ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சாஶஸ்ஸர்க:³ ।
விஶாலான் கோஸலான் ரம்யான் யாத்வா லக்ஷ்மணபூர்வஜ: ।
அயோத்⁴யாபி⁴முகோ² தீ⁴மான் ப்ராஞ்ஜலிர்வாக்யமப்³ரவீத் ॥ 1 ॥
ஆப்ருச்சே² த்வாம் புரீஶ்ரேஷ்டே² காகுத்ஸ்த²பரிபாலிதே ।
தை³வதானி ச யானி த்வாம் பாலயந்தி வஸந்தி ச ॥ 2 ॥
நிவ்ருத்தவனவாஸஸ்த்வாமன்ருணோ ஜக³தீபதே: ।
புனர்த்³ரக்ஷ்யாமி மாத்ரா ச பித்ரா ச ஸஹ ஸங்க³த: ॥ 3 ॥
ததோ ருதி⁴ரதாம்ராக்ஷோ பு⁴ஜமுத்³யம்ய த³க்ஷிணம் ।
அஶ்ருபூர்ணமுகோ² தீ³னோப்³ரவீஜ்ஜானபத³ம் ஜனம் ॥ 4 ॥
அனுக்ரோஶோ த³யா சைவ யதா²ர்ஹம் மயி வ: க்ருத: ।
சிரம் து³:க²ஸ்ய பாபீயோ க³ம்யதாமர்த²ஸித்³த⁴யே ॥ 5 ॥
தேபி⁴வாத்³ய மஹாத்மானம் க்ருத்வா சாபி ப்ரத³க்ஷிணம் ।
விலபந்தோ நரா கோ⁴ரம் வ்யதிஷ்ட²ந்த க்வசித் க்வசித் ॥ 6 ॥
ததா² விலபதாம் தேஷாமத்ருப்தானாம் ச ராக⁴வ: ।
அசக்ஷுர்விஷயம் ப்ராயாத்³யதா²ர்க: க்ஷணதா³முகே² ॥ 7 ॥
ததோ தா⁴ன்யத⁴னோபேதான் தா³னஶீலஜனான் ஶிவான் ।
அகுதஶ்சித்³ப⁴யான் ரம்யாம்ஶ்சைத்யயூபஸமாவ்ருதான் ॥ 8 ॥
உத்³யானாம்ரவனோபேதான் ஸம்பன்னஸலிலாஶயான் ।
துஷ்டபுஷ்டஜனாகீர்ணான் கோ³குலாகுலஸேவிதான் ॥ 9 ॥
லக்ஷணீயான்னரேந்த்³ராணாம் ப்³ரஹ்மகோ⁴ஷாபி⁴னாதி³தான் ।
ரதே²ன புருஷவ்யாக்⁴ர: கோஸலானத்யவர்தத ॥ 1௦ ॥
மத்⁴யேனமுதி³தம் ஸ்பீ²தம் ரம்யோத்³யானஸமாகுலம் ।
ராஜ்யம் போ⁴க்³யம் நரேந்த்³ராணாம் யயௌ த்⁴ருதிமதாம் வர: ॥ 11 ॥
தத ஸ்த்ரிபத²கா³ம் தி³வ்யாம் ஶிவதோயாமஶைவலாம் ।
த³த³ர்ஶ ராக⁴வோ க³ங்கா³ம் புண்யாம்ருஷினிஷேவிதாம் ॥ 12 ॥
ஆஶ்ரமைரவிதூ³ரஸ்தை²: ஶ்ரீமத்³பி⁴ஸ்ஸமலங்க்ருதாம் ।
காலேப்ஸரோபி⁴ர்ஹ்ருஷ்டாபி⁴ ஸ்ஸேவிதாம்போ⁴ஹ்ரதா³ம் ஶிவாம் ॥ 13 ॥
தே³வதா³னவக³ந்த⁴ர்வை: கின்னரைருபஶோபி⁴தாம் ।
நானாக³ந்த⁴ர்வபத்னீபி⁴ ஸ்ஸேவிதாம் ஸததம் ஶிவாம் ॥ 14 ॥
தே³வாக்ரீட³ஶதாகீர்ணாம் தே³வோத்³யானஶதாயுதாம் ।
தே³வார்த²மாகாஶக³மாம் விக்²யாதாம் தே³வபத்³மினீம் ॥ 15 ॥
ஜலாகா⁴தாட்டஹாஸோக்³ராம் பே²னநிர்மலஹாஸினீம் ।
க்வசித்³வேணீக்ருதஜலாம் க்வசிதா³வர்தஶோபி⁴தாம் ॥ 16 ॥
க்வசித் ஸ்திமிதக³ம்பீ⁴ராம் க்வசித்³வேகஜ³லாகுலாம் ।
க்வசித்³க³ம்பீ⁴ரனிர்கோ⁴ஷாம் க்வசித்³பை⁴ரவனிஸ்வனாம் ॥ 17 ॥
