்மஜ: ஶ்ரீமான் விகுக்ஷிருத³பத்³யத ।
விகுக்ஷேஸ்து மஹாதேஜா பா³ண: புத்ர: ப்ரதாபவான் ॥ 23 ॥
பா³ணஸ்ய து மஹாதேஜா அனரண்ய: ப்ரதாபவான் ।
அனரண்யாத்ப்ருது²ர்ஜஜ்ஞே த்ரிஶங்குஸ்து ப்ருதோ²ஸ்ஸுத: ॥ 24 ॥
த்ரிஶங்கோரப⁴வத்புத்ரோ து³ந்து³மாரோ மஹாயஶா: ।
யுவனாஶ்வஸுதஸ்த்வாஸீன்மாந்தா⁴தா ப்ருதி²வீபதி: ॥ 25 ॥
மாந்தா⁴துஸ்து ஸுத ஶ்ஶ்ரீமான் ஸுஸந்தி⁴ருத³பத்³யத ।
ஸுஸந்தே⁴ரபி புத்ரௌ த்³வௌ த்⁴ருவஸந்தி⁴: ப்ரஸேனஜித் ॥ 26 ॥
யஶஸ்வீ த்⁴ருவஸந்தே⁴ஸ்து ப⁴ரதோ நாம நாமத: ।
ப⁴ரதாத்து மஹாதேஜா அஸிதோ நாம ஜாதவான் ॥ 27 ॥
யஸ்யைதே ப்ரதிராஜான உத³பத்³யந்த ஶத்ரவ: ।
ஹைஹயாஸ்தாலஜங்கா⁴ஶ்ச ஶூராஶ்ச ஶஶிபி³ந்த³வ: ॥ 28 ॥
தாம்ஸ்து ஸ ப்ரதியுத்⁴யன் வை யுத்³தே⁴ ராஜா ப்ரவாஸித: ।
ஹிமவந்தமுபாக³ம்ய ப்⁴ருகு³ப்ரஸ்ரவணேவஸத் ॥ 29 ॥
அஸிதோல்பப³லோ ராஜா மந்த்ரிபி⁴ஸ்ஸஹிதஸ்ததா³ ।
த்³வே சாஸ்ய பா⁴ர்யே க³ர்பி⁴ண்யௌ ப³பூ⁴வதுரிதி ஶ்ருதம் ॥ 3௦ ॥
ஏகா க³ர்ப⁴வினாஶாய ஸபத்ன்யை ஸக³ரம் த³தௌ³ ।
தத ஶ்ஶைலவரம் ரம்யம் ப³பூ⁴வாபி⁴ரதோ முனி: ॥ 31 ॥
பா⁴ர்க³வஶ்ச்யவனோ நாம ஹிமவந்தமுபாஶ்ரித: ।
தத்ரைகா து மஹாபா⁴கா³ பா⁴ர்க³வம் தே³வவர்சஸம் ॥ 32 ॥
வவந்தே³ பத்³மபத்ராக்ஷீ காங்க்ஷந்தீ ஸுதமாத்மன: ।
தம்ருஷிம் ஸாப்⁴யுபாக³ம்ய காலிந்தீ³ சாப்⁴யவாத³யத் ॥ 33 ॥
ஸ தாமப்⁴யவத³த்³விப்ர: புத்ரேப்ஸும் புத்ரஜன்மனி ।
தவ குக்ஷௌ மஹாபா⁴கே³ ஸுபுத்ரஸ்ஸுமஹாப³ல: ॥ 34 ॥
மஹாவீர்யோ மஹாதேஜா அசிராத்ஸஞ்ஜனிஷ்யதி ।
க³ரேண ஸஹித ஶ்ஶ்ரீமான் மா ஶுச: கமலேக்ஷணே ॥ 35 ॥
ச்யவனம் து நமஸ்க்ருத்ய ராஜபுத்ரீ பதிவ்ரதா ।
பதிஶோகாதுரா தஸ்மாத்புத்ரம் தே³வீ வ்யஜாயத ॥ 36 ॥
ஸபத்ன்யா து க³ரஸ்தஸ்யை த³த்தோ க³ர்பஜ⁴ிகா⁴ம்ஸயா ।
ஸஹ தேன க³ரேணைவ ஜாத: ஸ ஸக³ரோப⁴வத் ॥ 37 ॥
ஸக³ரஸ்யாஸமஞ்ஜஸ்து அஸமஞ்ஜாத்ததா²ம்ஶுமான் ।
தி³லீபோம்ஶுமத: புத்ரோ தி³லீபஸ்ய ப⁴கீ³ரத:² ॥ 38 ॥
ப⁴கீ³ரதா²த்ககுத்ஸ்த²ஶ்ச ககுத்ஸ்த²ஸ்ய ரகு⁴ஸ்ஸுத: ।
ரகோ⁴ஸ்து புத்ரஸ்தேஜஸ்வீ ப்ரவ்ருத்³த:⁴ புருஷாத³க: ॥ 39 ॥
கல்மாஷபாதோ³ ஹ்யப⁴வத்தஸ்மாஜ்ஜாதஸ்து ஶங்க³ண: ।
ஸுத³ர்ஶன: ஶங்க⁴ணஸ்ய அக்³னிவர்ண ஸ்ஸுத³ர்ஶனாத் ॥ 4௦ ॥
ஶீக்⁴ரக³ஸ்த்வக்³னிவர்ணஸ்ய ஶீக்⁴ரக³ஸ்ய மரு ஸ்ஸுத: ।
மரோ: ப்ரஶுஶ்ருகஸ்த்வாஸீத³ம்ப³ரீஷ: ப்ரஶுஶ்ர்ருகாத் ॥ 41 ॥
அம்ப³ரீஷஸ்ய புத்ரோபூ⁴ன்னஹுஷ: ப்ருதி²வீபதி: ।
நஹுஷஸ்ய யயாதிஸ்து நாபா⁴க³ஸ்து யயாதிஜ: ॥ 42 ॥
நாபா⁴க³ஸ்ய ப³பூ⁴வாஜ: அஜாத்³த³ஶரதோ²ப⁴வத் ।
அஸ்மாத்³த³ஶரதா²ஜ்ஜாதௌ ப்⁴ராதரௌ ராமலக்ஷ்மணௌ ॥ 43 ॥
ஆதி³வம்ஶவிஶுத்³தா⁴னாம் ராஜ்ஞாம் பரமத⁴ர்மிணாம் ।
இக்ஷ்வாகுகுலஜாதானாம் வீராணாம் ஸத்யவாதி³னாம் ॥ 44 ॥
ராமலக்ஷ்மணயோரர்தே² த்வத்ஸுதே வரயே ந்ருப ।
ஸத்³ருஶாப்⁴யாம் ந்ருபஶ்ரேஷ்ட² ஸத்³ருஶே தா³துமர்ஹஸி ॥ 45 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்ததிதமஸ்ஸர்க:³ ॥
