ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² சது:ஷஷ்டிதமஸ்ஸர்க:³ ।
ஸுக்³ரீவேணைவமுக்தஸ்து ஹ்ருஷ்டோ த³தி⁴முக:² கபி: ।
ராக⁴வம் லக்ஷ்மணம் சைவ ஸுக்³ரீவம் சாப்⁴யவாத³யத் ॥ 1 ॥
ஸ ப்ரணம்ய ச ஸுக்³ரீவம் ராக⁴வௌ ச மஹாப³லௌ ।
வானரை: ஸஹித: ஶூரைர்தி³வமேவோத்பபாத ஹ ॥ 2 ॥
ஸ யதை²வாக³த: பூர்வம் ததை²வ த்வரிதம் க³த: ।
நிபத்ய க³க³னாத்³பூ⁴மௌதத்³வனம் ப்ரவிவேஶ ஹ ॥ 3 ॥
ஸ ப்ரவிஷ்டோ மது⁴வனம் த³த³ர்ஶ ஹரியூத²பான் ।
விமதா³னுத்தி²தான்ஸர்வான் மேஹமானான்மதூ⁴த³கம் ॥ 4 ॥
ஸ தானுபாக³மத்³வீரோ ப³த்³த்⁴வா கரபுடாஞ்ஜலிம் ।
உவாச வசனம் ஶ்லக்ஷ்ணமித³ம் ஹ்ருஷ்டவத³ங்க³த³ம் ॥ 5 ॥
ஸௌம்ய ரோஷோ ந கர்தவ்யோ யதே³தத்பரிவாரிதம் ।
அஜ்ஞானாத்³ரக்ஷிபி⁴: க்ரோதா⁴த்³ப⁴வந்த: ப்ரதிஷேதி⁴தா: ॥ 6 ॥
யுவராஜஸ்த்வமீஶஶ்ச வனஸ்யாஸ்ய மஹாப³ல ।
மௌர்க்²யாத்பூர்வம் க்ருதோ தோ³ஷஸ்தம் ப⁴வான் க்ஷந்துமர்ஹதி ॥ 7 ॥
ஆக்²யாதம் ஹி மயா க³த்வா பித்ருவ்யஸ்ய தவானக⁴ ।
இஹோபயாதம் ஸர்வேஷாமேதேஷாம் வனசாரிணாம் ॥ 8 ॥
ஸ த்வதா³க³மனம் ஶ்ருத்வா ஸஹைபி⁴ர்ஹரியூத²பை: ।
ப்ரஹ்ருஷ்டோ ந து ருஷ்டோஸௌ வனம் ஶ்ருத்வா ப்ரத⁴ர்ஷிதம் ॥ 9 ॥
ப்ரஹ்ருஷ்டோ மாம் பித்ருவ்யஸ்தே ஸுக்³ரீவோ வானரேஶ்வர: ।
ஶீக்⁴ரம் ப்ரேஷய ஸர்வாம்ஸ்தானிதி ஹோவாச பார்தி²வ: ॥ 1௦ ॥
ஶ்ருத்வா த³தி⁴முக²ஸ்யேத³ம் வசனம் ஶ்லக்ஷ்ணமங்க³த:³ ।
அப்³ரவீத்தான் ஹரிஶ்ரேஷ்டோ² வாக்யம் வாக்யவிஶாரத:³ ॥ 11 ॥
ஶங்கே ஶ்ருதோயம் வ்ருத்தாந்தோ ராமேண ஹரியூத²பா: ।
தத்க்ஷமம் நேஹ ந: ஸ்தா²தும் க்ருதே கார்யே பரந்தபா: ॥ 12 ॥
பீத்வா மது⁴ யதா²காமம் விஶ்ராந்தா வனசாரிண: ।
கிம் ஶேஷம் க³மனம் தத்ர ஸுக்³ரீவோ யத்ர மே கு³ரு: ॥ 13 ॥
ஸர்வே யதா² மாம் வக்ஷ்யந்தி ஸமேத்ய ஹரியூத²பா: ।
ததா²ஸ்மி கர்தா கர்தவ்யே ப⁴வத்³பி⁴: பரவானஹம் ॥ 14 ॥
நாஜ்ஞாபயிதுமீஶோஹம் யுவராஜோஸ்மி யத்³யபி ।
அயுக்தம் க்ருதகர்மாணோ யூயம் த⁴ர்ஷயிதும் மயா ॥ 15 ॥
ப்³ருவதஶ்சாங்க³த³ஸ்யைவம் ஶ்ருத்வா வசனமவ்யயம் ।
ப்ரஹ்ருஷ்டமனஸோ வாக்யமித³மூசுர்வனௌகஸ: ॥ 16 ॥
ஏவம் வக்ஷ்யதி கோ ராஜன் ப்ரபு⁴ஸ்ஸன்வானரர்ஷப⁴ ।
ஐஶ்வர்யமத³மத்தோ ஹி ஸர்வோஹமிதி மன்யதே ॥ 17 ॥
தவ சேத³ம் ஸுஸத்³ருஶம் வாக்யம் நான்யஸ்ய கஸ்யசித் ।
ஸன்னதிர்ஹி தவாக்²யாதி ப⁴விஷ்யச்சு²ப⁴யோக்³யதாம் ॥ 18 ॥
ஸர்வே வயமபி ப்ராப்தாஸ்தத்ர க³ந்தும் க்ருதக்ஷணா: ।
ஸ யத்ர ஹரிவீராணாம் ஸுக்³ரீவ: பதிரவ்யய: ॥ 19 ॥
த்வயா ஹ்யனுக்தைர்ஹரிபி⁴ர்னைவ ஶக்யம் பதா³த்பத³ம் ।
