ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² பஞ்சத³ஶஸ்ஸர்க:³ ।
அத² தஸ்ய நினாத³ம் தம் ஸுக்³ரீவஸ்ய மஹாத்மன: ।
ஶுஶ்ராவாந்த: புர க³தோ வாலீ ப்⁴ராதுரமர்ஷண: ॥ 1 ॥
ஶ்ருத்வா து தஸ்ய நினத³ம் ஸர்வபூ⁴தப்ரகம்பனம் ।
மத³ஶ்சைகபதே³ நஷ்ட: க்ரோத⁴ஶ்சாபதிதோ மஹான் ॥ 2 ॥
ஸ து ரோஷபரீதாங்கோ³ வாலீ ஸந்த்⁴யாகனகப்ரப:⁴ ।
உபரக்த இவாதி³த்யஸ்ஸத்³யோ நிஷ்ப்ரப⁴தாம் க³த: ॥ 3 ॥
வாலீ த³ம்ஷ்ட்ரா கரால: து க்ரோதா⁴த்³ தீ³ப்த அக்³னி லோசன: ।
பா⁴தி உத்பதித பத்³மாப:⁴ ஸம்ருணால இவ ஹ்ரத:³ ॥ 4 ॥
ஶப்³த³ம் து³ர்மர்ஷணம் ஶ்ருத்வா நிஷ்பபாத ததோ ஹரி: ।
வேகே³ன சரணன்யாஸைர்தா³ரயன்னிவ மேதி³னீம் ॥ 5 ॥
தம் து தாரா பரிஷ்வஜ்ய ஸ்னேஹாத்³த³ர்ஶிதஸௌஹ்ருதா³: ।
உவாச த்ரஸ்தஸம்ப்⁴ராந்தா ஹிதோத³ர்கமித³ம் வச: ॥ 6 ॥
ஸாது⁴ க்ரோத⁴மிமம் வீர நதீ³வேக³மிவாக³தம் ।
ஶயனாது³த்தி²த: கால்யம் த்யஜ பு⁴க்தாமிவ ஸ்ரஜம் ॥ 7 ॥
கால்யமேதேன ஸங்க்³ராமம் கரிஷ்யஸி ச வானர ।
வீர தே ஶத்ருபா³ஹுல்யம் ப²ல்கு³தா வா ந வித்³யதே ॥ 8 ॥
ஸஹஸா தவ நிஷ்க்ராமோ மம தாவன்ன ரோசதே ।
ஶ்ரூயதாம் சாபி⁴தா⁴ஸ்யாமி யன்னிமித்தம் நிவார்யஸே ॥ 9 ॥
பூர்வமாபதித: க்ரோதா⁴த்ஸ த்வாமாஹ்வயதே யுதி⁴ ।
நிஷ்பத்ய ச நிரஸ்தஸ்தே ஹன்யமானோ தி³ஶோ க³த: ॥ 1௦ ॥
த்வயா தஸ்ய நிரஸ்தஸ்ய பீடி³தஸ்ய விஶேஷத: ।
இஹைத்ய புனராஹ்வானம் ஶங்காம் ஜனயதீவ மே ॥ 11 ॥
த³ர்பஶ்ச வ்யவஸாயஶ்ச யாத்³ருஶஸ்தஸ்ய நர்த³த: ।
நினாத³ஶ்சாபி ஸம்ரம்போ⁴ நைதத³ல்பம் ஹி காரணம் ॥ 12 ॥
நாஸஹாயமஹம் மன்யே ஸுக்³ரீவம் தமிஹாக³தம் ।
அவஷ்டப்³த⁴ஸஹாயஶ்ச யமாஶ்ரித்யைஷ க³ர்ஜதி ॥ 13 ॥
ப்ரக்ருத்யா நிபுணஶ்சைவ பு³த்³தி⁴மாம்ஶ்சைவ வானர: ।
அபரீக்ஷிதவீர்யேண ஸுக்³ரீவஸ்ஸஹனைஷ்யதி ॥ 14 ॥
பூர்வமேவ மயா வீர ஶ்ருதம் கத²யதோ வச: ।
அங்க³த³ஸ்ய குமாரஸ்ய வக்ஷ்யாமித்வா ஹிதம் வச: ॥ 15 ॥
அங்க³த³ஸ்து குமாரோயம் வனாந்தமுபனிர்க³த: ।
ப்ரவ்ருத்திஸ்தேன கதி²தா சாரை ராப்தைர்னிவேதி³தா ॥ 16 ॥
