ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்³வாத³ஶஸ்ஸர்க:³ ।
ஏதச்ச வசனம் ஶ்ருத்வா ஸுக்³ரீவேண ஸுபா⁴ஷிதம் ।
ப்ரத்யயார்த²ம் மஹாதேஜா ராமோ ஜக்³ராஹ கார்முகம் ॥ 1 ॥
ஸ க்³ருஹீத்வா த⁴னுர்கோ⁴ரம் ஶரமேகம் ச மானத:³ ।
ஸாலமுத்³தி³ஶ்ய சிக்ஷேப ஜ்யாஸ்வனை: பூரயந்தி³ஶ: ॥ 2 ॥
ஸ விஸ்ருஷ்டோ ப³லவதா பா³ணஸ்ஸ்வர்ணபரிஷ்க்ருத: ।
பி⁴த்த்வா ஸாலான் கி³ரிப்ரஸ்த²ம் ஸப்த பூ⁴மிம் விவேஶ ஹ ॥ 3 ॥
ப்ரவிஷ்டஶ்ச முஹூர்தேன த⁴ராம் பி⁴த்த்வா மஹாஜவ: ।
நிஷ்பத்ய ச புனஸ்தூர்ணம் ஸ்வதூணீம் ப்ரவிவேஶ ஹ ॥ 4 ॥
தாந்த்³ருஷ்ட்வா ஸப்த நிர்பி⁴ன்னான்ஸாலான்வானரபுங்க³வ: ।
ராமஸ்ய ஶரவேகே³ன விஸ்மயம் பரமம் க³த: ॥ 5 ॥
ஸ மூர்த்⁴னா ந்யபதத³ப்⁴மௌ ப்ரலம்பீ³க்ருதபூ⁴ஷண: ।
ஸுக்³ரீவ: பரமப்ரீதோ ராக⁴வாய க்ருதாஞ்ஜலி: ॥ 6 ॥
இத³ம் சோவாச த⁴ர்மஜ்ஞம் கர்மணா தேன ஹர்ஷித: ।
ராமம் ஸர்வாஸ்த்ரவிது³ஷாம் ஶ்ரேஷ்ட²ம் ஶூரமவஸ்தி²தம் ॥ 7 ॥
ஸேந்த்³ரானபி ஸுரான்ஸர்வாம்ஸ்த்வம் பா³ணை: புருஷர்ஷப⁴ ।
ஸமர்த²ஸ்ஸமரே ஹந்தும் கிம் புன ர்வாலினம் ப்ரபோ⁴ ॥ 8 ॥
யேன ஸப்தமஹாஸாலா கி³ரிர்பூ⁴மிஶ்ச தா³ரிதா: ।
பா³ணேனைகேன காகுத்ஸ்த² ஸ்தா²தா தே கோ ரணாக்³ரத: ॥ 9 ॥
அத்³ய மே விக³தஶ்ஶோக: ப்ரீதிரத்³ய பரா மம ।
ஸுஹ்ருத³ம் த்வாம் ஸமாஸாத்³ய மஹேந்த்³ரவருணோபமம் ॥ 1௦ ॥
தமத்³யைவ ப்ரியார்த²ம் மே வைரிணம் ப்⁴ராத்ருரூபிணம் ।
வாலினம் ஜஹி காகுத்ஸ்த² மயா ப³த்³தோ⁴யமஞ்ஜலி: ॥ 11 ॥
ததோ ராம: பரிஷ்வஜ்ய ஸுக்³ரீவம் ப்ரியத³ர்ஶனம் ।
ப்ரத்யுவாச மஹாப்ராஜ்ஞோ லக்ஷ்மணானுக³தம் வச: ॥ 12 ॥
அஸ்மாத்³க³ச்சே²ம கிஷ்கிந்தா⁴ம் க்ஷிப்ரம் க³ச்ச² த்வமக்³ரத: ।
க³த்வா சாஹ்வய ஸுக்³ரீவ வாலினம் ப்⁴ராத்ருக³ந்தி⁴னம் ॥ 13 ॥
ஸர்வே தே த்வரிதம் க³த்வா கிஷ்கிந்தா⁴ம் வாலின: புரீம் ।
