ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சஷஷ்டிதமஸ்ஸர்க:³ ।
தப்யமானம் ததா² ராமம் ஸீதாஹரணகர்ஶிதம் ।
லோகானாமப⁴வே யுக்தம் ஸாம்வர்தகமிவானலம் ॥ 1 ॥
வீக்ஷமாணம் த⁴னுஸ்ஸஜ்யம் நிஶ்ஶ்வஸந்தம் புன: புன: ।
த³க்³து⁴காமம் ஜக³த்ஸர்வம் யுகா³ந்தே ச யதா² ஹரம் ॥ 2 ॥
அத்³ருஷ்டபூர்வம் ஸங்க்ருத்³த⁴ம் த்³ருஷ்ட்வா ராமம் து லக்ஷ்மண: ।
அப்³ரவீத்ப்ராஞ்ஜலிர்வாக்யம் முகே²ன பரிஶுஷ்யதா ॥ 3 ॥
புரா பூ⁴த்வா ம்ருது³ர்தா³ந்தஸ்ஸர்வபூ⁴தஹிதே ரத: ।
ந க்ரோத⁴வஶமாபன்ன: ப்ரக்ருதிம் ஹாதுமர்ஹஸி ॥ 4 ॥
சந்த்³ரே லக்ஷ்மீ: ப்ரபா⁴ ஸூர்யே க³திர்வாயௌ பு⁴வி க்ஷமா ।
ஏதத்து நியதம் ஸர்வம் த்வயி சானுத்தமம் யஶ: ॥ 5 ॥
ஏகஸ்ய நாபராதே⁴ன லோகான் ஹந்தும் த்வமர்ஹஸி ।
ந து ஜானாமி கஸ்யாயம் ப⁴க்³னஸ்ஸாங்க்³ராமிகோ ரத:² ॥ 6 ॥
கேன வா கஸ்ய வா ஹேதோஸ்ஸாயுத⁴ஸ்ஸபரிச்ச²த:³ ।
கு²ரனேமிக்ஷதஶ்சாயம் ஸிக்தோ ருதி⁴ரபி³ந்து⁴பி⁴: ॥ 7 ॥
தே³ஶோ நிர்வ்ருத்தஸங்க்³ராமஸ்ஸுகோ⁴ர: பார்தி²வாத்மஜ ।
ஏகஸ்ய து விமர்தோ⁴யம் ந த்³வயோர்வத³தாம்வர ॥ 8 ॥
ந ஹி வ்ருத்தம் ஹி பஶ்யாமி ப³லஸ்ய மஹத: பத³ம் ।
நைகஸ்ய து க்ருதே லோகான்வினாஶயிதுமர்ஹஸி ॥ 9 ॥
யுக்தத³ண்டா³ ஹி ம்ருத³வ: ப்ரஶாந்தா வஸுதா⁴தி⁴பா: ।
ஸதா³ த்வம் ஸர்வபூ⁴தானாம் ஶரண்ய: பரமா க³தி: ॥ 1௦ ॥
கோ நு தா³ரப்ரணாஶம் தே ஸாது⁴ மன்யேத ராக⁴வ ।
ஸரிதஸ்ஸாக³ராஶ்ஶைலா தே³வக³ந்த⁴ர்வதா³னவா: ॥ 11 ॥
நாலம் தே விப்ரியம் கர்தும் தீ³க்ஷிதஸ்யேவ ஸாத⁴வ: ।
யேன ராஜன்ஹ்ருதா ஸீதா தமன்வேஷிதுமர்ஹஸி ॥ 12 ॥
மத்³விதீயோ த⁴னுஷ்பாணிஸ்ஸஹாயை: பரமர்ஷிபி⁴: ।
ஸமுத்³ரம் ச விசேஷ்யாம: பர்வதாம்ஶ்ச வனானி ச ॥ 13 ॥
கு³ஹாஶ்ச விவிதா⁴ கோ⁴ரா நதீ³ பத்³மவனானி ச ।
தே³வக³ந்த⁴ர்வலோகாம்ஶ்ச விசேஷ்யாமஸ்ஸமாஹிதா: ॥ 14 ॥
யாவன்னாதி⁴க³மிஷ்யாமஸ்தவ பா⁴ர்யாபஹாரிணம் ।
ந சேத்ஸாம்னா ப்ரதா³ஸ்யந்தி பத்னீம் தே த்ரித³ஶேஶ்வரா: ॥ 15 ॥
கோஸலேந்த்³ர தத: பஶ்சாத்ப்ராப்தகாலம் கரிஷ்யஸி ।
ஶீலேன ஸாம்னா வினயேன ஸீதாம் நயேன ந ப்ராப்ஸ்யஸி சேன்னரேந்த்³ர ।
ததஸ்ஸமுத்ஸாத³ய ஹேமபுங்கை² ர்மஹேந்த்³ரவஜ்ரப்ரதிமைஶ்ஶரௌகை⁴: ॥ 16 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சஷஷ்டிதமஸ்ஸர்க:³ ॥
