ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்ரிஸப்ததிதமஸ்ஸர்க:³ ।
நித³ர்ஶயித்வா ராமாய ஸீதாயா: ப்ரதிபாத³னே ।
வாக்யமன்வர்த²மர்தஜ²்ஞ: கப³ந்த:⁴ புனரப்³ரவீத் ॥ 1 ॥
ஏஷ ராம ஶிவ: பந்தா² யத்ரைதே புஷ்பிதா த்³ருமா: ।
ப்ரதீசீம் தி³ஶமாஶ்ரித்ய ப்ரகாஶந்தே மனோரமா: ॥ 2 ॥
ஜம்பூ³ப்ரியாலபனஸப்லக்ஷன்யக்³ரோத⁴திந்து⁴கா: ।
அஶ்வத்தா²: கர்ணிகாராஶ்ச சூதாஶ்சான்யே ச பாதா³பா: ॥ 3 ॥
த⁴ன்வனா நாக³வ்ருக்ஷாஶ்ச திலகா நக்தமாலகா: ।
நீலாஶோகா: கத³ம்பா³ஶ்ச கரவீராஶ்ச புஷ்பிதா: ॥ 4 ॥
அக்³னிமுக்²யா அஶோகாஶ்ச ஸுரக்தா: பாரிப⁴த்³ரகா: ।
தானாருஹ்யாத²வா பூ⁴மௌ பாதயித்வா ச தான்ப³லாத் ॥ 5 ॥
ப²லான்யம்ருதகல்பானி ப⁴க்ஷயந்தௌ க³மிஷ்யத:² ।
தத³திக்ரம்ய காகுத்ஸ்த² வனம் புஷ்பிதபாத³பம் ॥ 6 ॥
நந்த³னப்ரதிமம் சான்யத்குரவோ ஹ்யுத்தரா இவ ।
ஸர்வகாலப²லா யத்ர பாத³பாஸ்து மது⁴ஸ்ரவா: ॥ 7 ॥
ஸர்வே ச ருதவஸ்தத்ர வனே சைத்ரரதே² யதா² ।
ப²லபா⁴ரானதாஸ்தத்ர மஹாவிடபதா⁴ரிண: ॥ 8 ॥
ஶோப⁴ந்தே ஸர்வதஸ்தத்ர மேக⁴பர்வதஸன்னிபா⁴: ।
தானாருஹ்யாத²வா பூ⁴மௌ பாதயித்வா யதா²ஸுக²ம் ॥ 9 ॥
ப²லான்யம்ருதகல்பானி லக்ஷ்மணஸ்தே ப்ரதா³ஸ்யதி ।
சங்க்ரமந்தௌ வராந்தே³ஶான்ஶைலாச்சை²லம் வனாத்³வனம் ॥ 1௦ ॥
தத: புஷ்கரிணீம் வீரௌ பம்பாம் நாம க³மிஷ்யத:² ।
அஶர்கராமவிப்⁴ரம்ஶாம் ஸமதீர்தா²மஶைவலாம் ॥ 11 ॥
ராம ஸஞ்ஜாதவாலூகாம் கமலோத்பலஶாலினீம் ।
தத்ர ஹம்ஸா: ப்லவா: க்ரௌஞ்சா: குரராஶ்சைவ ராக⁴வ ॥ 12 ॥
வல்கு³ஸ்வனா விகூஜந்தி பம்பாஸலிலகோ³சரா: ।
நோத்³விஜந்தே நராந்த்³ருஷ்ட்வா வத⁴ஸ்யாகோவிதா³ஶ்ஶுபா⁴: ॥ 13 ॥
க்⁴ருதபிண்டோ³பமான் ஸ்தூ²லாம்ஸ்தாந்த்³விஜான்ப⁴க்ஷயிஷ்யத:² ।
ரோஹிதான்வக்ரதுண்டா³ம்ஶ்ச நட³மீனாம்ஶ்ச ராக⁴வ ॥ 14 ॥
பம்பாயாமிஷுபி⁴ர்மத்ஸ்யாம்ஸ்தத்ர ராம வரான்ஹதான் ।
நிஸ்த்வக்பக்ஷானயஸ்தப்தானக்ருஶானேககண்டகான் ॥ 15 ॥