வ்ருக்ஷைராத்மானமாவ்ருத்ய வ்யதிஷ்ட²ன்க³ஹனே வனே ॥ 14 ॥
ஸுக்³ரீவோ வ்யனத³த்³கோ⁴ரம் வாலினோஹ்வானகாரணாத் ।
கா³ட⁴ம் பரிஹிதோ வேகா³ன்னாதை³ர்பி⁴ந்த³ன்னிவாம்ப³ரம் ॥ 15 ॥
தம் ஶ்ருத்வா நினத³ம் ப்⁴ராது: க்ருத்³தோ⁴ வாலீ மஹாப³ல: ।
நிஶ்சக்ராம ஸுஸம்ரப்³தோ⁴ பா⁴ஸ்கரோஸ்ததடாதி³வ ॥ 16 ॥
ததஸ்ஸுதுமுலம் யுத்³த⁴ம் வாலிஸுக்³ரீவயோரபூ⁴த் ।
க³க³னே க்³ரஹயோர்கோ⁴ரம் பு³தா⁴ங்கா³ரகயோரிவ ॥ 17 ॥
தலைரஶனிகல்பைஶ்ச வஜ்ரகல்பைஶ்ச முஷ்டிபி⁴: ।
ஜக்⁴னதுஸ்ஸமரேன்யோன்யம் ப்⁴ராதரௌ க்ரோத⁴மூர்சி²தௌ ॥ 18 ॥
ததோ ராமோ த⁴னுஷ்பாணிஸ்தாவுபௌ⁴ ஸமுதீ³க்ஷ்யது ।
அன்யோன்யஸத்³ருஶௌ வீராவுபௌ⁴ தே³வாவிவாஶ்வினௌ ॥ 19 ॥
யன்னாவக³ச்ச²த்ஸுக்³ரீவம் வாலினம் வாபி ராக⁴வ: ।
ததோ ந க்ருதவான்பு³த்³தி⁴ம் மோக்துமந்தகரம் ஶரம் ॥ 2௦ ॥
ஏதஸ்மின்னந்தரே ப⁴க்³னஸ்ஸுக்³ரீவஸ்தேன வாலினா ।
அபஶ்யன்ராக⁴வம் நாத²ம்ருஶ்யமூகம் ப்ரது³த்³ருவே ॥ 21 ॥
க்லாந்தோ ருதி⁴ரஸிக்தாங்க:³ ப்ரஹாரைர்ஜர்ஜ²ரீக்ருத: ।
வாலினாபி⁴த்³ருத: க்ரோதா⁴த்ப்ரவிவேஶ மஹாவனம் ॥ 22 ॥
தம் ப்ரவிஷ்டம் வனம் த்³ருஷ்ட்வா வாலீ ஶாபப⁴யார்தி³த: ।
முக்தோ ஹ்யஸி த்வமித்யுக்த்வா ஸ நிவ்ருத்தோ மஹாத்³யுதி: ॥ 23 ॥
ராக⁴வோஸி ஸஹ ப்⁴ராத்ரா ஸஹ சைவ ஹனூமதா ।
ததே³வ வனமாக³ச்ச²த்ஸுக்³ரீவோ யத்ர வானர: ॥ 24 ॥
தம் ஸமீக்ஷ்யாக³தம் ராமம் ஸுக்³ரீவஸ்ஸஹலக்ஷ்மணம் ।
ஹ்ரீமாந்தீ³னமுவாசேத³ம் வஸுதா⁴மவலோகயன் ॥ 25 ॥
ஆஹ்வயஸ்வேதி மாமுக்த்வா த³ர்ஶயித்வா ச விக்ரமம் ।
வைரிணா கா⁴தயித்வா ச கிமிதா³னீம் த்வயா க்ருதம் ॥ 26 ॥
தாமேன வேலாம் வக்தவ்யம் த்வயா ராக⁴வ தத்த்வத: ।
வாலினம் ந நிஹன்மீதி ததோ நாஹமிதோ வ்ரஜே ॥ 27 ॥
தஸ்ய சைவம் ப்³ருவாணஸ்ய ஸுக்³ரீவஸ்ய மஹாத்மன: ।
