ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² நவதிதமஸ்ஸர்க:³ ।
ப⁴ரத்³வாஜாஶ்ரமம் த்³ருஷ்ட்வா க்ரோஶாதே³வ நரர்ஷப:⁴ ।
ப³லம் ஸர்வமவஸ்தா²ப்ய ஜகா³ம ஸஹ மந்த்ரிபி⁴: ॥ 1 ॥
பத்³ப்⁴யாமேவ ஹி த⁴ர்மஜ்ஞோ ந்யஸ்தஶஸ்த்ரபரிச்ச²த:³ ।
வஸானோ வாஸஸீ க்ஷௌமே புரோதா⁴ய புரோத⁴ஸம் ॥ 2 ॥
ப⁴ரத்³வாஜாஶ்ரமம் த்³ருஷ்ட்வா க்ரோஶாதே³வ நரர்ஷப:⁴ ।
ப³லம் ஸர்வமவஸ்தா²ப்ய ஜகா³ம ஸஹ மந்த்ரிபி⁴: ॥ 3 ॥
பத்³ப்⁴யாமேவ ஹி த⁴ர்மஜ்ஞோ ந்யஸ்தஶஸ்த்ரபரிச்ச²த:³ ।
வஸானோ வாஸஸீ க்ஷௌமே புரோதா⁴ய புரோத⁴ஸம் ॥ 4 ॥
தத ஸ்ஸந்த³ர்ஶனே தஸ்ய ப⁴ரத்³வாஜஸ்ய ராக⁴வ: ।
மந்த்ரிணஸ்தானவஸ்தா²ப்ய ஜகா³மானுபுரோஹிதம் ॥ 5 ॥
வஸிஷ்ட²மத² த்³ருஷ்ட்வைவ ப⁴ரத்³வாஜோ மஹாதபா: ।
ஸஞ்சசாலாஸனாத்தூர்ணம் ஶிஷ்யானர்க்⁴யமிதி ப்³ருவன் ॥ 6 ॥
ஸமாக³ம்ய வஸிஷ்டே²ன ப⁴ரதேனாபி⁴வாதி³த: ।
அபு³த்³த்⁴யத மஹாதேஜாஸ்ஸுதம் த³ஶரத²ஸ்ய தம் ॥ 7 ॥
தாப்⁴யாமர்க்⁴யம் ச பாத்³யம் ச த³த்வா பஶ்சாத்ப²லானி ச ।
ஆனுபூர்வ்யாச்ச² த⁴ர்மஜ்ஞ: பப்ரச்ச² குஶலம் குலே ॥ 8 ॥
அயோத்⁴யாயாம் ப³லே கோஶே மித்ரேஷ்வபி ச மந்த்ரிஷு ।
ஜானந் த³ஶரத²ம் வ்ருத்தம் ந ராஜானமுதா³ஹரத் ॥ 9 ॥
வஸிஷ்டோ² ப⁴ரதஶ்சைனம் பப்ரச்ச²துரனாமயம் ।
ஶரீரேக்³னிஷு வ்ருக்ஷேஷு ஶிஷ்யேஷு ம்ருக³பக்ஷிஷு ॥ 1௦ ॥
ததே²தி தத்ப்ரதிஜ்ஞாய ப⁴ரத்³வாஜோ மஹாதபா: ।
ப⁴ரதம் ப்ரத்யுவாசேத³ம் ராக⁴வஸ்னேஹப³ந்த⁴னாத் ॥ 11 ॥
கிமிஹாக³மனே கார்யம் தவ ராஜ்யம் ப்ரஶாஸத: ।
ஏததா³சக்ஷ்வ மே ஸர்வம் ந ஹி மே ஶுத்³த்⁴யதே மன: ॥ 12 ॥
ஸுஷுவே யமமித்ரக்⁴னம் கௌஸல்யானந்த³வர்த⁴னம் ।
ப்⁴ராத்ரா ஸஹ ஸபா⁴ர்யோ யஶ்சிரம் ப்ரவ்ராஜிதோ வனம் ॥ 13 ॥