தவ ப⁴க்த்யா ஸமாயுக்தோ லக்ஷ்மணஸ்ஸம்ப்ரதா³ஸ்யதி ।
ப்⁴ருஶதே கா²த³தோ மத்ஸ்யான்பம்பாயா: புஷ்பஸஞ்சயே ॥ 16 ॥
பத்³மக³ந்தி⁴ ஶிவம் வாரி ஸுக²ஶீதமனாமயம் ।
உத்³த்⁴ருத்ய ஸததாக்லிஷ்டம் ரௌப்யஸ்பா²டிகஸன்னிப⁴ம் ॥ 17 ॥
அஸௌ புஷ்கரபர்ணேன லக்ஷ்மண: பாயயிஷ்யதி ।
ஸ்தூ²லான்கி³ரிகு³ஹாஶய்யான்வராஹான்வனசாரிண: ॥ 18 ॥
அபாம் லோபா⁴து³பாவ்ருத்தான்வ்ருஷபா⁴னிவ நர்த³த: ।
ரூபாவனிதாம்ஶ்ச பம்பாயாந்த்³ரக்ஷ்யஸி த்வம் நரோத்தம ॥ 19 ॥
ஸாயாஹ்னே விசரன்ராம விடபீன்மால்யதா⁴ரிண: ।
ஶீதோத³கம் ச பம்பாயா த்³ருஷ்ட்வா ஶோகம் விஹாஸ்யஸி ॥ 2௦ ॥
ஸுமனோபி⁴ஶ்சிதாம்ஸ்தத்ர திலகான்னக்தமாலகான் ।
உத்பலானி ச பு²ல்லானி பங்கஜானி ச ராக⁴வ ॥ 21 ॥
ந தானி கஶ்சின்மால்யானி தத்ராரோபயிதா நர: ।
ந ச வை ம்லானதாம் யாந்தி ந ச ஶீர்யந்தி ராக⁴வ ॥ 22 ॥
மதங்க³ஶிஷ்யாஸ்தத்ராஸன்ன்ருஷயஸ்ஸுஸமாஹிதா: ।
தேஷாம் பா⁴ராபி⁴தப்தானாம் வன்யமாஹரதாம் கு³ரோ: ॥ 23 ॥
யே ப்ரபேதுர்மஹீம் தூர்ணம் ஶரீராத்ஸ்வேத³பி³ந்த³வ: ।
தானி ஜாதானி மால்யானி முனீனாம் தபஸா ததா³ ॥ 24 ॥
ஸ்வேத³பி³ந்து³ஸமுத்தா²னி ந வினஶ்யந்தி ராக⁴வ ।
தேஷாம் க³தானாமத்³யாபி த்³ருஶ்யதே பரிசாரிணீ ॥ 25 ॥
ஶ்ரமணீ ஶப³ரீ நாம காகுத்ஸ்த² சிரஜீவினீ ।
த்வாம் து த⁴ர்மே ஸ்தி²தா நித்யம் ஸர்வபூ⁴தனமஸ்க்ருதம் ॥ 26 ॥
த்³ருஷ்ட்வா தே³வோபமம் ராம ஸ்வர்க³லோகம் க³மிஷ்யதி ।
ததஸ்தத்³ராம பம்பாயாஸ்தீரமாஸாத்³ய பஶ்சிமம் ॥ 27 ॥
ஆஶ்ரமஸ்தா²னமதுலம் கு³ஹ்யம் காகுத்ஸ்த² பஶ்யஸி ।
ந தத்ராக்ரமிதும் நாகா³ஶ்ஶக்னுவந்தி தமாஶ்ரமம் ॥ 28 ॥
விவிதா⁴ஸ்தத்ர வை நாகா³ வனே தஸ்மிம்ஶ்ச பர்வதே ।
ருஷேஸ்தத்ர மதங்க³ஸ்ய விதா⁴னாத்தச்ச கானநம் ॥ 29 ॥
தஸ்மின்னந்த³னஸங்காஶே தே³வாரண்யோபமே வனே ।
நானாவிஹக³ஸங்கீர்ணே ரம்ஸ்யஸே ராம நிர்வ்ருத: ॥ 3௦ ॥
ருஷ்யமூகஶ்ச பம்பாயா: புரஸ்தாத்புஷ்பிதத்³ரும: ।
