ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்ரிபஞ்சாஶஸ்ஸர்க:³ ।
தஸ்ய தத்³வசனம் ஶ்ருத்வா த³ஶக்³ரீவோ மஹாத்மன: ।
தே³ஶகாலஹிதம் வாக்யம் ப்⁴ராதுருத்தரமப்³ரவீத் ॥ 1 ॥
ஸம்யகு³க்தம் ஹி ப⁴வதா தூ³தவத்⁴யா விக³ர்ஹிதா ।
அவஶ்யம் து வதா⁴த³ன்ய: க்ரியதாமஸ்ய நிக்³ரஹ: ॥ 2 ॥
கபீனாம் கில லாங்கூ³லமிஷ்டம் ப⁴வதி பூ⁴ஷணம் ।
தத³ஸ்ய தீ³ப்யதாம் ஶீக்⁴ரம் தேன த³க்³தே⁴ன க³ச்ச²து ॥ 3 ॥
தத: பஶ்யந்த்விமம் தீ³னமங்க³வைரூப்யகர்ஶிதம் ।
ஸமித்ரஜ்ஞாதயஸ்ஸர்வே பா³ந்த⁴வா: ஸஸுஹ்ருஜ்ஜனா: ॥ 4 ॥
ஆஜ்ஞாபயத்³ராக்ஷஸேந்த்³ர: புரம் ஸர்வம் ஸசத்வரம் ।
லாங்கூ³லேன ப்ரதீ³ப்தேன ரக்ஷோபி⁴: பரிணீயதாம் ॥ 5 ॥
தஸ்ய தத்³வசனம் ஶ்ருத்வா ராக்ஷஸா: கோபகர்ஶிதா: ।
வேஷ்டயந்தி ஸ்ம லாங்கூ³லம் ஜீர்ணை: கார்பாஸகை: படை: ॥ 6 ॥
ஸம்வேஷ்ட்யமானே லாங்கூ³லே வ்யவர்த⁴த மஹாகபி: ।
ஶுஷ்கமிந்த⁴னமாஸாத்³ய வனேஷ்விவ ஹுதாஶன: ॥ 7 ॥
தைலேன பரிஷிச்யாத² தேக்³னிம் தத்ராப்⁴யபாதயன் ।
லாங்கூ³லேன ப்ரதீ³ப்தேன ராக்ஷஸாம்ஸ்தானபாதயத் ॥ 8 ॥
ரோஷாமர்ஷபரீதாத்மா பா³லஸூர்யஸமானந: ।
லாங்கூ³லம் ஸம்ப்ரதீ³ப்தம் து த்³ரஷ்டும் தஸ்ய ஹனூமத: ॥ 9 ॥
ஸஹஸ்த்ரீபா³லவ்ருத்³தா⁴ஶ்ச ஜக்³மு: ப்ரீதா நிஶாசரா: ।
ஸ பூ⁴ய: ஸங்க³தை: க்ரூரைர்ராக்ஷஸைர்ஹரிஸத்தம: ॥ 1௦ ॥
நிப³த்³த:⁴ க்ருதவான்வீரஸ்தத்காலஸத்³ருஶீம் மதிம் ।
காமம் க²லு ந மே ஶக்தா நிப³த்³த⁴ஸ்யாபி ராக்ஷஸா: ॥ 11 ॥
சி²த்த்வா பாஶான் ஸமுத்பத்ய ஹன்யாமஹமிமான்புன: ।
யதி³ ப⁴ர்துர்ஹிதார்தா²ய சரந்தம் ப⁴ர்த்ருஶாஸனாத் ॥ 12 ॥
ப³த்⁴னந்த்யேதே து³ராத்மனோ ந து மே நிஷ்க்ருதி: க்ருதா ।
ஸர்வேஷாமேவ பர்யாப்தோ ராக்ஷஸானாமஹம் யுதி⁴ ॥ 13 ॥
கிந்து ராமஸ்ய ப்ரீத்யர்த²ம் விஷஹிஷ்யேஹமீத்³ருஶம் ।
லங்கா சாரயிதவ்யா வை புனரேவ ப⁴வேதி³தி ॥ 14 ॥
ராத்ரௌ ந ஹி ஸுத்³ருஷ்டா மே து³ர்க³கர்மவிதா⁴னத: ।
