ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகோனசத்வாரிம்ஶஸ்ஸர்க:³ ।
இதி ப்³ருவாணம் ஸுக்³ரீவம் ராமோ த⁴ர்மப்⁴ருதாம் வர: ।
பா³ஹுப்⁴யாம் ஸம்பரிஷ்வஜ்ய ப்ரத்யுவாச க்ருதாஞ்ஜலிம் ॥ 1 ॥
யதி³ந்த்³ரோ வர்ஷதே வர்ஷம் ந தச்சித்ரம் ப⁴வேத்க்வசித் ।
ஆதி³த்யோ வா ஸஹஸ்ராம்ஶு: குர்யாத்³விதிமிரம் நப:⁴ ॥ 2 ॥
சந்த்³ரமா ரஶ்மிபி⁴: குர்யாத்ப்ருதி²வீம் ஸௌம்ய நிர்மலாம் ।
த்வத்³விதோ⁴ வாபி மித்ராணாம் ப்ரதிகுர்யாத்பரந்தப ॥ 3 ॥
ஏவம் த்வயி ந தச்சித்ரம் ப⁴வேத்³யத்ஸௌம்ய ஶோப⁴னம் ।
ஜானாம்யஹம் த்வாம் ஸுக்³ரீவ ஸததம் ப்ரியவாதி³னம் ॥ 4 ॥
த்வத்ஸனாத:² ஸகே² ஸங்க்²யே ஜேதாஸ்மி ஸகலானரீன் ।
த்வமேவ மே ஸுஹ்ருதன்மித்ரம் ஸாஹாய்யம் கர்துமர்ஹஸி ॥ 5 ॥
ஜஹாராத்மவினாஶாய வைதே³ஹீம் ராக்ஷஸாத⁴ம: ।
வஞ்சயித்வா து பௌலோமீமனுஹ்லாதோ³ யதா² ஶசீம் ॥ 6 ॥
ந சிராத்தம் ஹனிஷ்யாமி ராவணம் நிஶிதைஶ்ஶரை: ।
பௌலோம்யா: பிதரம் த்³ருப்தம் ஶதக்ரதுரிவாஹவே ॥ 7 ॥
ஏதஸ்மின்னந்தரே சைவ ரஜஸ்ஸமபி⁴வர்தத ।
உஷ்ணாம் தீவ்ராம் ஸஹஸ்ராம்ஶோஶ்சா²த³யத்³க³க³னே ப்ரபா⁴ம் ॥ 8 ॥
தி³ஶ: பர்யாகுலாஶ்சாஸன்ரஜஸா தேன மூர்ச²தா ।
சசால ச மஹீ ஸர்வா ஸஶைலவனகானநா ॥ 9 ॥
ததோ நகே³ந்த்³ரஸங்காஶைஸ்தீக்ஷ்ணத³ம்ஷ்ட்ரைர்மஹாப³லை: ।
க்ருத்ஸ்னா ஸஞ்சா²தி³தா பூ⁴மிரஸங்க்²யேயை: ப்லவங்க³மை: ॥ 1௦ ॥
நிமேஷாந்தரமாத்ரேண ததஸ்தைர்ஹரியூத²பை: ।
கோடீஶதபரீவாரை: காமரூபிபி⁴ராவ்ருதா ॥ 11 ॥
நாதே³யை: பார்வதீயைஶ்ச ஸாமுத்³ரைஶ்ச மஹாப³லை: ।
ஹரிபி⁴ர்மேக⁴னிர்ஹ்ராதை³ரன்யைஶ்ச வனசாரிபி⁴: ॥ 12 ॥
தருணாதி³த்யவர்ணைஶ்ச ஶஶிகௌ³ரைஶ்ச வானரை: ।
பத்³மகேஸரவர்ணைஶ்ச ஶ்வேதைர்மேருக்ருதாலயை: ॥ 13 ॥
கோடீஸஹஸ்ரைர்த³ஶபி⁴: ஶ்ரீமான்பரிவ்ருதஸ்ததா³ ।
வீரஶ்ஶதவலிர்னாம வானர: ப்ரத்யத்³ருஶ்யத ॥ 14 ॥
தத: காஞ்சனஶைலாப⁴ஸ்தாராயா வீர்யவான்பிதா ।
