ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்ரிசத்வாரிம்ஶஸ்ஸர்க:³ ।
ததஸ்ஸ கிங்கரான்ஹத்வா ஹனுமாந்த்⁴யானமாஸ்தி²த: ।
வனம் ப⁴க்³னம் மயா சைத்யப்ராஸாதோ³ ந வினாஶித: ॥ 1 ॥
தஸ்மாத்ப்ராஸாத³மப்யேவம் பீ⁴மம் வித்⁴வம்ஸயாம்யஹம் ।
இதி ஸஞ்சிந்த்ய மனஸா ஹனுமாந்த³ர்ஶயன்ப³லம் ॥ 2 ॥
சைத்யப்ராஸாத³மாப்லுத்ய மேருஶ்ருங்க³மிவோன்னதம் ।
ஆருரோஹ கபிஶ்ரேஷ்டோ² ஹனுமான்மாருதாத்மஜ: ॥ 3 ॥
ஆருஹ்ய கி³ரிஸங்காஶம் ப்ராஸாத³ம் ஹரியூத²ப: ।
ப³பௌ⁴ ஸ ஸுமஹாதேஜா: ப்ரதிஸூர்ய இவோதி³த: ॥ 4 ॥
ஸம்ப்ரத்⁴ருஷ்ய ச து³ர்த⁴ர்ஷம் சைத்யப்ராஸாத³முத்தமம் ।
ஹனுமான்ப்ரஜ்வலன்லக்ஷ்ம்யா பாரியாத்ரோபமோப⁴வத் ॥ 5 ॥
ஸ பூ⁴த்வா ஸுமஹாகாய: ப்ரபா⁴வான்மாருதாத்மஜ: ।
த்⁴ருஷ்டமாஸ்போ²டயாமாஸ லங்காம் ஶப்³தே³ன பூரயன் ॥ 6 ॥
தஸ்யாஸ்போ²டிதஶப்³தே³ன மஹதா ஶ்ரோத்ரகா⁴தினா ।
பேதுர்விஹங்க³மாஸ்தத்ர சைத்யபாலாஶ்ச மோஹிதா: ॥ 7 ॥
அஸ்த்ரவிஜ்ஜயதாம் ராமோ லக்ஷ்மணஶ்ச மஹாப³ல: ।
ராஜா ஜயதி ஸுக்³ரீவோ ராக⁴வேணாபி⁴பாலித: ॥ 8 ॥
தா³ஸோஹம் கோஸலேந்த்³ரஸ்ய ராமஸ்யாக்லிஷ்டகர்மண: ।
ஹனுமான்ஶத்ருஸைன்யானாம் நிஹந்தா மாருதாத்மஜ: ॥ 9 ॥
ந ராவணஸஹஸ்ரம் மே யுத்³தே⁴ ப்ரதிப³லம் ப⁴வேத் ।
ஶிலாபி⁴ஸ்து ப்ரஹரத: பாத³பைஶ்ச ஸஹஸ்ரஶ: ॥ 1௦ ॥
அர்த³யித்வா புரீம் லங்காமபி⁴வாத்³ய ச மைதி²லீம் ।
ஸம்ருத்³தா⁴ர்தோ² க³மிஷ்யாமி மிஷதாம் ஸர்வரக்ஷஸாம் ॥ 11 ॥
ஏவமுக்த்வா விமானஸ்த²ஶ்சைத்யஸ்தா²ன்ஹரியூத²ப: ।
நனாத³ பீ⁴மனிர்ஹ்ராதோ³ ரக்ஷஸாம் ஜனயன்ப⁴யம் ॥ 12 ॥
தேன ஶப்³தே³ன மஹதா சைத்யபாலாஶ்ஶதம் யயு: ।
க்³ருஹீத்வா விவிதா⁴னஸ்த்ரான்ப்ராஸான்க²ங்கா³ன்பரஶ்வதா²ன் ॥ 13 ॥
விஸ்ருஜந்தோ மஹாகாயா மாருதிம் பர்யவாரயன் ।
தே க³தா³பி⁴ர்விசித்ராபி⁴: பரிகை⁴: காஞ்சனாங்க³தை³: ।
ஆஜக்⁴னுர்வானரஶ்ரேஷ்ட²ம் பா³ணைஶ்சாதி³த்யஸன்னிபை⁴: ॥ 14 ॥
ஆவர்த இவ க³ங்கா³யாஸ்தோயஸ்ய விபுலோ மஹான் ।
பரிக்ஷிப்ய ஹரிஶ்ரேஷ்ட²ம் ஸ ப³பௌ⁴ ரக்ஷஸாம் க³ண: ॥ 15 ॥
ததோ வாதாத்மஜ: க்ருத்³தோ⁴ பீ⁴ம ரூபம் ஸமாஸ்தி²த: ॥ 16 ॥
ப்ராஸாத³ஸ்ய மஹந்தஸ்ய ஸ்தம்ப³ம் ஹேமபரிஷ்க்ருதம் ।
உத்பாடயித்வா வேகே³ன ஹனுமான்பவனாத்மஜ: ॥ 17 ॥
ததஸ்தம் ப்⁴ராமயாமாஸ ஶததா⁴ரம் மஹாப³ல: ।
தத்ர சாக்³னிஸ்ஸமப⁴வத்ப்ராஸாத³ஶ்சாப்யத³ஹ்யத ॥ 18 ॥
த³ஹ்யமானம் ததோ த்³ருஷ்ட்வா ப்ராஸாத³ம் ஹரியூத²ப: ।
ஸ ராக்ஷஸஶதம் ஹத்த்வா வஜ்ரேணேந்த்³ர இவாஸுரான் ॥ 19 ॥
அந்தரிக்ஷே ஸ்தி²தஶ்ஶ்தீமானித³ம் வசனமப்³ரவீத் ।
மாத்³ருஶானாம் ஸஹஸ்ராணி விஸ்ருஷ்டானி மஹாத்மனாம் ॥ 2௦ ॥
ப³லினாம் வானரேந்த்³ராணாம் ஸுக்³ரீவவஶவர்தினாம் ।
அடந்தி வஸுதா⁴ம் க்ருத்ஸ்னாம் வயமன்யே ச வானரா: ॥ 21 ॥
த³ஶனாக³ப³லா: கேசித்கேசித்³த³ஶகு³ணோத்தரா: ।
கேசின்னாக³ஸஹஸ்ரஸ்ய ப³பூ⁴வுஸ்துல்யவிக்ரமா: ॥ 22 ॥
ஸந்தி சௌக⁴ப³லா: கேசித்கேசித்³வாயுப³லோபமா: ।
அப்ரமேயப³லாஶ்சான்யே தத்ராஸன்ஹரியூத²பா: ॥ 23 ॥
ஈத்³ருக்³விதை⁴ஸ்து ஹரிபி⁴ர்வ்ருதோ த³ந்தனகா²யுதை⁴: ।
ஶதைஶ்ஶதஸஹஸ்ரைஶ்ச கோடீபி⁴ரயுதைரபி ॥ 24 ॥
ஆக³மிஷ்யதி ஸுக்³ரீவ: ஸர்வேஷாம் வோ நிஷூத³ன: ।
நேயமஸ்தி புரீ லங்கா ந யூயம் ந ச ராவண: ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்ரிசத்வாரிம்ஶஸ்ஸர்க:³ ॥
