ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³விதீயஸ்ஸர்க:³ ।
தத: பரிஷத³ம் ஸர்வாமாமந்த்ர்ய வஸுதா⁴தி⁴ப: ।
ஹிதமுத்³த⁴ர்ஷணம் சைவமுவாச ப்ரதி²தம் வச: ॥ 1 ॥
து³ந்து³பி⁴ஸ்வனகல்பேன க³ம்பீ⁴ரேணானுனாதி³னா ।
ஸ்வரேண மஹதா ராஜா ஜீமூத இவ நாத³யன் ॥ 2 ॥
ராஜலக்ஷணயுக்தேன காந்தேனானுபமேன ச ।
உவாச ரஸயுக்தேன ஸ்வரேண ந்ருபதிர்ன்ருபான் ॥ 3 ॥
விதி³தம் ப⁴வதாமேதத்³யதா² மே ராஜ்யமுத்தமம் ।
பூர்வகைர்மம ராஜேந்த்³ரைஸ்ஸுதவத்பரிபாலிதம் ॥ 4 ॥
ஸோஹமிக்ஷ்வாகுபி⁴ ஸ்ஸர்வைர்னரேந்த்³ரை: பரிபாலிதம் ।
ஶ்ரேயஸா யோக்துகாமோஸ்மி ஸுகா²ர்ஹமகி²லம் ஜக³த் ॥ 5 ॥
மயாப்யாசரிதம் பூர்வை: பந்தா²னமனுக³ச்ச²தா ।
ப்ரஜா நித்யமனித்³ரேண யதா²ஶக்த்யபி⁴ரக்ஷிதா: ॥ 6 ॥
இத³ம் ஶரீரம் க்ருத்ஸ்னஸ்ய லோகஸ்ய சரதா ஹிதம் ।
பாண்டு³ரஸ்யாதபத்ரஸ்யச்சா²யாயாம் ஜரிதம் மயா ॥ 7 ॥
ப்ராப்ய வர்ஷஸஹஸ்ராணி ப³ஹூன்யாயூம்ஷி ஜீவத: ।
ஜீர்ணஸ்யாஸ்ய ஶரீரஸ்ய விஶ்ராந்திமபி⁴ரோசயே ॥ 8 ॥
ராஜப்ரபா⁴வஜுஷ்டாம் ஹி து³ர்வஹாமஜிதேந்த்³ரியை: ।
பரிஶ்ராந்தோஸ்மி லோகஸ்ய கு³ர்வீம் த⁴ர்மது⁴ரம் வஹன் ॥ 9 ॥
ஸோஹம் விஶ்ரமமிச்சா²மி புத்ரம் க்ருத்வா ப்ரஜாஹிதே ।
ஸன்னிக்ருஷ்டானிமான்ஸர்வானநுமான்ய த்³விஜர்ஷபா⁴ன் ॥ 1௦ ॥
அனுஜாதோ ஹி மாம் ஸர்வைர்கு³ணைர்ஜ்யேஷ்டோ² மமாத்மஜ: ।
புரந்த³ரஸமோ வீர்யே ராம: பரபுரஞ்ஜய: ॥ 11 ॥
தம் சந்த்³ரமிவ புஷ்யேண யுக்தம் த⁴ர்மப்⁴ருதாம் வரம் ।
யௌவராஜ்யே நியோக்தாஸ்மி ப்ரீத: புருஷபுங்க³வம் ॥ 12 ॥
அனுரூபஸ்ஸ வை நாதோ² லக்ஷ்மீவான் லக்ஷ்மணாக்³ரஜ: ।
த்ரைலோக்யமபி நாதே²ன யேன ஸ்யான்னாத²வத்தரம் ॥ 13 ॥
அனேன ஶ்ரேயஸா ஸத்³யஸ்ஸம்யோஜ்யைவமிமாம் மஹீம் ।
