ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரயோவிம்ஶஸ்ஸர்க:³ ।
இதி ப்³ருவதி ராமே து லக்ஷ்மணோத⁴ஶ்ஶிரா முஹு: ।
ஶ்ர்ருத்வா மத்⁴யம் ஜகா³மேவ மனஸா து³:க²ஹர்ஷயோ: ॥ 1 ॥
ததா³ து ப³த்⁴த்³வா ப்⁴ருகுடீம் ப்⁴ருவோர்மத்⁴யே நரர்ஷப:⁴ ।
நிஶஶ்வாஸ மஹாஸர்போ பி³லஸ்த² இவ ரோஷித: ॥ 2 ॥
தஸ்ய து³ஷ்ப்ரதிவீக்ஷம் தத்³ப்⁴ருகுடீஸஹிதம் ததா³ ।
ப³பௌ⁴ க்ருத்³த⁴ஸ்ய ஸிம்ஹஸ்ய முக²ஸ்ய ஸத்³ருஶம் முக²ம் ॥ 3 ॥
அக்³ரஹஸ்தம் விது⁴ன்வம்ஸ்து ஹஸ்தீ ஹஸ்தமிவாத்மன: ।
திர்யகூ³ர்த்⁴வம் ஶரீரே ச பாதயித்வா ஶிரோத⁴ராம் ॥ 4 ॥
அக்³ராக்ஷ்ணா வீக்ஷமாணஸ்து திர்யக்³ப்⁴ராதரமப்³ரவீத் ।
அஸ்தா²னே ஸம்ப்⁴ரமோ யஸ்ய ஜாதோ வை ஸுமஹானயம் ॥ 5 ॥
த⁴ர்மதோ³ஷ ப்ரஸங்கே³ன லோகஸ்யானதிஶங்கயா ।
கத²ம்ஹ்யேதத³ஸம்ப்⁴ராந்தஸ்த்வத்³விதோ⁴ வக்துமர்ஹதி ॥ 6 ॥
யதா² தை³வமஶௌடீ³ரம் ஶௌண்டீ³ர க்ஷத்ரியர்ஷப⁴ ।
கின்னாம க்ருபணம் தை³வமஶக்தமபி⁴ஶம்ஸஸி ॥ 7 ॥
பாபயோஸ்தே கத²ம் நாம தயோஶ்ஶங்கா ந வித்³யதே ।
ஸந்தி த⁴ர்மோபதா⁴ ஶ்லக்ஷ்ணா: த⁴ர்மாத்மன்கிம் ந பு³த்⁴யஸே ॥ 8 ॥
தயோஸ்ஸுசரிதம் ஸ்வார்த²ம் ஶாட்²யாத்பரிஜிஹீர்ஷதோ: ।
யதி³ நைவம் வ்யவஸிதம் ஸ்யாத்³தி⁴ ப்ராகே³வ ராக⁴வ ॥ 9 ॥
தயோ: ப்ராகே³வ த³த்தஶ்ச ஸ்யாத்³வர: ப்ரக்ருதஶ்ச ஸ: ।
லோகவித்³விஷ்டமாரப்³த⁴ம் த்வத³ன்யஸ்யாபி⁴ஷேசனம் ।
நோத்ஸஹே ஸஹிதும் வீர தத்ர மே க்ஷந்துமர்ஹஸி ॥ 1௦ ॥
யேனேய மாக³தா த்³வைத⁴ம் தவ பு³த்³தி⁴ர்மஹாமதே ।
ஸ ஹி த⁴ர்மோ மம த்³வேஷ்ய: ப்ரஸங்கா³த்³யஸ்ய முஹ்யஸி ॥ 11 ॥
கத²ம் த்வம் கர்மணா ஶக்த: கைகேயீவஶவர்தின: ।
கரிஷ்யஸி பிதுர்வாக்யமத⁴ர்மிஷ்ட²ம் விக³ர்ஹிதம் ॥ 12 ॥
யத்³யயம் கில்பி³ஷாத்³பே⁴த:³ க்ருதோப்யேவம் ந க்³ருஹ்யதே ।
ஜாயதே தத்ர மே து³:க²ம் த⁴ர்மஸங்க³ஶ்ச க³ர்ஹித: ॥ 13 ॥