அனேகைர்த³ஶஸாஹஸ்ரை: கோடிபி⁴: ப்ரத்யத்³ருஶ்யத ॥ 15 ॥
ததா²பரேண கோடீனாம் ஸஹஸ்ரேண ஸமன்வித: ।
பிதா ருமாயா ஸம்ப்ராப்தஸ்ஸுக்³ரீவஶ்வஶுரோ விபு⁴: ॥ 16 ॥
பத்³மகேஸரஸங்காஶஸ்தருணார்கனிபா⁴னந: ।
பு³த்³தி⁴மான்வானரஶ்ரேஷ்ட²ஸ்ஸர்வவானரஸத்தம: ॥ 17 ॥
அனேகைர்ப³ஹுஸாஹஸ்ரைர்வானராணாம் ஸமன்வித: ।
பிதா ஹனுமதஶ்ரஶீமான்கேஸரீ ப்ரத்யத்³ருஶ்யத ॥ 18 ॥
கோ³லாங்கூ³லமஹாராஜோ க³வாக்ஷோ பீ⁴மவிக்ரம: ।
வ்ருத: கோடிஸஹஸ்ரேண வானராணாமத்³ருஶ்யத ॥ 19 ॥
ருக்ஷாணாம் பீ⁴மவேகா³னாம் தூ⁴ம்ரஶ்ஶத்ருனிப³ர்ஹண: ।
வ்ருத: கோடிஸஹஸ்ராப்⁴யாம் த்³வாப்⁴யாம் ஸமபி⁴வர்தத ॥ 2௦ ॥
மஹாசலனிபை⁴ர்கோ⁴ரை: பனஸோ நாம யூத²ப: ।
ஆஜகா³ம மஹாவீர்யஸ்திஸ்ருபி⁴: கோடிபி⁴ர்வ்ருத: ॥ 21 ॥
நீலாஞ்ஜனசயாகாரோ நீலோ நாமாத² யூத²ப: ।
அத்³ருஶ்யத மஹாகாய: கோடிபி⁴ர்த³ஶபி⁴ர்வ்ருத: ॥ 22 ॥
தத: காஞ்சனஶைலாபோ⁴ க³வயோ நாம யூத²ப: ।
ஆஜகா³ம மஹாவீர்ய: பஞ்சபி⁴: கோடிபி⁴ர்வ்ருத: ॥ 23 ॥
த³ரீமுக²ஶ்ச ப³லவான்யூத²போப்⁴யாயயௌ ததா³ ।
வ்ருத: கோடிஸஹஸ்ரேண ஸுக்³ரீவம் ஸமுபஸ்தி²த: ॥ 24 ॥
மைந்த³ஶ்ச த்³விவித³ஶ்சோபா⁴வஶ்விபுத்ரௌ மஹாப³லௌ ।
கோடிகோடிஸஹஸ்ரேண வானராணாமத்³ருஶ்யதாம் ॥ 25 ॥
கஜ³ஶ்ச ப³லவான் வீர: கோடிபி⁴ஸ்திஸ்ருபி⁴ர்வ்ருத: ।
ஆஜகா³ம மஹாதேஜா ஸுக்³ரீவஸ்ய ஸமீபத: ॥ 26 ॥
ருக்ஷராஜோ மஹாதேஜா ஜாம்ப³வான்னாம நாமத: ।
கோடிபி⁴ர்த³ஶபி⁴: ப்ராப்த: ஸுக்³ரீவஸ்ய வஶே ஸ்தி²த: ॥ 27 ॥
ருமண்வான்னாம விக்ராந்தோ வானரோ வானரேஶ்வரம் ।
ஆயயௌ ப³லவாம்ஸ்தூர்ணம் கோடீஶதஸமாவ்ருத: ॥ 28 ॥
தத: கோடிஸஹஸ்ராணாம் ஸஹஸ்ரேண ஶதேன ச ।
ப்ருஷ்ட²தோனுக³த: ப்ராப்தோ ஹரிபி⁴ர்க³ந்த⁴மாத³ன: ॥ 29 ॥
தத: பத்³மஸஹஸ்ரேண வ்ருதஶ்ஶங்குஶதேன ச ।
யுவராஜோங்க³த:³ ப்ராப்த: பித்ருதுல்யபராக்ரம: ॥ 3௦ ॥
ததஸ்தாராத்³யுதிஸ்தாரோ ஹரிர்பீ⁴மபராக்ரம: ।
