ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகோனஷஷ்டிதமஸ்ஸர்க:³ ।
உக்தவாக்யம் து ராஜானம் க்ருபயா குஶிகாத்மஜ: ।
அப்³ரவீன்மது⁴ரம் வாக்யம் ஸாக்ஷாச்சண்டா³லரூபிணம் ॥ 1 ॥
ஐக்ஷ்வாக ஸ்வாக³தம் வத்ஸ ஜானாமி த்வாம் ஸுதா⁴ர்மிகம் ।
ஶரணம் தே ப⁴விஷ்யாமி மா பை⁴ஷீர்ன்ருபபுங்க³வ ॥ 2 ॥
அஹமாமந்த்ரயே ஸர்வான்மஹர்ஷீன்புண்யகர்மண: ।
யஜ்ஞஸாஹ்யகரான் ராஜன் ததோ யக்ஷ்யஸி நிர்வ்ருத: ॥ 3 ॥
கு³ருஶாபக்ருதம் ரூபம் யதி³த³ம் த்வயி வர்ததே ।
அனேன ஸஹ ரூபேண ஸஶரீரோ க³மிஷ்யஸி ॥ 4 ॥
ஹஸ்தப்ராப்தமஹம் மன்யே ஸ்வர்க³ம் தவ நராதி⁴ப ।
யஸ்த்வம் கௌஶிகமாக³ம்ய ஶரண்யம் ஶரணாக³த: ॥ 5 ॥
ஏவமுக்த்வா மஹாதேஜா: புத்ரான் பரமதா⁴ர்மிகான் ।
வ்யாதி³தே³ஶ மஹாப்ராஜ்ஞான் யஜ்ஞஸம்பா⁴ரகாரணாத் ॥ 6 ॥
ஸர்வான் ஶிஷ்யான் ஸமாஹூய வாக்யமேதது³வாச ஹ ।
ஸர்வான்ருஷிக³ணான்வத்ஸா ஆனயத்⁴வம் மமாஜ்ஞயா ।
ஸஶிஷ்யஸுஹ்ருத³ஶ்சைவ ஸர்த்விஜ ஸ்ஸப³ஹுஶ்ருதான் ॥ 7 ॥
யத³ன்யோ வசனம் ப்³ரூயான்மத்³வாக்யப³லசோதி³த: ।
தத்ஸர்வமகி²லேனோக்தம் மமாக்²யேயமனாத்³ருதம் ॥ 8 ॥
தஸ்ய தத்³வசனம் ஶ்ருத்வா தி³ஶோ ஜக்³முஸ்ததா³ஜ்ஞயா ।
ஆஜக்³முரத² தே³ஶேப்⁴ய ஸ்ஸர்வேப்⁴யோ ப்³ரஹ்மவாதி³ன: ॥ 9 ॥
தே ச ஶிஷ்யா: ஸமாக³ம்ய முனிம் ஜ்வலிததேஜஸம் ।
ஊசுஶ்சவசனம் ஸர்வே ஸர்வேஷாம் ப்³ரஹ்மவாதி³னாம் ॥ 1௦ ॥
ஶ்ருத்வா தே வசனம் ஸர்வே ஸமாயாந்தி த்³விஜாதய: ।
ஸர்வதே³ஶேஷு சாக³ச்ச²ன் வர்ஜயித்வா மஹோத³யம் ॥ 11 ॥
வாஸிஷ்ட²ம் தச்ச²தம் ஸர்வம் க்ரோத⁴பர்யாகுலாக்ஷரம் ।
யதா³ஹ வசனம் ஸர்வம் ஶ்ருணு த்வம் முனிபுங்க³வ ॥ 12 ॥
க்ஷத்ரியோ யாஜகோ யஸ்ய சண்டா³லஸ்ய விஶேஷத: ।
கத²ம் ஸத³ஸி போ⁴க்தாரோ ஹவிஸ்தஸ்ய ஸுரர்ஷய: ॥ 13 ॥
ப்³ராஹ்மணா வா மஹாத்மானோ பு⁴க்த்வா சண்டா³லபோ⁴ஜனம் ।
கத²ம் ஸ்வர்க³ம் க³மிஷ்யந்தி விஶ்வாமித்ரேண பாலிதா: ॥ 14 ॥
ஏதத்³வசனநைஷ்டு²ர்யமூசு ஸ்ஸம்ரக்தலோசனா: ।
வாஸிஷ்டா² முனிஶார்தூ³ல ஸர்வே தே ஸமஹோத³யா: ॥ 15 ॥
தேஷாம் தத்³வசனம் ஶ்ருத்வா ஸர்வேஷாம் முனிபுங்க³வ: ।
க்ரோத⁴ஸம்ரக்தனயன ஸ்ஸரோஷமித³மப்³ரவீத் ॥ 16 ॥
யே தூ³ஷயந்த்யது³ஷ்டம் மாம் தப உக்³ரம் ஸமாஸ்தி²தம் ।
ப⁴ஸ்மீபூ⁴தா து³ராத்மானோ ப⁴விஷ்யந்தி ந ஸம்ஶய: ॥ 17 ॥
அத்³ய தே காலபாஶேன நீதா வைவஸ்வதக்ஷயம் ।
ஸப்தஜாதிஶதான்யேவ ம்ருதபஸ்ஸந்து ஸர்வஶ: ॥ 18 ॥
ஶ்வமாம்ஸனியதாஹாரா முஷ்டிகா நாம நிர்க்⁴ருணா: ।
விக்ருதாஶ்ச விரூபாஶ்ச லோகானநுசரந்த்விமான் ॥ 19 ॥
மஹோத³யஸ்து து³ர்பு³த்³தி⁴ர்மாமதூ³ஷ்யம் ஹ்யதூ³ஷயத் ।
தூ³ஷித ஸ்ஸர்வலோகேஷு நிஷாத³த்வம் க³மிஷ்யதி ॥ 2௦ ॥
ப்ராணாதிபாதனிரதோ நிரனுக்ரோஶதாம் க³த: ।
தீ³ர்க⁴காலம் மம க்ரோதா⁴த்³து³ர்க³திம் வர்தயிஷ்யதி ॥ 21 ॥
ஏதாவது³க்த்வா வசனம் விஶ்வாமித்ரோ மஹாதபா: ।
விரராம மஹாதேஜா ருஷிமத்⁴யே மஹாமுனி: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகோனஷஷ்டிதமஸ்ஸர்க:³ ॥
