ஶ்ரீமத்³வால்மீகீய ராமாயணே பா³லகாண்ட³ம் ।
அத² நவமஸ்ஸர்க:³ ।
ஏதச்ச்²ருத்வா ரஹஸ்ஸூதோ ராஜானமித³மப்³ரவீத் ।
ருத்விக்³பி⁴ருபதி³ஷ்டோயம் புராவ்ருத்தோ மயா ஶ்ருத: ॥ 1 ॥
ஸனத்குமாரோ ப⁴க³வான்பூர்வம் கதி²தவான்கதா²ம் ।
ருஷீணாம் ஸன்னிதௌ⁴ ராஜன் தவ புத்ராக³மம் ப்ரதி ॥ 2 ॥
காஶ்யபஸ்யது புத்ரோஸ்தி விப⁴ண்ட³க இதி ஶ்ருத: ।
ருஷ்யஶ்ருங்க³ இதி க்²யாதஸ்தஸ்ய புத்ரோ ப⁴விஷ்யதி ॥ 3 ॥
ஸ வனே நித்யஸம்வ்ருத்³தோ⁴ முனிர்வனசரஸ்ஸதா³ ।
நான்யம் ஜானாதி விப்ரேந்த்³ரோ நித்யம் பித்ரனுவர்தனாத் ॥ 4 ॥
த்³வைவித்⁴யம் ப்³ரஹ்மசர்யஸ்ய ப⁴விஷ்யதி மஹாத்மன: ।
லோகேஷு ப்ரதி²தம் ராஜன்விப்ரைஶ்ச கதி²தம் ஸதா³ ॥ 5 ॥
தஸ்யைவம் வர்தமானஸ்ய காலஸ்ஸமபி⁴வர்தத ।
அக்³னிம் ஶுஶ்ரூஷமாணஸ்ய பிதரம் ச யஶஸ்வினம் ॥ 6 ॥
ஏதஸ்மின்னேவ காலே து ரோமபாத:³ ப்ரதாபவான் ।
அங்கே³ஷு ப்ரதி²தோ ராஜா ப⁴விஷ்யதி மஹாப³ல: ॥ 7 ॥
தஸ்ய வ்யதிக்ரமாத்³ராஜ்ஞோ ப⁴விஷ்யதி ஸுதா³ருணா ।
அனாவ்ருஷ்டிஸ்ஸுகோ⁴ரா வை ஸர்வபூ⁴தப⁴யாவஹா ॥ 8 ॥
அனாவ்ருஷ்ட்யாம் து வ்ருத்தாயாம் ராஜா து³:க²ஸமன்வித: ।
ப்³ராஹ்மணான்ஶ்ருதவ்ருத்³தா⁴ம்ஶ்ச ஸமானீய ப்ரவக்ஷ்யதி ॥ 9 ॥
ப⁴வந்தஶ்ஶ்ருதத⁴ர்மாணோ லோகசாரித்ரவேதி³ன: ।
ஸமாதி³ஶந்து நியமம் ப்ராயஶ்சித்தம் யதா² ப⁴வேத் ॥ 1௦ ॥
வக்ஷ்யந்தி தே மஹீபாலம் ப்³ராஹ்மணா வேத³பாரகா³: ।
விப⁴ண்ட³கஸுதம் ராஜன்ஸர்வோபாயைரிஹானய ॥ 11 ॥
ஆனாய்ய ச மஹீபால ருஶ்யஶ்ருங்க³ம் ஸுஸத்க்ருதம் ।
ப்ரயச்ச² கன்யாம் ஶாந்தாம் வை விதி⁴னா ஸுஸமாஹித: ॥ 12 ॥
தேஷாம் து வசனம் ஶ்ருத்வா ராஜா சிந்தாம் ப்ரபத்ஸ்யதே ।
கேனோபாயேன வை ஶக்ய இஹானேதும் ஸ வீர்யவான் ॥ 13 ॥
ததோ ராஜா வினிஶ்சித்ய ஸஹ மந்த்ரிபி⁴ராத்மவான் ।
புரோஹிதமமாத்யாம்ஶ்ச தத: ப்ரேஷ்யதி ஸத்க்ருதான் ॥ 14 ॥
தே து ராஜ்ஞோ வசஶ்ஶ்ருஶ்ருத்வா வ்யதி²தா வினதானநா: ।
ந க³ச்சே²ம ருஷேர்பீ⁴தா அனுனேஷ்யந்தி தம் ந்ருபம் ॥ 15 ॥
வக்ஷ்யந்தி சிந்தயித்வா தே தஸ்யோபாயாம்ஶ்ச தத்க்ஷமான் ।
ஆனேஷ்யாமோ வயம் விப்ரம் ந ச தோ³ஷோ ப⁴விஷ்யதி ॥ 16 ॥
ஏவமங்கா³தி⁴பேனைவ க³ணிகாபி⁴: ருஷேஸ்ஸுத: ।
ஆனீதோவர்ஷயத்³தே³வஶ்ஶாந்தா சாஸ்மை ப்ரதீ³யதே ॥ 17 ॥
ருஶ்யஶ்ருங்க³ஸ்து ஜாமாதா புத்ராம்ஸ்தவ விதா⁴ஸ்யதி ।
ஸனத்குமாரகதி²தமேதாவத்³வ்யாஹ்ருதம் மயா ॥ 18 ॥
அத² ஹ்ருஷ்டோ த³ஶரத²ஸ்ஸுமந்த்ரம் ப்ரத்யபா⁴ஷத ।
யத²ர்ஶ்யஶ்ருங்க³ஸ்த்வானீதோ விஸ்தரேண த்வயோச்யதாம் ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ நவமஸ்ஸர்க:³ ॥
