ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்ரயோவிம்ஶஸ்ஸர்க:³ ।
தஸ்மின்யாதே ப³லே கோ⁴ரமஶிவம் ஶோணிதோத³கம் ।
அப்⁴யவர்ஷன்மஹாமேக⁴ஸ்துமுலோ க³ர்த³பா⁴ருண: ॥ 1 ॥
நிபேதுஸ்துரகா³ஸ்தஸ்ய ரத²யுக்தா மஹாஜவா: ।
ஸமே புஷ்பசிதே தே³ஶே ராஜமார்கே³ யத்³ருச்ச²யா ॥ 2 ॥
ஶ்யாமம் ருதி⁴ரபர்யந்தம் ப³பூ⁴வ பரிவேஷணம் ।
அலாதசக்ரப்ரதிமம் பரிக்³ருஹ்ய தி³வாகரம் ॥ 3 ॥
ததோ த்⁴வஜமுபாக³ம்ய ஹேமத³ண்ட³ம் ஸமுச்ச்²ரிதம் ।
ஸமாக்ரம்ய மஹாகாயஸ்தஸ்தௌ² க்³ருத்⁴ரஸ்ஸுதா³ருண: ॥ 4 ॥
ஜனஸ்தா²னஸமீபே து ஸமாக³ம்ய க²ரஸ்வனா: ।
விஸ்வரான்விவிதா⁴ம்ஶ்சக்ருர்மாம்ஸாதா³ ம்ருக³பக்ஷிண: ॥ 5 ॥
வ்யாஜஹ்ருஶ்ச ப்ரதீ³ப்தாயாம் தி³ஶி வை பை⁴ரவஸ்வனம் ।
அஶிவம் யாதுதா⁴னானாம் ஶிவா கோ⁴ரா மஹாஸ்வனா: ॥ 6 ॥
ப்ரபி⁴ன்னகி³ரிஸங்காஶாஸ்தோயஶோணிததா⁴ரிண: ।
ஆகாஶம் தத³னாகாஶம் சக்ருர்பீ⁴மா வலாஹகா: ॥ 7 ॥
ப³பூ⁴வ திமிரம் கோ⁴ரமுத்³த⁴தம் ரோமஹர்ஷணம் ।
தி³ஶோ வா விதி³ஶோ வாபி ந ச வ்யக்தம் சகாஶிரே ॥ 8 ॥
க்ஷதஜார்த்³ரஸவர்ணாபா⁴ ஸந்த்⁴யாகாலம் வினா ப³பௌ⁴ ।
க²ரஸ்யாபி⁴முகா² நேது³ஸ்ததா³ கோ⁴ரம்ருகா³: க²கா³: ॥ 9 ॥
கங்ககோ³மாயுக்³ருத்⁴ராஶ்ச சுக்ருஶுர்ப⁴யஶம்ஸின: ।
நித்யாஶுப⁴கரா யுத்³தே⁴ ஶிவா கோ⁴ரனித³ர்ஶனா: ॥ 1௦ ॥
நேது³ர்ப³லஸ்யாபி⁴முக²ம் ஜ்வாலோத்³கா³ரிபி⁴ரானநை: ।
கப³ந்த:⁴ பரிகா⁴பா⁴ஸோ த்³ருஶ்யதே பா⁴ஸ்கராந்திகே ॥ 11 ॥
ஜக்³ராஹ ஸூர்யம் ஸ்வர்பா⁴னுரபர்வணி மஹாக்³ரஹ: ।
ப்ரவாதி மாருதஶ்ஶீக்⁴ரம் நிஷ்ப்ரபோ⁴பூ⁴த்³தி³வாகர: ॥ 12 ॥
உத்பேதுஶ்ச வினா ராத்ரிம் தாரா: க²த்³யோதஸப்ரபா⁴: ।
ஸம்லீனமீனவிஹகா³ நலின்யஶ்ஶுஷ்கபங்கஜா: ॥ 13 ॥
தஸ்மின் க்ஷணே ப³பூ⁴வுஶ்ச வினா புஷ்பப²லைர்த்³ருமா: ।
உத்³தூ⁴தஶ்ச வினா வாதம் ரேணுர்ஜலத⁴ராருண: ॥ 14 ॥
வீசீகூசீதி வாஶ்யந்த்யோ ப³பூ⁴வுஸ்தத்ர ஶாரிகா: ।
உல்காஶ்சாபி ஸனிர்கா⁴தா நிபேதுர்கோ⁴ரத³ர்ஶனா: ॥ 15 ॥
ப்ரசசால மஹீ ஸர்வா ஸஶைலவனகானநா ।
க²ரஸ்ய ச ரத²ஸ்த²ஸ்ய நர்த³மானஸ்ய தீ⁴மத: ॥ 16 ॥
ப்ராகம்பத பு⁴ஜஸ்ஸவ்யஸ்ஸ்வரஶ்சாஸ்யாவஸஜ்ஜத ।
ஸாஸ்ரா ஸம்பத்³யதே த்³ருஷ்டி: பஶ்யமானஸ்ய ஸர்வத: ॥ 17 ॥
லலாடே ச ருஜா ஜாதா ந ச மோஹான்யவர்தத ।
தான்ஸமீக்ஷய மஹோத்பாதானுத்தி²தான்ரோமஹர்ஷணான் ॥ 18 ॥