தே³வஸங்கா⁴ப்லுதஜலாம் நிர்மலோத்பலஶோபி⁴தாம் ।
க்வசிதா³போ⁴க³புலினாம் க்வசின்னிர்மலவாலுகாம் ॥ 18 ॥
ஹம்ஸஸாரஸஸங்கு⁴ஷ்டாம் சக்ரவாகோபகூஜிதாம் ।
ஸதா³ மதை³ஶ்ச விஹகை³ரபி⁴ஸன்னாதி³தாந்தராம் ॥ 19 ॥
க்வசித்தீரருஹைர்வ்ருக்ஷைர்மாலாபி⁴ரிவஶோபி⁴தாம் ।
க்வசித்பு²ல்லோத்பலச்ச²ன்னாம் க்வசித்பத்³மவனாகுலாம் ॥ 2௦ ॥
க்வசித்குமுத³ஷண்டை³ஶ்ச குட்³மலைருபஶோபி⁴தாம் ।
நானாபுஷ்பரஜோத்⁴வஸ்தாம் ஸமதா³மிவ ச க்வசித் ॥ 21 ॥
வ்யபேதமலஸங்கா⁴தாம் மணினிர்மலத³ர்ஶனாம் ।
தி³ஶாகஜ³ைர்வனகஜ³ை ர்மத்தைஶ்ச வரவாரணை: ॥ 22 ॥
தே³வோபவாஹ்யைஶ்ச முஹுஸ்ஸன்னாதி³தவனாந்தராம் ।
ப்ரமதா³மிவ யத்னேன பூ⁴ஷிதாம் பூ⁴ஷணோத்தமை: ॥ 23 ॥
ப²லை: புஷ்பை: கிஸலயைர்வ்ருதாம் கு³ல்மைர்த்³விஜைஸ்ததா² ।
ஶிம்ஶுமாரைஶ்ச நக்ரைஶ்ச பு⁴ஜங்கை³ஶ்ச நிஷேவிதாம் ॥ 24 ॥
விஷ்ணுபாத³ச்யுதாம் தி³வ்யாமபாபாம் பாபனாஶினீம் ।
தாம் ஶங்கரஜடாஜூடாத்³ப்⁴ரஷ்டாம் ஸாக³ரதேஜஸா ॥ 25 ॥
ஸமுத்³ரமஹிஷீம் க³ங்கா³ம் ஸாரஸக்ரௌஞ்சனாதி³தாம் ।
ஆஸஸாத³ மஹாபா³ஹு: ஶ்ருங்கி³பே³ரபுரம் ப்ரதி ॥ 26 ॥
தாமூர்மிகலிலாவர்தாமன்வவேக்ஷ்ய மஹாரத:² ।
ஸுமந்த்ரமப்³ரவீத்ஸூதமிஹைவாத்³ய வஸாமஹே ॥ 27 ॥
அவிதூ³ராத³யம் நத்³யா ப³ஹுபுஷ்பப்ரவாலவான் ।
ஸுமஹானிங்கு³தீ³வ்ருக்ஷோ வஸாமோத்ரைவ ஸாரதே² ॥ 28 ॥
த்³ரக்ஷ்யாம ஸ்ஸரிதாம் ஶ்ரேஷ்டா²ம் ஸம்மான்யஸலிலாம் ஶிவாம் ।
தே³வதா³னவக³ந்த⁴ர்வம்ருக³மானுஷபக்ஷிணாம் ॥ 29 ॥
லக்ஷ்மணஶ்ச ஸுமந்த்ரஶ்ச பா³ட⁴மித்யேவ ராக⁴வம் ।
உக்த்வா தமிங்கு³தீ³வ்ருக்ஷம் ததோ³பயயதுர்ஹயை: ॥ 3௦ ॥
ராமோபி⁴யாய தம் ரம்யம் வ்ருக்ஷமிக்ஷ்வாகுனந்த³ன: ।
ரதா²த³வாதரத்தஸ்மாத்ஸபா⁴ர்ய ஸ்ஸஹலக்ஷ்மண: ॥ 31 ॥
ஸுமந்த்ரோப்யவதீர்யாஸ்மான்மோசயித்வா ஹயோத்தமான் ।
வ்ருக்ஷமூலக³தம் ராமமுபதஸ்தே² க்ருதாஞ்ஜலி: ॥ 32 ॥
தத்ர ராஜா கு³ஹோ நாம ராமஸ்யாத்மஸமஸ்ஸகா² ।
நிஷாதஜ³ாத்யோ ப³லவான் ஸ்த²பதிஶ்சேதி விஶ்ருத: ॥ 33 ॥
ஸ ஶ்ருத்வா புருஷவ்யாக்⁴ரம் ராமம் விஷயமாக³தம் ।
வ்ருத்³தை⁴: பரிவ்ருதோமாத்யை: ஜ்ஞாதிபி⁴ஶ்சாப்⁴யுபாக³த: ॥ 34 ॥
ததோ நிஷாதா³தி⁴பதிம் த்³ருஷ்ட்வா தூ³ராது³பஸ்தி²தம் ।