மனஸாபி கத²ம் காமம் குர்யாஸ்த்வம் காமவ்ருத்தயோ: ।
தயோஸ்த்வஹிதயோர்னித்யம் ஶத்ர்வோ: பித்ரபி⁴தா⁴னயோ: ॥ 14 ॥
யத்³யபி ப்ரதிபத்திஸ்தே தை³வீ சாபி தயோர்மதம் ।
ததா²ப்யுபேக்ஷணீயம் தே ந மே தத³பி ரோசதே ॥ 15 ॥
விக்லபோ³ வீர்யஹீனோ யஸ்ஸ தை³வமனுவர்ததே ।
வீராஸ்ஸம்பா⁴விதாத்மானோ ந தை³வம் பர்யுபாஸதே ॥ 16 ॥
தை³வம் புருஷகாரேண ய: ஸமர்த:² ப்ரபா³தி⁴தும் ।
ந தை³வேன விபன்னார்த:² புருஷஸ்ஸோவஸீத³தி ॥ 17 ॥
த்³ரக்ஷ்யந்தி த்வத்³ய தை³வஸ்ய பௌருஷம் புருஷஸ்ய ச ।
தை³வமானுஷயோரத்³ய வ்யக்தா வ்யக்திர்ப⁴விஷ்யதி ॥ 18 ॥
அத்³ய மத்பௌருஷஹதம் தை³வம் த்³ரக்ஷ்யந்தி வை ஜனா: ।
யத்³தை³வாதா³ஹதம் தேத்³ய த்³ருஷ்டம் ராஜ்யாபி⁴ஷேசனம் ॥ 19 ॥
அத்யங்குஶமிவோத்³தா³மம் கஜ³ம் மத³ப³லோத்³த⁴தம் ।
ப்ரதா⁴விதமஹம் தை³வம் பௌருஷேண நிவர்தயே ॥ 2௦ ॥
லோகபாலாஸ்ஸமஸ்தா ஸ்தே நாத்³ய ராமாபி⁴ஷேசனம் ।
ந ச க்ருத்ஸ்னாஸ்த்ரயோ லோகா விஹன்யு: கிம் புன: பிதா ॥ 21 ॥
யைர்னிவாஸஸ்தவாரண்யே மிதோ² ராஜன்ஸமர்தி²த: ।
அரண்யே தே நிவத்ஸ்யந்தி சதுர்த³ஶ ஸமாஸ்ததா² ॥ 22 ॥
அஹம் ததா³ஶாம் சே²த்ஸ்யாமி பிதுஸ்தஸ்யாஶ்ச யா தவ ।
அபி⁴ஷேகவிகா⁴தேன புத்ரராஜ்யாய வர்ததே ॥ 23 ॥
மத்³ப³லேன விருத்³தா⁴ய ந ஸ்யாத்³தை³வப³லம் ததா² ।
ப்ரப⁴விஷ்யதி து³:கா²ய யதோ²க்³ரம் பௌருஷம் மம ॥ 24 ॥
ஊர்த்⁴வம் வர்ஷஸஹஸ்ராந்தே ப்ரஜாபால்யமனந்தரம் ।
ஆர்யபுத்ரா: கரிஷ்யந்தி வனவாஸம் க³தே த்வயி ॥ 25 ॥
பூர்வம் ராஜர்ஷிவ்ருத்த்யா ஹி வனவாஸோ விதீ⁴யதே ।
ப்ரஜா நிக்ஷிப்ய புத்ரேஷு புத்ரவத்பரிபாலனே ॥ 26 ॥
ஸ சேத்³ராஜன்யனேகாக்³ரே ராஜ்யவிப்⁴ரமஶங்கயா ।
நைவமிச்ச²ஸி த⁴ர்மாத்மன் ராஜ்யம் ராம த்வமாத்மனி ॥ 27 ॥
ப்ரதிஜானே ச தே வீர மாபூ⁴வம் வீரலோகபா⁴க் ।
