ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சசத்வாரிம்ஶஸ்ஸர்க:³ ।
ஆர்தஸ்வரம் து தம் ப⁴ர்துர்விஜ்ஞாய ஸத்³ருஶம் வனே ।
உவாச லக்ஷ்மணம் ஸீதா க³ச்ச² ஜீனீஹி ராக⁴வம் ॥ 1 ॥
ந ஹி மே ஹ்ருத³யம் ஸ்தா²னே ஜீவிதம் வாவதிஷ்ட²தி ।
க்ரோஶத: பரமார்தஸ்ய ஶ்ருதஶ்ஶப்³தோ³ மயா ப்⁴ருஶம் ॥ 2 ॥
ஆக்ரந்த³மானம் து வனே ப்⁴ராதரம் த்ராதுமர்ஹஸி ।
தம் க்ஷிப்ரமபி⁴தா⁴வ த்வம் ப்⁴ராதரம் ஶரணைஷிணம் ॥ 3 ॥
ரக்ஷஸாம் வஶமாபன்னம் ஸிம்ஹானாமிவ கோ³வ்ருஷம் ।
ந ஜகா³ம ததோ²க்தஸ்து ப்⁴ராதுராஜ்ஞாய ஶாஸனம் ॥ 4 ॥
தமுவாச ததஸ்தத்ர குபிதா ஜனகாத்மஜா ।
ஸௌமித்ரே மித்ரரூபேண ப்⁴ராதுஸ்த்வமஸி ஶத்ருவத் ॥ 5 ॥
யஸ்த்வமஸ்யாமவஸ்தா²யாம் ப்⁴ராதரம் நாபி⁴பத்ஸ்யஸே ।
இச்ச²ஸி த்வம் வினஶ்யந்தம் ராமம் லக்ஷ்மண மத்க்ருதே ॥ 6 ॥
லோபா⁴த்த்வம் மத்க்ருதே நூனம் நானுக³ச்ச²ஸி ராக⁴வம் ।
வ்யஸனம் தே ப்ரியம் மன்யே ஸ்னேஹோ ப்⁴ராதரினாஸ்திதே ॥ 7 ॥
தேன திஷ்ட²ஸி விஶ்ரப்³த⁴ந்தமபஶ்யன்மஹாத்³யுதிம் ।
கிம் ஹி ஸம்ஶயமாபன்னே தஸ்மின்னிஹ மயா ப⁴வேத் ॥ 8 ॥
கர்தவ்யமிஹ திஷ்ட²ந்த்யா யத்ப்ரதா⁴னஸ்த்வமாக³த: ।
இதி ப்³ருவாணாம் வைதே³ஹீம் பா³ஷ்பஶோகபரிப்லுதாம் ॥ 9 ॥
அப்³ரவீல்லக்ஷ்மணஸ்த்ரஸ்தாம் ஸீதாம் ம்ருக³வதூ⁴மிவ ।
பன்னகா³ஸுரக³ந்த⁴ர்வதே³வமானுஷராக்ஷஸை: ॥ 1௦ ॥
அஶக்யஸ்தவ வைதே³ஹி ப⁴ர்தா ஜேதும் ந ஸம்ஶய: ।
தே³வி தே³வமனுஷ்யேஷு க³ந்த⁴ர்வேஷு பதத்ரிஷு ॥ 11 ॥
ராக்ஷஸேஷு பிஶாசேஷு கின்னரேஷு ம்ருகே³ஷு ச ।
தா³னவேஷு ச கோ⁴ரேஷு ஸ ந வித்³யேத ஶோப⁴னே ॥ 12 ॥
யோ ராமம் ப்ரதியுத்⁴யேத ஸமரே வாஸவோபமம் ।
அவத்⁴யஸ்ஸமரே ராமோ நைவம் த்வம் வக்துமர்ஹஸி ॥ 13 ॥
ந த்வாமஸ்மின்வனே ஹாதுமுத்ஸஹே ராக⁴வம் வினா ।
அனிவார்யம் ப³லம் தஸ்ய ப³லைர்ப³லவதாமபி ॥ 14 ॥
