ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்ரிம்ஶஸ்ஸர்க:³ ।
ஹனுமானபி விக்ராந்த: ஸர்வம் ஶுஶ்ராவ தத்த்வத: ।
ஸீதாயாஸ்த்ரிஜடாயாஶ்ச ராக்ஷஸீனாம் ச தர்ஜனம் ॥ 1 ॥
அவேக்ஷமாணஸ்தாம் தே³வீம் தே³வதாமிவ நந்த³னே ।
ததோ ப³ஹுவிதா⁴ம் சிந்தாம் சிந்தயாமாஸ வானர: ॥ 2 ॥
யாம் கபீனாம் ஸஹஸ்ராணி ஸுப³ஹூன்யயுதானி ச ।
தி³க்ஷு ஸர்வாஸு மார்க³ந்தே ஸேயமாஸாதி³தா மயா ॥ 3 ॥
சாரேண து ஸுயுக்தேன ஶத்ரோஶ்ஶக்திமவேக்ஷதா ।
கூ³டே⁴ன சரதா தாவத³வேக்ஷிதமித³ம் மயா ॥ 4 ॥
ராக்ஷஸானாம் விஶேஷஶ்ச புரீ சேயமவேக்ஷிதா ।
ராக்ஷஸாதி⁴பதேரஸ்ய ப்ரபா⁴வோ ராவணஸ்ய ச ॥ 5 ॥
யுக்தம் தஸ்யாப்ரமேயஸ்ய ஸர்வஸத்த்வத³யாவத: ।
ஸமாஶ்வாஸயிதும் பா⁴ர்யாம் பதித³ர்ஶனகாங்க்ஷிணீம் ॥ 6 ॥
அஹமாஶ்வாஸயாம்யேனாம் பூர்ணசந்த்³ரனிபா⁴னநாம் ।
அத்³ருஷ்டது³:கா²ம் து³:கா²ர்தாம் து³:க²ஸ்யாந்தமக³ச்ச²தீம் ॥ 7 ॥
யத்³யப்யஹமிமாம் தே³வீம் ஶோகோபஹதசேதனாம் ।
அனாஶ்வாஸ்ய க³மிஷ்யாமி தோ³ஷவத்³க³மனம் ப⁴வேத் ॥ 8 ॥
க³தே ஹி மயி தத்ரேயம் ராஜபுத்ரீ யஶஸ்வினீ ।
பரித்ராணமவிந்த³ந்தீ ஜானகீ ஜீவிதம் த்யஜேத் ॥ 9 ॥
மயா ச ஸ மஹாபா³ஹு: பூர்ணசந்த்³ரனிபா⁴னந: ।
ஸமாஶ்யாஸயிதும் ந்யாய்யஸ்ஸீதாத³ர்ஶனலாலஸ: ॥ 1௦ ॥
நிஶாசரீணாம் ப்ரத்யக்ஷமனர்ஹம் சாபி⁴பா⁴ஷிதம் ।
கத²ன்னு க²லு கர்தவ்யமித³ம் க்ருச்ச்²ரக³தோ ஹ்யஹம் ॥ 11 ॥
அனேன ராத்ரிஶேஷேண யதி³ நாஶ்வாஸ்யதே மயா ।
ஸர்வதா² நாஸ்தி ஸந்தே³ஹ: பரித்யக்ஷ்யதி ஜீவிதம் ॥ 12 ॥
ராமஶ்ச யதி³ ப்ருச்சே²ன்மாம் கிம் மாம் ஸீதாப்³ரவீத்³வச: ।
கிமஹம் தம் ப்ரதி ப்³ரூயாமஸம்பா⁴ஷ்ய ஸுமத்⁴யமாம் ॥ 13 ॥
ஸீதாஸந்தே³ஶரஹிதம் மாமிதஸ்த்வரயாக³தம் ।
நிர்த³ஹேத³பி காகுத்ஸ்ய க்ருத்³த⁴ஸ்தீவ்ரேண சக்ஷுஷா ॥ 14 ॥
யதி³ சோத்³யோஜயிஷ்யாமி ப⁴ர்தாரம் ராமகாரணாத் ।
வ்யர்த²மாக³மனம் தஸ்ய ஸஸைன்யஸ்ய ப⁴விஷ்யதி ॥ 15 ॥