க³தக்லேஶோ ப⁴விஷ்யாமி ஸுதே தஸ்மின்னிவேஶ்ய வை ॥ 14 ॥
யதி³த³ம் மேனுரூபார்த²ம் மயா ஸாது⁴ ஸுமந்த்ரிதம் ।
ப⁴வந்தோ மேனுமன்யந்தாம் கத²ம் வா கரவாண்யஹம் ॥ 15 ॥
யத்³யப்யேஷா மம ப்ரீதிர்ஹிதமன்யத்³விசிந்த்யதாம் ।
அன்யா மத்⁴யஸ்த²சிந்தா ஹி விமர்தா³ப்⁴யதி⁴கோத³யா ॥ 16 ॥
இதி ப்³ருவந்தம் முதி³தா: ப்ரத்யனந்த³ன்ன்ருபா ந்ருபம் ।
வ்ருஷ்டிமந்தம் மஹாமேக⁴ம் நர்த³ந்த இவ ப³ர்ஹிண: ॥ 17 ॥
ஸ்னிக்³தோ⁴னுனாதீ³ ஸஞ்ஜஜ்ஞே தத்ர ஹர்ஷஸமீரித: ।
ஜனௌகோ⁴த்³கு⁴ஷ்டஸன்னாதோ³ விமானம் கம்பயன்னிவ ॥ 18 ॥
தஸ்ய த⁴ர்மார்த²விது³ஷோ பா⁴வமாஜ்ஞாய ஸர்வஶ: ।
ப்³ராஹ்மணா ஜனமுக்²யாஶ்ச பௌரஜானபதை³ ஸ்ஸஹ ॥ 19 ॥
ஸமேத்ய மந்த்ரயித்வா து ஸமதாக³தபு³த்³த⁴ய: ।
ஊசுஶ்ச மனஸா ஜ்ஞாத்வா வ்ருத்³த⁴ம் த³ஶரத²ம் ந்ருபம் ॥ 2௦ ॥
அனேகவர்ஷஸாஹஸ்ரோ வ்ருத்³த⁴ஸ்த்வமஸி பார்தி²வ ।
ஸ ராமம் யுவராஜானமபி⁴ஷிஞ்சிஸ்வ பார்தி²வம் ॥ 21 ॥
இச்சா²மோ ஹி மஹாபா³ஹும் ரகு⁴வீரம் மஹாப³லம் ।
கஜ³ேன மஹதாயாந்தம் ராமம் ச²த்ராவ்ருதானநம் ॥ 22 ॥
இதி தத்³வசனம் ஶ்ருத்வா ராஜா தேஷாம் மன:ப்ரியம் ।
அஜானந்னிவ ஜிஜ்ஞாஸுரித³ம் வசனமப்³ரவீத் ॥ 23 ॥
ஶ்ருத்வைவ வசனம் யன்மே ராக⁴வம் பதிமிச்ச²த² ।
ராஜான ஸ்ஸம்ஶயோயம் மே கிமித³ம் ப்³ரூத தத்த்வத: ॥ 24 ॥
கத²ம் நு மயி த⁴ர்மேண ப்ருதி²வீமனுஶாஸதி ।
ப⁴வந்தோ த்³ரஷ்டுமிச்ச²ந்தி யுவராஜம் மமாத்மஜம் ॥ 25 ॥
தே தமூசுர்மஹாத்மானம் பௌரஜானபதை³ஸ்ஸஹ ।
ப³ஹவோ ந்ருப கல்யாணா கு³ணா: புத்ரஸ்ய ஸந்தி தே ॥ 26 ॥
கு³ணான் கு³ணவதோ தே³வ தே³வகல்பஸ்ய தீ⁴மத: ।
ப்ரியானானந்த³னான்க்ருத்ஸ்னான்ப்ரவக்ஷ்யாமோத்³ய தான் ஶ்ருணு ॥ 27 ॥
தி³வ்யைர்கு³ணைஶ்ஶக்ரஸமோ ராமஸ்ஸத்யபராக்ரம: ।