அயோத்⁴யாதி⁴பதே: புத்ரௌ ஶூரௌ ஸமரது³ர்ஜயௌ ।
இக்ஷ்வாகூணாம் குலே ஜாதௌ ப்ரதி²தௌ ராமலக்ஷ்மணௌ ॥ 17 ॥
ஸுக்³ரீவப்ரியகாமார்த²ம் ப்ராப்தௌ தத்ர து³ராஸதௌ³ ।
தவ ப்⁴ராதுர்ஹி விக்²யாதஸ்ஸஹாயோ ரணகர்கஶ: ।
ராம: பரப³லாமர்தீ³ யுகா³ந்தாக்³னிரிவோத்தி²த: ॥ 18 ॥
நிவாஸவ்ருக்ஷ: ஸாதூ⁴னாமாபன்னானாம் பரா க³தி: ।
ஆர்தானாம் ஸம்ஶ்ரயஶ்சைவ யஶஸஶ்சைகபா⁴ஜனம் ॥ 19 ॥
ஜ்ஞானவிஜ்ஞானஸம்பன்னோ நிதே³ஶே நிரத: பிது: ।
தா⁴தூனாமிவ ஶைலேந்த்³ரோ கு³ணானாமாகரோ மஹான் ॥ 2௦ ॥
தத்க்ஷமம் ந விரோத⁴ஸ்தே ஸஹ தேன மஹாத்மனா ।
து³ர்ஜயேனாப்ரமேயேன ராமேண ரணகர்மஸு ॥ 21 ॥
ஶூர வக்ஷ்யாமி தே கிஞ்சின்ன சேச்சா²ம்யப்⁴யஸூயிதும் ।
ஶ்ரூயதாம் க்ரியதாம் சைவ தவ வக்ஷ்யாமி யத்³தி⁴தம் ॥ 22 ॥
யௌவராஜ்யேன ஸுக்³ரீவம் தூர்ணம் ஸாத்⁴வபி⁴ஷேசய ।
விக்³ரஹம் மா க்ருதா² வீர ப்⁴ராத்ரா ராஜன்ப³லீயஸா ॥ 23 ॥
அஹம் ஹி தே க்ஷமம் மன்யே தேன ராமேண ஸௌஹ்ருத³ம் ।
ஸுக்³ரீவேண ச ஸம்ப்ரீதிம் வைரமுத்ஸ்ருஜ்ய தூ³ரத: ॥ 24 ॥
லாலனீயோ ஹி தே ப்⁴ராதா யவீயானேஷ வானர: ।
தத்ர வா ஸன்னிஹஸ்தோ² வா ஸர்வதா² ப³ந்து⁴ரேவ தே ॥ 25 ॥
ந ஹி தேன ஸமம் ப³ந்து⁴ம் பு⁴வி பஶ்யாமி கஞ்சன ॥ 26 ॥
தா³னமானாதி³ஸத்காரை: குருஷ்வ ப்ரத்யனந்தரம் ।
வைரமேதத்ஸமுத்ஸ்ருஜ்ய தவ பார்ஶ்வே ஸ திஷ்ட²து ॥ 27 ॥
ஸுக்³ரீவோ விபுலக்³ரீவஸ்தவப³ந்து⁴ஸ்ஸதா³ மத: ।
ப்⁴ராத்ருஸ்ஸௌஹ்ருத³மாலம்ப³ நான்யா க³திரிஹாஸ்தி தே ॥ 28 ॥
யதி³ தே மத்ப்ரியம் கார்யம் யதி³ சாவைஷி மாம் ஹிதாம் ।
யாச்யமான: ப்ரயத்னேன ஸாது⁴ வாக்யம் குருஷ்வ மே ॥ 29 ॥
ப்ரஸீத³ பத்²யம் ஶ்ருணு ஜல்பிதம் ஹி மே ந ரோஷ மேவானுவிதா⁴துமர்ஹஸி ।
க்ஷமோ ஹி தே கோஸலராஜஸூனுனா ந விக்³ரஹஶ்ஶக்ரஸமானதேஜஸா ॥ 3௦ ॥
ததா³ ஹி தாரா ஹிதமேவ வாக்யம் தம் வாலினம் பத்²யமித³ம் ப³பா⁴ஷே ।
ந ரோசதே தத்³வசனம் ஹி தஸ்ய காலாபி⁴பன்னஸ்ய வினாஶகாலே ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ பஞ்சத³ஶஸ்ஸர்க:³ ॥