நியுக்த: ஸ்த்ரீனியுக்தேன பித்ரா யோஸௌ மஹாயஶா: ।
வனவாஸீ ப⁴வேதீஹ ஸமா: கில சதுர்த³ஶ ॥ 14 ॥
கச்சி²ன்ன தஸ்யாபாபஸ்ய பாபம் கர்துமிஹேச்ச²ஸி ।
அகண்டகம் போ⁴க்துமனா ராஜ்யம் தஸ்யானுஜஸ்ய ச ॥ 15 ॥
ஏவமுக்தோ ப⁴ரத்³வாஜம் ப⁴ரத: ப்ரத்யுவாச ஹ ।
பர்யஶ்ருனயனோ து³:கா²த்³வாசா ஸம்ஸஜ்ஜமானயா ॥ 16 ॥
ஹதோஸ்மி யதி³ மாமேவம் ப⁴க³வானபி மன்யதே ।
மத்தோ ந தோ³ஷமாஶங்கே நைவம் மாமனுஶாஸ்து ஹி ॥ 17 ॥
ந சைததி³ஷ்டம் மாதா மே யத³வோசன்மத³ந்தரே ।
நாஹமேதேன துஷ்டஶ்ச ந தத்³வசனமாத³தே³ ॥ 18 ॥
அஹம் து தம் நரவ்யாக்⁴ரமுபயாத: ப்ரஸாத³க: ।
ப்ரதினேதுமயோத்⁴யாம் ச பாதௌ³ தஸ்யாபி⁴வந்தி³தும் ॥ 19 ॥
த்வம் மாமேவங்க³தம் மத்வா ப்ரஸாத³ம் கர்துமர்ஹஸி ।
ஶம்ஸ மே ப⁴க³வன்ராம: க்வ ஸம்ப்ரதி மஹீபதி: ॥ 2௦ ॥
வஶிஷ்டா²தி³பி⁴: ருத்விக்³பி⁴ர்யாசிதோ ப⁴க³வாம்ஸ்தத: ।
உவாச தம் ப⁴ரத்³வாஜ: ப்ரஸாதா³த்³ப⁴ரதம் வச: ॥ 21 ॥
த்வய்யேதத்புருஷவ்யாக்⁴ர யுக்தம் ராக⁴வவம்ஶஜே ।
கு³ருவ்ருத்திர்த³மஶ்சைவ ஸாதூ⁴னாமனுயாயிதா ॥ 22 ॥
ஜானே சைதன்மனஸ்த²ம் தே த்³ருடீ⁴கரணமஸ்த்விதி ।
அப்ருச்ச²ம் த்வாம் ததா²த்யர்த²ம் கீர்திம் ஸமபி⁴வர்த⁴யன் ॥ 23 ॥
ஜானே ச ராமம் த⁴ர்மஜ்ஞம் ஸஸீதம் ஸஹலக்ஷ்மணம் ।
அஸௌ வஸதி தே ப்⁴ராதா சித்ரகூடே மஹாகி³ரௌ ॥ 24 ॥
ஶ்வஸ்து க³ந்தாஸி தம் தே³ஶம் வஸாத்³ய ஸஹ மந்த்ரிபி⁴: ।
ஏதன்மே குரு ஸுப்ராஜ்ஞ காமம் காமார்த²கோவித³ ॥ 25 ॥
ததஸ்ததே²த்யேவமுதா³ரத³ர்ஶன: ப்ரதீதரூபோ ப⁴ரதோப்³ரவீத்³வச: ।
சகார பு³த்³தி⁴ம் ச ததா³ ததா³ஶ்ரமே நிஶானிவாஸாய நராதி⁴பாத்மஜ: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ நவதிதமஸ்ஸர்க:³ ॥