இக்ஷ்வாகுப்⁴யோபி ஸர்வேப்⁴யோ ஹ்யதிரிக்தோ விஶாம்பதே ॥ 28 ॥
ராம ஸ்ஸத்புருஷோ லோகே ஸத்யத⁴ர்மபராயண: ।
ஸாக்ஷாத்³ராமாத்³வினிர்வ்ருத்தோ த⁴ர்மஶ்சாபி ஶ்ரியா ஸஹ ॥ 29 ॥
ப்ரஜாஸுக²த்த்வே சந்த்³ரஸ்ய வஸுதா⁴யா: க்ஷமாகு³ணை: ।
பு³த்³த்⁴யா ப்³ருஹஸ்பதேஸ்துல்யோ வீர்யே ஸாக்ஷாச்ச²சீபதே: ॥ 3௦ ॥
த⁴ர்மஜ்ஞ: ஸத்யஸந்த⁴ஶ்ச ஶீலவானநஸூயக: ।
க்ஷாந்த: ஸாந்த்வயிதா ஶ்லக்ஷ்ண: க்ருதஜ்ஞோ விஜிதேந்த்³ரிய: ॥ 31 ॥
ம்ருது³ஶ்ச ஸ்தி²ரசித்தஶ்ச ஸதா³ ப⁴வ்யோனஸூயக: ।
ப்ரியவாதீ³ ச பூ⁴தானாம் ஸத்யவாதீ³ ச ராக⁴வ: ॥ 32 ॥
ப³ஹுஶ்ருதானாம் வ்ருத்³தா⁴னாம் ப்³ராஹ்மணானாமுபாஸிதா ।
தேனாஸ்யேஹாதுலா கீர்திர்யஶஸ்தேஜஶ்ச வர்த⁴தே ॥ 33 ॥
தே³வாஸுரமனுஷ்யாணாம் ஸர்வாஸ்த்ரேஷு விஶாரத:³ ।
ஸம்யக்³வித்³யாவ்ரதஸ்னாதோ யதா²வத்ஸாங்க³வேத³வித் ॥ 34 ॥
கா³ந்த⁴ர்வே ச பு⁴வி ஶ்ரேஷ்டோ² ப³பூ⁴வ ப⁴ரதாக்³ரஜ: ।
கல்யாணாபி⁴ஜன ஸ்ஸாது⁴ரதீ³னாத்மா மஹாமதி: ॥ 35 ॥
த்³விஜைரபி⁴வினீதஶ்ச ஶ்ரேஷ்டை²ர்த⁴ர்மார்த²னைபுணை: ।
யதா³ வ்ரஜதி ஸங்க்³ராமம் க்³ராமார்தே² நக³ரஸ்ய வா ॥ 36 ॥
க³த்வா ஸௌமித்ரிஸஹிதோ நாவிஜித்ய நிவர்ததே ।
ஸங்க்³ராமாத்புனராக³ம்ய குஞ்ஜரேண ரதே²ன வா ॥ 37 ॥
பௌரான் ஸ்வஜனவன்னித்யம் குஶலம் பரிப்ருச்ச²தி ।
புத்ரேஷ்வக்³னிஷு தா³ரேஷு ப்ரேஷ்யஶிஷ்யக³ணேஷு ச ॥ 38 ॥
நிகி²லேனானுபூர்வ்யாச்ச பிதாபுத்ரானிவௌரஸான் ।
ஶுஶ்ரூஷந்தே ச வ ஶ்ஶிஷ்யா: கச்சித்கர்மஸு த³ம்ஶிதா: ॥ 39 ॥
இதி ந: புருஷவ்யாக்⁴ர ஸ்ஸதா³ ராமோபி⁴பா⁴ஷதே ।
வ்யஸனேஷு மனுஷ்யாணாம் ப்⁴ருஶம் ப⁴வதி து³:கி²த: ॥ 4௦ ॥
உத்ஸவேஷு ச ஸர்வேஷு பிதேவ பரிதுஷ்யதி ।
ஸத்யவாதீ³ மஹேஷ்வாஸோ வ்ருத்³த⁴ஸேவீ ஜிதேந்த்³ரிய: ॥ 41 ॥
ஸ்மிதபூர்வாபி⁴பா⁴ஷீ ச த⁴ர்மம் ஸர்வாத்மனா ஶ்ரித: ।