கருணம் தீ³னயா வாசா ராக⁴வ: புனரப்³ரவீத் ॥ 28 ॥
ஸுக்³ரீவ ஶ்ரூயாதாம் தாத க்ரோத⁴ஶ்ச வ்யபனீயதாம் ।
காரணம் யேன பா³ணோயம் ந மயா ஸ விஸர்ஜித: ॥ 29 ॥
அலங்காரேண வேஷேண ப்ரமாணேன க³தேன ச ।
த்வம் ச ஸுக்³ரீவ வாலீ ச ஸத்³ருஶௌ ஸ்த:² பரஸ்பரம் ॥ 3௦ ॥
ஸ்வரேண வர்சஸா சைவ ப்ரேக்ஷிதேன ச வானர ।
விக்ரமேண ச வாக்யைஶ்ச வ்யக்திம் வாம் நோபலக்ஷயே ॥ 31 ॥
ததோஹம் ரூபஸாத்³ருஶ்யான்மோஹிதோ வானரோத்தம ।
நோத்ஸ்ருஜாமி மஹாவேக³ம் ஶரம் ஶத்ருனிப³ர்ஹணம் ॥ 32 ॥
ஜீவிதாந்தகரம் கோ⁴ரம் ஸாத்³ருஶ்யாத்து விஶங்கித: ।
மூலகா⁴தோ ந நௌ ஸ்யாத்³தி⁴ த்³வயோரபி க்ருதோ மயா ॥ 33 ॥
த்வயி வீரே விபன்னே ஹி அஜ்ஞானால்லாக⁴வான்மயா ।
மௌட்⁴யம் ச மம பா³ல்யம் ச க்²யாபிதம் ஸ்யாத்கபீஶ்வர ॥ 34 ॥
த³த்தாப⁴யவதோ⁴ நாம பாதகம் மஹது³ச்யதே ।
அஹம் ச லக்ஷ்மணஶ்சைவ ஸீதா ச வரவர்ணினீ ॥ 35 ॥
த்வத³தீ⁴னா வயம் ஸர்வே வனேஸ்மின் ஶரணம் ப⁴வான் ।
தஸ்மாத்³யுத்⁴யஸ்வ பூ⁴யஸ்த்வம் மா மா ஶங்கேஶ்ச வானர ॥ 36 ॥
ஏதன்முஹூர்தே ஸுக்³ரீவ பஶ்ய வாலினமாஹவே ।
நிரஸ்தமிஷுணைகேன வேஷ்டமானம் மஹீதலே ॥ 37 ॥
அபி⁴ஜ்ஞானம் குருஷ்வ த்வமாத்மனோ வானரேஶ்வர ।
யேன த்வாமபி⁴ஜானீயாம் த்³வந்த்³வயுத்³த⁴முபாக³தம் ॥ 38 ॥
கஜ³புஷ்பீமிமாம் பு²ல்லாமுத்பாட்ய ஶுப⁴லக்ஷணாம் ।
குரு லக்ஷ்மண கண்டே²ஸ்ய ஸுக்³ரீவஸ்ய மஹாத்மன: ॥ 39 ॥
ததோ கி³ரிதடே ஜாதாமுத்பாட்ய குஸுமாகுலாம் ।
லக்ஷ்மணோ கஜ³புஷ்பீம் தாம் தஸ்ய கண்டே² வ்யஸர்ஜயத் ॥ 4௦ ॥
ஸ தயா ஶுஶுபே⁴ ஶ்ரீமான் லதயா கண்ட²ஸக்தயா ।
மாலயேவ ப³லாகானாம் ஸஸந்த்⁴ய இவ தோயத:³ ॥ 41 ॥
விப்⁴ராஜமானோ வபுஷா ராமவாக்யஸமாஹித: ।
ஜகா³ம ஸஹ ராமேண கிஷ்கிந்தா²ம் வாலிபாலிதாம் ॥ 42 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்³வாத³ஶஸ்ஸர்க:³ ॥