பஞ்சபி⁴ர்ஹரிகோடீபி⁴ர்தூ³ரத: ப்ரத்யத்³ருஶ்யத ॥ 31 ॥
இந்த்³ரஜானு: கபிர்வீரோ யூத²ப: ப்ரத்யத்³ருஶ்யத ।
ஏகாத³ஶானாம் கோடீனாமீஶ்வரஸ்தைஸ்ஸமாவ்ருத: ॥ 32 ॥
ததோ ரம்ப⁴ஸ்த்வனுப்ராப்தஸ்தருணாதி³த்யஸன்னிப:⁴ ।
அயுதேனாவ்ருதஶ்சைவ ஸஹஸ்ரேண ஶதேன ச ॥ 33 ॥
ததோ யூத²பதிர்வீரோ து³ர்முகோ² நாம வானர: ।
ப்ரத்யத்³ருஶ்யத கோடீப்⁴யாம் த்³வாப்⁴யாம் பரிவ்ருதோ ப³லீ ॥ 34 ॥
கைலாஸஶிக²ராகாரைர்வானரைர்பீ⁴மவிக்ரமை: ।
வ்ருத: கோடிஸஹஸ்ரேண ஹனுமான்ப்ரத்யத்³ருஶ்யத ॥ 35 ॥
நலஶ்சாபி மஹாவீர்யஸ்ஸம்வ்ருதோ த்³ருமவாஸிபி⁴: ।
கோடீஶதேன ஸம்ப்ராப்தஸ்ஸஹஸ்ரேண ஶதேன ச ॥ 36 ॥
ததோ த³தி⁴முக²ஶ்ரீமான்கோடிபி⁴ர்த³ஶபி⁴ர்வ்ருத: ।
ஸம்ப்ராப்தோபி⁴மதஸ்தஸ்ய ஸுக்³ரீவஸ்ய மஹாத்மன: ॥ 37 ॥
ஶரப:⁴ குமுதோ³ வஹ்னிர்வானரோ ரம்ஹ ஏவ ச ।
ஏதே சான்யே ச ப³ஹவோ வானரா: காமரூபிண: ॥ 38 ॥
ஆவ்ருத்ய ப்ருதி²வீம் ஸர்வாம் பர்வதாம்ஶ்ச வனானி ச ।
யூத²பா ஸ்ஸமனுப்ராப்தா ஸ்தேஷாம் ஸங்க்³யா ந வித்³யதே ॥ 39 ॥
ஆக³தாஶ்ச விஶிஷ்டாஶ்ச ப்ருதி²வ்யாம் ஸர்வவானரா: ।
ஆப்லவந்த: ப்லவந்தஶ்ச க³ர்ஜந்தஶ்ச ப்லவங்க³மா: ।
அப்⁴யவர்தந்த ஸுக்³ரீவம் ஸூர்யமப்⁴ரக³ணா இவ ॥ 4௦ ॥
குர்வாணா ப³ஹுஶப்³தா³ம்ஶ்ச ப்ரஹ்ருஷ்டா பா³ஹுஶாலின: ।
ஶிரோபி⁴ர்வானரேந்த்³ராய ஸுக்³ரீவாய ந்யவேத³யன் ॥ 41 ॥
அபரே வானரஶ்ரேஷ்டா²ஸ்ஸங்க³ம்ய ச யதோ²சிதம் ।
ஸுக்³ரீவேண ஸமாக³ம்ய ஸ்தி²தா: ப்ராஞ்ஜலய ஸ்ததா³ ॥ 42 ॥
ஸுக்³ரீவஸ்த்வரிதோ ராமே ஸர்வாம்ஸ்தாம் வானரரர்ஷபா⁴ன் ।
நிவேத³யித்வா த⁴ர்மஜ்ஞ: ஸ்தி²த: ப்ராஞ்ஜலிரப்³ரவீத் ॥ 43 ॥
யதா²ஸுக²ம் பர்வதனிஜ²ரேஷு வனேஷு ஸர்வேஷு ச வானரேந்த்³ரா: ।
நிவேஶயித்வா விதி⁴வத்³ப³லானி ப³லம் ப³லஜ்ஞ: ப்ரதிபத்துமீஷ்டே ॥ 44 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகோனசத்வாரிம்ஶஸ்ஸர்க:³ ॥