ஸம்யக்³யோக்தா ஶ்ரேயஸாம் ச ந விக்³ருஹ்ய கதா²ருசி: ॥ 42 ॥
உத்தரோத்தரயுக்தௌ ச வக்தா வாசஸ்பதிர்யதா² ।
ஸுப்⁴ரூ: ஆயததாம்ராக்ஷ: ஸாக்ஷாத்³விஷ்ணுரிவ ஸ்வயம் ॥ 43 ॥
ராமோ லோகாபி⁴ராமோயம் ஶௌர்யவீர்யபராக்ரமை: ।
ப்ரஜாபாலனதத்த்வஜ்ஞோ ந ராகோ³பஹதேந்த்³ரிய: ॥ 44 ॥
ஶக்தஸ்த்ரைலோக்யமப்யேகோ போ⁴க்தும் கின்னு மஹீமிமாம் ।
நாஸ்ய க்ரோத:⁴ ப்ரஸாத³ஶ்ச நிரர்தோ²ஸ்தி கதா³சன ॥ 45 ॥
ஹந்த்யேவ நியமாத்³வத்⁴யானவத்⁴யே ந ச குப்யதி ।
யுனக்த்யர்தை²: ப்ரஹ்ருஷ்டஶ்ச தமஸௌ யத்ர துஷ்யதி ॥ 46 ॥
ஶாந்தை ஸ்ஸர்வப்ரஜாகாந்தை: ப்ரீதிஸஞ்ஜனநைர்ன்ருணாம் ।
கு³ணைர்விருருசே ராமோ தீ³ப்த ஸ்ஸூர்ய இவாம்ஶுபி⁴: ॥ 47 ॥
தமேவங்கு³ணஸம்பன்னம் ராமம் ஸத்யபராக்ரமம் ।
லோகபாலோபமம் நாத²மகாமயத மேதி³னீ ॥ 48 ॥
வத்ஸஶ்ஶ்ரேயஸி ஜாதஸ்தே தி³ஷ்ட்யாஸௌ தவ ராக⁴வ ।
தி³ஷ்ட்யா புத்ரகு³ணைர்யுக்தோ மாரீச இவ காஶ்யப: ॥ 49 ॥
ப³லமாரோக்³யமாயுஶ்ச ராமஸ்ய விதி³தாத்மன: ।
தே³வாஸுரமனுஷ்யேஷு ஸக³ந்த⁴ர்வோரகே³ஷு ச ॥ 5௦ ॥
ஆஶம்ஸதே ஜனஸ்ஸர்வோ ராஷ்ட்ரே புரவரே ததா² ।
ஆப்⁴யந்தரஶ்ச பா³ஹ்யஶ்ச பௌரஜானபதோ³ ஜன: ॥ 51 ॥
ஸ்த்ரியோ வ்ருத்³தா⁴ஸ்தருண்யஶ்ச ஸாயம் ப்ராதஸ்ஸமாஹிதா: ।
ஸர்வான் தே³வான் நமஸ்யந்தி ராமஸ்யார்தே² யஶஸ்வின: ॥ 52 ॥
தேஷாமாயாசிதம் தே³வ த்வத்ப்ரஸாதா³த்ஸம்ருத்³த்⁴யதாம் ।
ராமமிந்தீ³வரஶ்யாமம் ஸர்வஶத்ருனிப³ர்ஹணம் ॥ 53 ॥
பஶ்யாமோ யௌவராஜ்யஸ்த²ம் தவ ராஜோத்தமாத்மஜம் ।
தம் தே³வ தே³வோபமமாத்மஜம் தே ஸர்வஸ்ய லோகஸ்ய ஹிதே நிவிஷ்டம் ।
ஹிதாய ந: க்ஷிப்ரமுதா³ரஜுஷ்டம் முதா³ப⁴ஷேக்தும் வரத³ த்வமர்ஹஸி ॥ 54 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³விதீயஸ்ஸர்க:³ ॥