த்ரிபி⁴ர்லோகைஸ்ஸமுத்³யுக்தைஸ்ஸேஶ்வரைரபி ஸாமரை: ।
ஹ்ருத³யம் நிர்வ்ருதம் தேஸ்துஸந்தாபஸ்த்யஜ்யதாமயம் ॥ 15 ॥
ஆக³மிஷ்யதி தே ப⁴ர்தா ஶ்ரீக்⁴ரம் ஹத்வா ம்ருகோ³த்தமம் ।
ந ச தஸ்ய ஸ்வரோ வ்யக்தம் மாயயா கேன சித்க்ருத: ।
க³ந்த⁴ர்வனக³ரப்ரக்²யா மாயா ஸா தஸ்ய ரக்ஷஸ: ॥ 16 ॥
ந்யாஸபூ⁴தாஸி வைதே³ஹி ந்யஸ்தா மயி மஹாத்மனா ॥ 17 ॥
ராமேண த்வம் வராரோஹே ந த்வாம் த்யக்துமிஹோத்ஸஹே ।
க்ருதவைராஶ்ச வைதே³ஹி வயமேதைர்னிஶாசரை: ॥ 18 ॥
க²ரஸ்ய நித⁴னாதே³வ ஜனஸ்தா²னவத⁴ம் ப்ரதி ।
ராக்ஷஸா விவிதா⁴ வாசோ விஸ்ருஜந்தி மஹாவனே ॥ 19 ॥
ஹிம்ஸாவிஹாரா வைதே³ஹி ந சிந்தயிதுமர்ஹஸி ।
லக்ஷ்மணேனைவமுக்தா ஸா க்ருத்³தா⁴ ஸம்ரக்தலோசனா ॥ 2௦ ॥
அப்³ரவீத்பருஷம் வாக்யம் லக்ஷ்மணம் ஸத்யவாதி³னம் ।
அனார்யாகரணாரம்ப⁴ ந்ருஶம்ஸ குலபாம்ஸன ॥ 21 ॥
அஹம் தவ ப்ரியம் மன்யே ராமஸ்ய வ்யஸனம் மஹத் ।
ராமஸ்ய வ்யஸனம் த்³ருஷ்ட்வா தேனைதானி ப்ரபா⁴ஷஸே ॥ 22 ॥
நைதச்சித்ரம் ஸபத்னேஷு பாபம் லக்ஷ்மண யத்³ப⁴வேத் ।
த்வத்³விதே⁴ஷு ந்ருஶம்ஸேஷு நித்யம் ப்ரச்ச²ன்னசாரிஷு ॥ 23 ॥
ஸுது³ஷ்டஸ்த்வம் வனே ராமமேகமேகோனுக³ச்ச²ஸி ।
மம ஹேதோ: ப்ரதிச்ச²ன்ன: ப்ரயுக்தோப⁴ரதேன வா ॥ 24 ॥
தன்னஸித்⁴யதி ஸௌமித்ரே தவ வா ப⁴ரதஸ்ய வா ।
கத²மிந்தீ³வரஶ்யாமம் பத்³மபத்ரனிபே⁴க்ஷணம் ॥ 25 ॥
உபஸம்ஶ்ரித்ய ப⁴ர்தாரம் காமயேயம் ப்ருத²க்³ஜனம் ।
ஸமக்ஷம் தவ ஸௌமித்ரே ப்ராணாம்ஸ்த்யக்ஷே ந ஸம்ஶய: ।
ராமம் வினா க்ஷணமபி ந ஹி ஜீவாமி பூ⁴தலே ॥ 26 ॥
இத்யுக்த: பருஷம் வாக்யம் ஸீதயா ரோமஹர்ஷணம் ॥ 27 ॥
அப்³ரவீல்லக்ஷ்மணஸ்ஸீதாம் ப்ராஞ்ஜலிர்விஜிதேந்த்³ரிய: ।
உத்தரம் நோத்ஸஹே வக்தும் தை³வதம் ப⁴வதீ மம ॥ 28 ॥
வாக்யமப்ரதிரூபம் து ந சித்ரம் ஸ்த்ரீஷு மைதி²லி ।
