ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்³விஷஷ்டிதமஸ்ஸர்க:³ ।
ஏவம் து க்ருத்³த⁴யா ராஜா ராமமாத்ரா ஸஶோகயா ।
ஶ்ராவித: பருஷம் வாக்யம் சிந்தயாமாஸ து³:கி²த: ॥ 1 ॥
சிந்தயித்வா ஸ ச ந்ருபோ முமோஹ வ்யாகுலேந்த்³ரிய: ।
அத² தீ³ர்கீ⁴ண காலேன ஸஞ்ஜ்ஞாமாப பரந்தப: ॥ 2 ॥
ஸ ஸஞ்ஜ்ஞாமுபலப்⁴யைவ தீ³ர்க⁴முஷ்ணம் ச நிஶ்ஶ்வஸன் ।
கௌஸல்யாம் பார்ஶ்வதோ த்³ருஷ்ட்வா புன ஶ்சிந்தாமுபாக³மத் ॥ 3 ॥
தஸ்ய சிந்தயமானஸ்ய ப்ரத்யாபா⁴த்கர்ம து³ஷ்க்ருதம் ।
யத³னேன க்ருதம் பூர்வமஜ்ஞானாச்ச²ப்³த³வேதி⁴னா ॥ 4 ॥
அமனாஸ்தேன ஶோகேன ராமஶோகேன ச ப்ரபு⁴: ।
த்³வாப்⁴யாமபி மஹாராஜ ஶ்ஶோகாப்⁴யாமன்வதப்யத ॥ 5 ॥
த³ஹ்யாமான ஸ்ஸஶோகாப்⁴யாம் கௌஸல்யாமாஹ பூ⁴பதி: ।
வேபமானோஞ்ஜலிம் க்ருத்வா ப்ரஸாதா³ர்த²மவாங்முக:² ॥ 6 ॥
ப்ரஸாத³யே த்வாம் கௌஸல்யே ரசிதோயம் மயாஞ்ஜலி: ।
வத்ஸலா சான்ருஶம்ஸா ச த்வம் ஹி நித்யம் பரேஷ்வபி ॥ 7 ॥
ப⁴ர்தா து க²லு நாரீணாம் கு³ணவான்னிர்கு³ணோபி வா ।
த⁴ர்மம் விம்ருஶமானானாம் ப்ரத்யக்ஷம் தே³வி தை³வதம் ॥ 8 ॥
ஸா த்வம் த⁴ர்மபரா நித்யம் த்³ருஷ்டலோக பராவரா ।
நார்ஹஸே விப்ரியம் வக்தும் து³கி²:தாபி ஸுது³:கி²தம் ॥ 9 ॥
தத்³வாக்யம் கருணம் ராஜ்ஞ: ஶ்ருத்வா தீ³னஸ்ய பா⁴ஷிதம் ।
கௌஸல்யா வ்யஸ்ருஜத்³பா³ஷ்பம் ப்ரணாலீவ நவோத³கம் ॥ 1௦ ॥
ஸா மூர்த்⁴னிப³த்⁴வா ருத³தீ ராஜ்ஞ: பத்³மமிவாஞ்ஜலிம் ।
ஸம்ப்⁴ரமாத³ப்³ரவீத் த்ரஸ்தா த்வரமாணாக்ஷரம் வச: ॥ 11 ॥
ப்ரஸீத³ ஶிரஸா யாசே பூ⁴மௌ நிபதிதாஸ்மி தே ।
யாசிதாஸ்மி ஹதா தே³வ க்ஷந்தவ்யாஹம் ந ஹி த்வயா ॥ 12 ॥
நைஷா ஹி ஸா ஸ்த்ரீ ப⁴வதி ஶ்லாக⁴னீயேன தீ⁴மதா ।
உப⁴யோர்லோகயோர்வீர பத்யா யா ஸம்ஸாத்³யதே ॥ 13 ॥
ஜானாமி த⁴ர்மம் த⁴ர்மஜ்ஞ த்வாம் ஜானே ஸத்யவாதி³னம் ।
புத்ரஶோகார்தயா தத்து மயா கிமபி பா⁴ஷிதம் ॥ 14 ॥
ஶோகோ நாஶயதே தை⁴ர்யம் ஶோகோ நாஶயதே ஶ்ருதம் ।
ஶோகோ நாஶயதே ஸர்வம் நாஸ்தி ஶோகஸமோ ரிபு: ॥ 15 ॥
ஶக்ய ஆபதித ஸ்ஸோடு⁴ம் ப்ரஹாரோ ரிபுஹஸ்தத: ।
ஸோடு⁴ம்மாபதிதஶ்ஶோகஸ்ஸுஸூக்ஷ்மோபி ந ஶக்யதே ॥ 16 ॥
த⁴ர்மஜ்ஞா ஶ்ஶ்ருதிமந்தோபி சி²ன்னத⁴ர்மார்த²ஸம்ஶயா: ।
யதயோ வீர முஹ்யந்தி ஶோகஸம்மூட⁴சேதஸ: ॥ 17 ॥
வனவாஸாய ராமஸ்ய பஞ்சராத்ரோத்³ய க³ண்யதே ।
ய ஶ்ஶோகஹதஹர்ஷாயா: பஞ்சவர்ஷோபமோ மம ॥ 18 ॥
தம் ஹி சிந்தயமானாயா ஶ்ஶோகோயம் ஹ்ருதி³ வர்த⁴தே ।
நதீ³னாமிவ வேகே³ன ஸமுத்³ரஸலிலம் மஹத் ॥ 19 ॥
ஏவம் ஹி கத²யந்த்யாஸ்து கௌஸல்யாயாஶ்ஶுப⁴ம் வச: ।
மந்த³ரஶ்மிரபூ⁴த்ஸூர்யோ ரஜனீ சாப்⁴யவர்தத ॥ 2௦ ॥
ததா² ப்ரஸாதி³தோ வாக்யைர்தே³வ்யா கௌஸல்யயா ந்ருப: ।
ஶோகேன ச ஸமாக்ராந்தோ நித்³ராயா வஶந்தோமேயிவான் ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்³விஷஷ்டிதமஸ்ஸர்க:³ ॥