க்வசித்³க³ந்தும் ஹரிஶ்ரேஷ்ட² ப்³ரூம: ஸத்யமித³ம் து தே ॥ 2௦ ॥
ஏவம் து வத³தாம் தேஷாமங்க³த:³ ப்ரத்யுவாச ஹ ।
பா³ட⁴ம் க³ச்சா²ம இத்யுக்த்வா க²முத்பேதுர்மஹாப³லா: ॥ 21 ॥
உத்பதந்தமனூத்பேது ஸ்ஸர்வே தே ஹரியூத²பா: ।
க்ருத்வாகாஶம் நிராகாஶம் யந்த்ரோத்க்ஷிப்தா இவாசலா: ॥ 22 ॥
தேம்ப³ரம் ஸஹஸோத்பத்ய வேக³வந்த: ப்லவங்க³மா: ।
வினத³ந்தோ மஹானாத³ம் க⁴னா வாதேரிதா யதா² ॥ 23 ॥
அங்க³தே³ ஹ்யனநுப்ராப்தே ஸுக்³ரீவோ வானராதி⁴ப: ।
உவாச ஶோகோபஹதம் ராமம் கமலலோசனம் ॥ 24 ॥
ஸமாஶ்வஸிஹி ப⁴த்³ரம் தே த்³ருஷ்டா தே³வீ ந ஸம்ஶய: ।
நாக³ந்துமிஹ ஶக்யம் தைரதீதே ஸமயே ஹி ந: ॥ 25 ॥
ந மத்ஸகாஶமாக³ச்சே²த்க்ருத்யே ஹி வினிபாதிதே ।
யுவராஜோ மஹாபா³ஹு: ப்லவதாம் ப்ரவரோங்க³த:³ ॥ 26 ॥
யத்³யப்யக்ருதக்ருத்யானாமீத்³ருஶ ஸ்ஸ்யாது³பக்ரம: ।
ப⁴வேத்ஸ தீ³னவத³னோ ப்⁴ராந்தவிப்லுதமானஸ: ॥ 27 ॥
பித்ருபைதாமஹம் சைதத்பூர்வகைரபி⁴ரக்ஷிதம் ।
ந மே மது⁴வனம் ஹன்யாத³ஹ்ருஷ்ட: ப்லவகே³ஶ்வர: ॥ 28 ॥
கௌஸல்யாஸுப்ரஜா ராம ஸமாஶ்வஸிஹி ஸுவ்ரத ।
த்³ருஷ்டா தே³வீ ந ஸந்தே³ஹோ ந சான்யேன ஹனூமதா ॥ 29 ॥
ந ஹ்யன்ய: கர்மணோ ஹேதுஸ்ஸாத⁴னேஸ்ய ஹனூமத: ।
ஹனூமதி ஹி ஸித்³தி⁴ஶ்ச மதிஶ்ச மதிஸத்தம: ॥ 3௦ ॥
வ்யவஸாயஶ்ச வீர்யம் ச ஸூர்யே தேஜ இவ த்⁴ருவம் ।
ஜாம்ப³வான்யத்ர நேதா ஸ்யாத³ங்க³த³ஶ்ச ப³லேஶ்வர: ।
ஹனுமாம்ஶ்சாப்யதி⁴ஷ்டா²தா ந தஸ்ய க³திரன்யதா² ॥ 31 ॥
மா பூ⁴ஶ்சிந்தாஸமாயுக்தஸ்ஸம்ப்ரத்யமிதவிக்ரம: ॥ 32 ॥
தத: கிலகிலாஶப்³த³ம் ஶுஶ்ராவாஸன்னமம்ப³ரே ।
ஹனுமத்கர்மத்³ருப்தானாம் நார்த⁴தாம் கானநௌகஸாம் ॥ 33 ॥
கிஷ்கிந்தா⁴முபயாதானாம் ஸித்³தி⁴ம் கத²யதாமிவ ।
ததஶ்ஶ்ருத்வா நினாத³ம் தம் கபீனாம் கபிஸத்தம: ॥ 34 ॥
ஆயதாஞ்சிதலாங்கூ³லஸ்ஸோப⁴வத்³த்⁴ருஷ்டமானஸ: ।
ஆஜக்³முஸ்தேபி ஹரயோ ராமத³ர்ஶனகாங்க்ஷிண: ॥ 35 ॥
அங்க³த³ம் புரத: க்ருத்வா ஹனூமந்தம் ச வானரம் ।
தேங்க³த³ப்ரமுகா² வீரா: ப்ரஹ்ருஷ்டா²ஶ்ச முதா³ன்விதா: ॥ 36 ॥
நிபேதுர்ஹரிராஜஸ்ய ஸமீபே ராக⁴வஸ்ய ச ।
ஹனுமாம்ஶ்ச மஹாபா³ஹு: ப்ரணம்ய ஶிரஸா தத: ॥ 37 ॥
நியதாமக்ஷதாம் தே³வீம் ராக⁴வாய ந்யவேத³யத் ।
த்³ருஷ்டா தே³வீதி ஹனுமத்³வத³னாத³ம்ருதோபமம் ॥ 38 ॥
ஆகர்ண்ய வசனம் ராமோ ஹர்ஷமாப ஸலக்ஷ்மண: ।
நிஶ்சிதார்த²ம் ததஸ்தஸ்மின் ஸுக்³ரீவம் பவனாத்மஜே ॥ 39 ॥
லக்ஷ்மண: ப்ரீதிமான் ப்ரீதம் ப³ஹுமானாத³வைக்ஷத ।
ப்ரீத்யா ச ரமமாணோத² ராக⁴வ: பரவீரஹா ॥ 4௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ சது:ஷஷ்டிதமஸ்ஸர்க:³ ॥