அவஶ்யமேவ த்³ரஷ்டவ்யா மயா லங்கா நிஶாக்ஷயே ॥ 15 ॥
காமம் ப³த்³த⁴ஸ்ய மே பூ⁴ய: புச்ச²ஸ்யோத்³தீ³பனேன ச ।
பீடா³ம் குர்வந்து ரக்ஷாம்ஸி ந மேஸ்தி மனஸஶ்ஶ்ரம: ॥ 16 ॥
ததஸ்தே ஸம்வ்ருதாகாரம் ஸத்த்வவந்தம் மஹாகபிம் ।
பரிக்³ருஹ்ய யயுர்ஹ்ருஷ்டா ராக்ஷஸா: கபிகுஞ்ஜரம் ॥ 17 ॥
ஶங்க²பே⁴ரீனினாதை³ஸ்தம் கோ⁴ஷயந்த: ஸ்வகர்மபி⁴: ।
ராக்ஷஸா: க்ரூரகர்மாணஶ்சாரயந்தி ஸ்ம தாம் புரீம் ॥ 18 ॥
அன்வீயமானோ ரக்ஷோபி⁴ர்யயௌ ஸுக²மரிந்த³ம: ।
ஹனுமாம்ஶ்சாரயாமாஸ ராக்ஷஸானாம் மஹாபுரீம் ॥ 19 ॥
அதா²பஶ்யத்³விமானானி விசித்ராணி மஹாகபி: ।
ஸம்வ்ருதான் பூ⁴மிபா⁴கா³ம்ஶ்ச ஸுவிப⁴க்தாம்ஶ்ச சத்வரான் ॥ 2௦ ॥
வீதீ²ஶ்ச க்³ருஹஸம்பா³தா⁴: கபிஶ்ஶ்ருங்கா³டகானி ச ।
ததா² ரத்²யோபரத்²யாஶ்ச ததை²வ க்³ருஹகாந்தரான் ॥ 21 ॥
க்³ருஹாம்ஶ்ச மேக⁴ஸங்காஶான் த³த³ர்ஶ பவனாத்மஜ: ।
சத்வரேஷு சதுஷ்கேஷு ராஜமார்கே³ ததை²வ ச ॥ 22 ॥
கோ⁴ஷயந்தி கபிம் ஸர்வே சாரீக இதி ராக்ஷஸா: ।
ஸ்த்ரீபா³லவ்ருத்³தா⁴: நிர்ஜக்³முஸ்தத்ர தத்ர குதூஹலாத் ॥ 23 ॥
தம் ப்ரதீ³பிதலாங்கூ³லம் ஹனுமந்தம் தி³த்³ருக்ஷவ: ।
தீ³ப்யமானே ததஸ்தத்ர லாங்கூ³லாக்³ரே ஹனூமத: ॥ 24 ॥
ராக்ஷஸ்யஸ்தா விரூபாக்ஷ்ய ஶ்ஶம்ஸுர்தே³வ்யாஸ்தத³ப்ரியம் ।
யஸ்த்வயா க்ருதஸம்வாத³ ஸ்ஸீதே தாம்ரமுக:² கபி: ॥ 25 ॥
லாங்கூ³லேன ப்ரதீ³ப்தேன ஸ ஏஷ பரிணீயதே ।
ஶ்ருத்வா தத்³வசனம் க்ரூரமாத்மாபஹரணோபமம் ॥ 26 ॥
வைதே³ஹீ ஶோகஸந்தப்தா ஹுதாஶனமுபாக³மத் ।
மங்க³லாபி⁴முகீ² தஸ்ய ஸா ததா³ஸீன்மஹாகபே: ॥ 27 ॥
உபதஸ்தே² விஶாலாக்ஷீ ப்ரயதா ஹவ்யவாஹனம் ।
யத்³யஸ்தி பதிஶுஶ்ரூஷா யத்³யஸ்தி சரிதம் தப: ।
யதி³ சாஸ்த்யேகபத்னீத்வம் ஶீதோ ப⁴வ ஹனூமத: ॥ 28 ॥
யதி³ கிஞ்சித³னுக்ரோஶஸ்தஸ்ய மய்யஸ்தி தீ⁴மத: ॥ 29 ॥
யதி³ வா பா⁴க்³யஶேஷோ மே ஶீதோ ப⁴வ ஹனூமத: ।
யதி³ மாம் வ்ருத்தஸம்பன்னாம் தத்ஸமாக³மலாலஸாம் ॥ 3௦ ॥