அந்தரம் து அஹம் ஆஸாத்³ய ராக்ஷஸீனாம் இஹ ஸ்தி²த: ।
ஶனை: ஆஶ்வாஸயிஷ்யாமி ஸம்தாப ப³ஹுலாம் இமாம் ॥ 16 ॥
அஹம் த்வதிதனுஶ்சைவ வானரஶ்ச விஶேஷத: ।
வாசம் சோதா³ஹரிஷ்யாமி மானுஷீமிஹ ஸம்ஸ்க்ருதாம் ॥ 17 ॥
யதி³ வாசம் ப்ரதா³ஸ்யாமி த்³விஜாதிரிவ ஸம்ஸ்க்ருதாம் ।
ராவணம் மன்யமானா மாம் ஸீதா பீ⁴தா ப⁴விஷ்யதி ॥ 18 ॥
வானரஸ்ய விஶேஷேண கத²ம் ஸ்யாத³பி⁴பா⁴ஷணம் ।
அவஶ்யமேவ வக்தவ்யம் மானுஷம் வாக்யமர்த²வத் ॥ 19 ॥
மயா ஸாந்த்வயிதும் ஶக்யா நான்யதே²யமனிந்தி³தா ।
ஸேயமாலோக்ய மே ரூபம் ஜானகீ பா⁴ஷிதம் ததா² ॥ 2௦ ॥
ரக்ஷோபி⁴ஸ்த்ராஸிதா பூர்வம் பூ⁴யஸ்த்ராஸம் க³மிஷ்யதி ।
ததோ ஜாதபரித்ராஸா ஶப்³த³ம் குர்யான்மனஸ்வினீ ॥ 21 ॥
ஜானமானா விஶாலாக்ஷீ ராவணம் காமரூபிணம் ।
ஸீதயா ச க்ருதே ஶப்³தே³ ஸஹஸா ராக்ஷஸீக³ணா: ।
நானாப்ரஹரணோ கோ⁴ர: ஸமேயாத³ந்தகோபம: ॥ 22 ॥
ததோ மாம் ஸம்பரிக்ஷிப்ய ஸர்வதோ விக்ருதானநா: ॥ 23 ॥
வதே⁴ ச க்³ரஹணே சைவ குர்யுர்யத்னம் யதா²ப³லம் ।
க்³ருஹ்ய ஶாகா²: ப்ரஶாகா²ஶ்ச ஸ்கந்தா⁴ம்ஶ்சோத்தமஶாகி²னாம் ॥ 24 ॥
த்³ருஷ்ட்வா விபரிதா⁴வந்தம் ப⁴வேயுர்ப⁴யஶங்கிதா: ।
மம ரூபம் ச ஸம்ப்ரேக்ஷ்ய வனே விசரதோ மஹத் ॥ 25 ॥
ராக்ஷஸ்யோ ப⁴யவித்ரஸ்தா ப⁴வேயுர்விக்ருதானநா: ।
தத: குர்யுஸ்ஸமாஹ்வானம் ராக்ஷஸ்யோ ரக்ஷஸாமபி ॥ 26 ॥
ராக்ஷஸேந்த்³ரனியுக்தானாம் ராக்ஷஸேந்த்³ரனிவேஶனே ।
தே ஶூலஶக்தினிஸ்த்ரிம்ஶவிவிதா⁴யுத⁴பாணய: ॥ 27 ॥
ஆபதேயுர்விமர்தே³ஸ்மின்வேகே³னோத்³வேக³காரணாத் ।
ஸம்ருத்³த⁴ஸ்தைஸ்து பரிதோ வித⁴மன் ரக்ஷஸாம் ப³லம் ॥ 28 ॥
ஶக்னுயாம் ந து ஸம்ப்ராப்தும் பரம் பாரம் மஹோத³தே⁴: ।
மாம் வா க்³ருஹ்ணீயுராப்லுத்ய ப³ஹவஶ்ஶீக்⁴ரகாரிண: ॥ 29 ॥
ஸ்யாதி³யம் சாக்³ருஹீதார்தா² மம ச க்³ரஹணம் ப⁴வேத் ।
ஹிம்ஸாபி⁴ருசயோ ஹிம்ஸ்யுரிமாம் வா ஜனகாத்மஜாம் ॥ 3௦ ॥
விபன்னம் ஸ்யாத்தத: கார்யம் ராமஸுக்³ரீவயோரித³ம் ।
