ஶ்ரீமத்³வால்மீகீய ராமாயணே பா³லகாண்ட³ம் ।
அத² பஞ்சவிம்ஶஸ்ஸர்க:³ ।
அத² தஸ்யாப்ரமேயஸ்ய முனேர்வசனமுத்தமம் ।
ஶ்ருத்வா புருஷஶார்தூ³ல: ப்ரத்யுவாச ஶுபா⁴ம் கி³ரம் ॥ 1 ॥
அல்பவீர்யா யதா³ யக்ஷா ஶ்ஶ்ரூயந்தே முனிபுங்க³வ ।
கத²ன்னாக³ஸஹஸ்ரஸ்ய தா⁴ரயத்யப³லா ப³லம் ॥ 2 ॥
விஶ்வாமித்ரோப்³ரவீத்³வாக்யம் ஶ்ருண யேன ப³லோத்தரா ।
வரதா³னக்ருதம் வீர்யம் தா⁴ரயத்யப³லா ப³லம் ॥ 3 ॥
பூர்வமாஸீன்மஹாயக்ஷஸ்ஸுகேதுர்னாம வீர்யவான் ।
அனபத்யஶ்ஶுபா⁴சாரஸ்ஸ ச தேபே மஹத்தப: ॥ 4 ॥
பிதாமஹஸ்து ஸுப்ரீதஸ்தஸ்ய யக்ஷபதே ஸ்ததா³ ।
கன்யாரத்னம் த³தௌ³ ராம தாடகாம் நாம நாமத: ॥ 5 ॥
த³தௌ³ நாக³ஸஹஸ்ரஸ்ய ப³லம் சாஸ்யா: பிதாமஹ: ।
நத்வேவ புத்ரம் யக்ஷாய த³தௌ³ ப்³ரஹ்மா மஹாயஶா: ॥ 6 ॥
தாம் து ஜாதாம் விவர்த⁴ந்தீம் ரூபயௌவனஶாலினீம் ।
ஜ²ர்ஜ²புத்ராய ஸுந்தா³ய த³தௌ³ பா⁴ர்யாம் யஶஸ்வினீம் ॥ 7 ॥
கஸ்யசித்த்வத² காலஸ்ய யக்ஷீ புத்ரமஜாயத ।
மாரீசம் நாம து³ர்த⁴ர்ஷம் யஶ்ஶாபாத்³ராக்ஷஸோப⁴வத் ॥ 8 ॥
ஸுந்தே³ து நிஹதே ராம ஸாக³ஸ்த்யம்ருஷிஸத்தமம் ।
தாடகா ஸஹ புத்ரேண ப்ரத⁴ர்ஷயிதுமிச்ச²தி ॥ 9 ॥
ப⁴க்ஷார்த²ம் ஜாதஸம்ரம்பா⁴ க³ர்ஜந்தீ ஸாப்⁴யதா⁴வத ।
௦ ஆபதந்தீம் து தாம் த்³ருஷ்ட்வா அக³ஸ்த்யோ ப⁴க³வான்ருஷி: ॥ 1௦ ॥
ராக்ஷஸத்வம் பஜ⁴ஸ்வேதி மாரீசம் வ்யாஜஹார ஸ: ।
1 அக³ஸ்த்ய: பரமக்ருத்³த⁴ஸ்தாடகாமபி ஶப்தவான் ॥ 11 ॥
புருஷாதீ³ மஹாயக்ஷீ விரூபா விக்ருதானநா ।
இத³ம் ரூபம் விஹாயாத² தா³ருணம் ரூபமஸ்து தே ॥ 12 ॥
ஸைஷா ஶாபக்ருதாமர்ஷா தாடகா க்ரோத⁴மூர்சி²தா ।
தே³ஶமுத்ஸாத³யத்யேனமக³ஸ்த்யசரிதம் ஶுப⁴ம் ॥ 13 ॥
ஏனாம் ராக⁴வ து³ர்வ்ருத்தாம் யக்ஷீம் பரமதா³ருணாம் ।
கோ³ப்³ராஹ்மணஹிதார்தா²ய ஜஹி து³ஷ்டபராக்ரமாம் ॥ 14 ॥
ந ஹ்யேனாம் ஶாபஸம்ஸ்ப்ருஷ்டாம் கஶ்சிது³த்ஸஹதே புமான் ।
நிஹந்தும் த்ரிஷு லோகேஷு த்வாம்ருதே ரகு⁴னந்த³ன ॥ 15 ॥
ந ஹி தே ஸ்த்ரீவத⁴க்ருதே க்⁴ருணா கார்யா நரோத்தம ।
சாதுர்வண்யஹிதார்தா²ய கர்தவ்யம் ராஜஸூனுனா ॥ 16 ॥
ந்ருஶம்ஸமன்ருஶம்ஸம் வா ப்ரஜாரக்ஷணகாரணாத் ।
பாதகம் வா ஸதோ³ஷம் வா கர்தவ்யம் ரக்ஷதா ஸதா ॥ 17 ॥
ராஜ்யபா⁴ரனியுக்தானாமேஷ த⁴ர்மஸ்ஸனாதன: ।
அத⁴ர்ம்யாம் ஜஹி காகுத்ஸ்த² த⁴ர்மோஹ்யஸ்யா ந வித்³யதே ॥ 18 ॥
ஶ்ரூயதே ஹி புரா ஶக்ரோ விரோசனஸுதாம் ந்ருப ।
ப்ருதி²வீம் ஹந்துமிச்ச²ந்தீம் மந்த²ராமப்⁴யஸூத³யத் ॥ 19 ॥
விஷ்ணுனாபி புரா ராம ப்⁴ருகு³பத்னீ த்³ருட⁴வ்ரதா ।
அனிந்த்³ரம் லோகமிச்ச²ந்தீ காவ்யமாதா நிஷூதி³தா ॥ 2௦ ॥
ஏதைஶ்சான்யைஶ்ச ப³ஹுபீ⁴ ராஜபுத்ர மஹாத்மபி⁴: ।
அத⁴ர்மஸஹிதா நார்யோ ஹதா: புருஷஸத்தமை: ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ பஞ்சவிம்ஶஸ்ஸர்க:³ ॥