ராஜ்யம் ச தவ ரக்ஷேயமஹம் வேலேவ ஸாக³ரம் ॥ 28 ॥
மங்க³லைரபி⁴ஷிஞ்சஸ்வ தத்ர த்வம் வ்யாப்ருதோ ப⁴வ ।
அஹமேகோ மஹீபாலானலம் வாரயிதும் ப³லாத் ॥ 29 ॥
ந ஶோபா⁴ர்தா²விமௌ பா³ஹூ ந த⁴னுர்பூ⁴ஷணாய மே ।
நாஸிராப³ந்த⁴னார்தா²ய ந ஶராஸ்தம்ப⁴ஹேதவ: ॥ 3௦ ॥
அமித்ரத³மனார்த²ம் மே ஸர்வமேதச்சதுஷ்டயம் ।
ந சாஹம் காமயேத்யர்த²ம் யஸ்ஸ்யாச்ச²த்ருர்மதோ மம ॥ 31 ॥
அஸினா தீக்ஷ்ணதா⁴ரேண வித்³யுச்சலிதவர்சஸா ।
ப்ரக்³ருஹீதேன வை ஶத்ரும் வஜ்ரிணம் வா ந கல்பயே ॥ 32 ॥
க²ட்³க³னிஷ்பேஷனிஷ்பிஷ்டைர்க³ஹனா து³ஶ்சரா ச மே ।
ஹஸ்த்யஶ்வனரஹஸ்தோருஶிரோபி⁴ர்ப⁴விதா மஹீ ॥ 33 ॥
க²ட்³க³தா⁴ராஹதா மேத்³ய தீ³ப்யமானா இவாத்³ரய: ।
பதிஷ்யந்தி த்³விபா பூ⁴மௌ மேகா⁴ இவ ஸவித்³யுத: ॥ 34 ॥
ப³த்³த⁴கோ³தா⁴ங்கு³லித்ராணே ப்ரக்³ருஹீதஶராஸனே ।
கத²ம் புருஷமானீ ஸ்யாத்புருஷாணாம் மயி ஸ்தி²தே ॥ 35 ॥
ப³ஹுபி⁴ஶ்சைகமத்யஸ்யன்னேகேன ச ப³ஹூன்ஜனான் ।
வினியோக்ஷ்யாம்யஹம் பா³ணான்ன்ருவாஜிகஜ³மர்மஸு ॥ 36 ॥
அத்³ய மேஸ்த்ரப்ரபா⁴வஸ்ய ப்ரபா⁴வ: ப்ரப⁴விஷ்யதி ।
ராஜ்ஞஶ்சாப்ரபு⁴தாம் கர்தும் ப்ரபு⁴த்வம் தவ ச ப்ரபோ⁴: ॥ 37 ॥
அத்³ய சந்த³னஸாரஸ்ய கேயூராமோக்ஷணஸ்ய ச ।
வஸூனாம் ச விமோக்ஷஸ்ய ஸுஹ்ருதா³ம் பாலனஸ்ய ச ॥ 38 ॥
அனுரூபாவிமௌ பா³ஹூ ராம கர்ம கரிஷ்யத: ।
அபி⁴ஷேசனவிக்⁴னஸ்ய கர்த்ருணாம் தே நிவாரணே ॥ 39 ॥
ப்³ரவீஹி கோத்³யைவ மயா வியுஜ்யதாம் தவா ஸுஹ்ருத்ப்ராணயஶஸ்ஸுஹ்ருஜ்ஜனை: ।
யதா² தவேயம் வஸுதா⁴ வஶே ப⁴வே த்ததை²வ மாம் ஶாதி⁴ தவாஸ்மி கிங்கர: ॥ 4௦ ॥
விம்ருஜ்ய பா³ஷ்பம் பரிஸாந்த்வ்யசாஸக்ருத் ஸ லக்ஷ்மணம் ராக⁴வவம்ஶவர்த⁴ன: ।
உவாச பித்ர்யே வசனே வ்யவஸ்தி²தம் நிபோ³த⁴ மாமேஷ ஹி ஸௌம்ய ஸத்பத:² ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரயோவிம்ஶஸ்ஸர்க:³ ॥