ஸுது³:கா²ரோஹணோ நாம ஶிஶுனாகா³பி⁴ரக்ஷித: ॥ 31 ॥
உதா³ரோ ப்³ரஹ்மணா சைவ பூர்வகாலே வினிர்மித: ।
ஶயான: புருஷோ ராம தஸ்ய ஶைலஸ்ய மூர்த⁴னி ॥ 32 ॥
யத்ஸ்வப்னே லப⁴தே வித்தம் தத்ப்ரபு³த்³தோ⁴தி⁴க³ச்ச²தி ।
நத்வேனம் விஷமாசார பாபகர்மாதி⁴ரோஹதி ॥ 33 ॥
யஸ்து தம் விஷமாசார: பாபகர்மாதி⁴ரோஹதி ।
தத்ரைவ ப்ரஹறந்த்யேனம் ஸுப்தமாதா³ய ராக்ஷஸா: ॥ 34 ॥
தத்ராபி ஶிஶுனாகா³னாமாக்ரந்த⁴ஶ்ஶ்ரூயதே மஹான் ।
க்ரீட³தாம் ராம பம்பாயாம் மதங்கா³ரண்யவாஸினாம் ॥ 35 ॥
ஸிக்தா ருதி⁴ரதா⁴ராபி⁴ஸ்ஸம்ஹ்ருத்ய பரமத்³விபா: ।
ப்ரசரந்தி ப்ருத²க்கீர்ணா மேக⁴வர்ணாஸ்தரஸ்வின: ॥ 36 ॥
தே தத்ர பீத்வா பானீயம் விமலம் ஶீதமவ்யயம் ।
நிர்வ்ருதாஸ்ஸம்விகா³ஹந்தே வனானி வனகோ³சரா: ॥ 37 ॥
ருக்ஷாம்ஶ்ச த்³வீபினஶ்சைவ நீலகோமலகப்ரபா⁴ன் ।
ருரூனபேதாபஜயான் த்³ருஷ்ட்வா ஶோகம் ஜயிஷ்யஸி ॥ 38 ॥
ராம தஸ்ய து ஶைலஸ்ய மஹதீ ஶோப⁴தே கு³ஹா ।
ஶிலாபிதா⁴னா காகுத்ஸ்த² து³:க²ம் சாஸ்யா: ப்ரவேஶனம் ॥ 39 ॥
தஸ்யா கு³ஹாயா: ப்ராக்³த்³வாரே மஹான்ஶீதோத³கோ ஹ்ரத:³ ।
ப²லமூலான்விதோ ரம்யோ நானாம்ருக³ஸமாவ்ருத: ॥ 4௦ ॥
தஸ்யாம் வஸதி ஸுக்³ரீவஶ்சதுர்பி⁴ஸ்ஸஹ வானரை: ।
கதா³சிச்சி²க²ரே தஸ்ய பர்வதஸ்யாவதிஷ்ட²தே ॥ 41 ॥
கப³ந்த⁴ஸ்த்வனுஶாஸ்யைவம் தாவுபௌ⁴ ராமலக்ஷ்மணௌ ।
ஸ்ரக்³வீ பா⁴ஸ்கரவர்ணாப:⁴ கே² வ்யரோசத வீர்யவான் ॥ 42 ॥
தம் து க²ஸ்த²ம் மஹாபா⁴க³ம் கப³ந்த⁴ம் ராமலக்ஷ்மணௌ ।
ப்ரஸ்தி²தௌ த்வம் வ்ரஜஸ்வேதி வாக்யமூசதுரந்திகே ॥ 43 ॥
க³ம்யதாம் கார்யஸித்³த்⁴யர்த²மிதி தாவப்³ரவீத்ஸ ச ।
ஸுப்ரீதௌ தாவனுஜ்ஞாப்ய கப³ந்த:⁴ ப்ரஸ்தி²தஸ்ததா³ ॥ 44 ॥
ஸ தத்கப³ந்த:⁴ ப்ரதிபத்³ய ரூபம் வ்ருதஶ்ஶ்ரியா பா⁴ஸ்கரதுல்யதே³ஹ: ।
நித³ர்ஶயன்ராமமவேக்ஷ்ய க²ஸ்த:² ஸக்²யம் குருஷ்வேதி ததா³ப்⁴யுவாச ॥ 45 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்ரிஸப்ததிதமஸ்ஸர்க:³ ॥