உத்³தே³ஶே நஷ்டமார்கே³ஸ்மின் ராக்ஷஸை: பரிவாரிதே ॥ 31 ॥
ஸாக³ரேண பரிக்ஷிப்தே கு³ப்தே வஸதி ஜானகீ ।
விஶஸ்தே வா க்³ருஹீதே வா ரக்ஷோபி⁴ர்மயி ஸம்யுகே³ ॥ 32 ॥
நான்யம் பஶ்யாமி ராமஸ்ய ஸஹாயம் கார்யஸாத⁴னே ।
விம்ருஶம்ஶ்ச ந பஶ்யாமி யோ ஹதே மயி வானர: ॥ 33 ॥
ஶதயோஜனவிஸ்தீர்ணம் லங்க⁴யேத மஹோத³தி⁴ம் ।
காமம் ஹந்தும் ஸமர்தோ²ஸ்மி ஸஹஸ்ராண்யபி ரக்ஷஸாம் ॥ 34 ॥
ந து ஶக்ஷ்யாமி ஸம்ப்ராப்தும் பரம் பாரம் மஹோத³தே⁴: ।
அஸத்யானி ச யுத்³தா⁴னி ஸம்ஶயோ மே ந ரோசதே ॥ 35 ॥
கஶ்ச நிஸ்ஸம்ஶயம் கார்யம் குர்யாத்ப்ராஜ்ஞ: ஸஸம்ஶயம் ।
ப்ராணத்யாக³ஶ்ச வைதே³ஹ்யா ப⁴வேத³னபி⁴பா⁴ஷணே ॥ 36 ॥
ஏஷ தோ³ஷோ மஹான்ஹி ஸ்யான்மம ஸீதாபி⁴பா⁴ஷணே ।
பூ⁴தாஶ்சார்தா² வினஶ்யந்தி தே³ஶகாலவிரோதி⁴தா: ॥ 37 ॥
விக்லப³ம் தூ³தமாஸாத்³ய தம: ஸூர்யோத³யே யதா² ।
அர்தா²னர்தா²ந்தரே பு³த்³தி⁴னிஶ்சிதாபி ந ஶோப⁴தே ॥ 38 ॥
கா⁴தயந்தி ஹி கார்யாணி தூ³தா: பண்டி³தமானின: ।
ந வினஶ்யேத்கத²ம் கார்யம் வைக்லப்³யம் ந கத²ம் ப⁴வேத் ॥ 39 ॥
லங்க⁴னம் ச ஸமுத்³ரஸ்ய கத²ம் நு ந வ்ருதா² ப⁴வேத் ।
கத²ம் நு க²லு வாக்யம் மே ஶ்ருணுயான்னோத்³விஜேத வா ।
இதி ஸஞ்சிந்த்ய ஹனுமாம்ஶ்சகார மதிமான்மதிம் ॥ 4௦ ॥
ராமமக்லிஷ்டகர்மாணம் ஸுப³ந்து⁴மனுகீர்தயன் ॥ 41 ॥
நைனாமுத்³வேஜயிஷ்யாமி தத்³ப³ந்து⁴க³தமானஸாம் ।
இக்ஷ்வாகூணாம் வரிஷ்ட²ஸ்ய ராமஸ்ய விதி³தாத்மன: ॥ 42 ॥
ஶுபா⁴னி த⁴ர்மயுக்தானி வசனானி ஸமர்பயன் ।
ஶ்ராவயிஷ்யாமி ஸர்வாணி மது⁴ராம் ப்ரப்³ருவன் கி³ரம் ॥ 43 ॥
ஶ்ரத்³தா⁴ஸ்யதி யதா²ஹீயம் ததா² ஸர்வம் ஸமாத³தே⁴ ।
இதி ஸ ப³ஹுவித⁴ம் மஹானுபா⁴வோ ஜக³திபதே: ப்ரமதா³மவேக்ஷமாண: ।
மது⁴ரமவிதத²ம் ஜகா³த³ வாக்யம் த்³ருமவிடபாந்தரமாஸ்தி²தோ ஹனூமான் ॥ 44 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்ரிம்ஶஸ்ஸர்க:³ ॥
