ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகபஞ்சாஶஸ்ஸர்க:³ ।
இத்யுக்த்வா ஹனுமாம்ஸ்தத்ர புன: க்ருஷ்ணாஜினாம்ப³ராம் ।
அப்³ரவீத்தாம் மஹாபா⁴கா³ம் தாபஸீம் த⁴ர்மசாரிணீம் ॥ 1 ॥
இத³ம் ப்ரவிஷ்டாஸ்ஸஹஸா பி³லம் திமிரஸம்வ்ருதம் ।
க்ஷுத்பிபாஸாபரிஶ்ராந்தா: பரிகி²ன்னாஶ்ச ஸர்வஶ: ॥ 2 ॥
மஹத்³த⁴ரண்யா விவரம் ப்ரவிஷ்டா: ஸ்ம பிபாஸிதா: ।
இமாம் ஸ்த்வேவம்விதா⁴ன்பா⁴வான்விவிதா⁴னத்³பு⁴தோபமான் ॥ 3 ॥
த்³ருஷ்ட்வா வயம் ப்ரவ்யதி²தாஸ்ஸம்ப்⁴ராந்தா நஷ்டசேதஸ: ।
கஸ்யைதே காஞ்சனா வ்ருக்ஷாஸ்தருணாதி³த்யஸன்னிபா⁴: ॥ 4 ॥
ஶுசீன்யப்⁴யவஹார்யாணி மூலானி ச ப²லானி ச ।
காஞ்சனானி விமானானி ராஜதானி க்³ருஹாணி ச ॥ 5 ॥
தபனீயக³வாக்ஷாணி மணிஜாலாவ்ருதானி ச ।
புஷ்பிதா: ப²லவந்தஶ்ச புண்யாஸ்ஸுரபி⁴க³ந்தி⁴ன: ॥ 6 ॥
இமே ஜாம்பூ³னத³மயா: பாத³பா: கஸ்ய தேஜஸா ।
காஞ்சனானி ச பத்³மானி ஜாதானி விமலே ஜலே ॥ 7 ॥
கத²ம் மத்ஸ்யாஶ்ச ஸௌவர்ணா த்³ருஶ்யந்தே ஸஹ கச்ச²பை: ।
ஆத்மானமனுபா⁴வம் ச கஸ்ய சைதத்தபோப³லம் ॥ 8 ॥
அஜானதாம் ந ஸ்ஸர்வேஷாம் ஸர்வமாக்²யாதுமர்ஹஸி ।
ஏவமுக்தா ஹனுமதா தாபஸீ த⁴ர்மசாரிணீ ॥ 9 ॥
ப்ரத்யுவாச ஹனூமந்தம் ஸர்வபூ⁴தஹிதே ரதா ।
மயோ நாம மஹாதேஜா மாயாவீ வானரர்ஷப:⁴ ॥ 1௦ ॥
தேனேத³ம் நிர்மிதம் ஸர்வம் மாயயா காஞ்சனம் வனம் ।
புரா தா³னவமுக்²யானாம் விஶ்வகர்மா ப³பூ⁴வ ஹ ॥ 11 ॥
யேனேத³ம் காஞ்சனம் தி³வ்யம் நிர்மிதம் ப⁴வனோத்தமம் ।
ஸ து வர்ஷஸஹஸ்ராணி தபஸ்தப்த்வா மஹாவனே ॥ 12 ॥
பிதாமஹாத்³வரம் லேபே⁴ ஸர்வமௌஶனஸம் த⁴னம் ।
வனம் விதா⁴ய ப³லவான்ஸர்வகாமேஶ்வரஸ்ததா³ ॥ 13 ॥
உவாஸ ஸுகி²த: காலம் கஞ்சித³ஸ்மின்மஹாவனே ।
தமப்ஸரஸி ஹேமாயாம் ஸக்தம் தா³னவபுங்க³வம் ॥ 14 ॥
விக்ரம்யைவாஶனிம் க்³ருஹ்ய ஜகா⁴னேத்ர: புரந்த³ர: ।
இத³ம் ச ப்³ரஹ்மணா த³த்தம் ஹேமாயை வனமுத்தமம் ॥ 15 ॥
ஶாஶ்வதா: காமபோ⁴க³ஶ்ச க்³ருஹம் சேத³ம் ஹிரண்மயம் ।
து³ஹிதா மேருஸாவர்ணேரஹம் தஸ்யாஸ்ஸ்வயம்ப்ரபா⁴ ॥ 16 ॥
இத³ம் ரக்ஷாமி ப⁴வனம் ஹேமாயா வானரோத்தம ।
மம ப்ரியஸகீ² ஹேமா ந்ருத்தகீ³தவிஶாரதா³ ॥ 17 ॥
தயா த³த்தவரா சாஸ்மி ரக்ஷாமி ப⁴வனோத்தமம் ।
கிம் கார்யம் கஸ்ய வா ஹேதோ: காந்தாராணி ப்ரபஶ்யத² ॥ 18 ॥
கத²ம் சேத³ம் வனம் து³ர்க³ம் யுஷ்மாபி⁴ருபலக்ஷிதம் ।
இமான்யப்⁴யவஹார்யாணி மூலானி ச ப²லானி ச ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகபஞ்சாஶஸ்ஸர்க:³ ॥