ஸஹ ஸௌமித்ரிணா ராம ஸ்ஸமாக³ச்ச²த்³கு³ஹேன ஸ: ॥ 35 ॥
தமார்தஸ்ஸம்பரிஷ்வஜ்ய கு³ஹோ ராக⁴வமப்³ரவீத் ।
யதா²யோத்⁴யா ததே²யம் தே ராம கிம் கரவாணி தே ॥ 36 ॥
ஈத்³ருஶம் ஹி மஹாபா³ஹோ க: ப்ராப்ஸ்யத்யதிதி²ம் ப்ரியம் ।
ததோ கு³ணவத³ன்னாத்³யமுபாதா³ய ப்ருத²க்³வித⁴ம் ॥ 37 ॥
அர்க்⁴யம் சோபானயத்க்ஷிப்ரம் வாக்யம் சேத³முவாச ஹ ।
ஸ்வாக³தம் தே மஹாபா³ஹோ தவேயமகி²லா மஹீ ॥ 38 ॥
வயம் ப்ரேஷ்யா ப⁴வான்ப⁴ர்தா ஸாது⁴ ராஜ்யம் ப்ரஶாதி⁴ ந: ।
ப⁴க்ஷ்யம் போ⁴ஜ்யம் ச பேயம் ச லேஹ்யஞ்சேத³முபஸ்தி²தம் ॥ 39 ॥
ஶயனானி ச முக்²யானி வாஜினாம் கா²த³னம் ச தே ।
ஏவம் ப்³ருவாணம் து கு³ஹம் ராக⁴வ: ப்ரத்யுவாச ஹ ॥ 4௦ ॥
அர்சிதாஶ்சைவ ஹ்ருஷ்டாஶ்ச ப⁴வதா ஸர்வதா² வயம் ।
பத்³ப்⁴யாமபி⁴க³மாச்சைவ ஸ்னேஹஸந்த³ர்ஶனேன ச ॥ 41 ॥
பு⁴ஜாப்⁴யாம் ஸாது⁴ பீனாப்⁴யாம் பீட³யன்வாக்யமப்³ரவீத் ।
தி³ஷ்ட்யா த்வாம் கு³ஹ பஶ்யாமி ஹ்யரோக³ம் ஸஹ பா³ந்த⁴வை: ।
அபி தே குஶலம் ராஷ்ட்ரே மித்ரேஷு ச த⁴னேஷு ச ॥ 42 ॥
யத்த்வித³ம் ப⁴வதா கிஞ்சித்ப்ரீத்யா ஸமுபகல்பிதம் ।
ஸர்வம் தத³னுஜானாமி ந ஹி வர்தே ப்ரதிக்³ரஹே ॥ 43 ॥
குஶசீராஜினத⁴ரம் ப²லமூலாஶினம் ச மாம் ।
வித்³தி⁴ ப்ரணிஹிதம் த⁴ர்மே தாபஸம் வனகோ³சரம் ॥ 44 ॥
அஶ்வானாம் கா²த³னேனாஹமர்தீ² நான்யேன கேனசித் ।
ஏதாவதாத்ர ப⁴வதா ப⁴விஷ்யாமி ஸுபூஜித: ॥ 45 ॥
ஏதே ஹி த³யிதா ராஜ்ஞ: பிதுர்த³ஶரத²ஸ்ய மே ।
ஏதைஸ்ஸுவிஹிதைரஶ்வை ப⁴விஷ்யாம்யஹமர்சித: ॥ 46 ॥
அஶ்வானாம் ப்ரதிபானம் ச கா²த³னம் சைவ ஸோன்வஶாத் ।
கு³ஹஸ்தத்ரைவ புருஷாம் ஸ்த்வரிதம் தீ³யதாமிதி ॥ 47 ॥
ததஶ்சீரோத்தராஸங்க:³ ஸந்த்⁴யாமன்வாஸ்ய பஶ்சிமாம் ।
ஜலமேவாத³தே³ போ⁴ஜ்யம் லக்ஷ்மணேனாஹ்ருதம் ஸ்வயம் ॥ 48 ॥
தஸ்ய பூ⁴மௌ ஶயானஸ்ய பாதௌ³ ப்ரக்ஷால்ய லக்ஷ்மண: ।
ஸபா⁴ர்யஸ்ய ததோப்⁴யேத்ய தஸ்தௌ² வ்ருக்ஷமுபாஶ்ரித: ॥ 49 ॥
கு³ஹோபி ஸஹ ஸூதேன ஸௌமித்ரிமனுபா⁴ஷயன் ।
அன்வஜாக்³ரத்ததோ ராமமப்ரமத்தோ த⁴னுர்த⁴ர: ॥ 5௦ ॥
ததா² ஶயானஸ்ய ததோஸ்ய தீ⁴மதோ யஶஸ்வினோ தா³ஶரதே²ர்மஹாத்மன: ।
அத்³ருஷ்டது³:க²ஸ்ய ஸுகோ²சிதஸ்ய ஸா ததா³வ்யதீயாய சிரேண ஶர்வரீ ॥ 51 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சாஶஸ்ஸர்க:³ ॥