ஸ விஜானாதி த⁴ர்மாத்மா ஶீதோ ப⁴வ ஹனூமத: ।
யதி³ மாம் தாரயேதா³ர்யஸ்ஸுக்³ரீவ: ஸத்யஸங்க³ர: ॥ 31 ॥
அஸ்மாத்³து⁴:கா²ம்பு³ஸம்ரோதா⁴ச்சீ²தோ ப⁴வ ஹனூமத: ।
ததஸ்தீக்ஷ்ணார்சிரவ்யக்³ர: ப்ரத³க்ஷிணஶிகோ²னல: ॥ 32 ॥
ஜஜ்வால ம்ருக³ஶாபா³க்ஷ்யா ஶ்ஶம்ஸன்னிவ ஶிவம் கபே: ।
ஹனுமஜ்ஜனகஶ்சாபி புச்சா²னலயுதோனில: ॥ 33 ॥
வவௌ ஸ்வாஸ்த்²யகரோ தே³வ்யா: ப்ராலேயானிலஶீதல: ।
த³ஹ்யமானே ச லாங்கூ³லே சிந்தயாமாஸ வானர: ॥ 34 ॥
ப்ரதீ³ப்தோக்³னிரயம் கஸ்மான்ன மாம் த³ஹதி ஸர்வத: ।
த்³ருஶ்யதே ச மஹாஜ்வால: கரோதி ந ச மே ருஜம் ॥ 35 ॥
ஶிஶிரஸ்யேவ ஸங்கா⁴தோ லாங்கூ³லாக்³ரே ப்ரதிஷ்டி²த: ।
அத²வா ததி³த³ம் வ்யக்தம் யத்³த்³ருஷ்டம் ப்லவதா மயா ॥ 36 ॥
ராமப்ரபா⁴வாதா³ஶ்சர்யம் பர்வத ஸ்ஸரிதாம் பதௌ ।
யதி³ தாவத்ஸமுத்³ரஸ்ய மைனாகஸ்ய ச தீ⁴மத: ॥ 37 ॥
ராமார்த²ம் ஸம்ப்⁴ரமஸ்தாத்³ருக்கிமக்³னிர்ன கரிஷ்யதி ।
ஸீதாயாஶ்சான்ருஶம்ஸ்யேன தேஜஸா ராக⁴வஸ்ய ச ॥ 38 ॥
பிதுஶ்ச மம ஸக்²யேன ந மாம் த³ஹதி பாவக: ।
பூ⁴யஸ்ஸ சிந்தயாமாஸ முஹூர்தம் கபிகுஞ்ஜர: ॥ 39 ॥
உத்பபாதாத² வேகே³ன நனாத³ ச மஹாகபி: ।
புரத்³வாரம் ததஶ்ஶ்ரீமான் ஶைலஶ்ருங்க³மிவோன்னதம் ॥ 4௦ ॥
விப⁴க்தரக்ஷஸ்ஸம்பா³த⁴மாஸஸாதா³னிலாத்மஜ: ।
ஸ பூ⁴த்வா ஶைலஸங்காஶ: க்ஷணேன புனராத்மவான் ॥ 41 ॥
ஹ்ரஸ்வதாம் பரமாம் ப்ராப்தோ ப³ந்த⁴னான்யவஶாதயத் ।
விமுக்தஶ்சாப⁴வச்²ரசீமான் புன: பர்வதஸன்னிப:⁴ ॥ 42 ॥
வீக்ஷமாணஶ்ச த³த்³ருஶே பரிக⁴ம் தோரணாஶ்ரிதம் ।
ஸ தம் க்³ருஹ்ய மஹாபா³ஹு: காலாயஸபரிஷ்க்ருதம் ॥ 43 ॥
ரக்ஷிணஸ்தான் புனஸ்ஸர்வான்ஸூத³யாமாஸ மாருதி: ।
ஸ தான்னிஹத்த்வா ரணசண்ட³விக்ரம ஸ்ஸமீக்ஷமாண: புனரேவ லங்காம் ।
ப்ரதீ³ப்தலாங்கூ³லக்ருதார்சிமாலீ ப்ரகாஶதாதி³த்ய இவார்சிமாலீ ॥ 44 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்ரிபஞ்சாஶஸ்ஸர்க:³ ॥