ஸ்வபா⁴வஸ்த்வேஷ நாரீணாமேவம் லோகேஷு த்³ருஶ்யதே ॥ 29 ॥
விமுக்தத⁴ர்மாஶ்சபலாஸ்தீக்ஷ்ணா பே⁴த³கரா: ஸ்த்ரிய: ।
ந ஸஹே ஹீத்³ருஶம் வாக்யம் வைதே³ஹி ஜனகாத்மஜே ॥ 3௦ ॥
ஶ்ரோத்ரயோருப⁴யோர்மேத்³ய தப்தனாராசஸன்னிப⁴ம் ।
உபஶ்ருண்வந்து மே ஸர்வே ஸாக்ஷிபூ⁴தா வனேசரா: ॥ 31 ॥
ந்யாயவாதீ³ யதா²ன்யாயமுக்தோஹம் பருஷம் த்வயா ।
தி⁴க்த்வாமத்³ய ப்ரணஶ்ய த்வம் யன்மாமேவம் விஶங்கஸே ।
ஸ்த்ரீத்வலது³ஷ்டம் ஸ்வபா⁴வேன கு³ருவாக்யே வ்யவஸ்தி²தம் ॥ 32 ॥
க³மிஷ்யே யத்ர காகுத்ஸ்த² ஸ்வஸ்தி தேஸ்து வரானநே ॥ 33 ॥
ரக்ஷந்து த்வாம் விஶாலாக்ஷி ஸமக்³ரா வனதே³வதா: ।
நிமித்தானி ச கோ⁴ராணி யானி ப்ராது³ர்ப⁴வந்தி மே ॥ 34 ॥
அபி த்வாம் ஸஹ ராமேண பஶ்யேயம் புனராக³த: ।
ந வேத்யேதன்ன ஜானாமி வைதே³ஹி ஜனகாத்மஜே ॥ 35 ॥
லக்ஷ்மணேனைவமுக்தா ஸா ருத³ந்தீ ஜனகாத்மஜா ।
ப்ரத்யுவாச ததோ வாக்யம் தீவ்ரம் பா³ஷ்பபரிப்லுதா ॥ 36 ॥
கோ³தா³வரீம் ப்ரவேக்ஷ்யாமி வினா ராமேண லக்ஷ்மண ।
அப³ந்தி⁴ஷ்யேத²வா த்யக்ஷ்யே விஷமே தே³ஹமாத்மன: ॥ 37 ॥
பிபா³ம்யஹம் விஷம் தீக்ஷ்ணம் ப்ரவேக்ஷ்யாமி ஹுதாஶனம் ।
ந த்வஹம் ராக⁴வாத³ன்யம் பதா³பி புருஷம் ஸ்ப்ருஶே ॥ 38 ॥
இதி லக்ஷ்மணமாக்ருஶ்ய ஸீதா து³:க²ஸமன்விதா ।
பாணிப்⁴யாம் ருத³தீ து³:கா²து³த³ரம் ப்ரஜகா⁴ன ஹ ॥ 39 ॥
தாமார்தரூபாம் விமனா ருத³ந்தீம் ஸௌமித்ரிராலோக்ய விஶாலனேத்ராம் ।
ஆஶ்வாஸயாமாஸ ந சைவ ப⁴ர்து ஸ்தம் ப்⁴ராதரங்கிஞ்சிது³வாச ஸீதா ॥ 4௦ ॥
ததஸ்து ஸீதாமபி⁴வாத்³ய லக்ஷ்மண: க்ருதாஞ்ஜலி: கிஞ்சித³பி⁴ப்ரணம்ய ச ।
அன்வீக்ஷமாணோ ப³ஹுஶஶ்ச மைதி²லீம் ஜகா³ம ராமஸ்ய ஸமீபமாத்மவான் ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சசத்வாரிம்ஶஸ்ஸர்க:³ ॥