அப்³ரவீத்³ராக்ஷஸான்ஸர்வான்ப்ரஹஸன்ஸக²ரஸ்ததா³ ।
மஹோத்பாதானிமான்ஸர்வானுத்தி²தான்கோ⁴ரத³ர்ஶனான் ॥ 19 ॥
ந சிந்தயாம்யஹம் வீர்யாத்³ப³லவாந்து³ர்ப³லானிவ ।
தாரா அபி ஶரைஸ்தீக்ஷ்ணை: பாதயாமி நப⁴ஸ்ஸ்த²லாத் ॥ 2௦ ॥
ம்ருத்யும் மரணத⁴ர்மேண ஸங்க்ருத்³தோ⁴ யோஜயாம்யஹம் ।
ராக⁴வம் தம் ப³லோத்ஸிக்தம் ப்⁴ராதரம் சாஸ்ய லக்ஷ்மணம் ॥ 21 ॥
அஹத்வா ஸாயகைஸ்தீக்ஷ்ணைர்னோபாவர்திதுமுத்ஸஹே ।
ஸகாமா ப⁴கி³னீ மேஸ்து பீத்வா து ருதி⁴ரம் தயோ: ॥ 22 ॥
யன்னிமித்தஸ்து ராமஸ்ய லக்ஷ்மணஸ்ய விபர்யய: ।
ந க்வசித்ப்ராப்தபூர்வோ மே ஸம்யுகே³ஷு பராஜய: ॥ 23 ॥
யுஷ்மாகமேதத்ப்ரத்யக்ஷம் நான்ருதம் கத²யாம்யஹம் ।
தே³வராஜமபி க்ருத்³தோ⁴ மத்தைராவதயாயினம் ॥ 24 ॥
வஜ்ரஹஸ்தம் ரணே ஹன்யாம் கிம் புனஸ்தௌ குமானுஷௌ ।
ஸா தஸ்ய க³ர்ஜிதம் ஶ்ருத்வா ராக்ஷஸஸ்ய மஹாசமூ: ॥ 25 ॥
ப்ரஹர்ஷமதுலம் லேபே⁴ ம்ருத்யுபாஶாவபாஶிதா ।
ஸமீயுஶ்ச மஹாத்மானோ யுத்³த⁴த³ர்ஶனகாங்க்ஷிண: ॥ 26 ॥
ருஷயோ தே³வக³ந்த³ர்வாஸ்ஸித்³தா⁴ஶ்ச ஸஹசாரணை: ।
ஸமேத்ய சோசுஸ்ஸஹிதாஸ்தேன்யோன்யம் புண்யகர்மண: ।
ஸ்வஸ்தி கோ³ப்³ராஹ்மணேப்⁴யோஸ்து லோகானாம் யேபி⁴ஸங்க³தா: ॥ 27 ॥
ஜயதாம் ராக⁴வஸ்ஸங்க்³யே பௌலஸ்த்யான் ரஜனீசரான் ॥ 28 ॥
சக்ரஹஸ்தோ யதா² யுத்³தே⁴ ஸர்வானஸுரபுங்க³வான் ।
ஏதச்சான்யச்ச ப³ஹுஶோ ப்³ருவாணா: பரமர்ஷய: ॥ 29 ॥
ஜாதகௌதூஹலாஸ்தத்ர விமானஸ்தா²ஶ்ச தே³வதா: ।
த³த்³ருஶுர்வாஹினீம் தேஷாம் ராக்ஷஸானாம் க³தாயுஷாம் ॥ 3௦ ॥
ரதே²ன து க²ரோ வேகா³து³க்³ரஸைன்யோ வினிஸ்ஸ்ருத: ।
தம் த்³ருஷ்ட்வா ராக்ஷஸம் பூ⁴யோ ராக்ஷஸாஶ்ச வினிஸ்ஸ்ருதா: ॥ 31 ॥
ஶ்யேனகா³மீ ப்ருது²க்³ரீவோ யஜ்ஞஶத்ருர்விஹங்க³ம: ।
து³ர்ஜய: கரவீராக்ஷ: பருஷ: காலகார்முக: ॥ 32 ॥
மேக⁴மாலீ மஹாமாலீ ஸர்வாஸ்யோ ருதி⁴ராஶன: ।
த்³வாத³ஶைதே மஹாவீர்யா: ப்ரதஸ்து²ரபி⁴த: க²ரம் ॥ 33 ॥
மஹாகபாலிஸ்ஸ்தூ²லாக்ஷ: ப்ரமாதீ² த்ரிஶிராஸ்ததா² ।
சத்வார ஏதே ஸேனான்யோ தூ³ஷணம் ப்ருஷ்ட²தோ யயு: ॥ 34 ॥
ஸா பீ⁴மவேகா³ ஸமராபி⁴காமா மஹாப³லா ராக்ஷஸவீரஸேனா ।
தௌ ராஜபுத்ரௌ ஸஹஸாப்⁴யுபேதா மாலா க்³ரஹாணாமிவ சந்த்³ரஸூர்யௌ ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்ரயோவிம்ஶஸ்ஸர்க:³ ॥
